|
شغال فى غير تخصصك ....اجمع هنا بالخطوة السريعة (ارجو التثبيت للاهمية)
يا جماعة كل شغال فى غير تخصصة او مش فى نفس المرحلة اللى طلع عينة فى الكلية وذاكر واجتهد فيها ياريت كل الناس تيجى هنا تسجل اسمائها علشان نشوف عددنا اد اية وهنعمل اية ؟؟؟
|
مستر محمد ناصف كتبلنا صيغة فاكس جماعى نبعتة كلنا فى وقت واحد وهو
صيغة الفاكس بسم الله الرحمن الرحيم تظلم السيد الأستاذ المحترم / تحية طيبة وبعد مقدمة لسيادتكم / حيث انني حاصل علي ( بكالوريوس - ليسانس ) تربية عام قسم / ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا ومراحلنا فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك |
انا معاكم امتحنت الكادر ابتدائى بس انا خريجه تربيه عام هنعمل ايه بقا
|
والله انا معاك لانى مدرس دراسات ومتعاقد مدرس فصل
|
استاذي الموضوع ده متكرر وياريت نركز في مكان موضوع واحد
حتى الان لدينا خيارات رفع قضايا كل مدرس بمفرده رفع قضية جماعية ارسال الفاكس المقترح في المشاركة السابقة التجمع والذهاب للوزارة وانا لا اؤيد هذا الحل لانه كفانا مظاهرات |
القضايا مشوارها طويل
لازم يكون قرار سريع ومنشوار رسمى يصدر من الوزير بتعديل التخصص كل مدرس حسب شهاده الكليه بتاعته وممكن يتم التنفيذ بعد انتهاء الترم الثانى علشان كل مدرس فصل او اى مدرس مش شغال مش فى تخصصه الاصلى يكمل مع التلاميذ لانتهاء الامتحانات وبعدها يتم تعديل التخصص علشان لو تم التعديل دة الوقتى محدش هيوافق انى كل مدرس واخد فصل او بيدرس ماده هيسيبها ويمشى وبكده الدراسه طبعا هتتوقف ......... يبقى لازم دة الوقتى نعدل التخصص بتاعنا الاول ويصدر قرار رسمى من الوزير ويتم بيه فعلا التنفيذ بعد انتهاء الامتحانات فورا لو سكتنا حقنا هيضيع دى الفرصه الوحيدة كل واحد دة الوقتى بيطالب على لازم ياخده كفايا اشتغلنا ثلاث سنوات واحنا مش فى تخصصنا |
انا خريجة تربية فلسفة واجتماع ودبلوم مهنية ودبلوم خاص تكنولوجيا التعليم واعمل مدرسة كمبيوتر ابتدائي مع انه من المفروض اكون مدرسة ثانوي
|
طيب اية رايكم نعمل الاول موضوع الفاكسات
بعدها نشكل وفد مننا 50 مثلا يروحوا الوزارة ويتكلموا فى الموضوع دة باسمنا اخر حاجة هنلجأ لها هية القضاء بس يا جماعة عايزين ننشر لينك الموضوع دة فى كل الموقع علشان نجمع اكبر عدد ممكن |
انا دكتوراه مناهج وطرق تدريس دراسات اجتماعية واعمل مدرس فصل ابتدائي |
معاكي يا ا/ دينا دا مطلبنا من زمان وحاولنا كتير تغير الكلام ده بس للأسف مفيش فايدة دلوقتي لازم يكون لينا دووووووووووووووور
|
انا خريج تربية عام لغة فرنسية واعمل مدرس فصل...ههههههههه
|
وانا زى حضرتك بالظبط
|
وانا تربية عام فيزياء وكيمياء 2003 جيدجدا واعمل مدرس علوم اعدادى ومقيد فى الأدارة مدرس فصل تعاقد1/12/2008
|
انا مدرسة دراسات اجتماعية وعقدي مدرس فصل ولكن ادرس الدراسات الاجتماعية
|
