|
تجمع الى داخلين كلية تجارة اسكندرية 2010 /2011
حبيت اعمل موضوع يكون فيه كل الى داخلين تجارة جامعة اسكندرية السنادى وانا هبدا بنفسى
انا ميدو من اسكندرية داخل اولى تجارة ومعرفش دخلت تجارة ليه ومكنتش عايزة اصلا بس يلا |
ايه ياجماعة 27 مشاهدة ومفيش رد ولا حتى حد حابب يتعرف
|
السلام عليكم
اول اى حاجة الف مبروك يامعلم رفعت راس البشرية
ثانيا انت تجارة انجلش ولا عربى عموما انت منور المنتدى وموضوع هايل انا اول ماشفته قولت لازم ارد بس انا عايز اعرف انت اخترت تجارة ليه يعنى اشمعنا اصل انا مش لاقى حاجة تشجعنى عليها كله بيقول صعبة وبتاع مفيش غير مستقبلها بس بعد عذاب....تحياتى |
اولا شكرا على ردك الجميل
انا تجارة عربى ومكنتش عايز ادخل تجارة اصلا ولا هى ولا الحقوق لانى كنت مقتنع بانها كلية الشعب يعنى 90 % من شباب مصر خريجى كلية تجارة ده من وجهة نظرى فى تنسيق الاولانى كنت اداب قلت ادخل قسم جغرفيا وبعد كدة شعبة مساحة وشغلها جامد ومضمون بس لاقيت انها صعبة جدا جدا جدا جدا لحد بكرة الصبح وفيها مذاكرة طحن وحفظ خرايط فى التحويل رحت محول تجارة معرفش ليه ناس كتير قالتلى ان مجال شغلها اوسع شركات ادوية ف الجمرك ف الكهرباء ف بنوك ف فنادق ف شركات كتير ومجالات كتير اوى اقتنعت ب الكلام ده صراحة فحولت وفى التحويل جتلى تجارة اسكندرية ولما نخش نشوفها بقى وبعدين هى مش صعبة ولا حاجة بس محتاجة شوية اهتمام بسيط خااااااالص وكورسات |
بس يامعلم تجارة عربى مش زى تجارة انجلش الافضل لو دخلت تجارة يبقى انجلش ولا انا معلوماتى غلط......
بس سواء عربى او انجلش بيقولو لازم واسطة علشان تشتغل فى مكان من اللى انت قولتهم دول لازم واسطة محترمة والله ياعمدة كرهونى فيها لدرجة انى محتار بين وبين علوم بس لو دخلت تجارة هدخلها انجلش شغلها افضل بكتيييير....بس ايه رايك فى علوم انا معرفش حاجة عنها!!! |
اكيد تجارة عربى مش زى انجلش
وشغل ديه اكيد غير شغل ديه هو ايه فى بلدنا ماشى دلوقتى من غير واسطة اى حاجة فيها واسطة اما حكاية انك محتار بينها وبين علوم ف ديه ترجعلك انت او صلى صلاة استخارة من وجهة نظرى علوم لو قسم حلو وليه شغل مضمون يبقى كويس غير كدة ملهاش لزمة بلاش الاقسام الى ف الاخر تطلع مدرس علشان مفيش تعيين اصلا اكيد فهمنى وبالتوفيق |
فــــــــــــــــــــــين الى داخـــــــــــــــــــــــــــــــــــــــــلين تــــــــــجـــــــــــــارة السنـــــــــــــــــــتادى معـــــــــايـــــــــا
شكلى كدة هبقى لوحدى فى المدرج |
ايه ياجماعة 163 مشاهدة ومفيش مشاركات خالص
|
انا معاك في تجارة عربي
و اسمي احمد |
اهلا بيك يمااااااااااااو ياريت نتواصل ونعمل شلة من هنا من قبل ما ندخل الكلية
وياااااااااااميت ولكم |
