|
جـروب 3 ثـانوى ( علمـى ريـاضه )
.http://www8.0zz0.com/2012/10/25/07/171602265.gif عاملين ايه ياشباب ويا بنات في الدراسه؟ ...؟؟؟... يارب تكون كويسه...... ايه رأيكم لو نعملنا بيت هنا خاص بطلبة الصف الثالث الثانوي رياضه )2( ؟؟؟ وبما اننا هنكون فى بيتنــا هنسأل بعض عن كل اللي احنا عاوزينه في كل المواد المقرره علينا (عربي / english / رياضه /.............علم نفس / علم اجتماع ../فيزيا ..... كل حاجه تخطر علي بالكم هتلاقـوه هنـا فى بيتكـم فمش هتحتاجو تطلعوا بره ان شاء الله لاننا هنساعد بعض علي قد مانقدر كل اللي عنده سؤال او مسأله يجيبه هنا وهنلاقيله الحل باذن الله يلا بقي عاوزه اسمع واشوف مين اللي هيدخل بيتنا ويبقي واحد مننا هاااااا......؟؟؟؟؟ محدش خبط عالباب لسه؟ عموما انا هسيب الباب مفتوح عشان اللي عاوز يدخل يتفضل فأي وقت http://www8.0zz0.com/2012/10/25/07/258483454.jpg .....جاري انتظار دخول افراد العائلة الي البيت........ |
تـم التثبيـت
بالتوفيق لكـل طلاب علمـى ريـاضـه |
انا معااااااااكى ان شاء الله وربنا يوفقنا كلنا ياهندسه
|
اقتباس:
اهلا بيكي...نورتي بيتك.... ربنا يوفقنا جميعا.... |
معكم بإذن الله بس بتوع الرياضة يظهروا بس :) |
اقتباس:
احنا بتوع الرياضه....... حد ليه شوق في حاجه؟؟؟؟؟;) |
انا رياضة
:d |
اقتباس:
ياويلكم ياويلكم...:)welcome نورت بيتك ومطرحك |
معاكم إن شاء الله و ربنا يوفق الجميع و كل سنه و أنتم طيبين أحمـــــد |
Aro7 M3akom
hhhhhhhhhh |
اقتباس:
اهلا بيك يا أحمد ربنا يوفقنا كلنا يارب |
اقتباس:
هتروح معانا فين؟ احنا هنقعد نذاكر فبيتنا اقعد يابني واتهد مفيش خروج بره الا لما تخلص مذاكره |
انا معاكوا انا معاكوا :d ^_^
كل سنة و انتوا طيوبين :) |
اقتباس:
وانتي طيبه ياحبيبتي:d:d نورتي بيتك:) يلابقي الاجازه خلصت:rolleyes: ذاكروا ياشطار عشان منضربش حد;);) |
طق طق ممكن اخش |
اقتباس:
طبعا ممكن تدخل البيت مفتوح للكل:d بس بقولك اييييييييييييييييه;) ادخل برجلك اليمين:unsure: |
السلام عليكمورحمة الله
انا عارف انة ممكن يكون موضوع سخيف شوية بس انا في تالتة علمى رياضة وعايز اعرف ازاى ازاكر الاقتصاد انا الاول كنت علم نفس وبعد كدةنقصت درجتين في الامتحان فخوفت وحولت انا وصحابي اقتصاد واحصاء مدرس الاقتصاد قاعد بيا شهر وجة امتحانى نقصت 5 درجات انا خايف جدا من المادة الادبية ومحتار ارجع تانى لعلم النفس ولا اشد نفسي في الاقتصاد انا بصراحة مش طايق المادة ولا المدرس ومش عارف ازاكر حاسس انى بضيع ارجوكم ساعدونى قولولى ازاكر من اية واحل ازاى انا خايف جدا ربنا يرحمنى برحمتة |
اقتباس:
