|
إوعى وشك
1- شاطرين قوى فى تغييرالوزراء ولكننا فاشلين فى تغيير وإصلاح بيت الداء تأخذنا الجراة لننتقد أصحاب المعالى العليا بل ونرميهم بأفظع الكلمات والعبارات ونعتبرها حرية لكن حين تصطدم بصاحب معالى زغنطوط يلبسك بمزاجك الزعبوط تحت شعار صالح العمل التطوير من الأساس --- والتغيير فى الفكر وليس فى اللبس 2- بياعة الخيار كانت بتبيع الخيار على راس أرضها الكيلو ب2جنيه وكانت بتبيع فى اليوم أكتر من 100كيلو سمعت أن الخيار فى السوق ب 5 جنيه راحت السوق لم تبيع 20كيلو ليه ؟ لأنها لما راحت السوق انضمت لحسبة التجار الجشعين -- بناقص خيار طالما الهدف الربح المضاعف على حساب المعدمين 3-احنا مش وحشين قوى -احنا بس اللى الفهلوة سرقانا هى المشكلة فى إنك تشتكى للوزير من ظلم مسئول فى إدارتك يقوم مكتب الوزير يتكرم ويرسل شكوتك للمسئول اللى انت شاكيه فيرد الرد اللى ينجية فيقوم مكتب الوزير يرسل الرد نفسه لحضرتك طب هتعمل إيه تانى ؟ تستكى لربنا وقل حسبنا الله ونعم الوكيل يبقى مكتب الوزير عمل إيه ؟ حول مكتبه لمكتب بريد - يستقبل ويرسل العمل كتييييير وهما يعنى هيقطعوا نفسهم !!!!!!!!!!!!!!!!! دا حتى الدنيا كلها بتنق على الملاليم اللى بياخدوهم -- 900يوم مكافأة بس !!!!!!!!!!!!!! 4- كل اللى بيعمله المعارض فى مصر --- يتباكى بدموع التماسيح على سكان العشوائيات وفى نفس الوقت يسخر من التبرع لصندوق تحيا مصر وصبح على مصر بيحبونا قوى الناس دول !!!!!!! |
مش عارف لك تصنيف يعني بتحاول من خلال كتاباتك تبين انك عقلاني مثقف ثم تاتي لحال البلد و نظامها فتتحول لاحمد موسى او مصطفى بكري او حساسين، معارضة مين ؟ هو شبه الدول فيها معارضة؟ مابالك بنظم الفكة و امي قالت لي و صبح و جوعو و ماتاكلوش . و نظريات الشحاتة و حلق الحاجة زينب للتنمية . دا نت قدام حاكم بقلك ان الشحاتة و تقليب المواطن دا عبقرية اقتصادية . العشواءيات في الدول المحترمة التعامل معاها من الاساسيات و الروتينيات مش بتتعمل عليها زفة و طبل و تضاف لسجل الانجازات المهولة و ف نفس الوقت بتم تصدير خطاب الفكة و التسول . دا تامر امين احد اكبرحواريي النظام و الي قال السيسي دا جامد ولو ادخل الدولار يبقى باثنين جنيه انتفض و قال احنا مش دولة الفكة و خلي الباقي عشان مصر . مش عارف ازاي تدعي العقلانية و متشعلق في ركب الجهل و التخلف بل مكشر انيابك للدفاع عن العته المنغولي الي بنسمعو و نعيشو. صدق الدكتور عصام حجي اما قال ان فيه ارادة ممنهجة ف البلد لصناعة بل عبادة الجهل
|
اقتباس:
الفرق بينى وبينكم كالفرق بين السما والأرض أنا عايز البلد دى تحيا ولو شبه دوله وأملى فى الله ينصلح حالها وتبقى دولة لأن مالناش بديل غيرها ولكنك أنت وعصام حجى ماتفرقشى معاكم تبقى دوله أوشبه دوله أو لادولة فلكم دول أخرى تستحوذ على اهتمامكم ودفاعاتكم انت وعصام حجى لاتختلفوا كثيرا عن بياعة الخيار عصام حجى كان المستشار العلمى للرئيس - سمعت عنه إنه فكر حتى فى أى مشروع وهمى ليحارب جهل شعب --- هو كغيره لايحسن الحديث والكلام والرترته إلا بعد عزله سياسيا وشعبيا اللهم دم علينا جهل يعينا على مساعدة من منا ولا تمدنا بعلم يدفعنا للتعالى ومعايرة من منا بنتائج تقاعسنا عن دورنا وتكبرنا على من لهم الحق علينا الشعب المصرى حين انتفض فى صف أمثال عصام حجى وصفوه بالشعب المعلم - الشعب البطل --- وحين انفضوا من حولهم نعتوه بالجهل والتخلف اللى زى دول مصيرهم التجاهل حتى ولو نالوا كل جوائز الدنيا العلمية العقلانية تركناها لكم فأرونا عقلانيتكم لاتختلف اتهامتكم عن اتهامات الدواعش وأنصار بيت المقدس لرئيس مصر وجيشها وشعبها فهل ياترى هذه توارد أفكار أم ترتيب أدوار |
هههه بقى الدواعش بيتكلمو عن الاقتصاد و الوضع السياسي و الاجتماعي و معاش الناس و احوالهم المادي؟ياراجل قوق من غيبوبة الوطنية المزيفة الكاذبة الي تخلي الانسان يتجاوز سحق المواطن في كل مناحي الحياة و يقلك عشان الوطن؟! زي حاكمك الهلامي الي قال جوعو و موتوا عشان الوطن هههه طب لما انا اموت يعيش لمين؟ هو القضاة و المستشارين و الجنرالات و نواب البرطمان .. مش من الوطن طب السعودية الي عندها بترول و مداخل من الحج قلصت رواتب المسؤولين و الغت البدلات، وواحد بيشحت الفكة من المواطن دا معناه ايه؟ . مشكلة لي زيك انهم مصدقين نفسهم انهم حائط صد امام المؤامرات و العملاء و نشيد كهنة النظام و الحقيقة انكو انتو اكبر مؤامرة على البلد ، مفهمنكو ان الاشرار في كل مكان زي روايوة في انتظار البرابرة ،وهم الاعداء و الغزاة القادمين عشان الكل يلتزم حظيرة الطاعة. الي زيك رافع شعار سر على بركة الجهل و عقيدة الرءيس الزعيم الي بحارب غزاة العالم و ارضى بالفقر و الظلم و السحق و هدر الكرامة عشان الاشرار .
