|
دفعة طب بيطرى 2012 على مستوى الجمهورية اجمع هنا
السلام عليكم ورحمة الله وبركاتة
اعرفكم بنفسى محمد من المنصورة التحقت بكليه الطب البيطرى جامعة القاهرة وهحول المنصورة ان شاء الله انا عمرى ما كان حلمى انى ادخل طب بيطرى او بشرى او اسنان انا طول عمرى نفسى ادخل صيدلة بس الحمد لله على كل حال ودة نصيبى وقدرى ف الاول والاخر وربنا هو اللى اختارلى الكلية دى فا اكيد هيكون فيها الخير ليا ان شاء الله انا بعد ما شوفت التنسيق الزبالة طبعا (حسبى الله ونعم الوكيل ) ولقيت اصحابى اللى جايبن اقل من 97 % مش لاحقين اى حاجة من كليات الطب (القمة) واللى جايب 99 مادخلش طب فا حمدت ربنا وشكرت فضلة انى دخلت طب بيطرى وان شاء الله مع الوقت نقتنع بيها ونحبها باذن الله اهم حاجة ما تكرهش نفسك ف الكليه واعرف ان دى مرحلة جديدة وافتح قلبك ليها وتفاءل وان شاء الله خير اطلب بقى منكم طلب ممكن كل طلبة الطب البيطرى الدفعة الجديدة نتعرف على بعض الاسم ومكان الكليه ولو هتحول لمكان اخر او لاء ومبروك عليكم يا دكاترة المستقبل |
انا شيماء ألتحقت بطب بيطرى المنصورة كنت جايبة 97.6 وكان حلم حياتى الصيدلة ي رب صبرنى
|
مروه من الجيزه جالى طب بيطري القاهره ومن ابتدائي ومش كدب على فكره وانا واهلى حاطين صيدله
وجبت 97.2 لكن قدر الله وما شاء فعل |
انا كنت جايبة 97.8 وجتلي بيطري القاهرة ربنا يصبرني
|
انا بقى جايبة 97.3 % وكان حلمي من وانا صغيرة صيدلة وكان نفسي فيها بس الحمد لله على كل حال وداخلة طب بيطري الاسكندرية ان شاء الله كنت محتارة بينها وبين علوم بس كتير قالولي بيطري احسن
|
انا ايه جبت 97.3 وكان نفسى صيدله او اسنان او حتى علاج طبيعى جتلى بيطرى ربنا يصرنا بجد انا بخاف من اى حيوان بجد اللى تخاف منو يجيلك هههه وكمان جتلى طب بيطرى قنا وعايزه احول المنصوره او القاهره وانا مش عارفه احول ازاى حد يقولى بلييز
|
انا طب بيطرى القاهره
|
انا رامى 97.93/ بيطرى المنصورة ارفع راسك فوق انت بيطرى
|
اقتباس:
حلوه بس انت ممكن يجيلك علاج طبيعي القاهره |
انا هند م الزقازيق
اولا عايزة اقول حسبى الله ونعم الوكيل وبعدين انا جالى بيطرى الزقازيق وانا جايبة 97.7 والله اللى بيحصل ده ظلم وحرااااااااااااااااااااااااام كان حلم عمرى ادخل صيدلة وكنت كاتباها رغبة اولى وعمرى مافكرت ف حاجة غيرها ولا خطر ع بالى بيطرى ابدا لكن هقول ايه غير قدر الله وماشاء فعل |
اولا الف مليووووووووون مبروك يا دكاتره :av4056bb7jp3: قدر الله وماشاء فعل بس ان شاء الله الايام هتثبتلكم ان ربكم بيحبكم اوى ( ومحدش يستغرب من كلامى ) دى حقيقه والله ولو عايزين تتاكدوا اقروا ع الكليه واسالوا اللى فيها واللى كانوا فيها مره تانيه اهلا بكم يا (( دكاتره )) :) |
اهلا بحضرتك يا دكتور ايوة كدة عاوزين نتجمع عشان نعرف بعض ونتمكن من الارتقاء بقسم الطب البيطرى ف المنتدى ونفيد بعض ان شاء الله
|
بسم الله الرحمن الرحيم انا اسمى محمد اشرف كان نفسى طول عمرى اخش صيدلة بس الحمد للة ما جاتليش بقى وخلاص انا كنت جايب 97.8 بس جالى علوم ببس مجموعى معدى البيطرى فانا هحول ان شاء الله لبيطرى اسكندرية لما يفتحوا التحويل ياريت الى عندة اى معلومة ممكن يفدينى بيها يكتبهالى
|
انا كمان 97.6 وجالى بيطرى القاهرة مع انى عمرى ما فكرت لحظة انى ممكن اكون طبيب بيطرى ابداااا بس الحمد والشكر لله بس فيه مشكلة انى بخاف من الحيوانات اوى اوى
|
انا بردة والله بخاف م الحيوانات جدا بس هنعمل ايه بقى الحمد لله ربنا يوفقنا
|
انا ياسمين و جايبة 97.6 وجاتلى طب بيطرى و كمان دمنهور مع انى كنت عايزة اسنان اسكندرية
بس يا جماعة العيب مش فينا العيب ف التنسيق |
ان كان الطبيب البشى طبيب الانسان فان الطبيب البيطرى طبيب الانسانية انا رامى بيطرى المنصورة
|
ربنا موجود
|
اهلا بيكم يا دكاتره :av4056bb7jp3: والله منورين وزى ما قلت ان شاء الله خير والايام هتثبتلكم ان ربكم بيحبكم اوى لما اختار ليكم بيطرى :) |
والله يا ezel
احنا مش عارفين من غيرك كنا هنعمل ايه دايما رافع معنوياتنا |
اقتباس:
اقتباس:
انا معملتش حاجه .. ودا واجب عليا :bosyht9: خصوصا انى مريت باللى انتوا بتمروا بيه السنه اللى فاتت وكنت محتاج للى يحببنى فيها ويكلمنى عنها :( ولو احتاجتوا اى حاجه من عنيا :d |
ربنا يخليك يا ايزل بس انت جامعة ايه واخبار الدراسة ايه سهلة ولا صعبة
|
انا جبت 97.3 زجالي طب بيطري سوهاج يلا ربنا يسهلها معانا كلنا ونحبها
|
السلام عليكم
أنا جبت 97% طب بيطرى اسيوط وربنا يسهل |
انا ولاء جايبى 97.2
ربنا يستر لأنى بخااف جدددا من الحيوانات وخصوصا الكلااب دخلت بيطرى القاهررة والحمد لله:bosyht9: |
انا بقى كان نفسى فى اعلام
بس داخلة غصب بحكم ان اعلام فى القاهرة بس وانا فى المنصورة يلا الحمد لله بس هى كلية جميلة ولله انا جايبة 97,3 بس انا عاوزة احول من بنها للمنصورة حد يعرف ازاى وامتى ظ؟ |
Ana betary Alex :bosyht9: |
اقتباس:
هوا كل اللي هنا تقريبا كان نفسم صيدلة قدر الله وماشاء فعل والحمد لله على كل حال معلش ميعرفتش ارد على المسج علشان مشاركاتي اقل من 50 بس انا بردو لسه مش عارفة اي حاجة عن التحويل |
اقتباس:
هيه الكلية فين في اسكندرية بالظبط؟؟ |
اقتباس:
ههههههههههههههههههههههه الحقيقه ف صدمه صغيره :o الكليه فى ادفينا !!!!!!! منطقه ف البحيره جنب اسكندريه ع طول وكفر الشيخ |
اقتباس:
:o ودي يترحلها ازاي او بيتركبلها ايه ؟ :( |
اقتباس:
لو نتى من اسكندريه فى اتوبيسات يوميا لو من بحيره او كفر الشيخ مواصلات دا لو مكنش فى مدينه !!! |
انا من اسكندرية . اتوبيسات عادية ولا بتاعت الكلية؟
|
الكليه فى اسر كتييييييييير كل اسره ليها مجموعه اتوبيسات ممكن تنضمى لاى واحده منهم واتوبيسات عاديه وحلوه يعنى .. |
طب تمام بس بيبقى ليها مكان تخدنا منه ولا بتيجي تاخدنا من البيت وبردو في الرجوع نفس الحكاية
انت موعود معايا بالاسئلة ههههههههههه معلش بقى |
ههههههههههههه لا ولا يهمك مفيش حاجه اه فى اماكن معينه وبتعدى على مناطق وهى ماشيه والرجوع نفس النظام على فكره يوميا بيبقى فى قدام الكليه حوالى 12 اتوبيس :)) |
:( جالي احباااااط تاني
دا بقى لو في محاضرة الصبح المفروض اصحى قبلها ب 3 ساعات ولا 4 عشان الحق اوصل ربنا يسهل بقى |
لالالالا بقولك ايه انسى كلمه احباط دى :) لما هتشوفى بعين بجد هتحبى الفكره اووى ومساله تعود |
انا محمد المصرى من رشيد جبت97.4ودخلت بيطرى اسكندرية مع معظم طلاب المدرسة وربنا يوفق الجميع وحدش عارف الخير فين
|
اولا الحمد لله سبحانه وتعالي
اهلا بيكم جميعا انا محمد احمد برعي جالي طب بيطري الاسماعيلية وهاحول ان شاء الله الزقازيق انا جايب 97.1 وكان نفسي ذي معظم الموجودين اني ادخل صيدلة ولكن الحمد لله علي ما رزقنا ايه هو اعلم من الكل ممكن معلومات عن السنة الاولي بالكلية |
يكفيك شرفاً أيها الطبيب أن تعالج حيواناً لا يتكلم ولا يشكي ما به
من آلام وأوجاع,, أو كما قال العالم اليوناني ( أبقراط) : إذا كان الطبيب البشري طبيب الإنسان ,, فإن الطبيب البيطري طبيب الإنسانية. |
انا فاطمة من كفرالشيخ جبت 97.7% وجالى طبعا بيطرى كفرالشيخ وكان نفسى صيدلة لدرجة ان قبل ماالتنسيق ينزل رتبت حياتى على صيدلة ومنطقتنا وجيرانا كلهم عرفوا انى صيدلنية بس انا نفسى احول القاهرة بس مش عارفة ليا مدينة ولا لا |
اهلا بجميع طلاب الطب البيطرى بس محدش عارف التحويل الالكترونى هيفتح امتى عشان عاوز احول من القاهرة للمنصورة
|
انامحمد أيوب ألتحقت بطب بيطرى المنصورة كنت جايب 97.6 وكان حلم حياتى الصيدلة
|
اهلا بيك يا دوك
|
محدش يعرف بيطرى دمنهور دى نظامها ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
بيطرى دمنهور فى البستان :blush: اعلى طب بيطرى زى ما شفت لسه جديده .. البستان دى ف البحيره |
انا اسراء وجايبة 401 واتصدمت وانهرت اول ما عرفت ان جالى بيطرى بس الحمد لله وياريت يا دكاترة تساعدونا وتفهمونا الدنيا ماشية ازاى فيها
|
انا اختى جايبه 97.8 وملحقتش صيدله عشان درجة واحده وجالها تربيه عام ياريت حد يجاوبنى احولها طب بيطرى ولا علوم اي فيهم احسن
|
اقتباس:
|
| جميع الأوقات بتوقيت GMT +2. الساعة الآن 01:59 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.