وعليكم السلام ورحمة الله وبركاته اولا الموضوع مش سخيف ولا حاجه ده مهم جدا ثانيا مش معني انك جبت درجه وحشه في علم النفس او الاقتصاد يبقي متاخدهاش هقولك حاجه انا بقسم السنه دي لمرحلتين مرحله اسمها مرحلة المذاكره والمرحله دي بذاكر فيها المنهج وامتحن واجيب درجات حلوه ووحشه لكن مزعلش لاني لسه بذاكر ولسه قدامي فرص كتير اني احسن من مستوايا المرحله التانيه مرحلة المراجعه وفي المرحله دي بكون خلصت المنهج وبدأت مراجعه وبمتحن علي الاجزاء اللي براجعها اول بأول وبجيب درجات حلوه ووحشه برضه لكن بزعل شويه لما مااجيبش اللي انا عاوزاه بس مش بستسلم عشان كده مبسكتش وافضل اذاكر تاني وتالت لحد مااجيب الدرجه النهائيه لحد يوم الامتحان قدامك فرص انك تحسن من مستواك فمتزعلش لو جبت درجات مش حلوه الايام دي لانك لسه في مرحلة المذاكره خللي عندك اصرار متستسلمش للماده وصعوبتها حط في دماغك ان الماده دي هي اخر درجة سلم لازم تطلعها عشان توصل لهدفك اما بالنسبه للماده سواء كانت علم نفس او اقصاد واحصا فالاتنين محتاجين مذاكره لكن موضوع انك تختار انهو واحده ده دورك انت جربت الاتنين شوف انت حابب انهو فيهم وكمل فيه من غير تردد وانسي الماده التانيه دي من دماغك خالص ركز في واحده بس ومتسمعش كلام حد لما يقولك الماده دي صعبه ودي سهله لان كل واحد وطريقته ومستواه وميله ورغبته للماده فاللي اقدر اقولهولك حب ما تعمل حتي تعمل ماتحب يعني سواء كانت صعبه او سهله وانت بتحبها باذن الله هتقدر تذاكرها كويس جدا وتجيب فيها الدرجات النهائيه اسفه جدا علي التطويل في الكلام بس يارب تكون فكرتي وصلتك واتمنالك النجاح والتفوق |
ياريت لو كل واحد يقول وصل غاية فين فى المواد ويقولنا طريقة مذاكرته للمواد وايه اصعب المواد وهكذا
|
اولا:شكره على الجروب الرائع ده.
ثانيا:انا فى تالته علمى بس ازهر ممكن تقبلونى معاكم هنا فى الجروب ولا فى مانع؟ وعلى العموم ربنا يوفقنا جميعا ونجيب مجاميع عاليه باذن الله. |
اقتباس:
انا عن نفسي انجلش لحد يونيت 8 و2 شابتر عربي خلصت القراءه بس باقيلي درس واحد ونص النحو وخلصت البلاغه ولحد الفصل الخامس من الجزء التاني قصه فيزيا خلصت ارشميدس الرياضه بقي............استاتيكا ماشيه في العزوم تفاضل......هبدأ في المعدلات الزمنيه لسه جبر...........خلصت تباديل وتوافيق اما بالنسبه لطريقة المذاكره فدي بتختلف من شخص لاخر عن نفسي بذاكر عادي زي كل الناس باخد الدرس واذاكره اول باول واحل عليه وكل اسبوعين فيه امتحان في الدرس مفيش حاجه اسمها ماده صعبه كل المواد لازم تتذاكر |
اقتباس:
اولا...الشكر لله ثانيا ......اهلا بكل اللي عاوز يدخل الجروب طبعا بنرحب بكل الناس سواء ازهر او مدارس كلنا لينا نفس المنهج وكلنا بنذاكر |
اقتباس:
|
انا معاكو
ان رياضة 2 ويارب يوفقنا كلنا |
اقتباس:
ايه ده ايه ده ايه ده؟ طيب انا جاوبت وقولت وانت مبتجاوبش ليه؟ هو انت بتدبسني لوحدي ولا ايه؟;) |
اقتباس:
اهلا بيك:av4056bb7jp3: نورت بيتك:d يارب يوفقنا كلنا |
بتذاكروا رياضه و فيزياء فى اي ملخص ؟
|
اقتباس:
الرياضه :) .. لامي ممتاز وبعديه 100% وبعديه المعاصر بس اهم حاجه قبل ماتحل فأي كتاب من دول لازم تكون حالل كتاب الوزاره مسائله مهمه جدا ........................ فيزيا :) .. كتاب الامتحان كويس جدا وكمان الماسي والوسام اما لو انت تقصد الشرح فده بيعتمد علي شرح المدرس والمذكره اللي بيديهالنا:cool: |
كتاب المثالي هتلاقي فيه شرح دروس الفيزياء بس انا بذاكرك من المذكره اللي بخدها من المستر |