|
اقتباس:
بصفتك المصحصح الوحيد فى هذا المجتمع المغيب ماتقول لنا الدواعش بيتكلموا فى إيه غير الاقتصاد والوضع السياسى والاجتماعى ومعاش الناس وأحوالهم المادى ؟ هل ياترى ابتكروا أشياء لانعلمها من أجل التشكيك فى أنظمة الدول وهدمها؟ لاتبخل علينا بعلمك الفياض وإيه دخل السعودية فى الموضوع -- هو انت ممن أطلقوا مبادرة (تدويل الحج ) ولا إيه؟ يعنى تروح تزور الرسول صلى الله عليه وسلم تلاقى عسكرى هولندى ولابولندى فى استقبالك -أظنها ستكون بالنسبة لك ولحبايبك متعة مابعدها متعة -صح أما بالنسبة لموضوع الفكة فالمصريين لما يجمعوا فكتهم ويبنوا بيت يستر واحد منهم أفضل من أن يسمحوا بحقير قذر يشكك فى كل شىء من أجل تفكيك كل شىء وتضيع فكتهم والمجمد كمان لو الشعب المصرى برابرة فيمكن التأكد بالنظر على قفا كل كارهيه ومحتقريه هتعرف هو الشعب دا عمل إيه؟ لو اللى بيحبوا البلد متأمرين طب وانتم كدا مش هيبقى لكم عمل ولا إيه؟ وأخيرا مش منتظرين حد يفهمنا أن الأشرار فى كل مكان لأنهم فعلا فى كل مكان إذا لم تستحى فقل ماشئت -- العالم العربى كله فى وسط المحيط ولسه فيه ناس بتقول مفيش مؤامرات شكلهم وعيهم فضائى وصحصحتهم خارقة للعالم كله مجرد عدم احترامك لمن تحاوره ووصفه بالمغيب والمضحوك عليه دليل على أنك فى معزل حتى عن ذاتك فهنيئا لك بوعيك كما تراه أنت أيها الواعى المصحح اللى مفيش منه اتنين |
لما بقول غيبوبة دا تقرير حال مش قلة احترام انا بوصفك حسبتعاملك مع الواقع، شخص يمجد شبه دولة غارقة في مستنقع الجهل و الفقر و المرض و نظام لا يعرف في الاقتصاد و التنمية غير يشحت و يتسول و صبح و مافيش و اتبرعو و الفككة و هو ، و يقلك المهم تحيا الدولة!!! هههه فين الحياة؟ هو الوطن بالنسبة لك تراب و حدود ولا الوطن هو الانسان؟ لما ترفع عليه الدعم و الاسعار و تزود الضرايب و تقلو ساهم عشان ابني لك مشروع المفروض الدولة تجد موارد و تخلق سبل اقتصادية لعمل المشاريع الاجتماعية، على فكرة الي بيبني مشاريع العشواءيات البنوك و رجال الاعمال و الجيش يعني لا حكومة و لا نظامك ولا رءيسك عمل اي ابداع الي عملوانو بدد مليارات الخليج و صدر خطاب التسول و الفكة للشعب. كل مشروع العسكر عملينو مافيش هيءة مدنية رسمية لان الجيش بيدعم جنرال منو ، لو رءيس مدني ابقى قابلني لو ساهمو بمليم. انا ضرب مثال السعودية للمقارنة في تدابير التقشف بين دولة متعددة الموارد ودولة تحولت لجمعية خيرية تشحد بسطاء الشعب.
انت مصر ان الدواعش خطابهم اقتصادي اجتماعي؟ يعني لما بيضربو دول اوروبا عشان مجوعين بلدانهم؟ ولا الخليج عشان فقير؟ ارجع لتسجيل الهالك ابو محمد العدناني بعنوان عذرا امير القاعدة عشان تاخذ فكرة ايه هو فكر الدواعش و رؤيتهم لما سواهم من البشر و الحكام و ايه هو مشروعهم و بيرتكز على ايه . |
المؤامرة هي الفساد.و الظلم و قهر الناس و القمع و الاستبداد و الفقر و المرض و تزييف وعي المجتمع و تمجيد الجهل زي اللوا رءيس المتاحف العسكرية المفروض انو مطلع على التاريخ الي قال معركة حطين بتاعة رمسيس الثالث ضد الحتيين و صلاح الدين قاءد معركة عين جالوت ، والمذيع قاعد مستمتع و مبتسم ، غير جهاز الكفتة الي اعلن عنو قدام الجنرالات و رءيس الهيءة الهندسية. عشان كدا عالم فضا ءزي عصام حجي عميل و خاين و بزيف الوعي و بيهدم الوطن هه لاننا ف عصر الكفتة و العته العقلي زي كدا القرون الوسطى الي يخرج عن خط التفاهة و السفه و الهرتلة يبقى مهرطق و بدل الكنيسة دلوقتي الثكنة العسكري. عب عاطي كفتة:d:d بيبني و عصام حجي بيهدم
|
اقتباس:
تعاملى مع الواقع لاترقى له أنت وأمثالك فواقعكم يختلف عن واقعنا -- واقعكم تستمدوه من وشوشة بعضكم لبعض خشية أن يسمعكم أحد ولا أنت فاكر إن أنا بغيّر البدلة لتتوافق مع لون العربية اللى هيركبها ؟!!! فكرتنى بخطيب كان رايح يخطب الجمعه ويركب سيارة بمليون وكان عنوان الخطبة (الزهد فى متاع الدنيا) الفقر والجهل والمرض إرث ورثه السيسى من عهود عقيمة ولا البلد كانت سويسرا والسيسى اللى حولها لهكذا طب لما هى كانت جميلة كدا قمتوا بثورة ليه؟ لو الجيش بيساعد السيسى رئيس الدولة فيستحق منا كل التحية والتقدير لأنه فى الحقيقة يساعد شعب هو رصيد مكونه مش جيش مرتزقة ولاميليشيات متفرقة الجيش يساعد شعبه ولو بيساعد رئيس منه أظن كان ساعد مبارك ولا إيه؟ انتم دايما بتنسوا كدا لأن وعيكم عملة نادرة مبرمجه على عدم الفهم والإدراك وأخيرا ياريت تزيدنا علما عن علوم الدواعش --- فأهل الخبرة بهم نادرون وها قد حظينا بأحدهم فلاتبخل علينا جميله قوى الهالك فلان بن فلان اللى انت قلتها دى يامدعى الوعى والثقافة وتستشهد بكلام عصام حجى من أجل التمويه هههههههههههههههههههههه أنت واعى قوى ومصحصح جدا ومفيش منك اتنين |
