الموضوع بجد
يا جماعة الموضوع بجد والله انا موظف باكاديمية طنطا وموضوع الفاكس سليم
ابعتوا اسماء المستوفيين مقدمين icdl وناجحين وبالفعل بعتنا الاسماء اربع دفعات 20/5 10/6 30/6 15/7 للمراجعة فى الوزارة بالقاهرة بعتناها فعلا للتسكين على درجة معلم المشكلة التزوير بتاع الافادات والشهادات خلتهم يراجعوا الورق كتيير من هنا جات العطلة ولم يرد اى جديد لدينا بشانكم اه انا قلت التسكين لم اقل التعيين دى مش شغلتنا دى الوزارة والمحافظين والدرجات الخ طبعا فى فرق بين الاربع دفع مثال 20/5 اولى واحق بالدرجات فى حالة توفرها والباقى ينتظر وهكذا بس المرجح دمج 20/5 مع 10/6 لقلة الاعداد المجموعتين دن توقعى انا لم ياتى الينا شىء رسمى واللى مقدمش icdl لحد 15/7 الله اعلم به اما بخصوص icdl التقارير والافادات باربعة مديولات والسبعة ايضا تقبل ولكن الشهادة الكاملة افضل واولى احنا بعتنا الاول اللى مقدين اشهادة الاصلية وبعدين السبعة وهكذا سمحونى انا قلت اوضح لكم واوعدكم بوضع الجديد على الموقع المواضيع فيها اخطاء كتير وانا باقول امسحو المواضيع المكذوبة |
اقتباس:
حضرتك احنا اعصابنا تعبت لينا 5 سنوات شغالين والي لية 10 سنبن ومظلومين امتحانات وكمبيوتر ونتيجة وتقارير ومنتهي الذل ؟ محتاجين كلام فعلن يطمنا مش اكتر حضرتك عارف لو قلته التعلين او التثبيت في شهر 10-2010 الكل هايطمن وماحدش هايفتح السير ة بس في شهر 10 مثلا ؟ ادي كل الفكرة مثلا يعني كمثال , وحاسين اني ماحدش معتم بينا خالص |
طب ان شاء الله مفيش فرق بين الدفعات الاربعه دول ولا ممكن يكون فى افضليه للاسماء اللى راحت الاول ؟؟؟؟؟
|
كلام الاخ الفاضل سليم جدااااااااااااااااااا
بارك الله فيك |
يامسهل الحال
|
الله يكرمك رد علينا بجد فى ظلم فى الموضوع الموظفين مسجلوش ال icdl من شهر 12 واسمأنا لسه راحه دلوقتى فى اخر دفعه كله زى بعضه ولا اييييييه ؟؟؟؟
|
طيب سوال لو سمحت
انهاردة 15-7 اخر مهلة للدفعه الرابعه هل سوف يمد المعاد مثلا زي كل مرة واه اليهايحصل بعد ذلك بعد 15-7 |
انا موظف مش مدير هافديكم بقدر علمى والفاكسات الى عندى ياريت تقروا الموضوع تانى
بعد 15/7 والله ما اعرف هيمدوا والا اية بس اللى شايفة (رايى) خلاص الخميس دة النهاية انت خدتم فرص كتيير بردة سنه واكثر على icdl مستحيل مستحيل نضيع ورقة كل واحد لية ملف ورقم شهادتكم بتتسجل فورا دة فى طنطا عندنا دة تبقى كارثة هو انتم ناقصين وبعدين مستحيل الاعداد مش كبيرة للدرجة دى الاخ اللى بيسال اه الاسماء تبقى مرحلة رابعة لان التلاتة اللى قبلها مشيوا والا اية انا اسف مضطر امشي ربنا معاكم هانت اسماء 20/5 بتتراجع فى الوزارة لاتقلقوا الامتحانات القادمة لم تحدد فى 8 هيدخل الاساسيين المعارين دة لحد اليوم ممكن يبقي فية جديد انا تحت امركم والله الموفق انا وضحت حاجات فى الموضوع ياريت تقروه تانى |
اقتباس:
الف شكر علي اهتمامك والتوضيح لنا بس خليك معانا وتوافدنا بكل جديد بالكلام الحقيقي الموكد لانك تعتبر في قلب الاحداث والكلام الموثوق فية ياريت توافدنا باحدث الاخبار ولك كل الشكر والتقدير |
شكرا أخي الفاضل على التسجيل معنا في المنتدى
