|
لمن يحتاج المساعده بخصوص طب اسنان
السلاااااااااااام عليكم
انا زميلكم محمد داخل تالتة طب اسنان الاسكندرية عارف ان كل سنة على المنتدى اللى داخلين اسنان بيبقى عندهم اسئلة كتيييييييير اوى عاوزين يعرفوا اجابتها وانا اما كنت على المنتدى ايام ثانوى لقيت مساعده من زمايلى اللى اكبر منى فأى حد محتاج استفسار بالنسبة لكلية طب اسنان وخصوصا اسكندرية ان شاء الله اقدر افيده وشكراااااااااااا |
انا لسه مش عارف هدخلها وولا لا علشان النتيجه يوم السبت بس كنت عايز اعرف هى تخوف يعنى علشان دم وخلع اسنان وكده وعايز اعرف شعورك يعنى لما تيجى تخلع ضرس تانى حاجه عايز اعرف ايه التخصصات الموجوده وافضل تخصص فيها اللى فى فرص عمل كويسه وفلوس برده كويسه وهل ينفع اتخصص فى اكتر من تخصص
|
اقتباس:
اولا ربنا يوفقك وتدخلها باذن الله ثانيا بالنسبة لموضوع الدم وخلع الاسنان دا ميهمكش منه خالص يعنى لانها حاجة اعتيادية وهتتعود عليها انا لسه مشتغلتش فى عيادة فى الكلية بس بقف مع دكتور فى عيادة برا فى الاول كان شكل الدم بيخضنى شوية لكن بعد كدا بقت حاجة عادية جدا جدا ثالثا انت داخل كلية طب اسنان يعنى متخصص جاهز طبعا فى اقسام جوا الكلية وهما حوالى عشر اقسام انت المفروض بتكون متخرج بلم بجميع هذه الاقسام والتخصصات ورسميا تشتغل فيهم كلهم عادى جدا بدون اى مشكلة لكن طبعا لو عاوز تعمل ماجستير فى حاجة معينة بتعمل عادى عشان تبقى فاهم فيها اكتر ... ممكن بقى تستثنى حاجتين وهما قسمى التقويم وتخصص زراعه الاسنان ودول لازم تاخد ليهم اما ماجستير او تاخد كورس برا عشان تعرف تشتغل فيهم |
لوسمحت مومكن تدينا شويه نصايح ومعلومات قبل دخول كليه الاسنان.....ومعروف انو اسنان بتعتمد اكتر علي مهاره اليد...فهل ده بيبقي صعب وبياخد مجهود كبييييير وهل مش اي حد بيكون عندو مهاره اليد حتي لو بالتدريب الكتيييييييير.انا قلقانه من الحكايه دي اوي .
يعني الواحد ازاي يعرف يجيب تقديرات عاليه واه الاخطاء الشائعه ال نتجنبها؟ ومعلش هو بيكون في ضغط مذاكره جامد زي الثانويه العامه؟ وهل لازم نذاكر كل يوم وهل صحيح بنروح كل ايام الاسبوع الكليه ماعدا بس يوم او يومين؟ هل شرح الدكاتره بيكون كله بالانجلش ومابيتكلمش ولا كلمه عربي يعني بمعني أصح بيكون في حاجات كتير مش بتتفهم في المحاضرات؟ والجامعات بتفتح امتي؟ انا اسفه بجد علي كل الاسئله دي بس عندي فضول وقلق زايد وانا فعلن عايزه اخشها بس بسمع كلام بيقلقني شويه خاصه سمعت ان الكليه دي مش مناسبه اوي للبنات؟ وشكرن جدن علي هذه المساعده...... |
[font="] اقتباس:
اقتباس:
بالنسبة لموضوع مهارة اليد ... فى طلبة بيبقوا عندهم موهبة ومن اول اما يشتغلوا يعملوا شغل عالى جدا وكويس جدا فى طلبة تانيين بيبقوا عاديين ومع الوقت مستواهم بيرتفع وفى نوع تالت بيبقى وحش جدا وممكن يحسن من نفسه وممكن ميعرفش وحل لمشكلة بسيط جدا وهى الممارسة بس فى ناس بتمارس وبتعمل شغل كتيييييييييييير ومع ذلك مش بتطور من نفسها ودول انا شفتهم بس دا سببه انه مش بيتعلم من غلطه يعنى لو عملتى شغل وحش مثلا وسـألتى دكتور وقالك لا مش كويس لازم تساليه طب انا غلطت فى ايه ولازم تشوفى شغل زمايلك الكويس وتشوفى هوا حلو ليه وتعملى زيه بالطريقه دى تعمل شغل احسن من اى حد فى الكلية لكن لو قعدت اشتغل واغلط واشتغل واغلط من غير ما اصلح الغلط يبقى دا الغلط بعينه ودا عن تجربة موضوع التقديرات والمذاكرة دا موضوع كبير لانى اول ما دخلت الكلية وعدت سنة والتانية والتالتة اكتشفت وشفت حاجات غريبة جدا يعنى ناس بتذااااااااكر كتيييييير وتجيب تقديرات قليلة وناس مبتذاكرش وبتجيب تقديرات عالية ولخبطة وبالتالى فبشكل مؤكد فى الكلية عدد ساعات المذاكرة مش مقياس خالص للتقدير والتفوق انا عن نفسى مثلا مش بذاكر الا قبل الامتحان اخر السنة ب شهر ولا حاجة