اقتباس:
ماخلاص عصام حجى مين وبتاع مين اظهر وبان عليك الأمان ههههههههههههه انت بتاخد معلوماتك من الكتب ولا من خبراء الفضائيات - وإيه كمان اللى غلط لواء انما لوكان خبير مدنى من بتوعكم المتنكرين ماكنتش همست بحرف الأهم -انت اللى سمعت الكلام ده ولاهما اللى قالوا لك تاعب نفسك ومسجل بعضوية جديدة عشان تقول نفس الكلام عبد العاطى وعبد الشكور وعبد السلام والكفته والباذنجان ماتغير الصنف يمكن تلاقى تفاح ورمان - هههههههههه |
:022yb4: ههه دانت غلبان خالص قالولو دي مرجع دراويش الثكية العسكرية زيك كدا وواضح انك مش عارف حاجة عن الواقع اصلا عشان كدا اديك هدية اللوا و استمتع بالمعلومة هههه اوعى تقول غلط دا جنرال من المؤسسة المقدسة الي منها مهيب الركن عب فتاح هههه https://m.youtube.com/watch?v=R8SyEOOFePE.
|
اقتباس:
لما يبقى مصدر معلوماتك لواء شرطة أو جيش أو خبير من خبراء الفضائيات بتوعكم يبقى أنا فعلا اللى غلبان وانت الواعى صدقنى كفاية وعى لأنه كتره بيعمل إسهال شوف انت كتبت كم مشاركة وفى كل مشاركة اتهمت الشعب بالجهل والتخلف ووصفت غيرك بالمغيب واللى مش عارف حاجة فكرك الواعى الذى لايملك سوى معايرة شعبه بالجهل والتخلف يستاهل يكون واحد من الشعب ده ؟ أظن لو انت عايش الواقع الحقيقى كنت ملكت بعض الحياء الناس فى مصر 90مليون مش كل الـ90مليون راضيين عن أداء الرئاسة والحكومة لكن رابطين بطنهم عشان بلدهم ومتحدين على حاجة واحدة -- كراهية المتاجرين والفاسدين والالتفاف حول المعمرين والمرابطين حول وطن تعرف يعنى رابطين بطنهم ؟ طبعا لأ لأنكم لاتملكون إلا النهنهة والتلحين على الأوجاع وعند المعسرة التى تنتاب الشعب تأتيكم الميسرة كحافز على حسن الأداء فمجرد نداء تحيا مصر الذى وجد منذ وجود مصر يصيبكم بمغص فكرى ودربكة فى ركب الأعصاب تحيا مصر - تحيا مصر - تحيا مصر |
واضح ان لازم اتعامل معك تا تا تا تا ، انا جبت الفيديو لانك قلت مصدر كلامك قلو لو في ما يخص كلامي على اللوا فانا جبت مصدر المعلومة من قاءلها و وضحت ان كلامي هو نفسو الي جه ف الفديو يعني الدليل هو الفيصل في نقاشي. الجهل دا واقعمش اتهام جيب نسبة الامية و مؤشرات التعليم في مصر و نت تعرف ، العساكر على مدى ستين سنة تجهيل و تجريف انشؤو مجتمع اغلبو مغيب عشان مثلا يقبل التسول كحل اقتصادي ، ولو رجعت للاستراتيجيات التحكم في الشعوب العشرة الي اوردها نعوم تشومسكي حتفهم ان النظم السلطوية لازم تدهس الوعي لانو اول اعداءها. هههههههه تحيا مصر ثلات شلنات عطفا على الفكة، يابني شعارات المدارس و اناشيد العيال و تحيا دي متبنيش الا الوهم و الكذب و الافك لان واقع المواطن البسيط المسحوق في معيشتو و لي بموت بالمءات في السواحل ابلغ من اي كلام . مش ححرمك من دور كهنة معبد الشيشي و زمرتو لانك بتحرص اصنام فكرية في دماغك لو واجهت الحقيقة تتهد و دا يجعلك تعاني شيزوفرنيا مزمنة
|
اقتباس:
انت الواعى واحنا الكهنة --- بسم الله ماشاء الله على الوعى والقيم حالة الناس ياواعى لم تكن هكذا من ستين سنه بل كانت من ألفين سنه حين تناوب الغرباء على حكم بلدهم طبعا دى غريبة عليك لأن تاريخكم غير تاريخ البلد دى ولأنكم تستقونه من سواد قلوبكم اللى يقف فكره عند الستين سنه ليتهم من أعادوا حكم بلدهم لأولادها ونزعوا أملاك الجبروت من باشواتها يبقى واحد من اتنين : يا إخ ـ وان وكان يحلم بعودة الخلافة ياخلفة باشوات وعايز يرجع زمن الأسياد والعبيد المشاكل اللى عايسينها ماحدش بينكرها ولا بيحاول يخفيها ومهما تلوت وتلونت تعابين الحواه وبكت على حالنا بدموع التماسيح فلن تعود مصر إلى الخلف إلعب بعيد ياشاطر وروح شارك اخوانك اللى بيعلموا أطفالهم كيف ي***وا إخوانهم تحت التهليل والتكبير ياترى دول عبدة مين ؟ وكهنة مين ؟ |
ليست من اختراع السيسى.. تعرف على تجربة فرنسا مع "الفكة"
