|
الدفعة الجديدة في كلية اداب
الدُفع الجديدة اللي داخلة آداب، أو اللي بيفكَّر يدخل آداب، أو اللي جانبه بيفكَّر يدخل آداب :D عايزين نثبت البوست ده و كدا، أي حد هايدخل آداب يقول القسم اللي هايدخل فيه، و تحديداً الشُعبة اللي عايز يتخصص فيها. واللي في آداب كمان يا ريت يعلَّقوا هنا ويقولوا أسماء أقسامهم. يلّا يا Homies، عايزين نجمَّع الناس و كدا. واللي عايز أي إستفسار و كدا، هانساعد بعض، Just saying. |
انا آداب الاسكندرية
بس حد يعرف امتى التنسيق الداخلى وخاصةقسم اعلام :d |
انا اداب الزقازيق
بس لسه التنسيق وساعتها هنحدد القسم |
اقتباس:
|
اقتباس:
بالتوفيق في التنسيق. |
انا أخدت سنه فى كليه تانيه وهحول أداب ان شاء الله وحابه أدرس علم نفس أنا اصلا جامعه المنصورة
بس ماعرفش ممكن ادخله ولا لا؟؟؟؟؟؟؟؟؟ |
اقتباس:
علم النفس شروطة مش صعبة، أوقات بيشوفوا درجتك في علم النفس، و أوقات بياخدوا أعلي مجموع، لكن بتبقي الشروط سهلة. |
ممكن حد يقولى ايه الافضل في الاقسام دى الانجليزى ولا الفرنساوى ولا علم النفس
|
ياجماعه حد يرد عليا
|
تقريباً جميع الأقسام لها مُستقبل إذا كُنتِ فعلاً داخلة للدراسة، مش داخلة تقضي كام سنة وتخرجي علي الفاضي من غير إستيعاب أو إستفادة معنوية و مادية.
لو بتحبّي اللغات، و الترجمة، دا غير المجال النظري، من وجهة نظري انجليزي أفضل من فرنساوي. أما لو بتحبّي المجال العملي: علم النفس بيكون له أفضلية. لكن في النهاية هأقول لك: أدخلي القسم اللي إنتِ شايفة هايتناسب مع قُدراتك، إبعدي عن آراء العامّة من الأشخاص، لأن أغلبهم بيكون علي غير علم بالمواد الأكاديمية اللي بتدرسيها، لذلك بيبقوا جُهلاء من ناحية قول الآراء. "أدخلي الحاجة اللي بتحبيها، اللي هاتجتهدي فيها، اللي هاتغيري وتتغيري فيها" بس. |
انا بصراخه عايزة ادخل علم نفس بس ولاد عمى بيقولوا ليا انه صعب
وبابا بيقول ان الانجليزى افضل وانا بصراحه محتارة انا نفسى ادخل قسم اضمن اجيب فيه تقديرات طب انا بحب الانجليزى وعلم النفس مين الافضل فيهم |
ما أنا بأقول لك، حاولي تتغاضي عن أي حد يتكلم لك عن الأقسام، لأن غالبيتهم بيبقوا غير مُتخصصين، حتّي الفاشل مثلاً في علم النفس ماكان بيحضر، يَعني إنتِ لو عايزة تجيبي تقديرات، و داخلة الكلية فعلاً علشان المُذاكرة: يبقي هاتجيبي بعيداً عن إن كانت المادة صعبة أو سهلة، و تقريباً مافي حاجة إسمها "سهلة" أو حاجة إسمها "صعبة"، الموضوع نسبي، يَعني المواد بتبقي سهلة و صعبة في نفس الوقت، و ممكن تشيلي صعوبتها لو ذاكرتيها و فهمتي المُحاضرات والسكاشن.