اولا فكرة الموضوع حلوة اوي ثانيا نصيحة : علشان تنجح في الكلية و تجيب تقدير كبير لازم تكون بتدرس حاجة بتحبها و انت اللي مختارها عن اقتناع و مفيش حاجة اسمها قسم سهل و قسم صعب انت لو دخلت قسم سهل بس مش بتحب المواد اللي بتدرسها مش هتجيب تقدير كويس لكن لو دخلت قسم صعب بس بتحب المواد اللي فيه و داخله عن اقتناع هتعمل المستحيل عن تنجح بتفوق و تجيب تقدير كبير و عموما كلية تجارة كلية كويسة جدا بس محتاجة مذاكرة و تركيز و حضور المحاضرات باستمرار ربنا يوفقكم جميعا |
اهو جه ياولاد
رمضـان كـريم ياجماعة ياريت حد ينصحنى انا محتار بين تجارة انجلش وعلوم مش عارف ادخل انهى كلية ياريت اللى يعرف عن الكليتين حاجة يقولهالى ويفيدنى بالنسبة للميول انا مش بميل لحاجة ومعرفش حاجة عنهم |
انا تجاره انجلش بس القاهره و معرفش عنها اي حاجه ولا مواد ولا بتاع وانا مخترها عن اقتناع لانها كانت هدفي البديل زي مابيقولوا وانا من رايي تجاره انجلش ليك مش لاني هدخلها بس اللي سمعته ان شغلها مضمون في لالبنوك والشركات الكبيره ده غير كمان لو جبت تقدير حلو عقدك هيجيلك لحد عندك و برضه صلي صلاه استخاره واستشير اللي في الكليتين لو تعرف حد
|
اقتباس:
اما بالنسبة لتجارة عربى وانجليزى انت ممكن تخش تجار ةعربى وتاخد كورسات انجليزى ال 16 مستوى تبقى بروفيشنال علشان التجارة الانجليزى اوعى تفكرها سهلة وبالتوفيق |
بص ممكن تجاره عربي هي كليه الشعب زي ما بتقول و 90% خريجين تجاره بس تجاره انجلش حوار تاني خالص و متقرنش نفسك بواحد تجاره عادي وواحد تجاره انجلش والمفروض اساسا ميحطوش الكليه دي تحت مسمي التجاره
|
انا اسمى عمرو وفى ثالثة تجارة عربى اسكندرية
انت ليه مستسهل تجارة اوى كده على فكرة لو مزاكرتش مش حتعرف تعدى الكلية موادها كتير ومش سهله خالص اما بالنسبة لانها كلية الشعب انت ممكن تتميز عن اى محاسب تانى لما تاخد كورسات كتير ويبقى عندك لغة اكيد حتتطلب فى شركات وبنوك وفى دكتور فى الكلية قالنا ان طالب تجارة ده طالب جوكر ينفع يشتغل اى حاجة وليه شغل كتير حتى لو حتشتغل محاسب فى فرن عيش اما اى كلية تانية ملهاش غير شغل واحد بس يعنى مهندس مش حيشتغل غير مهندس دكتور نفس الكلام وهكذا وصدقنى لو حبيت كلية التجارة واجتهدت ربنا حيكرمك انما من الاول كده لو مش حابب الكلية حول لاى كلية تانية علشان متضيعش سنين من عمرك على الفاضى واى استفسار انا تحت امرك |
اولا انا احييك على كلامك ده وكلامك كل صح وفعلا طالب كلية تجارة ده طالب جوووكر ينفع يشتغل فى شركات كتير
وهى فعلا صعبا بس توضيح صغير كدة هو كام مادة فى سنة اولى ف الترم الاول والترم التانى |
فــــــــــــــــــــــين الى داخـــــــــــــــــــــــــــــــــــــــــلين تــــــــــجـــــــــــــارة السنـــــــــــــــــــادى معـــــــــايـــــــــا
شكلى كدة هبقى انا واحمد فى المدرج لوحدنا |
السلام عليكم
