سؤالين
1- ايه اخبار التشيكى من ناحية المستقبل و ايه سبب اختيارسرانتى له؟
2- انا جايب 46.5 انجليزي و 49 المانى كنت عاوز ادخل يابانى بس عارف انه صعب وبرضة الكوري كذلك فكرت فى الصينى وفى ناس بتقول له مستقبل بس انتوا خوفتيونى و قفلتونى منه شويه صراحة حيرتينونى

انا قرات كل الردود وكنت ناويه اخد انجلش فرست والماني سكند بس خفت جدا من الي قراته في الردود...ف اي اقتراحتكم ليا ولو هاخد انجلش والماني ممكن اعمل حاجه في الاجازه دلوقتي علشان يكونوا سهلين عليا .........واللغتين اصلا مستقبلهم كويس ولا؟؟؟؟؟؟؟؟؟؟؟؟؟

انا بفكر الاول انا هخرج من السن هشتغل اية فى سياحة وفى ترجمة وفى شغل تانى كمان بس هما دول المعروفين بالنسبة ل السن وانا فكرت ف السياحة عشان مجالها مفتوح وبالنسبة للغات دة ترتيب اللغات اللى شغالة ف السياحة دلوقتى
1 ـ صينى 2 ـ روسى 3ـ تشيكى 4ـ ايطالى 5ـ المانى ففكرت اخد ايطالى لغة اولى والسكند روسى ؟؟؟؟؟؟ ف حد يقولى اية راية ف كدا ؟؟؟؟؟؟؟؟؟؟؟

سلام عليكم يا جماعة
الف شكر وتقدير للناس المحترمة اللي بتساعد معانا وتفيدنا بارائهم الجميلة

بس انا معلش ليا سؤال
انا دلوقتي عايزة اخد لغة حلوة ومش لازم تكون سهلة المهم تكون مطلوبة كتير وينفع اشتغل بيها انشاء الله
انا فكرت اخد انجلش فرست علشان انطق احسن واتكلم بسرعة زي الاجانب واخد لغة تانية وكنت ههتم بيها بردو طالما هزاكر امال يعني داخلة جامعة ليه ...؟؟!!!
بس الاستاذ مصطفي قال انه صعب والدكاترة رخمين يعني ممكن متقبلش المادة بسسبهم حتي لو انا بحب الانجلش اووي
وكمان
الصيني صعب وانا اصلا كنت علمي مش هعرف احفظ صم واياباني مجموع الانجلش بتاعه كبير بس ممكن ينزل السنة دي علشان الدروب اللي حصل السنة اللي فاتت في الامتحانات معانا كان جاي رخم شوية
هاه قولتولي ايه بقي في موضوع اللغة لاني بجد والله تايهةومش عارفة اختار وخايفة اختار غلط لاني معنديش خبرة كفاية في اللغات دي وايه المهم وكده

حاولى تتعلمى نطق الانجلش صح اولا لان النطق بتاعكوا غلط خاااااااالص

بالنسبه للالمانى لو عايزة تتعلمى برضو عندك موقع livemochaتحفه عشان تتعلمى منه
مع انهم هيبداوا معاكى من الاول الالمانى

لكن الانجلش هتشتغلى علطول فى الماده يعنى مفيش بدايات ليها زى باقى اللغات

وحاولى تعرفى كلمات اكتر فى الانجلش لان الدكاترة مش بيتكلموا عربى مع انهم عرب

مش عارفه انت ممكن توفق بين اللغتين ولا لا بس فيه ناس زيك بتاخد لغتين مختلفتين

انت حاول تركز بقى على اللغتين بس بالنسبه للشغل هتشتغل اكتر باللغه الاولى لكن التانيه لازم كورسات

هماا مش رخمين اوى بس بتاخدى حاجاات كتييييييييييييييييييرة جدااااااااااااااااااااااااااااا يعنى ممكن تتعبى بس المهم بتطلعى بتتكلمى انجلش برفكت
وبتاخدى الفرق بين اللغات الا نجليزيه الاميريكان والبريتش

ما بقول شوفى انهى لغه انتى مرتاحه لها اكتر واتكلى على الله
طالما بتحبيها يبقى هتقدرى تمشى فيها
بالنسبه للسكند متخافيش منه واختارى لغه كويسه والدراسه السكند بتكون سهله جداااااااااا ومش بتتوسعى فيها زى الفرست