الأربعاء، 28 سبتمبر 2016 02:13 م كتب محمد الجالى أثارت مطالبة الرئيس عبدالفتاح السيسي، مسئولى البنوك المصرية بإيجاد آلية تتيح بالاستفادة من "الفكة" لوضعها فى مشروعات لخدمة مصر، جدلاً غير منطقى، فى ظل حالة السخرية التى امتلأت بها منصات السوشيال ميديا، دون دراية كافية عن أهمية الفكرة، والتى لم تكن بدعة ابتدعها الرئيس السيسى، وإنما هناك دول أخرى متقدمة سبقتنا فى تنفيذ هذه الفكرة، لدعم المشروعات التنموية بعيداً عن الموازنة العامة للدولة، التى تُستنفد فى مشروعات وبنود أخرى. * وقال السيسي فى كلمته خلال تسليمه عقود شقق تمليك لأهالى غيط العنب بالإسكندرية: "يعنى مينفعش ناخد الفكة معرفش تعملوها إزاى، الفكة الخمسين قرش والجنيه فى المعاملات تتحط فى حساب لصالح المشروعات والخدمات". * ونجد أن البنوك المصرية فى تعاملاتها تلغى "كسور الجنيه"، وتتحول هذه الكسور إلى أرباح للبنوك تصرف كمكافآت وغيرها، وكذلك التعاملات التجارية من جمارك وضرائب وغيرها، وما قصده الرئيس السيسي فى دعوته هو أن تتحول هذه الكسور إلى وعاء تنموى، تقام من خلاله مشروعات تنموية وخدمية للمواطنين، وهو ما حدث فى كثير من دول العالم. * ففى الولايات المتحدة الأمريكية، هناك مشروع كبير لمكافحة سرطان الثدى قائم على التبرع بـ"سنت". * وفى فرنسا، كان بداية مشروع النقدية بباريس بدعوة من "برناديت شيراك"، وهى كانت فى ذلك الوقت زوجة لعمدة باريس جاك شيراك. * وقامت فكرة المشروع على إنشاء صندوق لتمويل الحالات والخدمات العلاجية من خلال تلقى التبرعات البسيطة لتمويل المشروعات المتعلقة بهذا المجال بهدف تحسين الحياة اليومية للأطفال والمراهقين المرضى وتحسين أوضاع أسرهم، ويتم إطلاق حملة سنوية من خلال رئيس الصندوق فى حضور عدد كبير من الفنانين والرياضيين والشخصيات العامة. * وبدأ المشروع بمخاطبة الأسر والأفراد، ومع تطور الفكرة امتدت لوضع صناديق تلقى التبرعات داخل المدارس ثم البنوك والمراكز التجارية الكبرى ومكاتب البريد والصيدليات والمحلات الكبرى والمؤسسات الحكومية الكبرى. * ومن إنجازات هذا الصندوق فى فرنسا، توفير 51 منزلا لأسر غير قادرة، وتطوير 2701 عنبر بمستشفى، وتطوير 185 مشروع تجهيز مدارس، و380 ملعبا، و459 قاعة انتظار، كما تكفل بعلاج آلاف الحالات. http://www.youm7.com/story/2016/9/28...D8%A9-/2900503 |
الفرق بينا وبين الدول دى
إن ماعندهمشى لاخرفان ولاغربان فمضى الأمر طبيعا وأنجز وظهرت نتائجه |
ونسأل: إيه اللى مضايقك من فكرة جمع «الفكة»؟
وما المانع فى ذلك؟ هل هناك موانع علمية ومنهجية تحول دون طرح الفكرة وإمكانية تنفيذها؟، وياأيها المستخف هل تعرف مصير هذه «الفكة»؟، وأين تذهب طالما حضرتك عبقرى زمانك، وتفهم فى كل شىء؟، وطرح مثل هذه الأفكار ألا يعد ابتكارًا وتفكيرًا خارج الصندوق؟.. أترك الإجابة للسادة القراء الأفاضل! |
ههههههههههههه والله ضحكتني حتى برزت اضراسي . ناسخ مقال طويل عريض من ارزقية اعلام المصاطب و النصبة عشان قال ايه تفحمني بقصة فرنسا و امريكا على فكرة انا كنت ممكن اغششك المبررات الي ف المقال و بعدين ارد هه.
تعرف صدق رءيسك وهو كذوب لما قال اشباه و بقايا دولة، لان فاي مجال تلافي شبه حاجة ،كل فضيحة و كارثة او مصيبة او فشل يجري حواريي و سدنة الحكم يبحثوا لمثيل و شبه في اي دولة متقدمة باسلوب بص اهم عملو زينا ههههه ، اولا مفهوم المقارنة انها بيت اكفاء يعني لما يبقى عندك دخل الفرد و بنية تحتية و تطور و صناعة و طب مجاني على اعلى مستوى و خدمات و معيشة محترمة زي فرنسا و امريكا ابقى خذها مثال ، السخرية و النكتة انو يتم استدعاء المقارنة في النواقص و الانحطاط و الفشل و الانحدار و التسول فقط !!! عايز مرة من اقلام و صحافة الجنرال يستدعو اجابيات الدول دي ولا هنا المقارنة حرام و عيب ههه!! التبرعات اجتماعية ل جمعيات و منظمات تقوم بدور تطوعي انساني من ميسورين لحالات معينة اغلبها بتبقى مهاجرين و جنسيات عالم ثالت و الناس بيتبرعو كنشاط روتيني لانهم عايشين اصلا معيشة ميسورة ، وف مصر اعلانات التبرعات زي المطر للمستشفيات وووو محدش اتكلم عنها ولا هاجم او انتقد حتى حلق الحاجة زينب اتعملو اعلان هههه. بس لما يبقى اسلوب نظام جمع التبرعات و الفكة و الصناديق عشان يعمل مشاريع و يبقى دا اسلوب اقتصادي ههههه يبقى نجيب رءيس شحات تخصص من السيدة . فيه دولة في العالم بتبنى بالتبرعات هههه هو دور النظام و حكومتو و حاشيتو ايه يسافر يروج نفسو ف الخارج و يتسول الداخل هههه اما دا زمن معتوه عته منغولي يراجل اتكسف قال فرنسا و امريكا هههه دانت قبل الاخير ف جودة التعليم بعدك غينيا ههه |
