|
اقتباس:
قوم إذا ضربتها بالنعال ........شكت النعال بأى ذنب حقرت يعنى بعد اللى قولته على حاسبات اللى محاه ف ثانيه إن مايكروسفت هتآخد أوائل عين شمس وحلوان (دا لما إنك بتحلم إنك تبقى منهم ) والاخ داندو ده اللى كان عامل حمله على على اللى ما قلش ربع الكلام اللى قاله الاخ ده ف حاسبات مردش عليه ولا فتح بئه يا أخى دا اللى اليهود بيعملوه فينا قليل طول ما فى أمثالكم ف الدنيا وطبعا أنا مش متضايق من كلامك عن حاسبات وإلا أبقى جاهل (زيك بالظبط) أنا متضايق من تعايره ويعايرك ولا أكنكوا ف حضانه حسبى الله ونعم الوكيل ف دى أشكال |
ايه يا بشمهندسين براحة شوية ده مش اسلوب مهندسين ولا ناس كبيرة خالص
اهدو شوية كدا ف الكلام استهدو بالله |
اقتباس:
مهندسين ايه بقى دا انت تقول يا نجارين يا فلاحين يا حدادين يا حراميه أكرملنا طبعا من وجهة نظر البروفسور عشان بيحكى حكاية واحد تلاقيه خارج بتقدير مقبول مع مرتبة شرف وزعلان انه اتبهدل اصل البيه عاوز يتخرج م الكليه يلاقى الدنيا مقلوبه عشانه وبيعملوا مزاد علنى عشان اللى يلحق يشغله عنده اول ههههههههههههههههههههههه جتها نيله اللى عاوزه خلف |
اقتباس:
إنت وعلى بتتكلموا عن مدنى وعماره وانت جايب هندسه وسبتها عشان حاسبات والكلام ده كله حلو ومليش دعوه بأسلوبك الى إتكلمت بيه إنت حر وهو حر برضه يرد عليك زى ما هو عاوز نفسى أعرف بقى الوسيم اللى دخل حاسبات ف الكلام وقالك هعايرك والنقابه ومش هتتعمل وانسوا وانا وواضح انه بيشوف افلام أبيض وأسود كتير نفسى أعرف إيه الدافع اللى خلاه يزرف البؤين دول طبعا كلامه ده ولا له معنى واأن مش بدور على صحته من عدمها بس مش لاقيله سبب غير سبب واحد بس نفسيا ما هو لما ييجى بعد ده كله ويقول عاوز أحول عين شمس تبقى مريض على طول ومتخافش إن شاء الله على ما تتخرج هتكون ميكروسوفت بقة تيته ميكروسوف وهتآخد العشره الاوخر مكانك محفوظ يا كبير بس يا رب ترفع راسنا وإنت برضه الحماس الى كان ممكن يقلب لزعل وانت بتتكلم ع الكليه راح فين ومردتيتش عليه ليه ولا إنت ماشى بمبدأ انا وااخويا على ابن عمى وانا وابن عمى ع الغريب ربنا يهديك يا بوش مهندس إنت وهو |
اقتباس:
اهدى يا عم مش كدا انت هتنرفز نفسك على ايه يا عم ولو حتى حد غلط انت متتكلمش بالاسلوب ده يعني لو حد كان غلط كان ممكن تحرجة بالذوق مش بالطريقة دى |
اقتباس:
لان اللى يقول الكلام اللى قاله ده يبقى مبيتحرجش وهو أو غيره لا يمثل ليا شيئ ولا كلامه مأثر فيا بحاجه بس أنا بقولك تخيل واحد رايح الجامعه بعد يومين وبيقول لو هنعاير بعض يبقى اقولك إن حاسبات ملهاش نقابه ومش هيتعملها نقابه لان مهندس البرمجيات إحدى الوظائف ضمن وظائف تانيه ويقتصر كارنيه النقابه على خريج الكليه وده كلام واحد ف حاسبات قالوله إنت ش مهندس وإختملنا الورق م النقابه ومفيش نقابه والمعركه كمان خمس دقايق دا طبعا بعد ما حول لفنون عماره إلكس بالزمه ف طالب جامعى يقول تعايرنى وأعايرك الله يكون ف عونها فنون عماره دى يا أخى |
