|
فيها كلية واحدة بس بجامعة الازهر
|
اقتباس:
اه حضرتك اسأل هناك وان شاء الله تلاقي ليك تمهيدي ماجستير وبالتوفيق وانا برده هسألك عندنا فى الزقازيق :) |
الكلية ديه امل حياتي مخطط ليها وانا في تالته اعدادي تقريبا اول ما عرفتها :) انا كنت عايش بره واخدت جوايز كتير من مدرستي وصلت لكاميرا ديجتال وساعه سيتزان من موهبتي في البرمجة وفي الكمبيوتر بشكل عام والله اول كود كتبته وانا عندي 11 سنة عن طريق الصدفه لما قرات كتاب (اسهل اسرع فيجوال بيسك دوت نت 2003) عنيت كتير جدا عشان افهم حاجة وفي الاخير قدرت اعمل اله حاسبة ومن هنا البرمجه والكمبيوتر موهبتي وشئ محفور في قلبي اتوسعت كتير وحبتها وكان عندي مشاريع كتير بال Unity 3D في برمجه اللعاب والدرايتكس وc++ والبايثون والسي شارب
بجد انا حاسس اني مميز جدا عن كتير غيري شعور جميل جدا لما احس اني غير اي حد حبيت جدا موهبتي ، لكن للاسف من عام نتيجة الاحباط وعدم ثقتي بنفسي ان هعدي الثانوية في حالة نفسية تركت كل شئ متعلق بالكمبيوتر حتى اهلي لاحظوا كده ، انا حاليا في تالته ثانوي مش هقدر اقول على نفسي ان دودة في الدح ووو لكن بعمل الي عليا عشان ادخلها وانا متاكد 200% لو دخلتها هوصل لحاجة كبيرة ادعووووووولي اني اجيب مجموعها يارب برغم اني من اسكندرية لكن اقسمت حتى لو عملت المستحيل وجبت مجموع الهندسة هسافر عشان هكون عارف مستقبلي فين حقيقة انا خايف جدا ويمكن من فترة كبيرة اكتب ردود في منتدى انا والله مستعد لدرجة ان اضيع كل ثانية في عمري اني اتعلم واشتغل لموهبتي |
السلام عليكم عندي استفسار .. دلوقتي انا واخدا الثانوية من الامارات بمجموع 88 والتنسيق ظلمنا ووجالي اداب " حسبي الله ونعم الوكيل وقدر الله وماشاء فعل " بس حابا استفسرر نفسي ادخل تخصص تكنولوجيا حيوية " هندسة وراثية " ودي موجودة في جامعة مصر للعلوم والتكنولوجيا .. وموجودة في كليه حاسبات ومعلومات بس قسم عين شمس .. في معاهد فيها التخصص دا ولو فيه ايه هيا وبكام وهتطلع زي اي كلية ولا لا ؟؟؟ وشكرا جزيلا وارجو سرعة الرد
|
اقتباس:
والله يابني انت فتحت نفسي عالكلية اكتر ما هي مفتوحة ربنا يكرمك يارب والله انت مستقبلك هيبقا مالوش زي ان شاء الله خصوصا انك من كلامك شكلك موهوب فى البرمجة والمجال بوجه عام لان المجال موهبة اكتر منه مهنة ,, ذاكر وهات مجموع واعمل اللى عليك وهتلحقها ان شاء الله بس انت بقا تجيب اعلى حاسبات فى مصر اللى هي عين شمس عشان مستواها عالي وهتعرف تتعامل مع الطلبة هناك وهتعلوا مستويات بعض وهتخش مسابقات وتروح ايفينتات والدنيا هتبقا حلوة اوي بس انت برده ممكن تخش هندسة حاسبات وتتخصص فى السوفت وير بس مش هتبقا زي خريج حاسبات فى السوفت وير المهم شوف انت عاوز ايه وخشه وقبل كل حاجة صلي استخارة عشان ربنا يختارلك الحاجة الكويسة واتعب وبكرة تلاقي ان شاء الله والمجال لذيذ اوي وحلاوته انه مربوط ببعضه ومش اي حد يفهمه او يخشه ,, الى الأمام ثورة ثورة :) :D :romarioxp6: |
اقتباس:
ثانيا الهندسة الوراثية غير المعلوماتية الحيوية اللى انتي عاوزاها ,, لا الحل انك تخشي الجامعة وتدفعي فلوس كتييير بس فيه حل احسن انك تخشي معهد علوم حاسب وتتخصصي فى قسم تاني وبعد التخرج تعملي دبلومة فى المعلوماتية الحيوية وتاخدي فيها كورسات بس قليل اوي كورساتها ومش موجودة غير فى القاهرة وانتي كمان لو عاوزة تشتغلي فى المجال بتاع المعلوماتية الحيوية هتشتغلي بس اقل بكتيييييير من باقي الاقسام فى المجال ,, يبقا الافضل انك تخشي حاسبات قسم تاني وبعد التخرج تذاكري القسم اللى كنتي حاباه وتشتغلي بشهادتك عادي جدا فى المعلوماتية الحيوية ولا اي مشكلة :) ثالثا المعاهد المعتمدة زي حاسبات بالظبط هي هي نفس الشهادة والاعتمادية والنقابة "مهندسي البرمجيات" لسة بتتعمل العفو الشكر لله :d |
شكرا لتوضيحك .. بس قسم الهندسة الوراثية ممتع جدا ودراستو جميلة ونادرة وانا حابا ادرسو عشان ف كذا مشروع نفسي انفذو ف المستقبل يفيد البشرية ف التخصص دا وشغلو متوفر بس مش ف مصر اعتقد الا نادر . يعني لو دخلت مصر للعلوم والتكنولوجيا قسم التكنولوجيا الحيوية مصاريفها 12 الف..اما المعهد مش حاباه جالي ف التنسيق معاهد حاسب بس لما دخلت شفت المواد والاقسام مش حبيتها لانو بتتطرق للهندسة الوراثية بمساحة ضئيلة جدا وانا حابا ادرسها عن توسع .. انا بقا هدخل ع السنة الجديدة لانو مش هينفع انزل مصر ناو وهدرس اداب علم نفس وان شالله اوصل فيه للدكتوراه ف علم النفس لاني بحبو مع دراستي الشخصية للهندسة .. ادعولو .. وثااانكس ع الرد
|
اهم حاجة تعرفي المعلوماتية الحيوية بتتكلم عن ايه وهي برمجة ودراسة تكنولوجيا المعلومات الحيوية والأحياء والكلام دا كله بس من خلال تكنولوجيا المعلومات وانك تصنعي برامج التحاليل والمعالجة من خلال الكمبيوتر وانك تبرمجي الاجهزة الطبية نفسها ,, يااااه مش تقولي لحد بقا عشان مش تتحسدي وربنا معاكي ويوفقك وتنزلي مصر يارب بألف سلامة :) الى اللقاء :d
|
شغلها جميل جداً بسم الله ماشاء الله بس بقلك ايه والله احنا ممكن نعمل شركه كويسه اوى يا هندسه يبقى فيها كل التخصصات بس لو فى حد يشجع |
لا عاوزة دراسة جدوى وشغل كبير
|
ماشى بس هنعمل شغل جامد اخر حاجه يعنى لو على الاقل 8 فى التخصص اكيد هنبقى واخدين التخصص كامل يعنى كل واحد له قسم على الاقل ... و هنبقى متميزين فى مصر عن اى حد بس لو فى تشجيع بس ممكن تفهمنى قصدك انت
|
اقتباس:
|
مش احسن من الرياضه 2 لآنك ... بتدرس لالغات برمجه ... معظمها رياضه يعنى افضل انك تكون رياضه من احياء
|
دا واجبي تجاهكم ربنا يخليكي ,, ان شاء الله يا ايهاب
|
اقتباس:
|
هههههههههههه كله حلو يا جماعة :)
|
لا مين قالك كدا الأحياء فيها رياضة وعمليات حسابية وفيها تفكير ودقة كبيرة جدا ,, لولا تقدم علم الأحياء والطب كان زماننا بنعاني وقت المرض والكتير مننا هيموت ,, ولو تفتكر زمان كانوا كل المواليد بيتوفوا مش بيفضل منهم غير القليل ,, كل حاجة وليها اهميتها وكل علم وليه احترامه وليه علماؤه وناسه
|
اولاً انا افصد ايه اللى دخل علم الاحياء فى البرمجة ...