هههه انت مصر ضحكني، برة الصندوق!!!دا رءيسك كل تفكيرة جوة الصندوق يعني رءيس حصالة بيبلع القروش ، دا قابض اكثر من اربعين مليار دولار من رز الخليج و التضخم و الديون زادو و الاحتياطي الاجنبي اتشفط و الدولار بلع الجنيه في السنتين الي حكم فيهم!!!! عمل بيهم ايه؟ قبل مصير الفكة فين مصير مليارات الدولارات ؟ لا وايه طالب كمان قرض ب 12 مليار دولار . بقى المليارات ملهاش اثر اقتصادي يبقى الفكة حتنعش الاقتصاد هههههه والله هزلت حتى بان من هزالها كلاها . دنتو حالتكو وصلت مراحل الخطر ، تماهي مرعب مع الجنون و العته يعني انسان يكذب العقل و المنطق و الواقع الملموس و الارقام و التقارير و يقدس و يعبد الوهم و السفه و خطاب التزييف . التاريخ خلد بهاليل و دراويش الامم و نتو اكيد حتكونو الصفحات الاغرب
|
اقتباس:
اقتباس:
محاولة وضع نفسك فى قوائم الاهتمام محاولة مشروعة ومن حقك لكن ليس فى هذا الموضوع لأن هذا الموضوع لعرض قناعاتى فيوافق من يوافق ويعترض من يعترض وإن اشتد ببعضهم الغيظ فمصر محظوظة بامتداد بحرين وقناتين وبحيرات عديدة مياهها المالحة قادرة على اصلاح الوجوه الكالحة ولو لدى ذرة من الثقة فيك بأن اعتراضاتك فقط على رئيس الجمهورية والذى تسميه جنرال صدقنى مارديت عليك ولأن هو نفسه لايرد على من يسىء إليه لكن سواد القلوب حين يتحكم فى حروف الكلمات ليبث سمومه ويمد الخلق بالإحباط والتشاؤم يبقى الحدوته وطن مش نظام مهما طال فمصيره الرحيل كغيره أراك تسكن فى هذا الموضوع دون مئات الموضوعات فهل تظن فى أنك ستفلح فى مقصدك ؟ أظنك أقل من ذلك بكثييييير أمثال هذا الفكر ظهر مع ظهور شيتات يناير 2011 أحنا اللى عارفين كل حاجة وفاهمين مصلحة الشعب فين هذا الفكر الذى يعرض الأن حرمان الأمى الغير متعلم من التصويت فى الانتخابات كما حرموهم فى حق الترشح عايزينهم يرجعوا تانى لحجمهم الطبيعى - كما يرونه هم --ويعود زمن الأسياد والعبيد هذا الفكر الذى يمتدح التعليم والصحة والحياة السياسية والإقتصادية والاجتماعية قبل الستين عام لايستحق الرد عليه لأنه لايعلم كم من المصريين كان ينال هذه الحقوق وربما يدعى أنه لايعلم أن مصر كانت محتلة من الانجليز وكان بمساعدة و حماية سلاطين وملوك وباشوات وفدوا إلى وادينا باحتلال مقنع ولو هرد عليك هأجيب لك مايخصك وربما يفزعك من واقع وتركيبة هذا الشعب بالصور.. نجل شهيد بنك السبتية: سأكمل مسيرته وسأترك كلية الآداب للتطوع بالجيش http://img.youm7.com/large/201609290753525352.jpg أكد رامى رمضان، نجل الشهيد عريف الشرطة رمضان رجب جمعة، من قوة حرس المنشآت بمديرية امن القاهرة، والذى استشهد اثر إصابته بطلقات نارية أثناء تصديه لأحد المتهمين المسلحين الذى حاول اقتحام فرع بنك "سى آى بى" بمنطقة السبتية، أنه يتمنى أن يستكمل مسيرة والده البطولية فى الدفاع عن مقدرات الوطن. موضحا أنه حاليا طالب بكلية الآداب قسم لغة عربية ، لكنه سيترك الكلية وسيقدم أوراقه للتطوع فى القوات المسلحة للإنفاق على أسرته. http://img.youm7.com/ArticleImgs/201...سبتية--(5).jpg قيادات الأمن يؤدون واجب العزاء http://img.youm7.com/ArticleImgs/201...سبتية--(4).jpg ويعد الشهيد العريف رمضان رجب، من أبطال رجال الشرطة، حيث ضحى بنفسه وقدم حياته فداءً لواجبه الوطنى ونجح فى إحباط محاولة اقتحام البنك وسرقته، وذلك بعد ان أسرع تجاه المتهم وانقض عليه ورغم أن المتهم عاجله وأطلق عليه رصاصتين بجسده إلا انه احتضن المتهم ودفعه خارج البنك ومنع محاولة السرقة. http://img.youm7.com/ArticleImgs/201...0425142514.jpg |
والمصحف ما حيلته غير مليار جنيه
هم يبكى، وهم يضحك، وهم بيستعبطـ، ومن النوع الأخير تفانى الزوجة المخلصة زوجة وزير سابق ، التى أرادت إثبات براءة زوجها من تهمة الفساد، والسرقة، ومد الإيد، فقالت: «إن ثروة زوجها لا تتجاوز المليار جنيه،» يا حرام، مليار جنيه بس فى الأيام الكحلى اللى إحنا عايشين فيها، يعملوا إيه بس، لهذا يجب أن نتضامن مع المدام، ونلم لهم عشان يتعشوا. |
على اسم مصر-- صلاح جاهين
على اسم مصر التاريخ يقدر يقول ما شاء وأنا مصرعندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة ف حرب باحبها ب*** وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة - أزورها - واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوقفي الفراندة واسمها جولييت ولما جيت بعد روميو بربع قرن بكيت ومسحت دمعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية على الشباك - مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر النخل في العالي والنيل ماشي طوالي معكوسة فيه الصـور - مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي - وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولد من جديد على اسم مصر |