فاختارى لغه انتى بتحبيها برضو

المدارس عشان بياخدوا مواد ازاى يتعاملوا مع التلاميذ وكده
لكن احنا عندنا فى اليكس خريجى السن وبالذات المانى وايطالى بيشتغلوا فى المدارس علطول عشان فى تربيه مفيش ايطالى والمانى

مش عندى نماذج غير المدرس بتاع الايطالى ايام الثانويه العامه

فيه بيكون مجالات شغل فى دمياط والاقصر وحتت كتير بس النسب بتكون صغيره طبعا

شكرا لردك انا عارف ان لغتين جداد عليا يبقا صعب بس لو مشينا بمبدا صعب وسهل محدش هيدرس حاجة وكمان لو الكل بيفكر انة ياخد انجلش اساسا الانجلش ممكن اى حد يقوية بنفسة اة مش هيبقا زى اللى درسة فى السن بس الاهم انك يبقا معاك لغات جديدة تقد تفيدك ف مجال شغلك ....

سرانتى من فضلك، بما إنك من إسكندرية ومقيمة فى المدينة الجامعية، من وجهة نظرك البنت الغير مسرفة أوى وبرده مش ماسكة أوى ممكن تحتاج من والدها مبلغ كام فى الشهر شامل كل حاجة ..... إدينى مبلغ إجمالى تقريبا شامل المدينة والمواصلات والمصروف الشخصى وأى حاجة أخرى ................. ألف شكر.

المدينه50
المواصلات 50 لو بتروح كل يوم بالميكروباص اللى ب 1.25 ممكن تعمل اشتراك مترو ب35 باين 3 اشهر فده هيكون اوفر

المصاريف العاديه ممكن تدخل فى 100 جنيه فى الشهر

يعنى 200 جنيه تقريبا

[quote=sranty;3829435]المدينه50
المواصلات 50 لو بتروح كل يوم بالميكروباص اللى ب 1.25 ممكن تعمل اشتراك مترو ب35 باين 3 اشهر فده هيكون اوفر

المصاريف العاديه ممكن تدخل فى 100 جنيه فى الشهر

يعنى 200 جنيه تقريبا[/quot

أكيد ياسرانتى 200 جنيه بس ؟ ده مصاريف الدروس الخصوصية فى الثانوية العامة كانت بتعدى الـ 500 جنيه، طب ياسرانتى إنتى مثلا .............. بتسافرى إسكندرية كل شهر ولا كل أسبوعين؟ وإيه الأفضل من وجهة نظرك للبنت السفر لمدينتها (الإسكندرية، بورسعيد ، المنصورة ..............) كل أد إيه؟ .... وشكرا لردك مقدما.

أكيد ياسرانتى 200 جنيه بس ؟ ده مصاريف الدروس الخصوصية فى الثانوية العامة كانت بتعدى الـ 500 جنيه، طب ياسرانتى إنتى مثلا .............. بتسافرى إسكندرية كل شهر ولا كل أسبوعين؟ وإيه الأفضل من وجهة نظرك للبنت السفر لمدينتها (الإسكندرية، بورسعيد ، المنصورة ..............) كل أد إيه؟ .... وشكرا لردك مقدما.[/quote]

انا عن نفسى باخد بزياده معايا كمان لانى مش عامله اشتراك قطر فبحجز القطر كل لما بنزل

انا فى الاول كنت بقعد اسبوعين عشان مش كنت بستحمل لكن مع مرور الوقت بقيت اقعد شهر مع اصحابى لان هناك بيكون الوضع احلى يعنى بتتكلموا وبتذاكروا مع بعض وكمان بتاكلوا مع بعض يعنى الحياه ممتعه جدااااااااا

السنه دى ناويه اطول شويه فى المدينه يعنى ممكن اقعد شهر ونص كده يعنى

على حسب الارتياح هتقدر تقعد اكتر
لانى كل سنه بقعد مع نفس اصحابى عشان كده بنكون متعودين على بعض اكتر

دلوقتى مفيش فرق بين البت والولد فى السفر
يعنى براحتك خالص
لو ارتحتى اقعدى لو مش ارتحتى سافرى

انا طالبة جديدة السن عين شمس وبصراحة قريت كل ردودكوا ومبسوطة قوى من التعاون اللى شايفاة بس انا عايزة نصيحة اتا جايبة انجليش 49ونصف والايطالى 50 والكل بيقولى يابانى فرست وانجليش سكند اية رايكم مع العلم انى شفت اليابانى على مواقع كتير وحاسة انة صعب جدا ارجوكوا انصحونى علشان انا محتارة جدا