|
إلى كل البشمهندسين الجدد
http://abeermahmoud2006.jeeran.com/509-Bismellah.gif أرحب بجميع الضيوف معنا هنا بالقسم الهندسي وأحب أرحب كمان بكل اللى اتقبل تنسيقهم ودخلو هندسة واقولكم الف الف مبروووك يا بشمهندسين وعقبال ما نشوفكو دكاترة ومعيدين ان شاء الله طبعاً الخبراء هنا كتير :d واي حد عنده اي استفسار يحط موضوع جديد ويسأل فيه واحنا في الخدمة ان شاء الله :d حنكرهكو في الكلية قصدي حنخليكو تعشقو الكلية :d بس مبدأياً عشان نكون متفقين في حاجتين لازم تعرفهم 1- لو داخل كل هندسة عشانها كلية قمة فياريت تحول في اقرب وقت ممكن لإنك لو مش داخل الكلية حاببها إنسى إنه نظام ثانوية عامة ينفعك 2- اوعى تاخد نصيحة حد في الكلية من جوه لأنه حيعقدك في حياتك وحيحسسك الدنيا كلها عقد بس برده لازم تعرف طرق تفكير الجميع وتخلي ليك فكرك الخاص (بس متطبقش النظرية ده أوي يعني :d) في حاجات بقى بسميها نصايح روتينية حقولكم عليها وعارف مش حتنفذوها وهي كاللآتي 1- تذاكر من اول يوم>>>> معملنهاش في ثانوية عامة حنعملها هنا 2- حاول تكتب في المحاضرات في كشكول (كل المواد) وبعد ما تروح تنقل الحاجات ده في كشكول منظم وخاص طبعاً الوقت مش حيسعفك في الحركة ده لإنك بتتطحن في الكتابة اثناء المحاضرة انا اللى كتبته في المحاضرات اكتر من اللى ذاكرته !!!:d وبرده حتلاقي اللى عايز تنقله كتير فتحاول على الاقل وانت في المحاضرة يكون معاك قلمين بلونين مختلفين وقلم رصاص للرسم (في هندسة يبقى سنون نص ع الاقل) وتحاول بقدر الامكان تنظم في المحاضرة نفسها وكل واحد حسب ما يشوف بقى 3-تذكر ان الدكتور هو المتحكم الاول والاخير فحاول ألا تستفزه ففي يده درجات اعمال السنة وفي يده درجات التيرم وفي يده وضع الامتحانات وفي يده يشرحلك او ميشرحلكش برده من الآخر لو عايز يفرمك حيفرمك :d 4- إياك ثم إياك تنفيض المحاضرات عشان تاخد كورسات اوعى تكرر نفس غلطة الثانوية العامة تاني حتضيع يومك كله ومش حتعرف تعمل حاجة ولو حتعتمد على قانون الثانوية العامة بتاع "الدرس هو اللى بيخليني اذاكر ولوحدي مش بذاكر" فاعلم أنك ضائع هذا العام ليه؟ اللى بيديك الدرس ده بيكون راجل ذو خبرة في الامتحانات لكن في الكورس بيديك معيد تحت ايد الدكتور يبقى تسيب الدكتور اللى بيفهم المعيد وتروح للمعيد ؟؟ وكمان المعيد ده حسب الدماغ يمكن الدرس كنت ملتزم بمواعيد بس في الكورس الدكتور بيمشيك براحته وياسلام ع الغلاسة بقى لو كان في مطش ولا حاجة ولغى الكورس وفرض عليكو معاد تاني فيه كورس تاني !!! وعلى فكرة عشان في مقلب كل الناس بتقع فيه المعيد مش بيقدر يخلصلك المادة كلها لأنه الدكتور احياناً بيديك حاجات من عنده لازم تعرفها من المحاضرة مش في الكتاب ياريت حتى يخلص المادة اللى في الكتاب انا اخدت كورس رياضة التيرم التاني والله أخدنا حصتين ليلتين الامتحانات حتقولي ما كويس مراجعة اقولك والله كنا بناخد فيهم حاجات جديدة !!! حاخد حاجات جديدة يوم الامتحان .؟ واحلها امتى واخد عنها تمارين امتى ؟؟ بس حظي حلو إني كنت حاضر المحاضرة ده وفاهم الدرس ده ساعتها بعد الكلام ده متأكد برده إنه في ناس مش حتصدق بس صدقوني افشل ناس هي اللى بتاخد كورسات إلا لو واحد يقدر يتابع المحاضرات والكورسات كلها وميفوتش محاضرة يبقى كده انت عبقري وبتعرف من هنا وهنا في النهاية احب اقولكم اهلاً بيكم في هندسة وحب المادة عشان المادة تبقى اسهل وارضى دكاترتك يرضوك في الامتحانات(يرضوك يعني امتحانات صعبة ينفخوك يعني امتحانات متتحلش :d) وكل حاجة حتتوفق بإذن الله كان في موضوع عملته عن المواد اللى اخدتها التيرم الاول في اعدادي بس مش عارف راح فين لو قدر البشمهندس بلال يتفضل علينا ويجيبهولنا يبقى كتر خيره يلا عايز كل واحد يدخل يقول كلمته ويقولنا كمان قبل في هندسة ايه :039uw8: |
انا قبلت فى هندسه المنصووووووووووووووووووووره
|
بجد ميرسى مووووووووووت على الكلام الجامد ده
والف مبروك لكل المهندسين الجدد وفعلا اللى داخل الكليه حاببها حينجح فيها جامد ان شاء الله انا الحمد لله قبلت هندسه اسكندريه |
|
هندسه بورسعيد للاسف
|
ليه للأسف انت بعيد يعني
ولا تكرهو شيئاً يجعل الله لكم فيه خيراً |
مش بعيد اوي 184 كيلو بس
انا من المنصورة بس الحمدلله على كل شئ اهم حاجه اني حبقى مهندس باذن الله |
هندسة المنصووورة للاسف كان نفسي اوي ف بترول
|
إن شاء الله كل واحد يقدر يعوض اللى كان عايزه
|
وسعــــــــــوا لي بقيت بشموهندســه رسمــي وإتقبلت فى هندســه أسيـوط وبس بع ــد كده موش موهيــم إى ح ـآجة ـههههههههههـ سواء أذآكـر أو لآ وألف مبــروكـ للبشموهندسيــن إلج ــودد وكنت ع ـآوزهـ أسـآل علـي إلمواد ونظـآمهـآ وكفــآية إنكـ من أسيــوط يعنــي هتستحملنــي غصبن عنكـ ـهههههـ |
ههههههههههه
ازاي برده دنتي نحطلك موضوع لوحدك ولا تزعلي والله يا جماعة انا كنت عامل موضوع بس مش لاقيه بحاول اشوف الادارة ولو ملقتهوش ربنا يصبرني واعملكو واحد جديد :d والف مبرووك هندسة اسيوط خلي بالك مفيش مذاكرة ده ايه اللى بيشيل اعدادي مرتين بيسحبو منه عضوية البشمهندسية :d |
اقتباس:
لآ إن شـآء الله خيــرـر بس كدهـ فى سطــرين إلمواد إيه و أهم ح ـآجة فيهـآ فيزيـآء ولآ لآ :blush: |
فيه كمياء وفيزيا وكل الي نفسك فيه
|
ايوة كده احنا لازم نستغل(قصدى يعنى نستفيد)من الباشمهندسين الى اكبر
امال فين كيمو مش هيعقد البشمهندسين الصغيرين شويه:022yb4::022yb4: ده شكله سايبلك المهمه:bosyht9::bosyht9::bosyht9: |
الفيزيا والرياضة دول حاجات اساسية مينفعش نستغنى عنهم :d
في بعد كده مواد بسيطة زي اللغة والحاسب ومادة الكيميا دول ترم واحد بس في مواد ممتدة الترمين زي الفيزيا والرياضة والميكانيكا واهم حاجة المادة المميزة لبتوع هندسة (اللى بيشيلو فيها المثلثات والمسطرة التي) هي مادة الرسم الهندسي ومعاها مادة تاني اسمها الاسقاط الوصفي والاتنين دول امتحانهم واحد وفي مادة تاني اسمها تكنولوجيا الانتاج وده حتلاقيها اتقل مادة على قلبك (مش لصعوبتها لكن غلاستها) ومواد فرعية مثل حقوق الانسان (الترم الاول) ومادة تاريخ العلوم الهندسة (التيرم الثاني وتضاف للمجموع) يارب مكنش نسيت حاجة |