سؤال برىء
وسط هذا الزمن الفشار اللى مالوش لاقيم ولامعيار هسأل سؤال واللى يزعل يشرب من أعالى البحار اللى بيكره الجيش مين ؟----هما واللى كاره تجهيز الجيش مين؟ ---- هما واللى ضاحك على كلابه ليحاربوا جيش بلادنا مين؟ ---- هما واللى بيرسل من صندوق زبالة فكره شباب ليسخر من جنود تموت من أجله مين؟ --- هما طب لوهما كانوا فى زمن ماقبل تحرير سينا فكرك كانوا هيغيروا موقفهم وهينزلوا يهتفوا ويطالبوا ويضغطوا من أجل تحرير سيناء ؟ رأيى لا أظن دول كانوا هيطالبوا بالتنازل عنها لإسرائيل لأن مصر واقتصاد مصر لايتحمل تجهيز الجيش للحرب كما يفعلوا الأن كل سنه والمصريين والعرب الطيبين طيبين ولعنة الله على المثعلبين الماكرين والذين لم يحذروا مكر رب العالمين |
ومن اللذات مهارة إحباط الذات
محمد صلاح وهو يلعب فى الدورى المصرى كانت أقصى أحلامه إيه ؟ طبعا يلعب للنادى الأهلى أو الزمالك طب دلوقتى وهو فى روما -- هل يعتبر هذا حلمه الأن -- أم سماه اسم أخر زى مثلا زمن التخاريف ؟؟؟!!!!!! معظم علماء ناسا من العالم كله وخاصه أوربا هل كل هؤلاء العلماء لم يجدوا الرعاية فى بلادهم فذهبوا لوطن العلم أمريكا ؟ أم أوطانهم مهدوا لهم وفتحوا لهم أبواب الاحتراف فانطلقوا من أجل فعل يذكره العالم لهم بالخير ويمجدوا فى كتب التاريخ بعض المصريين فقط دائما من يحولوا فرحة المصريين بأولادهم فى محافل العلم لمندبه حزن على التعليم المصرى وبلد لاترعى العلم والعلماء ياترى من يردد هذا النشيد المحبط يعرف كم عالم مصرى فى الخارج ؟؟ طبعا لأ --- لأن لايشغله العدد ولكن هو مشغول بالهدد |
عزيزى سائق التكتوك
ضغطت ب*** على أوجاعنا الحالية ووصف ألام أهلك وجيرانك دون تجميل ولاتزييف ولكنك عرجت بفكرك لتذكر لنا مصر وجمالها وقوتها قبل سبعين عاما هو حضرتك ماحدش قال لك إن مصر كانت محتله إحتلال مزدوج ؟ هو ماحدش قال لك إن بريطانيا كانت محتلة مصر بدعم ملكها المبجل هو ماحدش قال لك إن والدى ووالدك وجدى وجدك لم ينالوا ذرة من حقوقهم فى التعليم والعلاج ولاحتى أبسط حقوقهم فى الحياة على أرض بلدهم ليتك توقفت عند وصف حالنا ولم تتعملق لتضيف من رصيد فكرك مايخالف الواقع كيف تبكينا على حالنا الحالى وتستشهد بحال زمن كان أمثالنا مهمشين وغير محسوبين من فئة البشر حتى الحلو لم يعد يكتمل فى هذا البلد والسؤال هو ليه عمرو الليثى لم نجده يوميا ضمن أى قائمة سوداء صدرت لإعلاميين مصر منذ ثورة يناير ؟ هو قريب يسرى فوده !!!!!!!!!!!!!!!!!!!!! |
غربان ودكاكين
غربان العرب التابعين لغربان الغرب لايروا فى مصر إلا حارس أمنى كل الدول العربية من شرقها لغربها تتواصل مع اسرائيل بطريقة مباشرة أو غير مباشرة عن طريق الوسيط الغربى لكن تحركات الدولة التى خاضت حروب عديدة وهلكت من هذه المواجهات الفردية محرومة من هذا التحرك هؤلاء الغربان سمحوا لدولهم بتحركات كما تشاءوباركوها لكن حجبوا هذا الحق عن مصر ويستغلوا أى تحرك بالصريخ والعويل ليضحكوا بها على شعوبهم يريدونها أن تظل دائما هى بلد المواجهة وهى الحارس على أمنهم وهى التى يحاسبونها على تحركاتها ويصبوا غضبهم عليها ليخدعوا شعوبهم زكاكيب المال التى تستثمر فى أوربا وأمريكا والتى تعود على إسرائيل بالدعم والتسليح لايعتبرونها تواصل يريدون فقط اسكات مصر وشراء تحركاتها لصالح طموحاتهم ولو كانت مريبة البلد العربى الوحيد الذى وقف على الحياد فى سوريا حفاظا على وحدتها وتماسك أراضيها وترك الأمر لشعبها هى مصر وهذا مايغضب كل الأطراف فعلاقات أمريكا بإيران والسعودية وتركيا وحتى روسيا سكر وعلاقات روسيا وإيران وتركياوأمريكا عسل طب إيه المشكلة : مصر تريد إعادة القرار للشعب السورى وهذا يغضب أصحاب المصالح فى سوريا فهل الشعب السورى له قرار فى حلب والشمال السورى ؟؟؟ أم القرار بيد مرتزقة العالم والذين وفدوا إلى سوريا حاملين شعارات وأعلام لاتمس الشعب السورى ولكنها باسم دول أخرى ؟ فهل نغوص فى هذا المستنقع لنرضى أطرافا حقدها وطائفيتها تحركهابتوجيهات ودعم المستعمر القديم الذى ينتظر فرصة لإعادة الماضى ؟!!!!! |
بارك الله فيك اخي الكريم
|
اقتباس:
جزاكم الله خيرا |
من يتأمل مايحدث فى جلسات الأمم المتحدة ومجلس الأمن وتوزيع ملفات الدول العربية التى توجد بها حروب داخلية لدول بعينها ولايدرك الكارثة التى تحكم العالم
فعليه أن يصمت قليلا ليتذكر ماض مهين لم يبتعد كثيرا عن دولنا |
شكرا اخي علي طرحك لموضوع اوف سايد الممثل النكرة ومن تعدي علي اعراض الصعيد
|
جزاكم الله خيرا
|
التجويع حتى التركيع