|
طيب راجع كلامك الاول اللى فوق
|
اشكرك يا بشمهندس مؤمن ع ردك عليه .. البرمجه فيها ف الاحياء وخصوصا في مشروع الجينوم البشري اللي هيفيد المجتمع ف المستقبل القريب من حيث استخدامه في ترتيب الكروموسومات ونكتشف الخلل الوراثي عشان نقدر نعاجلو .. كل المواد مفيدة ومهمه ف العالم لو استخدمناها صح وفي طاعه الله وخدمة الناس
|
اقتباس:
ربنا يوفقنا جميعاً :) |
ياارب .. بس قلل من شان الاحياء جدا بطريقة غريبة ودا ضايقني لانو مش اسلوب اعتقد ذلك
|
حصل خير وزي ما قولتلك بقا :)
|
هو ايه الفرق بين قسم نظم المعلومات الحيوية اللى فى حاسبات و معلومات و قسم البيوتكنولوجى (تكنولوجيا حيويه) اللى فى علوم وشكرا |
شوف اللينك دا
https://www.facebook.com/bi0inf0rmat...51344433998335 الفرق الشهادة ,, كل شهادة وليها نقابتها ,, والشغل بالنسبة للمعلوماتية الحيوية فيها تكنولوجيا معلومات أعلى وبرمجة أعلى منها فى القسم بتاع البيوتكنولوجي ,, وربنا يوفقك :) |
مش لو كان فى مستقبل ده احنا فى ايام سوده |
لا فيه ان شاء الله
|
انشاء الله قول يا رب بس بردوا مش مقتنع بلآحياء هههه
|
اقتباس:
|
اقتباس:
|
علم الاحياء من اهم العلوم هو والطب بحبهم جدا والله
|
اقتباس:
|
هههههههه خلاص يا جماعة انا جالي صداع :d :d :d
هتخلوني اغلط فى العلم ليه بس وانا الصراحة بحبه :d |
هى امتحانات المد ترم دى ايه ظروفها انا جبت فيها بس ما قفلتش ده ها يفرق معايا ولا
|
إمتحانات الميد تيرم دي بيبقا عليها نسبة 1/3 من أعمال السنة "20 درجة يعني" ,, أعمال السنة دي بتمثل 1/3 الدرجة الكلية برده " النسب دي بتختلف من كلية لكلية ومن دكتور لدكتور بس النسب دي اللى عندنا فى الزقازيق وفى معظم الكليات برده "
لو جبتي 10 من 20 فى الميد تيرم مش هيفرق كتير ولو 5 برده مش هيفرق مش تقلقي خالص الأهم تحلي كويس فى الامتحان النهائي لأن بيبقا عليه 2/3 المادة يعني لو المادة كلها من 180 درجة هيبقا عليه 120 درجة ولو من 120 درجة هيبقا عليه 80 درجة ,, المهم انتي مش تقلقي وشدي حيلك وزاكري للعملي والشفوي عشان تعلي درجة أعمال السنة وتحلي كويس فى الفاينال بتاع الترم وتعوضي الميد تيرم :) |
هل كلية الحاسبات والمعلومات تأخذ من القسم الأدبي في الثانوية العامة _ أم لا؟
|
بتقبل من علمي رياضة بس .. آخر سنة كانت واخدة من 93-94%
|
السلام عليكم ......عندي استفسار بسيط هو انا ممكن ابقى مبرمج مواقع لو دخلت علمي علوم ؟؟؟؟ وايه هية الكلية ؟؟؟ وايه هو القسم؟؟ وايه هو المجموع؟ وايه هية كليات الادبي ومجموعها وشكرا
|
