اسنان اسهل بس هي تخصص واحد رئيسى وانتهينا (عارف جواها تخصصات بس كلها حجات فرعية وفى مصر كله شغال كله)
طب بشرى عشرات التخصصات تختار اللى انت حابه وملهاش اى عيوب وحتى طول سنينها ده مش عيب ..
لو انت شايف انك حتسد فى طب بشرى خشها
لو لأ يبقى شوف اسنان

بصراحة رأيي الاتنين حلوين .. بس رأيي الشخصى الطب البشرى أحلى وأفضل وله رونق خاص به

اه خدت بالي من التوقعات دي ، بس ملكيش دعوة بيها لأن ،كلها توقعات ومفيش حاجة رسمية لحد دلوقتي ، اكتبي اسنان رغبة اولي ، واكتبي كل كليات اسنان الممكنة ، وبعدها صيدلة ، وان شاء الله هنلحق متخافيش ، لان صعب اسنان تاخد 98.5

أهلا بيك يا احمد :)

دي آراء ، كل واحد وله رأيه ، انا ليا قرايبي كيير مخلصين طب بشري ، ومحضرين ماجستير ودكتوراة ، وحاليا داخلين ع الاربعين ومرتباتهم برة مصر كبيرة جدا ما شاء الله ورغم ذلك نصحوني بأسنان ، الطب عقبال لما يكون ليك اسم هتكون زهرة شباب راحت :d

والله اتمنى الحقها انا جايبة 98.2 بس فاقدة الامل تماااااااااااااااااااااااااااماااااااااااااااااااا اااااااااا بس اكيد هكتبها فى الرغبات
ربنا يسترها معانا

بس فى الطب حتقدر تنقذ روح انسان
حتقدر تحول واحد من حالة انه على سرير مش قادر يتحرك لشخص طبيعي عادى سليم

لكن فى اسنان ... حتخفف الم برضه لكن مش زي حجات الطب ;)

يعني لو واحد عنده كبد بايظة وضرس بايظ اعتقد حيعالج الكبد :d
وبخصوص تعمل اسم الكلام ده اهى ارزاق بيد الله بقى ..:d

انا محتاااااااااااااااره جدا ومش عارفه اعمل ايه مش عارفه ادخل طب ولا اسنان ولا صيدله

بصي ، دي رسالة ابن خالتي ليا ، بعتهالي ع الفيس من يومين تقريبا ، هو مخلص اسنان هو



نفكر بطريقة منطقية شوية
أولاً كلية الطب :


مشكلتها الوحيدة ان دراستها 6 سنين وآخر سنة دي بتبقي سنة ونص بالإضافة لسنة الامتياز
يعني 7 سنين ونص دراسة


وتاني مشكلة فيها انك لازم تعمل ماجيستير على الأقل
عشان تبقى مميز


ثانياً الصيدلة
مستقبلها مش حلو أوي
معظم الناس بيبقى مصيرها حاجة من اتنين

يا اما مندوب مبيعات في شركة أدوبة بيلف على الدكاترة يسوق الأدوية

يا اما بيفتح صيدلية ويوقف حد فيها
بقالة يعني

الا بقى الفلتات
يعني ممكن حظك يبقى حلو وتشتغل في شركة أدوية نضيفة مثلا
وتشارك في تصنيع أدوية


بالنسبة لأسنان بقى
أقولك مميزاتها وعيوبها

مميزاتها انها 5 سنين بس بالاضافة لسنة امتياز
ثانياً اسمك دكتور وبريستيج وحركات

ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة
رابعاً المناهج سهلة -نسبياً- بالنسبة لبشري وصيدلة


انا بقول نسبياً ... عشان المناج برضه رخمة في أسنان بس مش زي بشري
يعني مثلاً احنا عندنا مواد من طب بشري بندرسها في اسنان
بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده



خامس ميزة (وأهم ميزة ) ان انا في اسنان وهقدر اساعدك بإذن الله سواء في المذاكرة أو في الشغل العملي
بس لازم تيجي عندنا القصر العيني
العيوب بقى
1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين
يعني ممكن تدفعلك في السنة آلافات عشان الأدوات
2- فيه ناس شايفة ان 5 سنين دراسة وسنة امتياز كتير بالنسبة لصيدلة
3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات)
لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله
آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها
ربنا يهديك للي فيه الخبر إن شاء الله
الخير*

يا ابوحميد مش بتتحسب كده هي ، كمان احنا عايزين حاجة تجيب فلوس وبسرعة :d
سيبك بقي من الشعارات والكلام الكبير ده :d

بص يا معلم ، كل مهنة وليها ظروفها او ليها اهميتها ،وكل واجد فينا ربنا بيحطه ف مكان معين عشان يؤدي دور معين ، بغض النظر عن اهمية الدور ده - من وجهة نظرنا كبشر - .