ألسنة الغرب فى الداخل والخارج تتوالى الأن وغدا وبعد غد فى تقديم أعتذاراتهم ومحاولة مسح ماشاب بسيرتهم وصورتهم أملين فى نسج خيوط جديده مع شعب كره سيرتهم وصورتهم مسارات التجويع مستمرة فهل يركع الشعب ؟ سؤال يجيب عنه الشعب |
وانت ماشى فى مصر سلّم
ع اللِّى ربّى وع اللِّى علّم واللِّى كبّر واللِّى عقّل واللِّى داوى واللِّى فهّم ع التاريخ اللٍّى بيكتب اسمها فى كتابه حاضر ع اللِّى بتربِّى إبنها من صُغْرُه يكبر ويبقى راجل ع البُنا والبنَّايين وع الخَضار والفلاّحين والإيدين الشقْيانين لِف بعيُونك وشاوِر إِنْزل امْشى فى الشوارع زُور كنيسه ودير وجامع واللى شاف غير اللى سامع مصر سِحر مالوش أخِر |
الحقد الطبقى
تلك المقولة التى أخضعت الغلابة وفرعنت الفهلوية شطار من أين يأكل الكتف الجماعة اللى صدعونا بالعدالة الاجتماعية واللى كانوا شغالين على تحريك الجوعى والمعدمين اتصدموا لما الحكومة اتجرأت عليهم وغلت البنزين على عربياتهم اللى بالملايين نسيوا الشعارات وشغلوا الاسطوانات بالإشاعات وانشغلوا بحالهم ونسيوا تبعهم واضح إننا اللى فاهمين العدالة الاجتماعية غلط فكرونى زمان برد واحد كان من أغنياء زمن الفساد لما قال له أحد الشباب لازم الأغنياء يضحوا شويه فكان رده - انتوا فاهمين الوضع غلط ليه مانطالبشى الحكومة تغنى الناس زينا فضحك الشاب وقال له : هو انتو بيتبقى منكم حاجة !!!!!!!!!!!!!!!!!!!!!!!!!!! وربنا سلم ونجاه بقدرته سبحانه وتعالى من حصار التبع |
احترمت الأب طوال حياته وحزنت لرحيله
وكرهت الإبن حتى وهو فى بدايته ليس لنفسه ولكن لكل من حوله أخرجوه من جلباب والده ليرتدى ثوب لايليق بتاريخ والده فهل الحب والاحترام يأتى إلا لمن يحترم مبادئ من نشأ فى ديارهم الطاهرة |
العدد فى الليمون
بدل الثورة ثورتين الثورة اللى ماترميش خيرها فى حجر الغلابة المطحونين كرد جميل لمشاركتهم تبقى مش ثورة -تبقى صراع على السلطة - ويا أسفااااااه - منا من يسبح فى التأييد على أمل أن المتصارعين هيقبلوا إن أولاد البواب يبقوا أى حاجة غير بوابين - هما عايزينهم كدا ليظلوا تابعين ومؤيدين ويتحملوا أخطاء الأخرين -- الفكر الباشواتى لازال يسرى فى نفوس الكوادروالنخب المعارضين والمؤيدين - |
سؤال برىء جدااااااااااااا
كان زمان لما كان أى حد ييجى يتكلم فى السياسة - كنت تلاقى واحد من الفهلوية إياهم يطلع يقول لك انت تعرف إيه عشان تتكلم فى السياسة ؟ أتارى السياسة كانت تلتزم بعض الصفات (الفهلوة فى الضحك على غيرك - الذكاء لقنص الفرص - الغباء عند السؤال عن حاجة الناس ومطالبهم ) حد سمع عن صفة العلم فى السياسة جاءت فى المواصفات المطلوبة - عشان كدا البلد كانت عايشه بالفهلوة- والذكى فيها كان العاشق لذاته ومصالحه - والغبى كان اللى مصدق إن البلدى دى بلدنا تفتكروا الغباء الأيام دى زاد ولاقل ؟ |
عنوان المدرسة (عزبة ------)
جوده جوده حتى النصر 3سنين مدرسين وإداريين متشمرين وشغالين على أمل يجونا ويقيمونا لكن كل ترم يؤجلونا ويبلغونا :أنتم مترحلين كمان شهرين - ليه ؟ يقولوا لنا السادة المسئولين مش عارفين طب مين اللى يعرف ياولاد الناس الطيبين سنة وراها سنه وكلنا مشدودين لحد ماجولنا الساده المقيِّمين 3 أيام كله تمام وكلنا شدين الحزام غسلوا المدرسة متابعة من الحصة الأولى للسابعة وزى مابديناها بالسلام ختمناها بالسلام بس لاحد قال لنا تمام ولاحد قال حتى بكام قلبهم جامد قوى السادة المسئولين لكن على مين -دا احنا صبرنا غلِّب السلاطين وخلَّى حظنا كدا مع السادة المسئولين |
عن نفسي استاذنا الفاضل وكمعلم في الحقل التعليمي لم افهم معني الجوده وعن ماذا يتكلمون وماذا يريدون وماذا استفاد الطلاب وما وقع علي المعلم والطالب منها قد يكون تقصير مني في البحث والتنقيب عن جمل وعبارات رنانه تنصب لها السرادقات وترسم لها الكلمات ويتم تجييش وتوظيف معنيين وغير معنيين ثم ترتيبنا في اخر القائمه في المجمل ثم لماذا في الاساس تطبيق مثل هذا المسمي ان كان مجديا علي بعض المدارس واخري لا
|
صدقنى يا أستاذ إبراهيم
مش عارف أرد عليك وأقول إيه ؟ لأن الجودة أن يقوم المعلم بدوره على أكمل وجه لكن لماذا خصخصوا لها مسار أخر بعيد عن المتابعة من الإدارة والمديرية والوزارة أظن والله أعلم أن بعضهم من مواقع مستقلة وتابعة لرئيس الوزراء المهم والأهم أنهم أفاضل تستريح بمعاملتك معهم بالبلدى زيارتهم لثلاتة أيام مسحت تراب مشاحنات ومهاترات ثلاث ستوات قضيناها مع أعضاء جودة الإدارة دعواتك يامستر أبراهيم شكرا جزيلا |
