|
كلية سياحة وفنادق جامعة حلوان...هنا
ياريت اي حد حلوان يبقي معانا هنا عشان نتفق ع كل حاجه قبل ما نروح الانترفيو واللي عنده اي سؤال عن الكلية جامعة حلوان يقول بعض المعلومات ع الكلية العنوان في المنيل:السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخد الشارع لغاية اخره هتلاقي الكلية جمب جراند حياه سنة اولي بتبقي في عين حلوان وباقي السنين في المنيل بالنسبة المصروفات 1-سياحة(لغات) 2-فنادق(لغات) 3-ارشاد سياحي المصاريف في حدود 3000 جنية 4-سياحة (عربي) 5-فنادق(عربي) المصاريف 222جنية ميعاد الانترفيو 16/8 وده ميعادي (بس لازم تروح وتسال في الكلية عشان تتأكد) ها....مين معايا في حلوااااااااااااااااااااااااااااااااااااااااااان... .؟ |
ايوة كده عاوزين نشوف النشاط بقى
يلااااااااا فين جرووووووووب حلواااااااان |
انا كمان يا سوسو معاكى وربنا يستر انا لسه ماروحتش هما قالولى يوم الحد عمتا هعرف امتى الانترفيو وقولك ولو نفس اليوم نتقابل ان شاء الله هناك
|
SHRIEF SHOMAN
ميرسي كتير بس في كتير هنا حلوان بس محدش رد sendrlavig ان شاء الله نبقي نتقابل انا وانتي وتبقي معايا في نفس اليوم |
ميعاد انترفيو حلوان امتى يا سوسو ؟
|
16/8
وراوك وراك في كل حتى :d انا ليا واحد صاحبي في حلوان عشان كده قولت ارد عليك هو هيبقى يوم 16 /8 ان شاء الله |
الانترفيو يوم 16/8 ان شاء الله وان معاكو فى حلوان كمااان وان شاء الله نتقابل هناك انا عبده
|
كلنا تريكا وسها والناس كلها اللى هتدخل ان شاء الله
|
وانا ان شاء الله داخل ارشاد وهى مصاريفه 3750 جنيه فى السنة
|
يلا بقى كل واحد يقول القسم اللى عاوز يدخله
|
انا ارشاد بس انا مش حلوان انا فيوم بس انا من حلوان
|
بالمناسبة ياجماعة
يفضل فى الانترفيو كلاسيك وليس شرط |
يا اخواني
1-مين معايا يوم 16/ 8 سواء بنات او شباب 2-ولو حد معايا من البنات ياريت تقول عشان نجمع |
انا معاكى حلوان .................................................. .................................................. .........................وان شاء الله نتقابل كلنا بنلت وولاد
|
انا تانية ارشاد عايز اعرف الكلية هتتنقل ولا لا
|
هاي يا جماعة انا اولي معاكو بس انا الانترفيو بتاعي يوم 17مش 16
|
اهئ اهئ اهئ
يا خسااااااااااااااااااااااااااااااارة انتي معاكي بنتين برضه وانا لوحدي بنتوتة بس معايا سيكو وتريكا ها يا جماعة مين معايا تاااااااااااااااااااااااااني........؟ |
مش عارف اقولك ايه
بس تريكة شكله كده ناوى على الفيوم |
انا معاكم والانتر فيو يوم 16
|
انا معاكووووووووووووووو حلوان والانتر يوم 16/8
|
لااااااااااااااااا يا جماعة معاد انترفيو حلوان مش 16/8للكل كل مجموعة وليها معادها انا 17/8لااااااااااااازم تروحو الكلية بس اللى فى المنيل مش اللى فى الجامعة وهناك هيدولكو معاد الانترفيو
|
اقتباس:
|
الكلية مصاريفة السنة اللى فاتت 3222جنية والكتب حوالى250جنية بس انا سمعت انها زادت حوالى 100جنية
|
انا كمان يوم 17وربنا معانا كلنا
|