كمان انك تخفف اي الم مهما كان بسيط عن مريض ، ده ليه ثواب كبير ، واهم حاجة تتقي ربنا ف شغلك وفي مرضاك اللي وثقوا فيك واختاروك من بين كل الدكاترة ، وهنا هتلاقي البركة من ربنا

هنلحق اسنان وهفكرك يا دكتورة ;)
وبإذن الله هنحتفل كلنا هنا يوم ظهور التنسيق ويوم اخطارنا بالقبول ف اسنان :)

يااااااااااااااااااااااااااارب اتمنى جدا انا كمان 98.4 وهموت ع اسنان بس بالتوقعات دى بدأت اقلق جامد
بعد ما كنت بحاول اقنع الناس اللى ف البيت بانى هجيب بشرى بس انا اللى رفضاه دلوقتى بقولهم ادعوا الحق اسنان وان شاء الله خير بس كل المؤشرات بتقول اسنان احسن
وبالنسبة لموضوع القصر العينى ده حلو اوى اشوف كل الحالات المرضية بس معلش
دلوقتى بقى انا اقربلى المنصورة او طنطا (هو يقصد القصر العينى اللى ف كايرو بس ولا اى مستشفى عام وخلاص) وربنا يوفقنا كلنا يارب

يا صديقي انت ضامن انك لما تفتح عيادة اسنان تشتغل ويجيلك 60 حالة كل يوم ؟
ماهو ممكن فى طب اسنان تفتح عيادة وما تبدأش اسمك يتشهر غير بعد سنتين تلاتة
وممكن فى طب بشرى اسمك يتعرف بعدها بكام شهر
وممكن العكس وممكن اى شئ والله ادري واعلم بالأرزاق :)
ومش حكاية شعارات ولا حاجة ..
بس فى الطب البشرى
You're making a difference in people's life :022yb4:
هى ميزة اسنان انها اقصر واسهل واسرع

عموما ربنا يوفقك فى اى حاجة تختارها
بس برضه مجالات الطب البشرى تختلف عن اى حاجة تانية :p:p:p

يا احمد باشا دي ارزاق وكل حاجة بإيد ربنا ، انا مش بحجر علي رأيك بإنك تحب طب او تكرهها ، بالعكس ، دي آراء وحرية ، كل واحد له اسبابه اللي تحببه ف المهنة . . لكن برضو انا عند رأيي بإن اسنان احسن بكتير :d

المهم تكون حابب المهنة عشان تقدر تأدي فيها كويس يا برنس :d

انت ف سنة كام صحيح ؟؟ :d

بصي يا دكتورة ، سيبك من اي توقعات ، ده حتي اسمها توقعات ، يعني مش حاجة اكيدة او حقيقية ، خلي عندك ثقة ف الله كبيرة ، وصعب اسنان توصل 98.5 ، علي الاقل هيكون ليها حد ادني معقول وهنلحقه . . هبقي افكرك انتي كمان يوم ظهور التنسيق باننا هندخل اسنان :d

عارفة ، احنا فينا ميزة ، مجموعنا غالبا هيلحق كذا كلية من كليات الطب ورغم كده مش هنكتبها رغبة اوي عشان نفسنا ف كلية معينة ، غير بعض الجهلة اللي يقولك هدخل طب عشان انا جايب مجموعها ويبقي اسمي دكتور !!

فإن شاء الله انا كلي ثقة بالله انه لن يضيعنا ابداً بإذن الله

بالنسبة للقصر العيني ، فالمقصود بيها جامعة القاهرة بس

بالمناسبة يا دكتورة ، سنتي التالتة من تحت بتوجعني اخدلها ايه ؟ :D

وانا كمان معاكم98.5 ويارب الحق اسنان انا كل اما اشوف المواضيع وبتتكلموا ع التنسيق بتجنن

بس عايزه اعرف حاجه اعداد المقبولين ف طب حسب مابتقولوا 7000 طيب واسناااااااان كام؟؟؟ زيها بردو ولا ايه ؟؟

اسنان سمعت انها 1500 او 2000 طالب

عدد الطلبة من 98 % : 100 % 8000 وشوية

ومش كل الطلبة دي هتدخل طب واسنان لان كتير منهم بيدخل صيدلة زي كتير من البنات ، فالتنسيق هيكون معقول