وبالنسبه للدروس العربي 3 دروس قراءه و نصين اختياري و النحو هبدا في المبتدا و الخبر و القصه 9 فصول الانجليزي 7 دروس و 2شابتر الفيزياء هبدا في الانبوه ذات الشعبتين الرياضه 2 استاتيكا و 3 تتفاضل و 1 جبر علم النفس خلصت 2علم النفس و واحد علم اجتماع |
اقتباس:
اولا العربى النصوص لغاية المساء والادب لغاية المدرسة الرومانسية والمقال والقراءة لغاية القدس والقصة لغاية الفصل الثامن والنحو لغاية افعال المقاربة والشروع وخلصنا البلاغة ثانيا الرياضيات فى الجبر لغاية نظرية ذات الحدين التفاضل الاشتقاق الضمنى الاستاتيكا لغاية عدة قوى مؤثرة فى نقطة ثالثا الفيزياء لغاية اول جزء فى الطفو رابعا الانجليزى لغاية يونت 6 وشابتر 1 خامسا الاقتصاد والاحصاء فصل واحد بس اقتصاد :d بس كده ياريت لو حد يقولى انا كده كويس فى المواد ولا ايه يعنى وصلت فيها كويس ؟ وشكرا |
انت تقريبا زيي بس انا سبقك في كل ماده بي درس او درسين بس انا الفيزياء واقف عند تطبيقات علي الضغط و العربي البلاغه لسه معرفش فيها حاجه و شكلك كده من القاهره:friendsxs3: عشان احنا علطول بنبدا في نص 9 مش زي عالم فاضيه تبدا من 7 :excl::excl: احمد |
اقتباس:
|
أنا معاكم علمى رياضه وياريت تقبلونى فى الجروب :d |
اقتباس:
ايه ده ايه ده ايه ده؟ هو انتم لسه بتستأذنوا؟ ياجماعه ده بيتكم تدخلوه في اي وقت تحبو اومال انا سايبه الباب مفتوح ليه؟;) كده هتخلوني اقفل الباب واعمل جرس ترنو قبل ماتدخلو:rolleyes: |
انتوا فين محدش بيخش ليه كده اتكلموا قولوا عاملين ايه قولوا اى حاجة
|
طلاب الثانويه العامه .... علمى رياضه أسعد الله اوقاتكم بكل خير :p هاااااا عاملين ايه فى الرياضه أحلى ماده فى الدنيا كلها ;) لسان حالكم بيقول بلا أحلى ماده بلا نيله منيله بستين خيبه ووكسه على تلاتين جزمه :mad: ههههههههههههههه طبعا اللى بدأ ميكانيكا وخصوصا ديناميكا حاسس انه شبه اللمبى فيها عادى جدا جدا أنا أول حصتين ديناميكا قلتلهم فى البيت أنا ححول أدبى وفعلا مكنتش بهذر بس صبرت صبرت صبرت صبرت صبرت صبرت صبرت _ انجز يا خفه _ :stickjo4::stickjo4: حاضر بعد كل الصبر ده لقيت أن الديناميكا دى عامله زى المنور بالظبط كل الشقق منفده عليه أهووو جاى يألش علينا وطالع :romarioxp6: لا والله م ألش فعلا كل ما تمشى فى الديناميكا حتلاقوها كلها بتكمل بعض :d معادلات الحركه ( مهمه جدا )^20 من غيرها حول زراعه أحسنلك :p ... مفيش مسأله فى الديناميكا مفيهاش معادلات حركه :bosyht9: أصبر عليها والله حتبقى بالنسبه لك أسهل فرع من ال 6 :022yb4: طبعا الجبر ده لعب عيال .. تحس انك بتهذر وانت بتذاكره .. كلاام فاضى جدا حفظ يعتبر :022yb4: التفاضل برده رخم لحد ما :o ... معدلات زمنيه بقى وشغل عالى ... متخفش سهله والله بس اهم حاجه تكون فاهم كويس جدا ... لو فاهم حتعرف تحل الدنيا :d التكامل ده اعبط من العبط مفيهوش حاجه :022yb4: الاستاتيكا برده حلوه لذيذه مسائلها بتتكرر من ايام الفراعنه :lol: طبعا انا اخر واحد ينصح فى الفراغيه لانى لما كنت بسمع اسمها بيجيلى ارتجاع مريئ كنت بكرها جدا جدا جدا :( مع انها سهله جدا بس عايزه تخيل وواحد بتلات عيون :slap1qk6: عشان يشوف المجسم ده من جوا ومن فوق ومن تحت ويقعد يتخيل يعنى اه يخربيت الزهايمر :o بتاعى نسيت اقولكم :006et4: كتاب المدرسه ثم المدرسه ثم المدرسه ثم دليل التقويم فى الرياضه ثم امتحانات سابقه = ال 50 مرتاح جدا :d ربنا معاكم وانا تحت امركم ف اى حاجه ف الرياضه اى استفسار اى سءال ان شاء الله اقدر اجاوبكم :d فى حفظ الله ربنا يوفقكم :) |