والله ياجماعة انتو حيرتونى اكتر كنت فاكر تجارة سهلة وبيقولو عليها كويسة وطلعت صعبة انا كنت فاكر علوم هى الكلية الصعبة الوحيدة والحكاية مش حكاية مذاكرة ولا بتاع اول حاجة المواد شكلها ازاى وهى الكلية اصلا شكلها كيف ونظامها ايه طيب مابتوع تجارة مش كلهم يعنى ممكن يذاكروا اخر شهر ويعدو بس علوم لازم السنة كلها ثانيا تجارة وبالاخص انجلش وبالاخص شغل الشركات والبونك والحاجات التقيلة دى مادى ياجماعة عايزة واسطة مش اى حد يشتغل فى حاجة زى دى مهما كانت مؤهلاته خليكو عمليين اما علوم فمجالاتها كتير ومش بتحتاج واسطة علشان البية شغلها حكومى بس المشكلة ان علوم صعبة وعايزة حضور وانتحار فى المذاكرة يعنى دى مستقبل والتانية دراسة....اختار ايه ياناس!!!!!!!!! |
اقتباس:
ومفهاش مذاكرة معلش اصل انت خنقتنى ولا عايز تجارة علشان صعبة وشغلها عايز واسطة ولا عايز علوم علشان مذكرتها الى طول السنة روح صلى صلاة استخارة |
السلام عليكم
السنة اللى قبل اللى فاتت لما كنت فى سنة اولى كان علينا 7 مواد ترم اول و7 مواد ترم تانى بس بيتهائلى العميد خلاهم حاليا 5 مواد فى كل تيرم وسنة اولى بتتقسم مجموعات كل مجموعة مش بتعدى 180 طالب علشان يفهموا كويس بجد العميد بتاع الكلية عامل شغل جامد لسنة اولى اما بالنسبة للى بيقول تزاكر اخر شهر وتنجح كلنا كنا فاكرين كده فى الاول بس احب اعرفك حتيجى فى الاخر وتلطم وناس بالهبل عادت السنة بسبب اللى انت بتقوله ده انا امتحنت امتحان فى سنة تانية كانت مادة مالية عامة حطها 3 دكاترة من ضمنهم العميد لو عرفت تحط فيها قلم يبقى انت ممتاز انا مش بخوفك من تجارة بس بجد لو مش قد تجارة خش كلية تانية اداب او تربية |
الســـلام عليـــكم
رمضــــان كــــــريم أنا داخلـه أولى تجاره انجلش جامعة اسكندريه .. أنا اسمع ان الكليه جامده ومستقبلها ممتــاز واللي بيتعب فيها هيلاقي وصراحه هي ما كانتش هدفي الأول بس كانت هدفي البديل بعد ما ضاعت مني الهندسه على نص درجه :( المهم أنا عـــايزه أعرف حد هنا معايا ؟؟ |
اقتباس:
انا بردو لسة اولى تجارة عربى مش انجليزى وبالتوفيق ان شاء الله |
يارب الى يدخل وميعملش كومنت ولو حتى بسيط خالص مينجح فى حياتو ابدا
ههههههههههه كدة احسن يعنى 400 مشاهدة و 22 كومنت ليه ده حرام حتى |
انا اسمي احمد والشهرة ماندو
داخل سنة تالتة ويا ريت نكون هنا اصحاب وبالنسبة لكلية التجارة هي من اجمل واحلي الكليات في مجمع اسكندرية وهي مش سهلة وفي نفس الوقت مش صعبة لان اكتر موادها مواد تعتمد علي الفهم مش الحفظ ويا ريت نكون صحاب بجد تقبلو مروري احمد ماندو & الجنرال العاشق |
اقتباس:
وان شاء الله نكون اصحاب بجد |
ســؤال ؟؟
هو الجــدول هناخده واحنا بندفع المصــاريف ولا ايه النظــام ؟؟ واللــي يعرف مصـاريف تجــاره انجلش السنه دي يا ريت يقولـي أنـا سمعـت انهـا كانت 4700 السنه اللــي فــاتــت .. |
