|
يعنى والله تاعب نفسك يا عادل
انا حاسة ان اعصابك هتبدأ تتعب من مواضيعى والله |
والله هي لو مكنتش مفيده كنت هحذفها واخلص
|
السلام عليكم
فكرة جميله وجديده حقيقى الحقيقة انى اول مره اسمع الكلمه دى ودفعنى الموضوع للبحث والتقصى عن معناها وايضا الهدف من الموضوع انه ضد استخدام كلمه copy وايضا كلمه pasty والحقيقة اننى لما قرأت عن الباراديم وطبعا بسبب موضوعك الجميل اكتشفت انى اعرفه من زمان جدا اقصد يعنى الاحساس به موجوده ولكن لم اكن اعرف المصطلح العلمى له ولا اعرف ايضا تقسيماته بالشكل العلمى ولكنى كنت اعرفه بالشكل المحسوس وهو باختصار يشرح نوعية وطرق التفكير وازاى بيقدر يفرق بين التفكير بين شخص وشخص حسب ظروف كل انسان وطريقة حياته وتفكيرة حتى لو كان الموقف واحد شوفوا معايه الجزا التالى ..... عندما يسير الناس بسياراتهم في طريق سريع تتحلى جوانبه بالشجيرات والورود الجميلة فقد لا يرى بعضهم هذه الورود لأنه يسير بسرعة كبيرة وقد لا يراها آخرون لانشغال أذهانهم بحدث أو مشكلة أو ببرنامج إذاعي ممتع .. وقد يرى البعض الورد ويعجب به .. وهناك من يتمنى زراعة المزيد منه أو إضافة أنواع أخرى وفئة أخرى من الناس تتمنى لو أتيحت لها الفرصة للتوقف والتجول بين هذه الأزهار واستنشاق عطورها ووصف جمالها .. وربما جادت قريحتهم بأبيات شعر رائعة تتغزل بالورد وجماله .. وقد يراها البعض مصدراً للعطور بينما يراها آخرون مصدراً للمبيدات الحشرية وهناك فئة أخرى تفكر في الشركة المسئولة عن زراعة الورود وتخضير المنطقة ومدى استفادتها المالية من المشروع وهل تستحقه فعلاً أم أنها حصلت عليه بطرق غير مشروعة .. وهكذا كما شاهدنا فيما سبق المشهد واحد والمنظر العام واحد ومع ذلك تتدخل ظروف وافكرا كل انسان ليراها بطريقة افكاره هو ومن منظورة الشخصى وحسب منظورة للعالم وعندا طريقة بسيطه ممكن نثبت بيها اننا نعرف هذا الموضوع ومن غير ما ناخد بالنا من مصطلحاته العلمية وعندى مثل بسيط يحضرنى الان امامنا الان كوب عصير مثلا ممتلئ 50% وال50% الباقية فارغة يعنى البعض منا ممكن ينظر فقط الى النصف الممتلئ والبعض منا ينظر الى النصف الفارغ والبعض لا يلتفت اساسا الى هذا الكوب واعتقد ان فى المثل السابق اختصار شديد جدا لفكرة البراديم انا مش عايز اطول عليكم لكن بجد طلع الموضوع كبير جدا وشدنى جدا والسبب يرجع لصاحبة الموضوع اكيد فـــــ لها منى كل الشكر والتقدير بالنسبة بقا للنقد احتفظ به لنفسى |
امممممممممممم عدلت الرد تانى مش عارف ليه انا تقريبا فهمت موضوعك هو موضوعك حلو بس اقرب ما يكون لجزئية تعبير فى امتحان عربى السوال بيقول اكتب فى احد الموضوعات الاتية بما يمليه عليك ضميرك والطالب طبعا يستخدم خياله الخصب ^_^ انه يكتب ويفتى صدقينى محدش فاهم حاجة فى حاجة 80% من الناس اللى جوبت على سوالك ده وحطين شرح طويل عريض للموضوع الباراديم اسم لغاية الان عاجز عن نطقه انا والسادة الافاضل نطق سليم وخدين الشرح ده كوبى وباست من مواقع ادخل على محرك البحث اللى ودنا فى دهية جوجل وحط اى كلمة وخد الكوبى والباست وحطهم وبعون الله هيتقال عليك عبقرى زمانك حاجة تفقع ما علينا عمتا احنا فى الموضوع ده لسان حالنا بيقول احنا قاعدين فى مجلس الشعب الرئيس بيتكلم واحنا بنهز رأسنا الكلام ده ميمشيش هنا اسف على صرحتى الزيادة عن اللزوم وزى ما قال علا مرسى محدش فاهم حاجة :rolleyes: اسف لو كنت احبطك بس الصراحة حلوة برضه :d |
اقتباس:
احم ... ماشى يا براءة انتظرى ردى بقى بعد ما اعرف مين هو البا........(كملى انتى بقى):d |
انا اسف يا رحمه
انتى عارفه انا بحب اشارك فى مواضيعك انما انا مش فاهم حاجه فى الموضوع ده علشان كده بنسحب فى صمت ربنا يوفقكوا فى رحله البحث عن البارادايم |
اقتباس:
أنا كنت هخرج من غيرما أرد لأنى كنت حاسس إن ردى هيعمل مشاكل لكن مش عارف ليه جالى فضول أتفرج على الردود لوما قرأت رد إسلام لقيت فيه نفس كلامى فقلت بدل ما أخرج وكأنى مدخلتش أأيد إسلام فى رده لأن هى دى فعلاً الحقيقه جوجل عامله شغل جامد هنه :d بس فى نفس الوقت الفكره مش وحشه الفكره جميله وياريت تستمرى فيها على الأقل الموضوع هيبقى ذاخر بالمعلومات بس حاولى تختارى مواضيع مش موجوده فى جوجل بيتهيألى طلب مستحيل صح :) |
اقتباس:
اقولك ليه لانك اكيد مش هتعرف الكلمة فاهتدخل علي عم جوجل وتبحث عنها هتلاقيها وعشان تجاوب علي الكام سؤال اللي رحمة كاتباهم دول لازم تقرأ الموضوع وبعدين ولنفرض ان عشره دخلوا ردو ممكن تقول تلاته منهم مقرأوش الموضوع خالص والباقي قرأه ولو علي خفيف وبعدين لو واحد مش عايز يقرأ هيتعب نفسه ليه كل شويه عشان يدخل ويعمل للموضوع كوبي وبست لو انا هقول وانا مالي واريح دماغي انما الفكره في تشغيل الدماغ ولاجبار علي التثقيف بس بمزاجك عشان كدا الفكره بصراحه داخله دماغي جدا |
طيب يااسلام باشا انت عارف طبعا اني بحترمك وبحبك جدا جدا ومش محتاجه كلام اهو اللي بحث ده عمل حاجة وممكن هو ميستافدش بس انا استفاد من اللي نقله يعني كدا كد فيه فايده لكن بردك واللي محتواش شئ في الموضوع استفدت ايه ؟ وانا استفدت ايه ؟ وهو استفاد ايه ؟ البحث في حد ذاته مش وحش بس المهم نكون فاهمين النتائج بتاعت البحث :) |
اقتباس:
يااااااااااااااه جزاك الله كل خييير يا استاذ بورسعيدى :) ما شاء الله حضرتك لخصت فكرة الموضوع فى الموقفين دول فعلا ... سعيدة جدا والله ان حضرتك اهتميت بالموضوع ،، وفعلا واضح ان حضرتك اجتهدت فيه اشكرك فعلا :) ويا ريت حضرتك تسمعنا النقد اعتقد حابة اعرف :mellow: |
اقتباس:
ومين قالك ان انا جالى احباط ؟؟ :) بالعكس انا سعيدة جدا بنتيجة الموضوع ومكنتش متوقعة اى تفاعل لكن الحمد لله المنتدى لسه فى ناس مميزة فعلا ،، |
اقتباس:
وعموما تابعنا وباذن الله الرحلة بتاعتنا قربت مفاهيمها تكتمل وهتلاقى الموضوع بسيط جدا باذن الله |
اقتباس:
هو انتوا هدفى واصلكم ؟؟ ما هو اصلا مفيش طريقة غير جوجل .. و طبعا الموضوع مش هيمشي غير بجوجل .. وعادى مفيهاش اى مشاكل وده ميعيبش اى رد وبما انك مؤيد لاسلام اقرا ردى عليه :) وبعدين اذا كنت طلبت بحث عن حاجة موجودة فى جوجل و عدد المتفاعلين .. قليل جدا ما بالك بقي اذا اختارت موضوع مش فى جوجل ؟؟ |
اقتباس:
اقتباس:
اشكرك يا عادل انت واحمد بجد احسن حاجة انكم فاهمينى وفاهمين انا بفكر ازاى وبعدين الموضوع غرضه اولا واخيرا البحث لان نظام تلقي المعلومة بطريقة مباشرة ده نتيجة التحصيل فيه بتبقي اقل بكتيييير من الشخص اللى بيدور ويتعب علشان يجنى المعلومة ويصيغها بطريقته هو لكن للاسف احنا المصريين اتعودنا على طريقة التلقين المباشر مع انها طريقة ضعيفة ويمكن تنفع مع الناس التعبانة بس كويس ان فى ناس انا بحترمها بتؤيدنى .. ده حافز ليا وبجد اشكركم فعلاااااااااا :) |
اقتباس:
انا حرمت انقد موضوع يخصك لان لما ده حصل قبل كده مشاركاتى اتحذفت وانا بصراحه لا اطيق ان تحذف لى مشاركه بدون سبب خاصةاننى حريص جدا على عدم زعل اى انسان منى اما بالنسبة للاعضاء الى معترضين على استخدام جوجل فى البحث اقول لهم ان جوجل هو بوابه المعرفة الحقيقية وليس منتدى الثانوية العامه او اى منتدى او اى موقع بعينه وان استخدام جوجل مش عيب طبعا ولكن العيب هو ان لا نبحث عن المعرفة او عما نجهله وإلا يتحول جلوسنا على الجهاز مجرد مضيعة للوقت وانا من انصار هذا الموضوع فعلا ومعجب به جدا وبــفكرته ومستغرب جدا لنقل الموضوع من مكانه الطبيعى عجبت لك يازمن |
| جميع الأوقات بتوقيت GMT +2. الساعة الآن 02:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.