اقتباس:
نورت بيتنا ياهندسه جزاك الله كل خير |
ده ايه الفضا اللى يخليكى تردى جمله جمله على الكلام ده روحى شوفيلك نظريه فى الفراغيه تحفظيها ولا اشتقاقايه تخلصيها ولا ذات حدايه تجيبى معامل س ^180 :p ولا قوتين تجيبى محصلتهم ولا عربيتين نقل تشوفيهم طالعيبن المنحدر ولا نازلين ولا تكاملايه تكامليها ناقص ايه تانى كده فكرينى ؟؟؟ لا تمام كده السته :d تعالى نتكلم بجد بقى والله فعلا زى مقلتلك فى الكومنت الاولانى هونوا الموضوع على نفسكم تلاقوا سهل والله والله الرياضه دى متعه بس عايزه حد بيفهم وعقله شغال خخخخخخخخخخخخخخ ودمتم سالمين |
اقتباس:
طبعا ياهندسه والله المذاكره سهله جدا بس احنا اللي بنصعبها:bosyht9: وبعدين انا رديت كلمه كلمه عشان عجبني اسلوب الكلام بس مش اكتر:( عموما اسعدتنا وافدتا بمرورك ودايما خليك في التوبيك عشان نستفيد من خبرتكم:) وفقكم الله وجزاكم وايانا كل خير:) |
اقتباس:
والله انا عملت الاسلوب ده اهوو من باب الفرفشه والترفيه ومن باب تانى انهم يدخلوا التوبيك يقروا الكلام ياخدوا دفعه حلوه للمذاكره وربنا معاكم بقى ان شاء الله |
اقتباس:
كلام سليم جدا شكرا على الشرح الوافى ده طمنتنا |
انا معاكم رياضه
|
اقتباس:
ياألف نهار ويلكم:av4056bb7jp3: نورت ..:d.... |
ممكن كتاب المحاضر ضرورى
|
استفسار بسيط جدا
يعنى ايه تفاضل ؟؟ يعنى لو سالك طالب فى اعدادى و قالك يعنى ايه تفاضل ترد عليه بايه ؟؟؟؟؟؟؟ على فكرة انا بتكلم جد مش بهزر |
السلام عليكم
معاكو باذن الله وان شاء الله سنة سعيدة علينا كلنا :friendsxs3:عبد الرحمن:friendsxs3: |
هو لو حد جايب فتانية 92
قدامه فرصة يدخل هندسة ؟ |
اقتباس:
بص يا صاحبى هو انت جايب فى 2 ( 92% ) والسنه اللى فاتت اقل هندسه كانت ( 94.5 % ) يعنى انت عايز تجيب فى 3 ( 97 % ) طبعا انت عايز تبذل مجهود جامد السنادى ولازم تحط هدفك " أنا بذاكر عشان هندسه " والله ربنا كرم وجت يبقى الحمد لله ربنا كلل مجهودك بالنجاح وحقق لك اللى انت عايزه _ لا قدر الله _ مجتش هندسه يبقى ربنا شايلك حاجه أحسن ومفيش حد يقدر يقولك ينفع تلحق هندسه ولا لأ غير انت ... من خلال مجهودك السنادى وتعبك وانك تحط هدف عايز تحققه .... ان شاء الله ربنا يديك على قد مجهودك وتعبك اللى عايز اوصلهولك : الأمر مش صعب بس الحل فى ايدك ( أه حيبقى عليك لود زياده السنادى ولود جامد جدا .... بس لازم تقول " أنا قدها وقدود " ) ربنا معاك إن شاء الله :) |
اللهم صل علي سيدنا محمد
ممكن تساعدوني اذاكر الفيزياء من ايه؟ |
| جميع الأوقات بتوقيت GMT +2. الساعة الآن 06:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.