السلام عليكم
طبعا انا مكنتش اتوقع ان الموضوع يكبر للدرجة دى بس انا عاوز اقول حاجة انا من وجهة نظرى ومن رايى المتواضع بعتبرها وجهة نظر ناس كتيير عاوزين يحققوا النجاح اول حاجة احنا مسلمين يعنى مفروض نتمسك باخلاق الاسلام يعنى زى ما علمنا الرسول الادب فى الحديث وياريت كلنا نفهم بعض ومنظلمش اللى قدامنا ممكن احنا نكون فهمنا شخص معين غلط فنضطر ان احنا نرد عليه بوجهة النظر اللى احنا فهمناها طبعا ازاى الشخص التانى هيسكت فيحصل ولعة فى المنتدى طب ده كلام!!!!!!! ألتمس لاخيك المسلم 70 عزر يعنى المفروض ان احنا كبرنا ولازم نفهم بعض ونحس ببعض تعرفوا ان اللى بيشكك فى كلية معينة غالبا بيكون فاشل فى كليته{معلش ممكن اجرح ناس بس دى وجهة نظر} ايه المانع من ان احنا نحقق نجاحنا فى كلية يعنى انتوا بتبصوا لاى دكتور فى الجامعة ازاى؟ طبعا بنحترمه وبنقدره رغم انى مقولتش دكتور فى كلية ايه مجرد انى قولت دكتور احترمتوه من غير ما اتعرفوا هو فى اى كلية حتى لو كانت اقل كلية فى التنسيق طبعا eng--zako عارف انى بحترمه بس عاوز اقولك حاجة يا بشمهندس ان مش كل كلية تنسيقها عالى تبقى هيا التوب فى البلد انا اعرف ناس كتيييييير كانوا فى ادبى ولاحقين سياسة واقتصاد ودخلوا تربية وتجارة وكليات كتير مش بتاخد من مجموع كبير ونفس الكلام فى العلمى وبعدين احنا داخلين على دراسة يعنى مش عاورزين حد يزعل من حد عاوزين نفيد بعض مش عاوزين حد يدخل حاسبات او هندسة او فنون اوألسن او.........ألخ يقول ان كليتى احلى كلية لو كانت الامرو كدا مكنتش فيه حاجة اسمها رغبات البشمهندسalios انت عارف طبعا انى بعزك وبحترمك بس انا بقول يا بشمهندس ان مش فنون احسن كلية تعرف تبقى احسن كلية امتى؟؟ لما انت و زاكو تجيبوا فيها امتياز ..كدا تثبتوا لنفسكما انكوا دخلتوا المكان الصح وطبعا نطبق الموضوع ده فى كل الكليات بالنسبة للمشكلة بتاعت مين اللى احسن مهندس مدنى ولا معمارى؟ طبعا انا مش هاظلم اى حد انا بقول ان الاتنين كويسين وكمان هندسة وفنون عمارة الاتنين لا يقلوا فى الاهمية عن بعض اما بقى بالنسبة لحاسبات فعشان خاطرى محدش يقول اى كلام مش كويس عن الكلية الكلام ده طبعا بياثر فى ناس كتيير يعنى انا مثلا لما دخلت حاسبات اول حاجة دخلت على قسم الحاسبات بس الحمد لله مكنش فى حوارات من النوع ده كان كل حاجة شرح وبرامج وناس بتشكر فى الكلية بالكلام ده انا حبيت الكلية اكتر واكتر اما بالنسبة للبشمهندسdano بص يا بشمهندس على فى الاول كان بيهزر ولو ان ده فى حد ذاته غلط لان اسلوبه مكنتش واضح بس على اعتزر وقال يا جماعة مقصدش فياريت اول ما نسمع الاعتزار