انا يو 16 مع سها ان شاء الله
|
اقتباس:
|
هاى انا هحول من الفيوم لحلوان فى حاجة غير تحويل النت بكرة؟ :confused:
|
فاضل على الاختبار 6 ايام ان شاء الله
|
ايه يا عبده ده هو اختبار زي شكة الدبوس
مش هتحس بأي حاجه ان شاء الله خير (شكلنا احنا الاتنين اللي هنروح نمتحن بس) |
هااااي ياجماعة
انا كان جالي سياحة وفنادق الفيوم .. وحولت لسياحة وفنادق حلوان النهاردة الصبح اول ما الموقع فتح فترة التحويلات لو سمحتوا عاوز اعرف امتي نتيجة التحويلات دية هتظهر وعاوز اعرف بعد اذنكوا معاد الانترفيو في حلوان علشان ان شاء الله لو حولت يعني ان شاء الله ... ادعولي وبعدين رودوا عليا بليييز علشان انا اتروشت:av4056bb7jp3: |
ايون يا جماعه انا بردو سياحه وفنادق بس انا مش متفائل لأنى مكنتش عايزها اساسا يلا كل اللى يجيبه ربنا كويس فرقت اثار معايا ع درجتين يلا
والانترفيو 16/8 بس بردو كالعاده انا مش متفائل وبيقولوا انه معلومات عامه ربنا يستر يا جماعه احنا كلنا اخوات اللى يعرف حاجه او اللى عارف حاجه من السنه اللى فاتت ياريت يقولنا والله ما متفائل |
- قسم ادارة فنادق (دراسات فندقية)
تعد الدراسة فى قسم ادارة فنادق من وجهة نظرى المتواضعة من افضل الدراسات بانسبة للاقسام لان مجال العمل بالنسبة لقسم ادارة فنادق واسعة بشكل كبير اوى. حيث ان الحاصل على بكالوريوس سياحة وفنادق قسم ادارة فنادق يستطيع العمل فى اى قسم من اقسام الفندق المختلفة . ويحق للحاصل على بكالوريوس السياحة والفنادق شغل الوظيفة الشاغرة بدلا من الحاصل على المعاهد الخاصة للسياحة والفنادق وبمرتب اعلى . ومن مجالات العمل : 1- العمل فى المطعم والتدرج فى الوظائف الى ان توصل لمدير مطعم او مدير قاعة او مدير حفلات . 2- العمل كموظف فى المكاتب الامامية ويشترط ان تكون متمكن فى اللغة الانجليزية بشكل رئيسى ولغة اخرى على الاقل ويفضل ان تكون لغة منفردة كالروسى او الاسبانى او اى لغة اخرى حيث ان ذلك يوفر عليك كثيرا فى التدرج فى الوظائف داخل الفندق وفى القسم الذى تنتمى اليه؟ 3- العمل كطاهى فى قسم المطبخ(شيف) وذلك يشترط ان تكون على قدر من السرعة فى الاداء ومتمكن فى عمل الوجبات وللعلم الكلية بتقوم بتدريب الطالب على كل ذلك وبيكون عنده خلفية كبيرة اوى عن جميع الاصناف . قسم ادارة فنادق: القسم ده بيحظى باهتمام كبير اوى فى الكلية بس فيه حاجة عايز اوضحها ان دراسة المطبخ اساسية فى هذا القسم بمعنى ان الطالب اللى مش بيحب المطبخ ميدخلش القسم ده؟ ويقوم قسم المطبخ فى الكلية بعمل الوجبات امام الطلاب ومشاركتهم فى العمل وعمل جميع الاصناف من لحوم واسماك وخضار وارز وحلويات وغيرها . وايضا هناك المطعم وبيتم التدريب على اكمل وجه فى المطعم ومعرفى طريقة التقديم المناسبة للمطعم حيث ان هناك الخدمة على الطريقة الامريكية والخدمة بالسرفيس الفضى وخدمة الجريدون وغيرها من الخدمات ولكل منها خصائصها. ثم ان الكلية بتقوم بتدريب الطلاب لمدة شهرين كل سنة بعد انتهاء الامتحانات وذلك يتيح للطلاب معرفة وطبيعة العمل فى مجال السياحة واكتساب الخبرات ؟ اكرر مرة اخرى فيه وظائف كتيرة اوى . |
