|
انا حضرت the pake of successقالوا ان الويلكم بارتي قريبا وهيتصلوا بينا بس لسة مفيش اخبار هو يا سارة الانشطة في الكلية تضيع الق\وقت ولا ايه
|
رسالتك وصلت وقراتها بس انا اتشغلت شوية مع ماما
|
طيب تمام يا ريت يا وسام تبعتيلى رسالة خاصة لما تعرفى معادها او تكتبى هنا على المنتدى اول ما تعرفى
عشان الكل يعرف بالنسبة للانشطة انا مفضلش الاشتراك فيها من اول سنة لانك فى اول سنة مبتكونيش متعودة على النظام وعلى المذاكرة وكده فصعب انك توفقى بين الاتنين المذاكرة والانشطة لكن ممكن من بعد اعدادى تكونى اتعودتى على النظام وعرفتى طريقة المذاكرة واتكيفتى مع الوضع خلاص يا ريت تشوفى الرسالة اللى بعتهالك و ضيفى ميلى عندك عشان لو محتاجة اى سؤال اجاوبلك عليه ان شاء الله |
الصيادلة
فى جريدة المصرى اليوم بتاريخ 23/ 7 /2009
فى موضوع مهم جدا ً عن الصيادلة و البطالة اللى مستنياهم و اللى كاتب الموضوع نقيب الصيادلة حذرت النقابة العامة للصيادلة، الطلاب، من الالتحاق بكليات الصيدلة فى العام الدراسى المقبل، مؤكدة أن مصيرهم سوف يكون الانضمام إلى طابور البطالة. وأوضحت النقابة أن سوق العمل «تشبعت» بممارسى المهنة، فى حين تجاوز عدد الصيدليات فى مصر ٤٠ ألف صيدلية، مؤكدة أن هذا العدد يفوق المعدلات العالمية. |
ايه يا اخ العميد حضرتك داخل تعقدنا
الارزاق على الله ولكل مجتهد نصيب وربنا مبيضيعيش تعب حد كل واحد يذاكر ويجتهد ويجيب تقدير عالى و الباقى على الله ان الله لا يضيع اجر من احسن عملا اللى بيجتهد وبيتعب ربنا هيجبله احسن فرصة عمل ان شاء الله وربنا اللى قال كده ( ومن اصدق من الله حديثا) والواقع كمان بيقول كده |
وبعدين الكلام اللى قالته نقابة الصيادلة ده سبق قالته نقابة الاطباء بردو
هدفهم انهم يقللوا الاعداد يا ريت منشغلش بالنا بالكلام ده الافضل ان الواحد يجتهد فى المكان اللى هوا فيه عشان يطلع صيدلى متميز ان شاء الله |
انا يا جماعه رايح اولى صيدلة بس كنت عايز اسأل الي في 2صديلة وفوق , هو انتوا كنتو بتحبوا الرياضيات والكيمياء ولا كنتوا عادي؟ . وكمان اد ايه صعوبة الرياضيات في الصيدلة؟
وبتذاكروا كام ساعه في اليوم؟ |
amaizing topic, i think da aktar wa7ed estafadt menno fe3ln thnx ya dr.Sara ana d5la e3dade sydala 3en shams isA w kalamek 5lane so excited to begin w f3lan ele hykon fahem el madda hyla2eha momte3a gdn well done xx |
اقتباس:
الحمد لله انك استفدتى من الموضوع اكيييد يا قمر وان شاء الله كل المواد تبقى فاهماها كويس وتجيبى امتياز ان شاء الله |
مشكور جدا على المعلومات المهمه جد اجدا جدا جدا جدا دى
وجزاك لله كل خير انا بس كنت عايز اسأل حضرتك سؤال..انا دلوقتى فى اعدادى المنصوره ...صيدله....ونفسي احول عين شمس بس انا خلصت كل اجراءات التقديم للكليه تقريبا....فهل ينفع احول دلوقتى ولا لازم استنى سنه اول فى المنصوره و بعدين احول؟ وشكرااااا مره تانيه |
شكرا جددددددددددددددددددددددددددددددا يا دكتورة سارة انا ان شاء الله داخلة صيدلة عين شمس السنادي و بجد استفدتتتتتتتتتتت جدااااااااااااااااااااا ميرسيييييييييي اوي انا فعلا ما كونتش عاملة حساب السرعة في الكتابة ده و مش عارفة بصراحة هاقدر اكتب وراء الدكتور ولا لأ
شكرا اوييييييييي يا دكتورة و ربنا يوفقك يارب و يا رب مانتعرضش لموضوع البطالة ده يا رب عشان انا فعلا خايفة من الموضوع ده و جزاك الله كل خيييييييييييييير |
اقتباس:
ثانيا : انا عن نفسى بموت فى الكيميا و بحبها جدااا لانها بتعتمد على الفهم وهى اساس شغلنا والماث لذيذ بردو مش صعب ولا حاجة هوا بيبقى مسائل زى اللى فى الكتاب و هو عبارة عن جزئين تفاضل وتكامل وفى نفس كتير مننا السنة دى قفلت الماث يعنى العملية مش صعبة ولا حاجة حكاية بقى بنذاكر كام ساعة دى بتختلف من واحد لتانى بس اعدادى والله سهلة ومش محتاجة ووقت كبير للمذاكرة زى ثانوية عامة خااااالص اهم حاجة بس تحضرالمحاضرات و تقراها اول باول و ربنا معاكوا |
اقتباس:
لكن لو انت من القاهرة يبقى ممكن تحول عن طريق الالتماسات او تستنى سنة بس لازم تجيب تقدير امتياز او جيدجدا وبعدين تحول بس طبعا هتشيل مواد |
اقتباس:
الحمد لله ان الموضوع عاجبك واستفدتى بيه ان شاء الله تلحقى ولو ملحقتيش يبقى تسجلى المحاضرة على موبايل او تشترى الورق من اوسكار بس بردو فى كل الحالات لازم تكتبى ولو شخابيط كده ورا الدكتور عشان تكونى عارفة ايه اللى عليكى ايه اللى اتلغى و كده وان شاء الله منتعرضش لبطالة ولا حاجة عايزة اقولكوا حاجة تخليكوا تتفائلوا انا قابلت واحدة اخت صاحبتى لسه متخرجة السنة دى وما شاء الله عليها بتشتغل فى صيدلية وقدمت كمان العزبى واتقبلت يعنى مفيش بطالة ولا حاجة ان شاء الله الارزاق بيد الله وحده |
جزاك الله كل خير يا dr sara
بجد نصائحك جميييييييييلة و موضوعك اجمل انا كنت عايزة اسأل سؤال هو الادوات و البالطو لما ندخل الجامعة الدكاترة هيقولو لنا نشتريها امتى ؟ و عايزة اعرف احنا هنبدأ اول يوم 3\10 زى كل الكليات ؟ و اول يوم نروح الساعة كام و ايه اللي هنعملو في اول يوم ؟ ارجوك تجاوبيني لاني قلقانة جدا و حاسة اني اول يوم هاكون تايهة شكرا |
| جميع الأوقات بتوقيت GMT +2. الساعة الآن 11:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.