اقتباس:
يـآ سـلآم لآ إنسح ــب :blush: |
اقتباس:
لا لا اصلي حسيته ناوي يخلع رحت فتحت عصابة جديدة مفهاش شراكة :d بس جنجيبه برده حو احنا نقدر نسيب الخبرات ده كده:d |
اقتباس:
بس يارب ما يدعوش عليكم |
نسيت اسالك
ايه حقوق الانسان ديه هى ايه علاقتها بهندسه هى اى مواد والسلام |
بالنسبة لهندسة اسيوط احنا كنا تالت دفعة ناخد حقوق الانسان ده
بس لاحظت إنها موجودة برده في باقي الهندسات ده مادة لا تمت بصلة لهندسة ولكنها اصلاً مادة بياخدوها في اولى حقوق حتى أنا لما اخدت الكتاب اخدته من قريبي كان في حقوق بس خلص اولى يعني بس اهه يقولك للثقافة :d عشان كل واحد يعرف حقوقه بس بيحذفولكو نص الكتاب ويحددولكو الباقي وبيكون امتحان سهل يعني |
ربنا يباركلك يا باشمهندس banzer
|
انا الحمد لله نجحت ودخلت عين شمس
وشكرا يا بشمهندس بنذر على الموضوع الجميل ده (يلا ياعم مظبطك اهو ماتنساش ترشينى بكيس قصب ) :d معلش اعلق على كام حاجه قولتها فى صفحتين ونص بس :d ماتخفش انت عارفنى مش رغاى بتاتا :d اولا الكتابه فى المحاضرات مهمـــــــــــــــــــــــــــــــــــــــــــــة جدا جدا ...واوعى تقول هنقلها من صديق السوء :d ولا حتى تصورها ....لا فعلا الكتابه دى بتخليك تركز فى المحاضره ده اولا ...ثانيا انت بيبقى ليك ملاحظات ليك انت لازم انت اللى تكتبها مش حد تانى .....ثالثا انا كنت جايب الكشكول من الاخر شخبطه :d ماكنتش ببيض ولا محاضره :d بس عموما مش فارقه لان انت اللى كاتب فيه فأكيد هتفهم انت كاتب ايه ;) المهم تكتب اكنك بتشرح وساعتها مش هتحتاج حاجه تانيه بالنسبه للورق اللى بنشتريه من بره ..هنحتاجه فى مواد كتير :d من الاخر فى عين شمس فى مواد هتذاكر من المحاضرات والسكاشن و المجموعه و الورق اللى بره والشيتات وحل الشيتات .....الخ زى الفيزيا :d المهم :d حوار الكورسات فاكس جدا ياجدعاااان بجد الكورس الوحيد اللى تاخده هو اللى تلاقى كل الكلية بتاخده (زى الوصفيه عندنا) من الاخر موضوع الكورسات ده فاكس فى الكلية يابشمهندسين |
اقتباس:
مش نقول الحمد لله يابشمهندس ولا ايه ؟ ده اكيد فيه خير ليك لو انت قولت الحمد لله ;) اقتباس:
هتذاكرى اول ورقتين وان شاء الله هيتكتبلك ناجح :d من الاخر بتذاكريها يوم واحد:romarioxp6: مفيهاش تقديرات الماده دى يأما ناجح ياراسب اقتباس:
ايه التفرقه العنصريه دى :( وسؤال بيطرح نفسه كمان انتوا بتمتحنوا بجد الرسم الهندسى والوصفيه فى نفس الامتحان!!! يعنى بيبقى فيه الsteel و ال machine و الوصفيه فى نفس الامتحان !!:mellow: اقتباس:
يعنى مثلا عندك السؤال اللى لسه سألهوله وانا مخضوض كده ياترى ليه؟؟ لانى فى امتحان الرسم الهندسى اللى هو 3 ساعات خرجت ومالحقتش اخلص حجات كتير جدا :d ده غير الغلطات بسبب التسرع :d وامتحان الوصفيه ده اللى هو 3 ساعات او ساعتين مش فاكر خلصته فى اخر فسوايه اللى هو يادوبك فماتخفيش يعنى الكليه ساهله :lol: بس عارفين بجد احلى ايام هتعيشوها هى بتاعت الكلية (بغض النظر عن الناس بتوع الامتيازات اللى بكرههم دول:mad:) :d |
اقتباس:
والله انا كده مش عارفه راسي من رجليه كل الحاجات ديه حعملها ربنا يستر:022yb4: علي العموم انا دخلت هندسه اسيوط انا كنت عايزه اسأل سؤال كده هو صحيح يوم الجمعه مش اجازه؟؟؟؟؟:mad: |
انا اللى اعرفه عندنا فى عين شمس ان عندنا يومين اجازه الجمعه ويوم كمان على حسب مجموعتك
بس طبعا هتلاقى ان فى مجاميع هتنزليلها يوم الجمعه :d وكمان الامتحانات يوم الجمعه عشان مايضيعوش محاضرات :d ده بالنسبه لعين شمس الله اعلم عندكوا ايه |
الله يكرمك يا كيمو عقدتني اكتر ما انا متعقد . يعني انا هفضل اكتب في المحاضرة طيب مافيش حاجة نذاكر منها بدل كل المحاضرات اللي بتتكتب دي هنحضر المحاضرات برده بس مفيش حاجة نذاكر منها
|
اقتباس:
كويس ربنا يطمنك بالخير يا بشمهندس:mad: هو دخول الهندسه اصلا عمليه انتحاريه:giljotiiniug3::giljotiiniug3: ربنا يستر:( |
اقتباس:
ف تلت مصادر ..مفيش غيرهم كتاب محاضرات مذكرات مش عايز تزاكر المحاضرات ..يبقى الكتاب احسنلك مش عايز الاتنين يبقى المذكرات بس نصيحه :: متوصلش نفسك لكده ..ومتعتمدش على المذكرات ..ممكن تسوحك فخليك ف المحاضرات احسن حاجه وبالذات ف اعدادى |
بسم الله .........
انا بهاء ودخلت هندسة أسيوط |
اقتباس:
ثانيا سمعت ناس كتير بيقولوا ان لازم في اعدادي نأخذ درس رسم ودرس رياضه لانهم أصعب مادتين وبصراحه أنا اتنكدتش من الكلام ده لان أنا مسدأت اخلص من دروس الثانوي الرخمه الكلام ده ايه من وجهه نظرك بالمناسبه هما كام ماده في أول سنه:d |
عادى ياجدعان انتوا تأمروا بس وانا عليا احبط :d
بصوا ياشباب من الاخر اللى عايز يذاكر هيذاكر اولا من المحاضرات اللى كتبها دى المرجع الاساسى لأى حد ثانيا بقى اكيد هتسألوا الدفعات اللى قبلكوا عن ايه نظام كل ماده عشان بتختلف |
ايه يا شباب التفاؤل ده كله
احنا لسه مدخلناش الكلية و كل موضوع يكرهك في الكلية و اللي فيها بشروا ولا تنفروا عايزين الحسنات اللي في الكلية و ربنا يسهل انشاء الله انا هندسة المنصورة |
ايه يا شباب التفاؤل ده كله
احنا لسه مدخلناش الكلية و كل موضوع يكرهك في الكلية و اللي فيها بشروا ولا تنفروا عايزين الحسنات اللي في الكلية و ربنا يسهل انشاء الله انا هندسة المنصورة و ياريت تساعدونا في اعدادي |
عاوزه اسال سؤال
كل قسم بيبقى عباره عن ايه بيدرسوا ايه فيه خاصه اتصالات وحاسبات وعماره يلا بقى ورونوا شطارتكم |
اقتباس:
اقتباس:
اقتباس:
والوصفية عندنا خفيفة اعتقد اسهل من عندكو الامتحان 4 ساعات مخصص ساعة ونص (بناخدهم ساعة) للوصفية والباقي للرسم الهندسي اللى مش بنلحق نعمل فيه حاجة:p اقتباس:
يوم الجمعة حتاخديه اجازة اول اسبوعين بس وبعد كده حيبقى عندك كل جمعة امتحان ميد تيرم - او بالمدرسي امتحان الشهر- بس هو امتحان واحد في التيرم حتفضلي تاخدي كل اسبوع امتحان من الساعة 9 لحد وقت الامتحان بنروح نصلي الجمعة وبعدين نروح يعني اول ما تبدأ امتحانات انسى إنك تسهر الخميس او حتى تنام الجمعة شوية :d لحد ما الامتحانات ما تخلص تكون دخلت فترة ما قبل الامتحان (المراجعة يعني) |
اقتباس:
فور اني استفساراتيشن بليز كول مي :) اقتباس:
وكمان رسم !!! انا مشفتش رسمكو فمش حقدر احكم لكن الرسم عندنا كان اكتر ناس بتزوغ محاضرات متفوتش ولا سكشن رسم لأنه كل سكشن مهم وانا عن نفسي مكنش عندي بال ارسم في البيت زي ما برسم في السيكشن السيكشن 3 ساعات بس انا ببقى عايز اكمل لـ4 عشان عارف إني مش برسم في البيت فياترى كورس الرسم ده حيعمل ايه غير تضييع الوقت ؟؟ برده اللى في بورسعيد يفيدك اكتر اقتباس:
ياجماعة حتفشلو حتفشلو متحاولوش :d اقتباس:
انت لسه داخل متأخر اصلي دحنا كنا عاملين اعلانات زي الفل لهندسة قبل التنسيق بس هما آخر موضعين تلاتة اربعة خمسة بس اللى بنخوفكو من هندسة ياجماعة حتفشلو حتفشلو متحاولوش :d بس قولي موضوعي اللى انا عامله ده بفيدك فيه ولا بخوفك فيه احنا مش بنعقدكو والله بس انت لسه مشفتش هندسة مش ححرقلك المفاجأة برده :d اقتباس:
اصل في جملة مفيش حد في هندسة إلا وقالها "ومالها تجارة":d فجربي اعدادي يمكن متعجبكيش:d وبعدين نشوف بقية الاقسام براحتنا صدقيني حتزهقي عنها كلام في اعدادي واحنا بعد سنة حيكون عندنا خبرة ان شاء الله في الاقسام ونقدر نفيدكو لكن انا ذات نفسي معرفش عن الاقسام غير شكلها من بره ومكانها في الكلية فين :d |
اقتباس:
زي ما قلتلك الدكتور هو اللى متحكم فيك على فكرة في دكاترة غلسين يقولك اللى حيعمل اجابة غير اللى انا قلتها ده ححسبهاله غلط !!!! ولو كانت صح !!!! يعني حليت بطريقة ثانوية عامة ولا بطريقة المعيد فلان غلط بالاحمر على الورقة عشان كده متحطش في دماغك بديل عن المحاضرات وكتابة المحاضرات حتى لو محضرتهاش تاخدها من اي حد لازم لازم لازم تكون عارف اللى اتاخد في المحاضرات وكيمو وضحلك ليه الافضل تكون كاتبها انت ممكن تذاكر من الكتاب ويكون نص الكتاب حذفه الدكتور ممكن تذاكر من الكورسات ويكون الدكتور مشرحهاش وشرح حاجات تاني مش في الكتاب عارف انت لو حضرت وعرفت بس من المحاضرة عناوين الحاجات اللى تشرحت يبقى كده زي الفل واحسن من واحد بيذاكر اول باول مع الكورس ! على الاقل في الآخر حتبقى انت عارف نظام الدكتور وعلى الاقل الدكتور لما يصححلك ويلاقي كلمة هو كان كاتبها يعرف إنك كنت بتحضرله ده وطبعاً مش حنتكلم عن لو كان بياخد غياب |
شكرا ع النصائح الجاااااااااااااااااامدة بس أنا طبعا خلااااااااااااص اتعقدت من أولها :bosyht9:
أنا هندسة اسكندرية ياريت أي حد موجود في الكلية يقولي كده شوية حاجات يعني هما مش كتير:p يعني عايزة أعرف الدكاترة والمعيدين والمحاضرات ونظام الامتحانات وأيام الاجازات والمواد نظامها ايه صعبة وللا سهلة كده يعني :022yb4:وشكرا مقدما:d اوعوا تنسوني وماتردوش:av4056bb7jp3: |
يا بنذر احنا عندنا ماده اه تافهة بس اقدر اقولك انى ماسبتش محاضره فيها
الا اخر محاضره ماحضرتهاش عشان كان عندى مشوار مهم فى الكافتيريا :d المهم انهم اخدوا الغياب فى المحاضرة دى والناس اللى كانت حاضره كلها اخدت 75 من 70 ماتسألش ازاى هو كده :d الدكتور عايز كده :d من الاخر تابعوا المحاضرات ياشباب فى اى كلية لانها مهمة جدا ;) |
والله واضح اننا هنشوف ايام جميله فى الكليه
كلنا امتياز ان شاء الله ومفيش دبلره ولا اى حاجه حسبى الله ونعم الوكيل |
اقتباس:
بحكي في محاضرتنا وبعدين اقول خلاض اركز في المحاضرة التانية اصلنا كنا محاضرتين اسقاط ورا بعض احنا وبعدينا المجموعة التانية مش حباً في المادة لكن حباً في الدكتور راجع كان دماغ فعلاً:) اقتباس:
عقبال الباقي :006et4: |
على فكرة انا كده زعلت:frown: يعني مش عارفين تقولولي شوية معلومات يا بشمهندسين ماشي ماشي ع العموم متشكرة أوي:bosyht9:
|
اقتباس:
والله انا لو كنت هناك مكنتش اتأخرت عليكي بس محدش من اللى موجود دلوقتي اسكندرية ممكن تستني البشمهندس بلال من الاسكندرية ممكن يفيدك |
شكلها كليه لذيذه جداااااااااااااااا
يلا قبل لما ندخلها ومالها تجارة ههههههه ربنا يوفقكو في سنه اولى وتلاقو ا الي يعقدكو من الاقسام |
هاى
مشكور كتير على الموضوع انا دخلت هندسه اسكندريه 2009 |
للاسف عين شمس
|
اقتباس:
اقتباس:
بس انا ماكنتش بتكلم فى المحاضرات الحمد لله انا كنت برغى بس :d لا بجد مش بحب اتكلم فى المحاضرات المحاضرة احلى حاجه فيها انك تخش وتنام وتمخمخ ...احلى نومه هتناموها يابشمهندسين فى المحاضرات وخدوها كلمه ثقة :d والحمد لله كده اطمننا على مستقبل سوما :d المهم عندنا مستقبل الاعضاء :d اقتباس:
|
اقتباس:
حد يقفشهولى ماتسيبهوش يجرى :d قالك للاسف لا يابشمهندس ماتقولش كده عين شمس للاسف ايه بس احنا اه بنحبط بس اما نلاقى حد محبط بجد اكيد مش هنسيبه اكيد هنحبطه اكتر :d للاسف ليه بس يابشمهندس؟ ;) |
اقتباس:
والله ياجماعة احياناً في ناس بتتضطر تسافر كليات تانية بس بجد بيقولو الايام ده مبتتعوضش اي حاجة على قد مميزاتها ليها عيوبها برده يمكن حتتعب في المشاوير والسفر والتغرب بس حتقابل قدامها مميزات تانية كتير خصوصاً لو كنت في السكن الجامعي |
معلش يابنذر
بس اللى قال للأسف ده انا هسأله سؤال محدد وبسيط وسؤال فعلا بيطرح نفسه للبشمهندس اللى قال للأسف فعلا سؤال تردد فى بالى كثيرا ياترى معنى انه New2090 انه لسه بالكرتونه يعنى ولا لأ !! :p |
| جميع الأوقات بتوقيت GMT +2. الساعة الآن 06:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.