ده منردش احسن حاجة فى الانسان انه لما يغلط يعتزر وبجد انا بحترمك يا بشمهندس دانو اما بالنسبة لdoctor انت فعلا كنت بتهدى الامور فى الاول بس طبعا مش لازم نتعصب على اى حاجة افضل ورا الامور للاخر متقولش دول مش هيسكتوا بجد انا بشكرك يا دكتور انت فعلا انسان رائع ومجهودك واضح فى المنتدى انا كدا خلصت كلامى بس عاوز اقول حاجة واضح ان فى اعضاء مبقاش عاجبهم المنتدى ياجماعة انا بجد حبيت المنتدى ده ودا كنت متابعه لحظة بلحظه من ايام الثانوية ياريت لو اى حد مش عاجبه اى حاجة من اللى انا كتبته ميردش لان كدا بنفتح باب للنقاش وانا اسف لو كان حد زعل منى ياريت كل اللى كتبوا فى الموضوع يقولوا ان احنا مش زعلانين من حد خالص وانا اولكم وبقول انى مش زعلان من حد معلش طولت عليكم بس استحملونى واسف انى طولت عليكم والسلام عليكم |
اولا مافيش قسم احسن من قسم يا داندو ...كل واحد بيدخل القسم اللى بيحبه يبقى هايعرف يشتغل و يتفوق فيه حتى لو اقل قسم ف اقل كليه ف مصر
مادام الواحد داخل حاجه بيحبها مهما كل الناس بنتقدها يبقى هو قادر انه يتفوق فيها اكتر من اى حد ف كليه تانيه كل الناس بتشكر فيها و كمان كل واحد حر ف اختياره و تصرفاته و لو حد دخل كليه حاببها و انت شايف انها مش حلوه ع الاقل ماتحبطوش ..لانه دخلها و مقتنع بيها ..اقل حاجه قول ربنا يوفقك ...و كلنا الحمد لله يعنى تقريبا نفس المجموع بحاجات بسيطه يعنى و لو انت مكانهم هتضايق من كده انا مش عليك و الله ..انا حاسبات ذيك بس دى وجهت نظرى و اسفه لو ضايقت و بالنسبه ل eng/doktor بالله عليك حاول تهديها بقى ..مش واحده تهدى التانيه تقوم :) و ماتتعصبش اوى كده و كل واحد حر ف رايه و تصرافته و مدام انت مقتنع ب حاجه و مأمن بيها يبقى مايهمكش راى اى حد تانى مضايقك صلو ع النبى كده الدراسه خلاص كمان يومين ..و ربنا يوفق كل واحد ف كليته حتى لو كانت خدمه اجتماعيه انتساب :d:d |
اقتباس:
ايه الحلاوة دى ايوة كدا ابدعى فين المواهب دى من زمان ويبخت من صلح ووفق الناس لبعضها{دا مثل لاول مرة بيتسمع وحصريا على منتدى الثانوية} فعلا زى ما انتى قولتى لازم الواحد اللى بيدخل القسم او الكلية اللى بيحبها بيكون هو الصح فى الناس كلها طبعا تقاليدنا بتقول انك لو داخل طب او هندسة تبقى شاطر ومحترم بس ازاى واللى فى خدمة اجتماعية دول يبقوا ايه عاوز اقول ان فى ظروف بتتحكم فينا يعنى ممكن حد فى الثانوية يحصله ظروف معينة ميجبش المجموع اللى هو عاوزه اما بالنسبة للاقسام الاقسام دى زى اختير الكلية بالضبط لازم نعرف القسم اللى هيناسبنا واللى نقدر نبدع فيه وشكرا ليكى يا بشمهندسة على ردك |
:d
اقتباس:
ايه الحلاوة دى ايوة كدا ابدعى فين المواهب دى من زمان ويبخت من صلح ووفق الناس لبعضها{دا مثل لاول مرة ببيتقال وحصريا على منتدى الثانوية:d} فعلا زى ما انتى قولتى لازم الواحد اللى بيدخل القسم او الكلية اللى بيحبها وطبعا بيكون هو الصح فى الناس كلها طبعا تقاليدنا بتقول انك لو داخل طب او هندسة تبقى شاطر ومحترم بس ازاى واللى فى خدمة اجتماعية دول يبقوا ايه عاوز اقول ان فى ظروف بتتحكم فينا يعنى ممكن حد فى الثانوية يحصله ظروف معينة ميجبش المجموع اللى هو عاوزه اما بالنسبة للاقسام الاقسام دى زى اختيار الكلية بالضبط لازم نعرف القسم اللى هيناسبنا واللى نقدر نبدع فيه وشكرا ليكى يا بشمهندسة على ردك |
يا جماعه انتو حاطين اللقب فى دماغكم ليه
اهم حاجه تلاقى وظيفه كويسه بمرتب كبير وتأمن مستقبلك ومستقبل اولادك ان شاء الله وياعم ابقي دور بعد كدا ع اللقب وعلى فكره انا قرات فى كتاب انك لو عاوز تقدر نفسك و تحس بقيمتها بلاش حد غيرك يقدرها...لان الله اعلم جايز تكون دى مجامله كدابه وشكراااااا.........واسف على انى تدخلت فى الموضوع |
اقتباس:
و الله يابشمهندس انا مكنتش عايزه ادخل و الله بس انا مابحبش اشوف حوار ولع كده ع حاجات بسيطه يعنى ..و ماقولش رايي مين عارف يمكن يهدى الامور :) و مرسي اوييي ليك بجد ..و محدش يفتكر انى بدخل ف اللى ماليش فيه :slap1qk6: و الله انا اللى خلانى اتكلم اننا يعتبر شبه زمايل يعنى :d .. مايصحش اللى كان بيحصل ..و بالتوفيق للجميع :) |
ايه يا جماعه الخناق ده كله اكيد طبعا فنون جميله حلوه ومفيش كلام انا عن نفسي بحبها جدا والاختلاف في الراي لا يفسد في الود قضيه علي فكره انا قريت المواضيع كلها انا احمد حاسبات القاهره
|
السلام عليكم
بجد عيب عليكم كده يارجاله اولا انا من الناس اللى مفروض اكون فى تانية كليه بس للاسف فشلت فى ثانوية العامه فشل ذريع لظروف نفسيه كنت عايشها وعدت تانية وبعيد تالتة على ماده واحدة الفيزياء ولو جبت درجه النهائيه فيها 66% هاقدم فى الاكاديميه البحريه بس يارب تنسيقها ينزل سنة الجايه وادرس حاسبات ومعلومات فيها والحمدلله من عشاق الكمبيوتر يعنى ممكن اقعد 20 ساعه متواصله على كمبيوتر المهم خلينا فى موضوعنا عجبتنى اوى كلمه قالتها البشمهندسة ساره قالت ان فعلا ان اى حد بيسال لشخص تانى جبت مجموع كام ويسمع مجموع وحش ياخد عنه فكره وحشة جدا بجد المفروض علينا كاخوه فى الاسلام وناس محترمين نشجع بعض وندعم عشان مصلحه بلدنا قبل كل شى ومصلحتى شخصيا عشان اللى يقدر يشتغل بمرتب محترم ويفتح بيت ويتزوج واللى يحقق طموحه المادى او الاجتماعى او النفسى كل دى عناصر بتشجعنا ان كل حد فينا يذاكر ويشد حيله ويحب عمله اهم شى حب عمله عشان يقدر متميز فيه وانا طموحى فى الاكاديميه اكون من اوائل الدفعه كل سنه واعمل نقله شامله فى عالم التكنولوجيا والمعلومات |
| جميع الأوقات بتوقيت GMT +2. الساعة الآن 08:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.