ايه احسن كلية طب بيطري في مصر ؟
 

السلام عليكم :)
انا محمد القلفاط 97.44 جالي بيطري كفر الشيخ :)
بس كنت بحلم ان كليتي تبقي في القاهرة او الاسكندرية :) بس لما لقيت كليتي في كفر الشيخ اتصدمت :o و لكن لما سألت عن بيطري اسكندرية و لقيتها في ادفينة استبعدت الاسكندرية بس لسه بفكر في القاهرة :)
كنت عاوز اعرف مين الاحسن في الدرسة و الشهرة بيطري القاهرة و لا بيطري كفر الشيخ :cool:

سمعت ان بيطري كفر الشيخ الاولي علي العالم العربي و مطلوبين بره بس مش متأكد من الموضوع ده ممكن لو في اي حد عنده خلفية عن الموضوع يرد عليه و ينصحني :)

شكرااااااا بس عاوز اعرف مين احسن في ادراسة :)
و ايه الاختلاف بينهم ؟

ايه يا جماعة محدش عاوز يساعد :(

وانا محتاره بين طب بيطرى المنصورة ولا القاهره مين ممكن اجيب تقديرات بسهوله؟

انصحك بالتحويل الى جامعة الزقازيق لما ستلقاه هناك من المعاملة الحسنة من قبل اعضاء هيئة التدريس والطلبة اما بالنسبة للشهرة فنصحنى العديد من البيطريين بالتحاق بها فهى جامعة ذات ثقل وخاصة فى مجال الطب البيطرى

وانا محتاره بين طب بيطرى المنصورة ولا القاهره مين ممكن اجيب تقديرات بسهوله؟ :excl:

متحيريش نفسك وادخلى القاهرة لان المعاملة فى المنصورة سيئة جدا

انت فى جامعه ايه ؟ طيب انا احول القاهره ازاى لان انا معايا مكان اقامه فى المنصوره وفى مصر الدنيا بهدله وانت عارف فا ايه رايك تنصحنى بايه ؟؟

انا بنصحك تحولى الزقازيق فعلا مصر بهدله عليكى وخصوصا انك بنت حولى ومش هتندمى

طيب الزقازيق ايه الناس فيها كويسين ولا رخمين ؟ وانت فى كليه ايه ايه الفرق بينها وبين القاهره او المنصوره

لما رحت اسال عن معاد تقديم الاوراق قابلت اساتذة جامعيين هناك وسالتهم عن بعض الاشياء اللى محيرانى لقيتهم بيتكلمو معايا بمنتهى التواضع والاحترام وتحسى انهم زمايلك مش اساتذة علليكى واللى خوفنى من المنصورة ان بنت خالتى معيدة هناك فى صيدلة وقالتلى معاملة الدكاترة سيئة جدا وده اللى اكدلى كلام الناس

طب بيطري المنصوره كــــــــــــإسم وشهره معاك وشغل برده مطلوبييييييييييين جدااا
انما كتقديرات انسي :(
وألف مبروووووك وربنا يوفقكـ

على فكرة جامعة الزقازيق معرفة فى مجال الطب البيطرى بالذات وده بعد ما سالت الكثير من الاطباء البياطرة

عملتى اية يادكتوره lolaatt فى موضوع التحويل

حضرتك بتقول بيطرى الزقازيق



الزقازيق ملهاش اسمفى بيطرى هو مش علشان حضرتك فى الزقازيق هتبقى جميله



المعروفه المنصوره عين شمس القاهره

اهوة فى البيت معرفش صحيت من النوم لقيتهم بيقولو حولى القاهره عشان جامعه المنصوره من غير تقديرات واحنا بندور على المسقبل وجامعه المنصوره بيطرى فى مكان لوحدها بعيد عن الجامعات التانيه فا مش هتعجبنى وماما قالت القاهره بالكورسات هتبقى التقديرات اسهل ما اروح المنصوره واطلع بمقبول او جيد انت ايه رايك يا دكتور ؟

اولا جامعة المنصورة تقديرات البنات كويسة الولاد مش اوى ثانيا الكليه ف الجامعة جوا مين قالك انها بعيد عن الجامعة دى ورا طب وصيدله على طول وبعدي اللى بيذاكر ف اى مكان بيجيب وجامعة المنصورة طول عمرها اسمها له وزنة يعنى

يا دكتر محمد الكلية قريبة من الجامعة صحيح بس مستشفى الكلية فى شها النموزجية يعن بينها وبين الكلية كيلومترات يعنى بهدله وبعدين ايه اللى هيخليها تروح القاهره وتقعد فى المدينة الجامعية ويعالم البنات اللى معاها هيكونوا حلوين وللا اخلاقهم وحشة وممكن كمان تكون هى مبتعرفش تذاكر امام حد لا لا لا طما هى قدامها جامعة الزقازيق قريبة عن القاهرة وفيها كل اللى هى عاوزاه وسيبك من اللى يقولك اسم الجامعة ومش اسم الجامعة ابسط مثال عندك محمد مرسى خريج الزقازيق وراح درس فى كبرى جامعات امريكة وغيره وغيره ده كله طبعا مع كل الاحترام والتقدير لوجه نظر معاليك

