بوابة الثانوية العامة المصرية - محبط ومش عارف تذاكر ؟؟ ... أدخل هنا لتعلم كيفية المذاكرة الصحيحة

اولا شكرا اوى على الموضوع الرائع ده

ثانيا انا عندى تعليق (خلقنا لنعترض)

هو بس المشكله انه مينفعش الواحد ينظم وقته بالساعه كده ويصمم جدول ويلتزم بيه

لان بصراحه دى مش تبقى حياه احنا مش عايشين ننظم وقتنا ولكن عايشين نستكشف ونستغل وقتنا

وطبعا كلنا عارفين ان الثانيه اللى بتعدى بتتحسب علينا ومش بترجع

يبقى ليييييييييييه نوجع دماغنا وننظم جدول للنوم والتسليه والدروس والمزاكره والكلام ده

انا طبعا مع تنظيم الوقت بشكل سليم وانا عن نفسى عامل جدول اسبوعى للمزاكره

هتقولى امال بتعترض على ايه بقى؟؟؟؟

انا هقولك

زى ماقلت انا عامل جدول للمزاكره (فقط) ومش عامل جدول فيه اصحى امتى وازاكر امتى وانام امتى واقعد قدام التى فى امتى والعب امتى واستحمى كام مره واكل قد ايه والعب رياضه واللا لا

بجد مينفعشى اى حد يعمل حاجه زى دى

الجدول لازم يبقى خاص بمواعيد الدروس ومواعيد مزاكره كل ماده (باليوم مش بالساعه)

يعنى مثلا تذاكر انهارده عربى وبكره انجليش وتبقى محدد الدرس اللى هتزاكره والاسئله اللى هتحلها

ياخد منك بقى ساعه ساعتين ياخد زى ماياخد انشاله عشر ساعات المهم انك بتزاكر فى العشر ساعات دول

واسمحولى ازود نصيحه يمكن تكون مكتوبه ويمكن تكونو بتسمعوها كل يوم

لا تؤجل عمل اليوم الى الغد

وتقبلو مرورى :)