صعب بس حلو جدا لانه تصميمي وفيه رسم كتير بتدرسي مواد هندسية ومواد فنية وكمان مفيهوش تنسيق داخلى ولا حاجة ف الموضوع مريح نسبيا
بس المواد كتير واكيد مدام مجال عملى هيبقى صعب جدا من ناحية مشاريعه كتير وعايز شغل جامد مش اى كلام :)
ودة سر النجاح بتاع عمارة فنون جميلة بس الاسهل فى الضغط والمذاكرة فنون جميلة لان المواد النظري فيه تكاد تكون مش موجودة :)

شكرا اوى ويارب فعﻻ متكونش صعبة عليا بس عاوزة اعرف عمارة اسهل وﻻ ديكور لأن انا اعرف ناس كتير فى ديكور وبيشتكوا منها اوى بس هم فى فنون تطبيقية

السلام عليكم
انا طالبة ثانوية عامة علمي علوم
وكان هدفي اني ادخل كلية صيدلة او لو مش لحقتها ادخل فنون تطبيقية
وكنت ماشية كويس في الامتحانات الحمدلله بس امبارح في الفيزيا تعبت جامد
ومحلتش فيها حلو خالص يعني انا ممكن انجح بالعافية مع العلم انو مستوايا ممتاز وبقفل فيها والله بس قدر الله وماشاء فعل
بس انا من ساعتها مش قادرة اكمل مذاكرة باقي المواد ولا اي حاجة
وحاسة اني هجيب مجموع وحش اوي الحمدلله علي كل حال
انا بس كنت عايزة اسأل انا لو ملحقتش فنون طبيقية ممكن ادخل فنون جميلة وهي فيها نفس قسم الديكور اللي في تطبيقية ؟
وعايزه اعرف هي فنون جميلة المنيا بتاخد من كام لانو سمعت انها بتاخد مجموع اقل بكتير من فنون جميلة الاسكندرية والمنصورة
ارجوكم ي جماعة حد يساعدني لانو حاسة اني هتهبل بجد

ديكور بصراحة صعبة جدا وبهدلة بس قصاد دة بتتعلموا بجد حاجة مش مجرد كلام وخلاص والتعب دة هتعرفوا انه مفيد جدا بعدين لانكوا هتتخرجوا بجد فاهمين ومتعلمين غير نظام مصر فى التعليم خالص

رديت عليكى فى التوبيك بتاعك :)

هل يوجد قسم كرديت فى عماره فنون لو سمحتم

لا للاسف :) موجود بس فى تطبيقية خاص

انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما

للاسف صعب جدا لا زم تكون ممتحنها فى سنتك :)

السلام عليكم
بصراحه كلامك جميل جدا بس عايزه اعرف لو انا مش بعرف ارسم ممكن ادخل فنون جميله انا بحب الرسمﻻجدا والالوان بس معنديش قدره على الرسم بحرفه فممكن ادخل ولا لازم اكون برسم كويس

وعليكم السلام
مش شرط اجادة الرسم لان الرسم سهل يتعلم وسهل تاخد الاساسيات والقواعد
ممكن تنجح طبعا وياما ناس اشتغلت وطلعت شغل كويس جدا وهما مكانوش بيعرفوا يمسكوا قلم
الموضوع بالارادة ومش صعب ابدا لان فى كتب كتير بتعلم الرسم وبطرق مختلفة

هااي
لو سمحتي انا حاليا ف 2 ثانوي و هدخل علمي علوم ان شاءالله
و نفسي ادخل فنون جميلة اووي انا عندي الموهبه الحمدلله و كله بيشجعني ع كدا المدرسين و اهلي و ادخل قسم تصوير و انا مايله له بس كمان بحب الديكور فممكن تقوليلي الفرق ما بينهم بالظبط و انهي انسبلي
ميرسي ي جميل و اسفه ع كتر الاسئله :-)

اهلا بحضرتك :)
هو بصراحة الاتنين ليهم نفس امتحان القدرات وهو فنون جميلة فنون
تصوير بينقسم اما تصوير جدارى او زيتى مجرد فن ورسم وتصميم جداريات
لكن ديكور دة بتاع التصميم والعمارة الداخلية interior design ودة اكتر مجال محتك بسوق العمل ومجال فرصه اكتر واحسن طبعا ودة دراسته هندسية جدا جنب دراسة فنية ومهنية
انا ارشح ديكور ولو ان فى ناس بتدخل تصوير وبتاخد كورسات
ديكور بينقسم لشعبتين اما عمارة داخلية او فنون تعبيرية اللى هى ديكور مسرح وسينما وتليفزيون وازياء وقسم جميل جدااااااااا
على حسب حضرتك حابة انهى مجال اكتر
وتحت امر حضرتك فى اى استفسار فى اى وقت طبعا :)
بالتوفيق يارب

السلام عليكم
لو سمحت معلش انا عارفه ان سؤالي ملهوش علاقه بالموضوع بس بجد محتاجه الرد ضروري
انا حاليا 3 ثانوي ادبي و نفسي ادخل حاجه فيها فسم لتصميم الازياء للاسف دورت كتير مفيش ف مصر كليه اسمها كدا لحد م اقيت فنون تطبيقيه كانو بيقولو قسم الفاشون بياخد من ادبي و علمي عادي و كنت حاطه كل املي عليه
فهل بجد مبيخدش ادبي ؟😢
و مفيش اي كليه تانيه يوجد فيها قسم للفاشون ف مصر خالص ؟؟؟
و ميرسي مقدما 😊

السلام عليكم
انا عندي سؤال ..انا دلوقتي حابه اني ادخل الكليه دي باذن الله بس معرفش ايه القسم الي ممكن يناسبني بس عموما يعني انا بعرف ارسم و اقلد رسومات و كده ف ايه هو القسم الي ينفعني ؟
و في سؤال تاني ..يعني الكليه دي ليها مستقبل و فرص عمل ف مصر؟

و ايه المحافظات الموجود فيها كليه فنون جميلة

شكرااااااااااااا جزيلا