بارك الله فيك .. وجزاك خيرا يا ريت حضرتك تفضل مشارك معانا باستمرار للرد على تساؤلاتنا وتفيدنا بكل جديد وأجرك عند الله وأطلب من السادة المشرفين تثبيت الموضوع للأهمية |
تم التثبيت ونشكرة عللى تلبية الدعوة وارسلنا رسالة للتواصل مع الاستاذ الفاضل ووافق
ان شاء الله سيظل معنا ليجيب عن الاسئلة وهو مصدر ثقه ومسئول جدااا انا اعرفه شخصيا هيبقي موجود الصبح كل يوم احد 11 رفقا بالرجل والله فاهم ومسئول وتعبنا لحد ما اقنعناه بالتسجيل والمشاركة |
والله العظيم دا يبقى ظلم كبييير لو اتعسن دفعات قبل التانيه
مش غطلتى ان اسمى متسجلش عندهم دا حتى الشهاده الاصل طلعه فى شهر 3 مارس مش هقول غير حسبى الله ونعم الوكيل |
انا فرحانة جداً بمشاركتك الجميلة ويارت تخبرنا دائماً عن الأخبار الجديدة عن التثبيت
هل فعلا ورق ممكن يضيع فى الأكاديمية بعد تقديمه؟ |
عضو من دهب - شكرا للتواصل معنا
|
شكرا أخي الفاضل على التسجيل معنا في المنتدى
بارك الله فيك .. وجزاك خيرا يا ريت حضرتك تفضل مشارك معانا باستمرار للرد على تساؤلاتنا وتفيدنا بكل جديد وأجرك عند الله |
شكرا على تسجيلك
|
اقتباس:
شكرا على تسجيلك وعلى طمئنه المعلمين المساعدين ويارب يصلح الاحوال بجد انا مما سمعت عن ضياع أوراق بعض المعلمين خاصه شهادة icdl حسيت بقلق لكن انا يمكن اطمنت شويه من كلامك |
جزاكم الله خيرا
|
اه انا قلت التسكين لم اقل التعيين دى مش شغلتنا دى الوزارة والمحافظين والدرجات الخ
طبعا فى فرق بين الاربع دفع السلام عليكم استاذنا الفاضل هناك سؤالان بعد اذنك الاول ما الفرق بين التسكين والتعيين وهل معنى تسكين اى ينتقل المعلم المساعد من هذا المسمى الى مسمى معلم ولكن بنظام التعاقد ام التعيين ثانيا هل يتم تعيين اوتسكين دفعة قبل الاخرى وعلى مراحل بسبب شهادة icdl ام يتم التسكين للجميع فى يوم واحد . ارجو الافادة وشكراً لحضرتك لتواجدك معنا ترد على تساؤلاتنا |
بارك الله فيك
|
مبنقولش انهم ضيعو اى ورق احنا بنقول مسجلوش على الكمبيوتر اننا اخدنا icdl وبالتالى اسمأنا متبعتتش
عارفين انهم محتفظين بكل ورقه فى الملف بس فادنى بأيه الحفظ دا ثم دى مش مشكلتى لوحدى فى ناس كتير كدا |
سوال انتوا عايزين شهادة icdl الاصل ولا الصورة علشان انا قدمت الصورة طبق الاصل وخدوها منى فى الدفعة الاولى الرجاء الرد عليا لو سمحتوا
|
شكرا لحضرتك عل تسجيلك وتواصلك معنا
|
شكرا لسجيلك
|
يا سلام لسه فيه ناس كويسه شكل الاستاذ موظف الأكاديمية ؟؟؟؟
متعرفشي انت كلامك أثر فينا ازاي |
انا راى ان الاربع دفعات هيكونوا متساويين وهيتم اصدار قرار تعيينهم مرة واحدة والدليل على كدة لو انهم يعينوا الدفعة الاولى الاول كانوا زمانهم اتعينوا اللى يخليهم يستنوا الاربع دفعات
|
المهم ان الكلام دا يكون صحيح ويبتدوا فى التعيين او التسكين زى ما بيقولوا
|
اقتباس:
لسلام عليكم : بس ياستاذ محمد الكلام ده مش منطقى خالص بدليلالوزاره طلبت الدفعه الاولى 20/5 اللى مقدم الافاده بالاربعه وليس اصل الشهاده : جاء ردمن الوزاره اننا عايزين السبعه فى 30/6 وده اللى خلاهم يمدوا الفتره لان 99 فى الميه من المتعاقدين قدموا الاربعه وليس السبع ثالثا: لو حصل تعيين بالشكل ده يبقى مصيبه يبقى ان شاء الله هنتعين فى 10 سنين رابعا:لو العمليه عمليه دفعات كانوا الناس بتوع 20/5 اتسكنوا من زمان خامسا انت ناسى ان فيه ناس غيرنا لسه ممتحنوش يعنى دول هيثبتوا بعد 100سنه |