أنا بصراحة مش قادر أقرر لك، لكن اللغات علي ما أعتقد مُستقبلها المادي كويس (ترجمة و تدريس)، بخصوص علم النفس مش مُتأكد من مجالها التطبيقي ممكن يكون (تدريس) فقط، ممكن تسألي حد مُتخصص في قسم علم نفس وإنتِ بتكتبي الرغبات بتاع الأقسام وهوَّ يفيدك، لأن أنا قِسم فلسفة مش علم نفس أو English. إبتعدي عن آراء أولاد عمّك و والدك دا أولاً، ثانياً لو شايفه إنك جايبة درجة القسم بتاع الإنجليزي، يبقي إدخلي إنجليزي، لأنه أفضل من حيث المجال العملي بعد الدراسة، و مش صعب للدرجة. |
اسفه والله بس انا هقفل
برد على الموضوع بعدين بقدر الاهتمام اشكرك |
عايزه اعرف شروط الانجليزي اللي محطوطه تبع جامعه ايه ؟؟
انا جايبه في الانجليزي 45 و في المستوي انجليزي 7.5 و عايزة اعرف هما بيجمعوا مجموع المستوى مع درجه الانجليزي ؟؟ و لا درجه الانجليزي بس شكرا |
اقتباس:
وان شاء الله ساعه التقديم هختار قسم انجليزى شكرا |
دي يا جماعة شروط أقسام السنة اللي فاتت جامعة الإسكندرية http://i.imgur.com/Vt1Trl6.jpg و دي شروط أقسام آداب المنصورة السنة اللي فاتت. http://i.imgur.com/V0cwioy.jpg و بتختلف التنسيقات من سنة لسنة، و من جامعة لجامعة. |
يا برنس ايه شروط قسم التاريخ
|
تقديم الاوراق لاداب اسكندرية هيكون امتى ان شاء الله؟؟؟
|
بالنسبه لتنسق اداب الزقازيق مافيش اخبار
|
خريجى قسم علم اجتماع كنت عايز اعرف معلومات عن قسم علم الاجتماع
مثلا,,,,, هندرس ايه ف ال 4 سنين و لما نتخرج هنلاقى شغل ايه ؟؟؟ ولو فيه شغل ممكن نشتغل ايه؟؟ عايز اعرف كل حاجه تخص القسم ده و جزاكم الله كل خير |
لو سمحت اختبار القبول لقسم الانجليزى بيكون يوم التقديم ولا امتى و هو عباره عن ايه
|
انا اداب عين شمس بس لسه محدتش قسم ايه ;)
|
الان فى حـد فى كليه أدااااااااااااااااااااااااااااب وموجود؟؟؟؟؟؟؟؟؟؟؟؟؟؟
|
انا فى اداب اسكندرية قسم لغة عربية |
هو لازم اللى يكون ف قسم لغه عربيه يكون واخد عربى ف المستوى الرفيع ولا ايه ؟؟؟ :excl:
|
الســلام عليكم .. انـا أداب أسـوان تــاريخ ... الفرقة الاولى وكنت عايزة اعرف .. ايــه افضل قسم لانى كنت متحيرة فـى " تاريخ او انجلش " وهو جه تاريخ .. بس ممكن احــول انجلش :d المشكلة انى لا زلت متحيرة و بحب الاتنين جداً ... مــع العلـم ان دكاترة انجلش صاعبين جدا عندنـا .. ولكنى بحب الانجلش :blush::) ومش بيدو اكتر من تقدير " جـيد " فى الانجلش ارجــو الافادة فى الموضوع ضرورى :bosyht9:;) |
استفسار ضرووورى
دلوقتى انا جالى اداب اسيوط و حولت اسكندرية مرتين و اترفضت مع انى عايش فيها و بحول للمرة الثالثة لسة ، انا عاوز ادخل قسم انجليزى ، دلوقتى لو اترفض التحويل هطضر اسافر اسيوط ، بالنسبة للامتحان القبول هو فى جميع الجامعات و لا اسكندرية بس ؟ انا جايب 48 فى الانجلش و 10 مستوى ، هتقبل ولا ايه ؟ هو انا لسا مستنى التحويل ، يا ترى ده ممكن يأثر عليا من حيث العدد ممكن يخلص ؟ اخر سؤال معلش ، ان شاء الله اذا جبت تقدير جيد او ما فوق فى اسيوط برجع اسكندرية عادى و بكمل عادى ؟ ارجو الرد للضروووورة و شكرا
|
ادخل قسم اجتماع اداب اسكندرية
|
انا خريج أداب فلسفة القاهرة وحاليا بكمل ماجستير برده فلسفة القاهرة
|
| جميع الأوقات بتوقيت GMT +2. الساعة الآن 03:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.