ممكن تدخل هندسه برمجيات جامعة حلوان ..او Computer Scince او it .... مش شرط تدخل كلية فيها برمجه عشان تبقى مبرمج مواقع .... بس للآسف بتحتاج الشهاده بس مش اكتر يا معلم احسن لو اخدت شويت كورسات بسعر الكليه اللى هتدخلها هيبقى افضل بس الكليه مبتفدش الا فى الشهاده بس مش اكتر و بردوا هتاخد كورسات عشان تبقى قوى فى اللغات
|
طب cs اقدر اخش فيها من علمي علوم؟؟ كلية العلوم ولا ايه؟؟؟..........ان كان على برمجة المواقع فدي حاجة سهلة لكن المشكلة هية الشهادة.....شكرا
|
فعلاً الشهاده هيا اللى صعبه احسن البرمجه سهله ........... بس المشكله فى العلمى علوم معرفش بصراحه و السؤال ده اتسأل قبل كدا و انا معرفتش ارد عليك شوف البشمهندس مؤمن بردوا ......... لآنى مش متأكد من المعلومه دى
|
كليات البرمجه بصفه عامه ... علمى رياضه ...... ممكن يكون فى حاجه اسمها information system بس دى تعتبر تجاره قريبه جداً من البرمجه بياخد ماده او مدتين برمجه ........ دى ممكن اللى تقبل من العلمى علوم وكمان هتدخلها خاص فى اى معهد عالى لان الكليه مش هتدخلك و انت علمى علوم ............. مستحيل ....
|
انا خلصت كورس ccna و كنت ناوي اكمل عشان بحب مجال النيتورك ده اوي
بس كنت خايف ان في الشغل يكونوا طالبين بكالوريس هندسه فا يا ريت حد يفدني عشان انا مش عارف اكمل ولا لآ |
لو سمحت هو ينفع حد يدخل حاسبات من ادبى ؟ ولو ينفع ايه الشروط ؟
انا كلية حاسبات بس عايزه اعرف الكلام ده صح ولا لا |
اقتباس:
لالا كمل مش تقلق والشغل عاوز خريجين حاسبات كتير والمرتب كويس جدا |
اقتباس:
لالا مش ينفع :) |
جزيل الشكر والتقدير لحضرتك أستاذى الفاضل
مجهود رائع باشمهندس مؤمن جزاك الله خيرا وبارك الله فيك |
اقتباس:
ربنا يخليك يا أستاذ محمد .. والله البركة فى حضرتك دايما بتحفزنا للأفضل .. ربنا يدينا العمر ونخدم الطلبة والخريجين اكتر واكتر ويجعله فى ميزان حسناتنا وبالتوفيق للجميع ان شاء الله وكل سنة وحضرتك طيب :) |
هى حاسبات ومعلومات بتاخد من شعبه علمى علوم ؟ اصل سمعت انها تقبل من علمى كولو متضمنا علوم ورياضه ..... ولو مينفعش ايه الي تساويها وانا في علمى علوم ؟
|
حاسبات ؟
انا طالب ثانوية عامة و قررت انشاء الله حاسبات
بس عندى استفسار ادخل جامعة ايه بالظبط مين اﻻحسن حاسبات جامعة حكومية وﻻ حاسبات جامعة مصر للعلوم والتكنولوجيا ؟؟ و لو جامعة حكومية مين اﻻفضل فى المستوى التعليمى القاهرة .. عين شمس .. بنها ؟؟؟ و ايه رايك فى حاسبات بنها ؟ |
| جميع الأوقات بتوقيت GMT +2. الساعة الآن 02:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.