بارك الله فيك أخى الفاضل على انضمامك الى المنتدى
ونتمنى من الله ان تمد يد العون لأخوانك المعلمين المساعدين فأنت مصدر ثقة وحيد وسط كل هذه الاشاعات |
لو سمحتم انا عايزه اعرف انا مقدمه الافاده من شهر 2 ومعتش عرفت بعد كده اخبار الافاده تمشى ولا ايه يعنى لازم الاصل طب لو لسه مطلعتش يبقى الحل ايه
|
ميرسى جدا لحضرتك وربنا يطمنك زى ماهديت اعصابنا شوية ويارب اكرمناااا
|
هو كلام الاستاذ طمنكو ازاى ؟ مع احترامى الكامل لكلامه بس هو دا اللى احنا عارفينه مفيش جديد يعنى فين الاطمأنان بقى دا حتى بيقول تسكين مش تعيين
|
اقتباس:
الاسماء اللى بتروح انتهى امرها لا تبعت مرة اخري بالفعل بيفحصوا ورق 20/5 الى الان على حد كلامهم موضوع الرخصة الدولية انا شرحته كم الافضل تقدم الشهادة كاملة من الاخر احنا مالنا ومال التعيين احنا جهة منح رخصة فقط وتسكين ورقكم ايام النتيجة اتراجع 6 مرات واتاخرت جداااااااااا لاتقلق |
يا رب الفرج من عندل
شكرا على المعلومات |
بيفحصو لحد دلوقتى لييييه يعنى الموضوع مش صعب ما انت بتدخل بالرقم القومى على النت وبيتأكد من النتيجه
ايه اللى مصعب الموضوع بقى ؟؟؟ |
اقتباس:
|
اقتباس:
لالالا يابنى الدفعة السابقة اولى فى الدرجات المالية والاعتماد مثال يتبت 20/5 10/6 والباقى العام المالى الجديد دة متال معلومة مش اكيدة تفتكر لو كلامك صح طلبوها اربع دفعات لية كانوا استنوا والا اية |
دا هيبقى فى قلق جااامد لو حد اتعين قبل التانى ؟؟ هى الدرجات الماليه دى مش موجوده ولا ايه ؟؟ امال احنا شغالين ازاى وفى اعداد كبييره وعجز اكبر معقول مفيش لينا درجات ماليه مفيش حد بيترقى ولا بيطلع معاش ولا ايه ؟؟
|
بعد السلام والتحية
اشكر حضرتك على الانضمام لنا واشكر حضرتك على الاهتمام بكل سؤال والرد عليه وأرجو الرد على سؤالى انا قدمت الافادة بأربع مديولات فى شهر 2 وقدمت السابعة فى شهر 3 لكن رفضت الاكادمية استلمها لانها اكتفت بإفادة اربع مديولات وقالت أول ما تخدو الاصل هاتوه ولكن عندما قرأت فى المنتدى اننا لابدمن تقديم السابعة قدمتها هذا الاسبوع السؤال : هل هتتعامل معى الاكاديمية على اننى من الدفعة الاولى ام الاخيرة ؟ وشكرا على الرد والاهتمام |
اقتباس:
لسلام عليكم : انا مقصدتش حاجه بس انتوا اللى عملتوا كده فى المتعاقدين بتطلعوا الاشاعه وترجعوا تكدبوها تانى ولو فيه تنسيق بين الاكاديميات مكنش حصل التضارب ده فى اراء كل المتعاقدين فى كل المحافظات وانا اقسملك بالله العظيم ان البيه نبيل جادو مدير فرع الاكاديميه بالشرقيه قعد يوم 30/6 قدمنا وقال بالفم المليان ان الاكاديميه هى اللى هتصدر قرار التعيين وان موضوع الدفعات ده ملغى وان كله مع بعض نصدق مين بقى ؟ احنا عاملينا زى التايهين وانتوا السبب او المسئولين اللى بيضللوا المتعاقدين بالكلام الغير مسئول ونجى احنا هنا فى المنتدى نقعد نتريق على بعض ونقطع فى بعض ونقول فين مصدرك طيب ماكل متعاقد متعلق بقشه ونفسه يسمع اى كلمه تفرحه ويجى يسعد بيها زمايله مش كده ولا ايه؟. |