أولا اللي بيذاكر ويعمل اللي عليه بيلاقي في الآخر مجهوده وتعبه....وربنا بيوفقه
أما عن تقديرات الكليه في جامعة المنصوره فمش حلوه خالص سواء بنات ولا أولاد
وبالنسبه للحصول علي تقدير كويس في جامعه المنصوره عموما وخاصه في كليتي ((طب بيطري))
بيبقي صعب وعايز مجهود من نار...
واحنا بقي بنطنش ونكبر ونقول كفايه قوي سنتين الثانوي
بس فعلا اللي بيجتهد بيلاقي الجهد بتاعه في الأخر
بالتوفيق للجميع^_^

أولا اللي بيذاكر ويعمل اللي عليه بيلاقي في الآخر مجهوده وتعبه....وربنا بيوفقه
أما عن تقديرات الكليه في جامعة المنصوره فمش حلوه خالص سواء بنات ولا أولاد
وبالنسبه للحصول علي تقدير كويس في جامعه المنصوره عموما وخاصه في كليتي ((طب بيطري))
بيبقي صعب وعايز مجهود من نار...
واحنا بقي بنطنش ونكبر ونقول كفايه قوي سنتين الثانوي
بس فعلا اللي بيجتهد بيلاقي الجهد بتاعه في الأخر
بالتوفيق للجميع^_^

بس الداكترة عندكوا يادكتورة معاملتهم سيئة للغاية ولا اية الكلام ده اتقالى من ناس كتير وبعدين منقدرش نقول ياجماعة فى جامعة صعبة او سهلة المهم اللى يذاكر ويجتهد على رايك يادكتورة

وبعدين يادكتورة ايه هى الزقازيق والمنصوره ايه ماهو واحد

والله يا دكتر انا مش بصدق كل الكام اللي يتقالي
لازم اتاكد منه الاول هم قالولي كده قبل ما ادخل الكليه ان معامله الدكاتره مش حلوه بس انا مش شفت كده لقيت ان المعامله كويسه مع الطالب الملتزم ...اما الطالب المشاغب اللي بيستفز الدكتر ..أكيد الدكتر لازم يتخذ اي موقف معاه...
ولما قلت الكلام ده لناس اكبر مني في رابعه وخامسه ..كان الرد ان دكاتره اولي وتانيه طيبين اما رابعة وخامسه للاسف مش كده..وانا مستنيه اما ادخلها واشوف الكلام ده بس برده مش متخيله قوي
لان الدكتر عمر ما هيشوف طال ملتزم وف حاله وهيعمل معاه اي حاجه
ده رأيي..^_^

زي ما حضرتك بتقول كله طب بيطري وكله نفس المجال
بس اللي انا بسمعه ان طب بيطري المنصوره لها اسم ومطلوبين اكتر

ماشى يادكتورة

ماهو لو انا رحت الزقازيق برضو هاعد فى مدينه مش معقول كل يوم اصحى من 6 الصبح عشان اوصل فى المعاد وارجع هلكانه من الجامعه كدة هذاكر امتى ؟؟ لو كدة يبقى القاهره احسن لان فيها كورسات تسهل الامور وكمان جامعه معتمده وليها كمان وزنها زى المنصوره وبعدين بدام الواحد فكر فى جامعه غير المنصوره وسا بيتو هيشوف الويل وسواد اليل هههههههه ما هو الحظ لما يبوظ بيبوظ من كلو مناهج ثانويه وزفت وامتحنات زفتين وطلعنا منها قلنا حققنا المطلوب ويا ريت المطلوب جه وجتلنا بيطرى ولما رضينا بيها لقينا نفسنا قدام جامعه تتطلع منها بمقبول دة كلااام ؟؟

المدينه مش مشكله ولا حاجه ..........انا في مدينه لاني من دمياط...وعادي يعني ^_^

فكرى تانى وشورى ناس كتير

والله انا سمعت من ناس اكبر منى بسنة ان تقديرات البنات كويسه جدا لانهم بيذاكروا لكن الولاد مقضينها فعشان كدة تقديراتهم وحشة ودة من الدفعة اللى قبلى وهما ادرى منى بكل حاجة

يادكتر محمد المسالة مش كده المساله مساله معامله دكاتره ليك واستغلال مابعده استغلال

بصو يا جماعه كلو اجمع من المنصوره ان المنصوره مفيهاش تقديرات اوى بنات او ولاد كلو بيتبهدل

عايزة اعرف امتى الواحد بيتعين معيد لازم كل الخمس سنين امتياز ولا ممكن جيد جدا ولا تقدير اخر سنه بس ؟؟

يا جماعة انا سمعت من ناس بتدرس في بيطري كفر الشيخ انها احسن كلية في الشرق الاوسط و الدكاترة الي فيها كويسين قوي وكلهم وخدين الدكتره من المانيا او اليابان عقبلنا يا رب و كويسين قوي في معاملة الطلبة

بص مفيش غير بيطرى مشتهر الى هى تبع بنها والزقازيق واللى ليهم الاولوية فى الشغل انا حولت من القاهرة لما قالولى ان بنها افضل وكمان اقربلى ربنا معانا ونستريح فى بيطرى

بص يا دكتور صلى استخارة وتوكل على الله فى الى هترتاحلة انا مش هفتى لانى علاج طبيعى ان شاء الله بلتوفيق وابقى قول عملت اية

و الله يا جماعة مش هتفرق كتير المهم ان الواحد يجتهد و يعمل الي عليه لان المرحلة دي هي الي بتميز الطلابة من بعضهم لان المتميز يقدر يثبت نفسه في اي مكان وربنا يوفقنا جميعا :)