طلاب طب بيطرى القاهرة يجمع هنا للتعارف
 

انا اسمى ابراهيم (محمد ابراهيم محمد محمد) اسم حد غالى عندى جدا
انا دخلت طب بيطرى السنادى ونفسى اتعرف على الاصدقاء المستقبلين
:039uw8::039uw8::039uw8::039uw8:

انا اسمى ايهاب محمد

انا حولت طب بيطرى القاهره
وان شاء الله التحويل يتقبل ونبقى مع بعض ونكون اصدقاء

تقبل مرورى :)

انا آلاء من الفيوم وجالي بيطري القاهرة بس احتمال يقبل تحويلي لبني سويف عشان هي اللي الاقرب

:040vk0:احنا لسه بنتجمع وانتى بتقولى هتحولى

انشاء الله نبقى اكتر من الاصحاب اخوات ان شاء الله
واسف على التاخر فى الرد :022yb4::022yb4::022yb4::022yb4:

على العموم ربنا يوفقك وتحققى اللى انت عيزاه

انا منة الله اشرف
ان شاء الله سنة اولى
و اهلا بيكو كلكو :)

انا اسلام من القاهرة .... جالي سياية و اقتصاد بس عايز احول طب بيطري .... المفروض اعمل اية :)

ترحيب بالطلاب المستجدين
 

أهلا بشباب وبنات الطب البيطري جامعة القاهرة
يا رب إن شاء الله الكلية تعجبكوا وربنا يوفقكم جميعا
للتواصل وأي حد عايز أي مساعدة يتواصل معانا على الجروب Vets 25
وإن شاء الله نستقبلكم في أول يوم في الدراسة وأي حد يحب يتواصل معايا ده الأكونت بتاعي ma_abomaged*********** ( Ahmed Albeialy )...
وربنا يوفق الجميع إن شاء الله وكل عام وأنتم بخير ... رمضان مبارك

أحمد البيلي
الفرقة الثالثة
إتحاد الطلاب ... اللجنة العلمية

ya gamed enta ya badawy :D :D
7beb 2lby :)

اهلا بيكم كلكم انا ان شاء الله استقريت ومش هأحول وهأستمر في القاهرة بس كنت عايزة ميعاد التقديم للكلية والكشف الطبي وشكرا جزيلااااااا

ميعاد التقديم احتمال يكون بعد إسبوعين أو بعد العيد لأن الكشوفات لسة موصلتش الكلية وأول ما يبتدي التقديم يبتدي معاه الكشف الطبي إن شاء الله

ولو في جديد هبلغكم .. وأتمني تتواصلو معانا على جروب الفيس بوك Vets 25 الجروب خاص بدفعتكم :) ربنا يوفقكم إن شاء الله وكل عام وأنتم بخير

يا جماعة انا من الفيوم ورحت طب بيطرى اسيوط وعايزة احول القاهرة بسال عن التحويل الورقى يا ريت لو حد عارف حاجة يرد عليا بسرعة وجزاكم الله خير

ريتال هتروحي مكتب تنسيق جامعة القاهرة اللي هوا في المدينة الجامعية بتاعت الأولاد وهناك هتسألي على التحويل هيدوكي ورقة تكتبي فيها الكلية اللي جتلك ايه وفي جامعة ايه وعايزة تحولي فين ويا ريت تاخدي معاكي ورقة بنتيجة التنسيق بتاعتك تطبعيها من على النت وإن شاء الله يقبلوا طلبك
كل عام وانتي بخير :)

طبعا هو الإسم عشان جامعة القاهرة وكمان الدراسة فيها تميز ودي كلية عملية هتكون أكيد الدراسة صعبة ومحتاجه مجهود من الطالب وكل شي بالمجهود والمذاكرة هيبقى سهل ... وكمان الطب البيطري ليه أهمية كبيرة ومميزات كتيرة يا ريتال ... أي شئ تحتاجيه إسألي وأتمنى يكون التواصل على الفيس بوك على الجروب الخاص بسنه أولي Vets 25 وإن شاء الله ربنا يسهلك الحال وتكوني من الناجحين والمتفوقين في الكلية

hhhhhhhh mt2l2sh d 2wl sana bs el sha7tta d bs isa 5er w rbna ywf2km ya shabaaaab :)