أرجو سيدى الفاضل صاحب الموضوع الأصلى ( موظف الأكاديمية ) تعرض لنا الجديد من المستجدات وذلك لتضارب أخبار أمتداد ميعاد تسلم الأفادات الى 30/7 حيث أن سيادتكم أقدر الناس معرفة وموافاتنا بالجديد على وجة السرعة
وجزاكم الله خيرا |
جميل جداً ابقى عرفنا آخر الأخبار
|
انا عايز واحد يرد عليا
هل لو فيه تثبيت مكنش الوزير نفسه طلع وقال الكلام ده في الجرائد الرسمية وكان خد شكر وثناء وتقدير ولو فيه تثبيت في الازهر شيخ الازهر ساكت ليه لحد دلوقتي لكن الحقيقة اننا ندفن نفسنا في الرمال مثل النعام ونسمع اي كلمة حتي لو كذب ونطلع بيها السماء انا مش بكدب العضو الجديد ولكن بقولوه لا توجد نية لدي الحكومة بتثبيت المتعاقدين في التربية والتعليم او الازهر وكل اللي بيحصل في الاكاديميات مجرد انهاء اوراق وتضييع في الوقت يعني الاكاديمية من شهر 2 لدلوقتي مخلصتش والله العظيم كله كلام فاضي والدولة دي مش دولتنا بس في الاخر بقول لكل المتعاقدين متبكيش علي حالك لانك انت السبب فيه لو فيه رجالة من الاول ذي فرنسا مكنش بقي عقود دول ولعوا الدنيا انا لا ادعو لل*** او التطرف ولكن بقول اني مكنشي فيه ولا رد فعل في مصر علي العمل بالعقود و25/7 لازم يتنظم كويس وإلا مش رايح يجيب نتيجة يعني لازم نتخلي عن خوفنا شويه اسف علي طول تعليقي ولكن دمي محروق |
شكرا لتسجيلك
|
وياريت لو كاتب الموضوع موظف فى الاكاديمية بجد يبقى يحط النشرات اللى بالكلام الدفعات دة
|
الأستاذ الفاضل موظف الأكاديميه:
نرجو من سيادتكم عدم الغضب من زملائنا الافاضل فى التعليق على كلامك هما زى ولاد حضرتك معلش هما نفسيتهم تعبت بس من القلق والانتظار للحلم الذى كل ما يقرب منهم يبعد تانى اصبح كابوس وليس حلم فنحن نتأسف لك عن أى شى وشكرااااا |
وكمان عندى سؤال يا هل ترى اللى مقدم الاصول ال icdl هيبقوا الدفعة الكام؟ ولا دة مش ليها قيمة؟
|
اقتباس:
ازاى يعنى ؟ يعنى الدفعة الاولى والتانى هيتعينوا والدفعة اللى بعد كدة اللى هى التالتة والرابعة هيتعينوا على السنة المالية الجديدة؟ يعنى على سبعة 2011 ؟ طيب الناس اللى لسة هيمحنوا هيتعينوا فى السنة المالية 2012 طيب والدفعة التالتة والرابعة مثلا لو زى ما قلت على السنة المالية الجديدة الجاية 2011 والناس اللى كانت مقدمها فى الدفعة التالتة والرابعة عقدهم هيخلص فى 1/3/2011 (ودية السنة التالتة بتاع المد) يبقى ازاى؟ |
ولية حضرتك مش سجلت من زمان على الموقع ؟ عشان نعرف منك الاخبار اول باول؟وحضرتك شغال اية فى الاكاديمية ؟ يعنى الوظيفة هل انت بتسجل الاسامى المتعاقدين على الكمبيوتر؟ اصل انا رحت يوم14/7 للكاديمية ولقيت البشوات مش معلمين على اسمى وكنت مقدم الاصلى من شهر 12 يبقى انا كدة دفعة رابعة يعنى انا مقدم من شهر 12 والبهوات نسيوا يعلموا على اسمى ولسة معلمينها اول امبارح يبقى انا اللى مقدم من شهر 12 اللى فات ادنى لحد السنة المالية الجديدة واللى مقدم بعديا يكون قبليا؟
|
ايه اخبار المدرسين المساعدين الراسبين في اللغة الاجنبية
|
جميع الأوقات بتوقيت GMT +2. الساعة الآن 04:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.