شكرا جدا جدا جدا يا شريف ويارب عقبال منتخرج منها ونلاقى شغلانه كويسه
( تفائلت نوعا ما .... فى امل ) |
ياجماعه انا خلود انا اتقبلت سياحه وفنادق حلوان وخايفه جدا من الانترفيو وربنا يستر انشاء الله
|
علي فكرة محدش رد عليا عموما .. انا حولت حلوان . ونتيجة التحويل كمان بعد 3 ايام من النهاردة ومعني كدة ان لو نفع وحولت حلوان الانترفيو هيفوتني في حلوان والفيوم ... قي معاد تاني
ولو عاوز اسال اسال فين بالظبط .. وياريت تردوا عليا |
السلام عليكم يا اعضاء المنتدى انا مصطفى محسن بازن اللة هبقى فى سياحة وفنادق بس لسا الانترفيو يوم 16 عندى سؤال معلش هوتقديم الاستمارة يوم16 بس مكنش نفس يوم السحب
:078111rg3:ياريت والنبى حد يرد عليا بسرعة لحسن انا مخنوق وخايف |
يا احمد مادام انت في القاهرة
روح بكرة ع طول الكلية اللي في المنيل العنوان مكتوب في اول صفحة وتدخل شئون الطلبة وتسأل الميعاد امتي وتسألهم ع انك محول والحكاية دي وياريت تروح الجامعة قبل نتيجة التنحويل عشان يمكن تكون في خطوة المفروض تتاخد |
بص يا محسن انت رحت الكلية اللي في المنيل تمام
و وريتلهم ورقة الترشيح واخدت وصل يثبت انك رحت ودفعت الفلوس وكله حاجة مظبوطة واختاروا ليك يوم الانترفيو بتاعك الخطوة اللي بعد كده انك هتروح الكلية يوم الحد الجاي عشان الانترفيو وبعدين تطلع النتيجة ونبقي بعدين نقدم في الكلية |
هاى يا جماعة اى حد موجود عيزين نتكلم شوية
ويجوبنى هنقدم اة يوم16 |
بصى انتى اسمك سوها انا مصطفى محسن المهم انا بسال على الاستمارة هتتقدم 16 بس مع صورى والبطاقة صح
|
هى الاستمارة معاكى قصدى وهنقدمها يوم 16 صح بس متخدتش فى نفس يوم سحب الاستمارة صح
|
يا محسن مش هنقدم حاجه احنا هنروح نمتحن بس تديهم الوصل اللي اخدته و وورقة النجاح بتاعك والورقة بتاعت الرغبات اللي المفروض تبقي معاك
وان شاء الله خير |
هو مفيش حد بيرد عليا لية
|
بص يا محسن انت هتروح ومعاك استمارة النجاح
ورقة الرغبات اللي بتملي فيها بياناتك وتدبس فيها واحد من الوصلين وصورة ويستحسن تاخد معاك صورتين للظروف وانا هاخد معايا بطاقة الترشيح (ضمانا للظروف) |
انا مصطفى ومحسن يبقى ابويا وانتى عاملة اة دلوقتى انتى يوم16 معانا عيزين كلنا نبقى مع بعض ونجهز نفسناواللة بقالى تلات ايام قاعد من الشغل عشان اظبط حالى بس انا خايف يارب استر
هو مفيش حد الا انا وانتى اللى فتحين |
هو اة الوصل انا مش معايا الا استمارة الرغبات وحاجاتى بطاقة الترشيح وهجيب الصور وكدة بس اة الوصل دة انا مخدتوش
|
ماشي يا مصطفى وع فكرة انا اسمها سها مش (سوووها) وفي معانا نجمة وعبده
انا هشوف عبده ونجمة ونتجمع كلنا ونبقي شلة سوا بدل ما كل واحد يبقي رايح لوحده مش عارف حد |
ايه؟؟؟
انت مش رحت المنيل ودفعت ال75 جنيه؟ |
مش معايا وصلات مخدتش الا الاستمارة
|
رحتى فين عايز الرد بسرعة انا مش عارف اة الوصل
|
| جميع الأوقات بتوقيت GMT +2. الساعة الآن 12:48 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.