انا ليسا فى 3 ثانوى وبصراحة انا شايفه ان اجمل كليه هى كية تجارة وبصراحة كمان مش مقتنعه بيها انها من كليات الادبى خالص لان دى فيها رياضة والكلام دة كله المهم هى كلية حلوة اوى والا بيذاكر فيها بيجيب تقدير عالى جدا انا مدخلتهاش بس بنات عمى فيها حبها علشان تعرف تمشى فيها وربنا يوفقكم وادعولى لان الوزير السنة دى ناويلنا ربنا معاكم ومعايا
|
اقتباس:
|
اقتباس:
|
تجاره انجلش القاهره اول سنه
عندي سؤال انا لما رحت قالي لازم المصاريف الاول رحت جبت ال3180 جنيه اللي قالي عليهم وبعدين دفعتهم في الخزنه ورحت سجل اسمي واداني ظرف قالي حط ورقك فيه وخدو ولا اداني ورق املاه ولا هات تقرير طبي ولا اي حاجه ليه كده ؟؟؟؟؟؟؟؟؟ |
Bedo Man
الـراجل ده شكلـو بيشتغلك ولا يمكن النظام عندكو كده ... أنا لما رحت الكليه اول حاجه شفت اسمي في الكشف و بعدين اداني استمارتين مليتهم وبعد كده اشتريت طوابع بـ 80 جنيه واحد بتاع تجاره انجليش بـ 50 والثاني بتاع الكشف الطبي بـ 30 .. التجاره العربي بيدفعوا 30 بس مش 80 .. المهم اداني وصل رحت بيه عملت الكشف الطبـي وكشفت وبعدين ادوني ورقة الكشف الطبـي عشان اديهالهوم لما اروح ادفع المصـاريف .. بس كـده ده اللي حصل .. ولسه هروح قبل الدراسه بإسبوع عشـان ادفع المصـاريف وآخد الجدول وأقدم الكشف الطبــي .. أتمنـــى أكـــون أفــدتــك .. |
هو انا بس شفت اسمي في الكشف اللي عنده وسجل اسمي وقالي روح قلتله مفيش كشف ولا ورق املاه قالي لا مفيش بس ده اللي حصل ربنا يستر هو انا القاهره حضرتك ايه
|
غــريبه أوي الحكـايه دي ..
أنا جامعة اسكندريـه .. طيــب اسـأل تــاني يمكن الحاجات اللي قولتـلك عليهـا دي هتتعمــل مع التقــديم قبـل الدراسه بشـويه .. بـص ع العمـوم اسـأل تـاني وشـوف حد كان فيها معاك في الكليه من سنين فـاتو .. يمكـن حد يعـرف نظامهـم ايه .. |
ممكن يكون بيختلف نظام جامعة عن جامعة
بس سؤال صغنون هو معطكش وصل بالفلوس لو معطكش يبقى يعوض عليك ربنا بس انا زى مفالت شيماء بس انا عربى مش انجليزى دفعتطوابع كشف طبى 30 جنيه وطوابع خدمات تعليمية 10 جنية وعطالى ظرف فيه ورقتين مليت البيانات الى فيهم عطالى وصل رحت عملت بيه الكشف الطبى وقالى تعالى قبل الدراسة بس ده الى حصل معايا وبعدين مصاريف تجارة انجلش مابتقلش عن 4000 جنيه مش 3000 بس ربنا يستر |
كلام مظبوط ..
فعـلاً أنا لما سألت الشـؤون عن المصـاريف قالولي هي كانت 4700 السنه اللي فاتت بس لسه ماحددوش مصاريف السنه دي .. Bedo Man لاااازم تسـأل فـي الكليـه .. وعلـى فكـره مصـاريف كـل كليـه بتختلف عن التانيـه ماتقلقش يعنـي .. ربنــا يعمــلك اللــي فيــه الخيـــر .. |
لا انا جت وصل بامصاريف متقلقش مش للدرجه دي يعني و المصاريف للترم الاول هيا 4500 تقريبا هو قالي هات 3180 للترم الاول و الف وشويه الترم التاني وهسال تاني انشاء الله
|
اه كــويس ..
