بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   الجامعات الخاصة والمعاهد (https://www.thanwya.com/vb/forumdisplay.php?f=167)
-   -   اى شىء عن الهندسة اتفضل هنا (https://www.thanwya.com/vb/showthread.php?t=397938)

محمدانجينير 12-07-2012 07:03 PM

هههههههههههههههههه معلش مخدتش بالي بس بجد تنصحني بايه في الهندسة غير الحكومة العاشر ولا اكتوبر ولا معاهد ولا الشروق يا ريت تفيدني

محمدانجينير 12-07-2012 07:04 PM

ولو في حاجات غيرهم قولي عشان انا احترت والله اكيد ليك معارف واصدقاء عرفت حاجات منهم ففيدني وانت كمان في المجال ده

titi1 12-07-2012 07:29 PM

اقتباس:

المشاركة الأصلية كتبت بواسطة محمدانجينير (المشاركة 4641464)
هههههههههههههههههه معلش مخدتش بالي بس بجد تنصحني بايه في الهندسة غير الحكومة العاشر ولا اكتوبر ولا معاهد ولا الشروق يا ريت تفيدني

بص الاول مقدرتك المالية ققد اية .... رحم الله امرء عرف قدر نفسة يعنى ما فيها شىء لما تشوف قدرتك المالية يعنى هتقدر كل سنة تدفع 30 الف ولا 20 الف ولا 12الف ومن المقدرة اقولك تدخل اى كلية او اكادمية او معهد

لاكن الاحسن شىء هى الجامعة اى جامعة علشان لما تتخرج بيتكتب فى شهادك انك اتخرجت من كلية الهندسة بجامعة كذا مش من معهد او اكادمية

titi1 12-07-2012 07:31 PM

اقتباس:

المشاركة الأصلية كتبت بواسطة محمدانجينير (المشاركة 4641468)
ولو في حاجات غيرهم قولي عشان انا احترت والله اكيد ليك معارف واصدقاء عرفت حاجات منهم ففيدني وانت كمان في المجال ده

اجابتى هى نفس اجابة السؤال الاول الى فوق شوف مقدرتك المالية قد اية وهى الى تحدد

محمدانجينير 12-07-2012 07:33 PM

انا قدراتي اخر حاجة 12 الف ياريت تقولي

titi1 12-07-2012 07:40 PM

اقتباس:

المشاركة الأصلية كتبت بواسطة محمدانجينير (المشاركة 4641521)
انا قدراتي اخر حاجة 12 الف ياريت تقولي

تمام بص انت كدة ليك اكادمية الشروف او اكادمية الهندسة بالمعادى .. الاثنيبن معتمدين

الشروف مش عارف هى بكام لاكن تقريبا فى حدود 11 الف

اكادمية المعادى انا ليا واحد زميلى فى السكن الجامعى كان فيها السنة الى فاتت قالى ان اسعارها كانت 11 الف بس هو حول منها لان ما كان فيها مدنى

انت لو ناوى تدخل ميكانيكا ادخل بدون تفكير اكادمية المعادى لسبب لانها مشهورة اوى بتفوقها فى القسم دة وكل الدكاترة الى فيها ظباط مهندسين يعنى كانوا فنية عسكرية فطبعا المشاريع التخرج فيها اغلبها حاجات بتدخل فى الصواريخح والطيرات وكمان بيتدخل مسابقات دولية وبتحصل على مراكز

محمدانجينير 12-07-2012 08:05 PM

طب ممكن الاسم الكامل ليها عشان اعمل عنها سيرش طب ومعلش خاص احسن ولا فنون جميلة قسم عمارة وشكرا جزيلا لك والله ما عارف اشكرك ازاي والموضوع ده الصراحة لازم يتثبت لمجهودك معانا

titi1 12-07-2012 08:27 PM

اقتباس:

المشاركة الأصلية كتبت بواسطة محمدانجينير (المشاركة 4641603)
طب ممكن الاسم الكامل ليها عشان اعمل عنها سيرش طب ومعلش خاص احسن ولا فنون جميلة قسم عمارة وشكرا جزيلا لك والله ما عارف اشكرك ازاي والموضوع ده الصراحة لازم يتثبت لمجهودك معانا

بالنسبة للاسم / الأكاديمية الحديثة للهندسة والتكنولوجيا بالمعادى

بالنسبة للخاص او فنون جميلة قسم عمارة ... دة يرجع ليك لسبب لو شايف فى نفسك موهبة الابداع فى العمارة والتخيل ادخلها وهتكبر فى المعمارى بسرعة لان المعمارى بيحب التطوير فى التفكير والابداع فى التصميم

لاكن لو ماليك فى الابداع او االتخيل والتصميم اوعى تدخلة والا هتندم طول حياتك لانك ما هتعرف

تتقدم فى القسم عاملة زى واحد عاوز يرسم لوحة لو هو لة موهبة الرسم اللوحة هتطلع من تحت

ايدة تحفة لاكن لو مالية فى الرسم اللوحة هتكون غير مفهومة المعالم

فانا لا اريد ان احبطك لاكن لازم تعيش الواقع لو عندك الموهبة دة ادخل القسم ما عندك ما تفكر تقرب لية