انا تربية عام لغة عربية ونفسى اثيت على مرحلتى اعدادى كفاية شغل فى ابتدائى ده فية خرجين اصغر مننا شغالين اعدادى وفية متعاقدين نعليم اساسى اصلا وشغالين اعدادى وحدين مكانا انا معاكم يا ريت نكون ايد واحدة ونصلح فساد الموظفين اللى وزعونا ابتدائى لازم نكون مجموعة مننا تذهب تتكلم مع الوزير باسمنا كلنا التثبيت يكون بالمؤهل على حسب المرحلة حرام كفاية ظلم
|
الله المستعان
|
اقتباس:
|
أنا كمان خريجة تربية عام قسم تاريخ أنا بقول نبدأ بالفاكسات والايميلات الأول
|
وانا معاكم انا تربيه عام لغه عربيه ودبلومه مهنيه وخاصه وتمهيدي ماجستير
وعلى قوه الابتدائي والله حرام ياربيت نوحد صيغه ويوم ارسال الفاكس |
انا مدرس دراسات اجتماعية بشتغل فى التخصص بتاعى لكن امتحنت الكادر على مدرس فصل وحتثبت مدرس فصل
نحنوا فى شمال سيناء يزيد عددنا عن 280 مدرس تم امتحاناتهم على مدرس الفصل وهم تخصص دراسات اجتماعية |
انا عاوز اعرف مين رايح يدرس فصل بعد كدة لما كله عاوز يغير من مدرس فصل الى مدرس مادة
ولا كل واحد بيدور على مصلحته وبس تقدروا تقولوا ليا مين اللى مفروض يدرسوا فصل |
كويس احنا بنكتر ودة كوبس ياريت ننشر لينك الموضوع فى المنتدى كلة علشان نكتر لان القوة فى كثرة عددنا علشان يحسوا انها مشكلة كبيرة
|
وانا كمان تخصص دراسات وشغال من عشر سنوات وامتحنت على مدرس فصل
|
اقتباس:
|
سيبوا البلد تشتغل يا شياب
سيبوا الحكومه تعمل كل الى احنا عايزينة |
انا تمهيدى ماجستير فرنساوى ودبلوم عام تربوى وشغال مكتبات وابشرو معايا ما لايقل 570 فى ادارتى فقط فمال بالك بباقى ادرات الشرقيه
|
طيب هنبعت على رقم اية واى فاكس؟؟؟؟؟؟
اللى يعرف رقم الفاكس يقولنا |
انا كلية تربية قسم علوم بيولوجية وجولوجية دفعة 2002
وبدرس علوم ابتدائى |
يا جماعة المهم اننا لما نيجى نبعت صيغة الفاكس نكون كلنا فى يوم واحد ودة كان رأى عضو من الاعضاء علشان نبقى مؤثرين
هو قال اننا لو بعتنا كمية فاكسات فى يوم واحد هيخدوا بالهم من المشكلة احنا عايزين نجمع اكبر عدد ممكن وبعدين نبعت الفاكسات كخطوة اولى ولو منفعتش نجرب غيرها المهم العدد والاستمرارية حتى لو وصلنا اننا نعمل قضية جماعية هنعملها معاااااااااااااانا؟؟؟؟؟؟؟ |
الفاكسات المطلوبة
وزارة التربية والتعليم (02 )
27942502 22796295 رئاسة مجلس الوزراء (02 ) 7958016 7356449 بس يا ريت نتفق علي يوم معين نبعت فية الفاكسات للجهات دي وانا شايف ان انسب يوم يوم الحكومة الجديدة ما تحلف اليمين نبدأ بعدها احنا تاني يوم ونبعت علي الجهتين يعني لو الحكومة حلفت الأحد نبعت الفاكسات يوم الإثنين |
صيغة الفاكس المعدل
ودي صيغة الفاكس للمرة التانية
بسم الله الرحمن الرحيم تظلم السيد الأستاذ المحترم / تحية طيبة وبعد مقدمة لسيادتكم / حيث انني حاصل علي ( بكالوريوس - ليسانس ) تربية عام قسم / ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا والمراحل التعليمية التي يجب ان نعمل بها فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة وخاصة كلية التربية والتي هي انشأت خصيصا لتخريج المدرسين ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك وفي النهاية نحن لا نطمع في اي شئ اكثر من ان نحصل علي ابسط حقوقنا التي سلبت منا عنوة وهي ان نعمل بمؤهلاتنا |