|
طيب يا انسه شيماء انتي تعرفي حاجه بالنسبه للمواد او الكتب او الحاجات دي لان الواحد ميعرفش حاجه في الكليه دي و شكرااا
|
أنـا اعـرف ان دي المـواد بتاعتنــا :
1. محــاسبه 2. قـــانــون 3. E 4. سلوك تنظيمـي 5. اقتصـاد وسمعـت انهم كـانو 7 مـواد بس العميــد خففهـم لـ 5 وده من موقع الكليـه : يقسم الطلاب المقيدين بوحدة اللغة الانجليزية الى مجموع ات ، وتلقى المحاضرات باللغةالانجليزية لكل مجموعة على حده في القاعات المخصصة لهم طبقا لخطة الدراسة و المقررات والتطبيقات المقررة باللائحة الداخلية للكلية والسابق ذكرها تفصيلا الامتحان : أ- امتحانات اعمال الفصل الدراسي : يخصص ٢٥ % من درجة الامتحان للامتحانات الدورية الشفوية والتحريرية التي تعقد داخل قاعات الدراسة خلال الفصل الدراسي في كل مادة من مواد الدراسة ب – امتحان نهاية الفصل الدراسي : الامتحان تحريريا باللغة الانجليزية في جميع المقررات ، ويعقد الامتحان في نهاية كل فصل دراسي ، ومدة الامتحان ساعتين ، ويشترط لدخول الطالب امتحان المقرر أن يكون مستوفيا نسبة حضور لاتقل عن ٧٠ % من مجموع ساعا ت المقرر . ويؤدي الطلاب الدارسون الامتحان باللغة الانجليزية في ذات المواد وفي نفس المواعيد مع زملائهم الدارسين باللغة العربية طبقا للجداول التي تعلن بلوحة الاعلانات. – تقديرات النجاح : النهاية العظمى لدرجات امتحان المقرر مائة درجة تقسم طبقا لما يأتي : 25درجة لامتحانات نصف الفصل وأعمال السنة للفصل الدراسي . ٧٥ درجة لامتحان نهاية الفصل الدراسي . ويقدر نجاح الطالب في المقررات وفي التقدير العام بنفس النسب التي تطبق على الطلاب الدارسين باللغة العربية والسابق ذكرها تفصيلا . |
اقتباس:
احييك على مجهودك الرائع ياشيماء وبالتوفيق بس متعرفيش حاجة عن مواد ونظام تجارة عربى |
دي مـواد تجـاره عـربي : 1. ريـاضه 2. اقتصاد 3. محـاسبه 4. قانون 5. سلـوك :av4056bb7jp3:نظام الامتحان الإمتحان تحريريا في جميع المقررات ويعقد الامتحان في نهاية كل فصل دراسي ومدة الامتحان ساعتين . ويشترط لدخول الطالب امتحان المقرر المخصص له تطبيقات عملية أن يكون مستوفيا نسبة حضور لات قل عن ٧٠ % من مجموع ساعات هذه التطبيقات ويحرم الطالب من التقدم للامتحان في المقررات التي لم يستوف بها نسبة الحضور ، وفي هذه الحالة يعتبر الطالب راسبا في المقررات التي حرم من التقدم للامتحان فيها إلا إذا قدم الطالب عذرا يقبله مجلس الكلية فيعتبر غائبا بعذر مقبول . يحدد مجلس الكلية مواعيد بدء ونهاية الامتحان وزمنه وذلك لجميع الطلاب بلوحات الإعلان ، ولايسمح للطالب بدخول الامتحان ما لم يكن حاملا لبطاقة رقم الجلوس . وتقوم إدارة الشئون التعليمية بالكلية بتسليم بطاقات أرقام الجلوس للطلاب في شهر نوفمبر من كل عام لدخول امتحان الفصلين الدراسيين وذلك بعد استيفاء الطالب لإجراءات قيده طبقا لما سبق ذكره . تقديرات النجاح والنقل الى الفرقة الأعلى : النهاية العظمى لدرجات امتحان المقرر مائة درجة . ويقدر نجاح الطالب في المقررات وفي التقدير العام بأحد التقديرات الآتية : ممتاز ٩٠ % فأكثر من مجموع الدرجات جيد جدا من ٨٠ % إلى أقل من ٩٠ % من مجموع الدرجات . جيد من ٦٥ % إلى أقل من ٨٠ % من مجموع الدرجات . مقبول من ٥٠ % إلى أقل من ٦٥ % من مجموع الدرجات . ويحسب التقدير العام للتخرج على أساس متوسط التقديرات التي حصل عليها الطلاب خلال س نوات الدراسة الأربعة وطبقا للتقديرات سالفة الذكر . أما رسوب الطالب فيقدر بأحد التقديرين الآتين : ضعيف من ٣٥ % إلى أقل من ٥٠ % من مجموع الدرجات . ضعيف جدا أقل من ٣٥ % من مجموع الدرجات . وينقل الطالب من الفرقة المقيد بها إلى الفرقة الإعلى اذا نجح في جميع المقررات أو كان راسبا فيما لايزيد على مقررين من فرقته أو فرقة أدنى . أما طلاب الفرقة النهائية الراسبين فيما لايزيد على مقررين فيعقد لهم امتحانا فيما رسبوا فيه في شهر سبتمبر ، فإذا تكرر رسوبهم امتحنوا فيما رسبوا فيه في نهاية الفصل الدراسي الذي قد رسب فيه في مادة الرسوب . *********************************** |
الف شكر ليكي يا انسه شيماء ع المجهود ده
|
اقتباس:
|
١- مدة الدراسة وشعب التخصص : مدة الدراسة لنيل درجة البكالوريوس في التجارة أربعة سنوات مقسمة الى ثمانية فصول دراسية مدة كل فصل خمسة عشر أسبوعا ، ويكون التخصص بالنسبة لجميع شعب الدراسة بالكلية اعتبارا من بداية السنة الثالثة . ويتم اختيار شعبة التخصص ، بأن يستو في الطلاب المنقولين للفرقة الثالثة النموذج الخاص بتحديد شعبة التخصص بقسم الشئون التعليمية وذلك خلال الفترة التي تحدد لذلك . وتمنح الكلية درجة البكالوريوس في التجارة في شعب التخصص التالية : شعبة ادارة الأعمال . شعبة المحاسبة . شعبة الإقتصاد . شعبة العلوم السياسية . شعبة الدراسات المالية والجمركية . شعبة الإحصاء التطبيقي . شعبة نظم المعلومات الإدارية والحاسب الآلي . خطة الدراسة : تشمل خطة الدراسة توزيع المقررات الدراسية على سنوات الدراسة وعدد ساعات المحاضرات والتطبيقات العملية المخصصة لكل مقرر أسبوعيا في كل فصل دراسي حسب الجداول التالية : بيان مقررات الدراسة للدرجة الجامعية الأولى الفرقة الأولى الفصل الأول مبادئ المحاسبة مبادئ الادارة والاعمال اقتصاد جزئي رياضه ماليه لغة أجنبية - مقدمة في القانون ============================================ الفصل الثاني مبادئ المحاسبة سلوك تنظيمي اقتصاد كلي لغة اجنبية للأعمال رياضة بحته للتجاريين قانون تجاري === ====== ====== ====== ====== ====== ====== ====== ====== ====== ====== ==== |
رمــــــــــــضـــــــــان كـــــــــريـــــــــــم
|
:022yb4:الله اكرم:022yb4:...................... |
انا طالب فى تانية تجارة الاسكندرية اللى عايز يستفسر عن اى حاجة فى الكلية يبعتلى رسالة على الحاص وانا هفهمه عن كل حاجة فى الخاص علشان انا مش عتابع النوضوع نفسه
|
??????????????????????????
|
امـــــوت واعـــــــــــــــــــــــرف هى فين الدفعة فين الناس الى قبلت ف تجارة
|
| جميع الأوقات بتوقيت GMT +2. الساعة الآن 08:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.