موضوع رائع
|
اقتباس:
جزاكم الله خيرا |
نخب وكوادر مصر
طبعا هناك نخب تخجل أن تراها أو تسمعها إلا وتعطيها تعظيم سلام :078111rg3: لكن الحديث عن دولاب توظيف الوزراء والسادة المسئولين شعارهم : احنا بنضحى عشان الشعب فلازم الشعب يضحى عشانا طب وصلنا للجوع - تأمرونا بإيه تانى نضحى بيه عشانكم يا أسيادنا وتاج رؤسنا كل وزير فى مصر أول مايتولى الوزارة يعمل له فريق داخل الوزارة -- مش عشان يساعدوه فى توفير حاجة الناس المسئولين منه لاسمح الله - لأ عشان يفشلوا الوزير اللى هييجى بعده ومايبقاش هو الفاشل الوحيد --- لوقدرنا نطلع الحاجات دى من فكر النخب والكوادر اللى فى مصر - -نبقى ساعتها نتكلم على بناء دولة فيها عدالة اجتماعية وماينفعشى اللى يطور تعليم الشعب اللى معظم ولاده فى مدارس حكومية معدومة يكون كلهم ولادهم فى مدارس خاصة مرموقة هيطوروا إيه ؟ولمين ؟ |
ماحدش واخد باله
فى بداية العام فى بريطانيا ونهايته فى أمريكا وبعد مافشلت وأكدت عدم مصداقيتها ونزاهتها كل وسائل التكنولوبيا الحديثة لاستطلاعات الرأى فى البلدان العظمى وكانت نتائج الاستفتاء البريطانى على البقاء فى الاتحاد الأوربى من عدمه كانت مخالفة تماما لكل التوقعات وكذلك فى انتخابات الرئاسة فى أمريكا التى أظهرت أن التكنولوجيا والاستطلاعات أيضا لها ميول وتوظيفات سياسية لكن وللأسف - بس هى لها مصداقيتها المقدسة عندما يرتبط الأمر بوطن من أوطان العرب بفعل المتأمريكين العرب |
حلوانى فى بلاد المخلل والمشطشط
زمان حين كان يخرج علينا المثقف وينغم كلماته بعبارات من لغات الغرب كنا ننبهر به وبثقافته التى تتخللها كلمات من لغات ربما كنا لانفهم معظمها ولكنها كانت تعبير لمدى الثقافة على أمل ينتج لنا أى جديد - ولكنها كانت بمثابة نقلها كموضة جديدة يتبعها الشباب ودمتم مضى هذا العصر حتى رزقنا بمن يحدث أهلنا بلغة شعبنا فتجمعوا حوله ولكنه فى النهاية احتسب علينا بمثقف وماهو سوى مغرور كان يهرتل فصطدم الشعب بهرتلته وعشقه لذاته حل علينا الأن مثقفين أصلهم من الأرياف والعشوائيات غلبت عليهم مصادر ثقافتهم فأنستهم قيم أهلهم وجيرانهم القدامى وسبحوا بفكرهم مع جيرانهم الجدد فى أرقى أحياء المدن نسوا قيمهم وتغذوا بقيم جديده - فدائما يبحثوا عن أخبار بلدهم ليس فى صحفها ولكن فى صحف أعدائها وكأنها تعبير جديد لثقافة الموضة نسيوا ماضيهم وصاروا خصما له وتفننوا فى كيفية استغلا ل أوجاع جيران الأمس ليساعدوهم فى الوصول لطموحاته وطموحات جيران اليوم لكن لازال من يحمل همها ويقدم النفيس لبقائها هو من حرم نعيمها وصبر على تجاهل حكوماتها لأقل حقوقه التى يبدو أنه علم أنه مهما فعل لن ينالها ومع هذا كله تجده شعب تركيبته لاتقف عند الإنسانية بل تركيبته ربانية يتحمل ويصبر وعلمه ويقينه أن الرزاق موجود والستار موجود وكل ماعليه أن يفى بالوعود والعهود سلمت شعب القيم وسلمت بك كل الأوطان |
نواب الغفلة
تماشيا مع الهدف المنشود من نشر الفوضى وتأجيج الصراعات بين السلطات قرر بعض النواب القتال حتى إثبات أن تيران وصنافير مصرية رائع وتعظيم سلام وياريته يخلص فى خلال أيام حتى تتفرغوا لباقى الدولة و ياريت مايكنشى الشعار (نثق فى مصرية تيران وصنافيرميه فى الميه وعلى باقى القرى وتوابعها والمدن وضواحيها بسكانها ومصالحها وكل مافيها تنتظرالدور-حين ميسرة ) ميسرة مش هيصبر وكمان مش هتصبر وساعتها هيفهموك غلط ان الهدف كان إعلان مصرية تيران وصنافير وسحب الجنسية من باقى مناطق البلد --ولا إيه ياحضرة النائب؟ |
الشيخ الطيب اللى نهرنى لأن كلامى كان فيه شىء من السباب
دلوقتى شغال مفتى زمانه وبيفتى وبيحلل قطع الرقاب وبدل أتباعه مايعاتبوه على إهماله لمستقبل الأمة وتركه للشباب لسه بيبرروا له تركه لرسالته ومحضرين له الأعذار والأسباب ياعالم اتقوا ربنا فينا وفيكم وخرجوهم من هذا الوهم والسراب طهروهم من مستنقع السياسة وأعيدوهم لحلقات علمهم وعلومهم ياعالم -- ارحمونا والحقوا الشباب |
اقتباس:
لماذا لا نعترف بضعفنا مع المجاهده ؟ لماذا نعاني من الازدواجيه الحاده ؟ اذا لم تستطع ان تكون شفافا وانت قدوه في اعين االناس فتنح جانبا والتزم بالانسحاب وليس هذا ضعفا بل هو قوه ...الزم بيتك وابك علي خطيئتك ...لانك اذا فقدت المصداقيه اصبحت مثلا سيئا ومبرر لمن يعتريهم الشك اللهم اجعل باطننا ظاهرنا وتجاوز عنا يا كريم |
شكرا جزيلا وجزاكم الله خيرا
|
|
|
| جميع الأوقات بتوقيت GMT +2. الساعة الآن 01:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.