يا جماعة انا جبت ايميل وتليفون وفاكس د/ احمد جمال تفتكروا نفعل الاميل ولا التليفون؟؟؟
agamal*gamal-eldin.com gamalmoussa1*********** ودة الفون والفاكس : الهاتف والفاكس +20 (02) 26706071 / +20 (02) 26706072 رقم الموبايل 0123962627 |
اقتباس:
|
و انا معاكم
انا ل . تربيه عام انجليزي و اعمل ابتدائي
و خايف فعلا ان اتثببت علي كده لاني امتحنت علي انجليزي ابتدائي بجد لازم يبقي في حل الموضوع ده شاغلني جدا من اول موضوع التثبيت |
انا كنت مدرس فصل بس حولت الي مدرس لغة انجليزية بناء علي قرار وزير التعلبم السابق احمد زكي بدر
|
نبعت الفاكس على الوزارة ازاى تليفون ايه اى معلومات نبعت ازاى وامتى وانا معاى عدد كبير من الزملاء فى الدقهلية والشرقية
|
اقتباس:
وزارة التربية والتعليم (02 ) 27942502 22796295 رئاسة مجلس الوزراء (02 ) 7958016 7356449 |
يا جماعة الفاكسات تكون كلها فى يوم واحد علشان يحسوا انها مشكلة كبيرة
|
انا برده تربيه انجليزى عام بتقدير جيد و عقدونى اقصد و متعاقد على انجليزى ابتدائى المصيبه الكبيره ان فى المدرسه الاعدادى واحد متعاقد خريج ترجمه ازهر مش ده حرام ..... انا معاكم بس حد يقول ليه كيف اسجل معكم
|
خايف
اقتباس:
|
الغريبة بقى ان معانا فى المدرسة مدرس اصلا تربية اساسى ولانة منتدب للاعدادى زيي هيخش الامتحان ع الاعدادى مش بالزمة دة ظلم بتوع اعدادى يتثبتوا ابتدائى وبتوع ابتدائى يتثبتوا اعدادى بس عن نفسى مش هسكت نهااااااااااااااااائيا
|
اقتباس:
قول اللي حتعملوا واحنا معاك بس ما تقولش مظاهرات واعتصامات لان كدة كفاية |
باذن الله انا رايح للوزارة فى القاهرة يوم الثلاثاء 8/3 اللى عاوز يروح يقابلى هناك واقسم بالله ان شاء الله هروح لو الحال ده نا اتعيرش
ياريت كلنا نروح ونتعب المرة دى تعب يوم ولا اتنين ولا اسبوع افضل ما نتعب باقى عمرنا ودى فرصة موعدنا بإذن الله الثلاثاء الساعة 10 ص قدام الوزارة واللله المستعان |
تربية فرنسى و التعاقد مدرس فصل
|
انت منين يا استاذ اشرف
انا من سوهاج وتربية فرنسى- متعاقد مدرس زفت |
انا بتصل برقم تليفون الوزير
جرس ومحدش بيرد |
اقتباس:
لو رد عليك قول لنا النتيجة |
الظاهر ان دى مشكلتى لوحدى
|
وعاوز اقول حاجة كمان
لازم نتحرك من دلوقتى حتى لو مفيش وزير لحد دلوقتى لسه الدكتور احمد جمال الدين موجود لحد ما تتشكل الحكومة الجديدة ولو مش موجود اكيد فيه المساعدين والموظفين اللى فى الوزارة كل لحظة ليها تمن |
يا جماعة احنا قلنا الاول هنبدأ بموضوع الفاكس وصيغتة نشرماها قبل كدة بس عايزين عدد ويوم محدد واصرار بقى مش ندخل نتفرج ونخرج
|
| جميع الأوقات بتوقيت GMT +2. الساعة الآن 01:40 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.