على فكرة الموضوع جميل ورائع
ومش كنت اتوقع انى أشوف موضوع زى ده هنا
كل الموضوعات هنا فى الاتجاه المعاكس على طول وبترفع شعارات أنا مش معاها خالص
بس للاسف أنا مش أقدر أشارك
لانى لو شاركت ممكن تحسوا انى غريب او تفكيرى غريب وممكن تقولى عليا كلام مش كويس
فيكفينى أنى اتابع عن بعد
وشكرا يا محمد على الموضوع

ازيك يا محمد باشا

اسمحلي يا باشا

هتقل عليكوا وهشارك معاكوا

غصب عنك يا محمد

ههههه

موضوع حلو يا محمد

واسحلي يا ريس هشارك معاكوا

السلام عليكم ورحمه الله بعد غياب فترة طويله عن المنتدي نظراً لفترة المراجعة
اسمحولي يا جماعه اشارك معاكم بعد تحيتي الطيبه الخاصه بالاخ محمد لورد
والله ( الطيبون للطيبات و الخبيثون للخبيثات )
يعني ان كل شاب طيب وفي حاله ربنا هيرزقه بواحده طيبه زيه ، وكل شاب عاص عاق ربنا هيرزقه بواحده فظيعه سيئة
ولكن هنا يا حضرات العمليه متعادله تماما بمعني الشباب بيكدبوا عشان يحسنوا مظهرهم قدام البنات والبنات كذلك بيلبسوا لبس عالي أوي لدرجة التبرج عشان تحسس الشاب ان مستواها عالي مع أن لو كل واحد قال الصراحة مش هيجري حاجه والكدب ملوش رجلين ودي النقطة الأولي ،
أما النقطة التانية عادة سيئة للجنسين ومشهوره جداً
بالنسبة للشباب هي التدخين وهذه العادة بتدمر اللي بيشرب واللي بتشم الرائحة لو هي جنبه بتضر زيه بالظبط
بالنسبة للبنات اللبس الفظيع اللي بيلبسوه اللي بقع أصبح عادي وواقع وحلال مزيف برده ده بيضر الشباب وكل سيئة بياخدها الشاب الأخت الفاضلة بتاخدها سيئتين واحده للبس وواحده لضرر الشاب
فالمسألة يا أخواني شديدة التعقيد إلي حد ما والمطلوب ان كل واحد يحاول انه يقلل عيوبه علي قدر المستطاع وليس المعالجة للعيوب بكدبه تطور الخطيئة أكثر من ذلك ، ومن هنا تجد العملية متعادلة تماما ما بين الجنسين

أسف طولت عليكم ولكن هذا ما يحدث الان مابين أخواننا و أخواتنا وربنا يحفظنا جميعا من شر الكدب والفتن والضرر

مصطفي محمد نور ، مدرس اللغة الفرنسية

الموضوع ده حلو اوى اوى وحيكون متجدد با ستمرار لان الشباب والبنات فيهم عيوب واكيد كل طرف حيطلع كل العيوب فى الطرف الاخر بس حتكون مناقشة حلو والكل حيستفاد منها يامحمد

ياريت يتم تثبيت الموضوع عشان الكل يستفاد

متابعة معاكم باذن الله
بس معنديش حاجة اقولها بصراحة
انا هتفرج على الحوار بس

الموضوع عاجبنى والله بس انا مش عارفه احدد نقطة معينة عشان اتكلم فيها
بس فى حاجة انا ملاحظها ومش عاوزه اعممها على الشباب كلهم
ساعات بحس ان اغلب الشباب تافهين اوى من جواهم وده بينعكس فى تعاملاتهم مع اى حد
يعنى بحس ان تفكير اغلبهم سطحى
هو اكيد مش كلهم بس اغلب اللى بسمعهم بيتكلموا بلاقيهم يتكلموا فى حاجات تافهة وبيغظونى اوى بصراحة
يعنى اليومين دول واللى بيحصل فى المسلمين فى فلسطين تلاقيهم ولا على بالهم حاجة وبيتكلموا عن الكرة ومش عارفه مين كسب ومين خسر
قليل اوى اللى تلاقيه حاسس باللى بيحصل

بس انا قولت مش عايزة اعمم الحكاية دى
لانى برضة بشوف ناس مهتمين باللى بيحصل بجد
لكن اغلب الشباب اليومين دول بجد تافهين اوى