لو سمحت كنت عايزة اسال عن احقية الطبيب البيطرى فى معامل التحاليل البشرية لانى قرات فى جرنال ان مالوش الحق حتى فى ابداء المشورة والتعامل مقصور على الدكاترة البشرين بس وعلوم اخصائى

ليهم حق يشتغلوا فى معامل تحاليل ولكن بعد عمل دبلومة تحاليل ولو عايزة تفتحى معمل تحاليل بترفعى قضية وده امر روتينى بتكسبيها فى وقتها

احمد محمد محمد الحسينى حولت لبيطرى القاهرة بس هم قالولى التحويل هيتم بعد اسبوعين من العيد ... كدة التقديم هيكون لسه شغال و الكشف الطبى؟ شكرا

أهلا بيك يا أحمد ... تنور الكلية ... التقديم هيبقى شغال إن شاء الله بس هيا المشكلة هتبقى في الكشف الطبي لأن معاده يوم 6-9 .. ممكن انت تيجي يوم 6-9 شوف اسمك وصل ولا لأ الكلية .. وشوف موضوع الكشف الطبي لو ينفع تعمله .. او هتستنى لحد ما التحويل يتم وتعمل ساعتها الكشف الطبي بس أهم شئ يا ريت تكون موجود يوم الكشف الطبي وتابعنا على الجروب الخاص بدفعتك على الفيس بوك Cairo Vets 2011

هااااااااااام جدا لكل طلبة طب بيطري القاهرة .... التقديم بدأ من السبت اللي فات .. والكشف الطبي يوم 6-9

لمتابعة الأخبار الرجاء الإنضمام لجروب Cairo Vets 2011 على الفيس بوك ده الجروب الخاص بالفرقة الأولى لسنة 2011

ملحوظة :- جروب Cairo Vets 2011 ده الجرب الجديد بدل Vets 25

تابعونا يوميا على الجروب مع برنامج ساعة مع بيطري من الساعة 12 إلى 1 صباحا ... لمعرفة المزيد عن الكلية وللرد على أسئلتكم واستفساراتكم

ارجوووووووكم يا اخوااااااااانى انا في امس الحاجة لمساعدتكم
 

بسم الله الرحمن الرحيم
ارجوووووووكم يا اخوااااااااانى انا في امس الحاجة لمساعدتكم
انا جاتلي علوم عين شمس..
فاستخرت ربنا و كدة قلت خلاص احول بيطري تمااام..
فروحت عملت تحويل ع النت لبيطري القاهرة والحمد لله مجموعي اعلى منها..
و المفاجأة...
رجعتلي تانى علوم عين شمس!!!!
لييه؟ عشان انا الثانوية بتاعتى وخداها من القليوبية و المفروض كنت كتبت بيطري بنها مش القاهرة!!!
المهم كدة التحويل راح عليا و انا لسة علوم!!
رحت جامعة بنها و عملت تحويل ورقي لبيطري بنها (اهو احسن من مفيش)
لكن اتفاجات ان بيطري بنها ف حتة بعيدة كدة اسمها مشتهر !!
و دى بعيييييييييييييدة اووووى عليا زائدد كمان محل اقامتى محافظة الجيزة..

طولت عليكم معلش بس دلوقت القاهرة انسبلي اوووووى و مش عارفة هل ينفع احول ليها؟؟؟؟
طب ولو ينفع ؟ المفروض ايه الاجراءات اللى اعملها ؟؟

ممكن تروحي مكتب التنسيق اللي في المدينة الجامعية بتاعة جامعة القاهرة واعملي تحويل ورقي من هناك من كلية علوم لبيطري القاهرة وإن شاء الله يقبلوه وإن ما كانش كدا ممكن تحولي بنها وهيا سنة واحده استحمليها وبعد كدها عادي تحولي بيطري القاهرة ... بس اسألي في مكتب التنسيق الأول على التحويل الورقي وان شاء الله تحولي ويا ريت يكون معاكي أي اثبات بمحل الإقامة الحالي ... ربنا يوفقك إن شاء الله