___ بالنسبة للتثبيت ما اعتقد انة هيتثبت والا كان الموضوع الى قبلة اتثبت بدل ما هو ضاع كانت فية اقسام الهندسة لاكن انا هدفى فقط ان اكبر قدر يعرق المعلومات ويطمن لانى عارف يعنى اية رعب المستقبل لانى كنت زيك بالظبط وما لقيت حد يطمنى فحبيت اكون انا الى اقدر اطمن حد

محمدانجينير 12-07-2012 08:38 PM

انا حسيت بنفس الاحساس ولذلك والله في مجالي برد علي اي حد لدرجة والحمد لله جبت اكتر من ال 50 مشاركة ههههههههههههههههههههههه

titi1 12-07-2012 08:48 PM

اقتباس:

المشاركة الأصلية كتبت بواسطة محمدانجينير (المشاركة 4641672)
انا حسيت بنفس الاحساس ولذلك والله في مجالي برد علي اي حد لدرجة والحمد لله جبت اكتر من ال 50 مشاركة ههههههههههههههههههههههه

ياسيدى ما تفرق عندى حد يرد المهم يكون استفاد بالمعلومة

وانت لو فية شىء تانى او استفسار اكتبة

faroukaeslam 13-07-2012 01:02 AM

هل المعاهد العليا لها شغل
وما افضل المعاهد العليا

titi1 13-07-2012 01:23 AM

اقتباس:

المشاركة الأصلية كتبت بواسطة faroukaeslam (المشاركة 4642252)
هل المعاهد العليا لها شغل
وما افضل المعاهد العليا

طالما المعاهد معتمدة من النقابة يبقى ليها شغل دة طبيعى لان الخريج بيكون لة كارنية نقابة زية زى خريج الكلية والاكادمية

اففضل العاهد على حد خبرتى هى معهد السلاب بالمنصورة والعاشر من رمضان

obuida 16-07-2012 04:45 AM

موضوع رائع وجهد كبير

ربنا يكرمك يارب

الله يخليك انا محتار موت ايه رأيك فى جامعة فاروس ومصاريف الهندسه فيها كام
فيه ناس بتقلى 30 وقريت على النت انها 10 الاف

وايه رأيك فى جامعه المستقبل وايه نظمها وكده علشان مش عارف اعرف عنها اى حاجه

وجامعة 6 اكتوبر

ويريت تقلى بيقبلوا من مجموع كام تقريباً

ربنا يكرمك يارب

titi1 16-07-2012 11:22 AM

اقتباس:

المشاركة الأصلية كتبت بواسطة obuida (المشاركة 4650022)
موضوع رائع وجهد كبير

ربنا يكرمك يارب

الله يخليك انا محتار موت ايه رأيك فى جامعة فاروس ومصاريف الهندسه فيها كام
فيه ناس بتقلى 30 وقريت على النت انها 10 الاف

وايه رأيك فى جامعه المستقبل وايه نظمها وكده علشان مش عارف اعرف عنها اى حاجه

وجامعة 6 اكتوبر

ويريت تقلى بيقبلوا من مجموع كام تقريباً

ربنا يكرمك يارب

اولا شكرا ليك على كلامك

ثانيا جامعة فاروس المصاريف فيها فى الترم الواحد تقريبا 12 الف يعنى فى السنة 24 الف جنيهة ( الاسعار الى على النت قديمة شوى هو يقصد 10 الاف فى الترم الواحد بس )

ثالثا جامعة فاروس حلوة لاكن طالما طالما انت لو ممكن تدخلها ب 24 الف طب ما تشوف الجامعة البريطانية تقريبا تقريبا فى نفس السعر ومميازتها اعلى يعنى تعليم كويس ولغة زيادة وكمان هتقدر تسافر بريطانيا اسهل ومميزات تانية هبقى اقولها لك لو ارد

رابعا راى فى جامعة المستقبل __ صراحة ما اقدر افيدك فى النقطة دة لان معلوماتى عنها صفر

خامسها جامعة 6 اكتوبر ليها مكانتها واستقرارها والهندسة فيها تقريبا 25 الف بس دة مش الاسعار النهائية لان لسة ما حد يعرف السنة دة اسعارها اية ومش هنعرف فى الوقت المناسب هنعرف بعد ما بنتهى التقديم والكليات تقفل التقديم فانسب حل انت اتصل بالجامعة وهى هتقولك الاسعار بتاعتها السنة دة 2013

يالنسبة للمجموع انت لو جايب اعلى من 70% روح على طووول قدم اوعى تستنى او تتاخر يوم او تستنى التنسيق الخاص يبان لان التقديم بيكون قفل وانا بقولك الكلام دة عن تجربة

وان شاء الله تتقبل لاكن تنسيق كل كلية يختلف عن الكلية التانية والى بيحددة هى ادارة الكلية فقط

obuida 16-07-2012 02:27 PM

طيب ادينى معلومات عن الجامعة البريطانيه الله يخليك


جميع الأوقات بتوقيت GMT +2. الساعة الآن 04:53 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.