وطول السنة بضيع وقت ومع ذلك الحمد لله بجيب امتياز فانا شايف ان المذاكرة اللى انا بذاكرها فى الوقت الضيق دا بقدر استوعبها وتخلينى اجيب تقدير فى غيرى نظامه غير كدا هوا شايف عشان يعرف يستوعب يذاكر مثلا اخر تلات شهور وهكذااااااا فلازم كل طالب يذاكر الكمية اللى يحس انها كدا وصلت بيه لمرحلة الاستيعاب لكن المذاكرة الكتير من غير لازمة بتتعب اخر السنة وعموما مذاكرة الكلية اقل من ثانوى بكتييييييير كمان مش المذاكرة هيا العامل الوحيد فى كمان عامل الذكاء فى الامتحان لان تقريبا نص الامتحان بيبقى اختيارى والاختيارى دا ممكن يبقى الواحد مش عارف الحل بس يقدر يستبعد ويقدر يختار الاجابة صح انا مثلا اعرف زميلى 90 فى المية من الاسئلة الاختيارى اللى مش عارفها دايما بيجاوبها صح وعموما موضوع المذاكرة دا يبقى فيه كلام بعد كدا لان كل مادة وليها عوامل معينة حاجات معينة تتذاكر عدد ايام الدراسة انا كنت اول سنة عندى يوم اجازة غير الجمعه السنة دى وصلت الى انى معنديش غير الجمعه اجازة بس عموما مش كل المحاضرات بتتحضر اهم حاجة تتحضر هيا السكاشن حضرتك سألتى سؤال جميل جدا وهو فى حاجات كتير مش بتتفهم فى المحاضرات والحقيقة السؤال المفروض يكون هوا فى حاجات كتيير بتتفهم فى المحاضرات موضوع العربى والانجليزى دا ليس له اى قيمه وبيعدى بعد اول ترم وهوا عامه بيتكلم كلام عربى ويقول المصطلحات بالانجلش وساعات بيتكلم انجلش ومصطلحات انجلش بس كل دا مش مهم لان المشكلة مش فى اللغة المشكلة فى الدكتور لان فى دكاترة مش بيعرفوا يشرحوا اصلا وفى دكاترة بينينموا الطلبة وفى مواد متتشرحش اصلا بس عموما سواء فهمتى من المحاضرة او لا فحضورها مهم موضوع البنات واسنان انا عن نفسى اشوف صيدلة افضل كتير للبنات لكن اسنان كويسة بردوا للبنات مفيهاش مشكلة لكن كلية طب انا شايفها للبنات حاجة مستحيلة ومش كويسة خالص |
أنا بإذن الله نويت على طب أسنان ... و كتبتها رغبة أولى ... بس كان عندى كام استفسار
أولا : هل صحيح شغل أسنان متعب جدا لدرجة إنه بيسبب مشاكل للدكتور مستقبلا خصوصا في العمود الفقري و بيكون له أثر سلبي عليه . ثانيا : هل لو الواحد بيقرف دة هيسبببله مشكلة كبيرة ممكن تعوقه ؟؟؟ ثالثا : هل فرص العمل متاحة ؟؟ رابعا : الواحد محتاج يذاكر قد ايه مثلا ( كمتوسط ) عشان يجيب تقدير ؟ معلش بقة استحملوني ... |
كنت عايزة اعرف هو اعدادى طب اسنان اتلغت في جامعه القاهره؟؟ و هل في عين شمس في سنه اعدادى؟
|
انا كنت عايزه اسال حضرتك علي حاجه دلوقتي انا رايحه تالته المفروض اني اتدرب مع دكتور و لا لاء لانو مافيش دكتور راضي
|
اقتباس:
موضوع الفوبيا من الدم والقرف دا يمكن عند ناس كتير بصورة متفاوتة بس بالتعود كل حاجة بتبقى عادى مفيش حاجة اسمها انى عشان بقرف مثلا انى مش هعرف اشتغل دكتور اسنان لان لو كل حد بص لحياته هيلاقى حاجات مكنش بيطيقها زمان ودلوقتى بقت بالنسباله حاجة عادية فكل حاجة بتيجى بالتعود فرص العمل .... طبعا فرص العمل متاحة لان اى حد دكتور سواء بشرى او اسنان بيفتح عيادة وبيعتمد عليها ومش مستنى انه يروح يشتغل فى شركة او انه يدور على وظيفة بس فى بعض الناس وخصوصا الشباب بيشتغلوا فى اى شركة ادوية كام سنة كدا فى وظيفة ميديكال ريب ودى بتوصل 4000 تلاف فى الشهر عشان بس يعرف يحوش فلوس للعيادة او اى حاجة يبتدى بيها حياته بالنسبة بقى لموضوع المذاكرة زى منا رديت فوق دا موضوع نسبى مش مطلق فى حد ممكن يذاكر طول السنة وحد يذاكر قبل الامتحان بشهر والاتنين يجيبوا قد بعض بسهولة جدا فلازم اول ما الطالب يدخل الكلية لا هوا يحاول يجهد نفسه فى المذاكرة زى ثانوى فتيجى بطريقه عكسية ولا انه يكبر دماغه خالص يعنى انا شايف ان لو حد قدر انه يحضر كل المحاضرات حتى لو مش فاهم ويتابع المذاكرة فى المواد مش مهم انه يذاكر كل اللى خده مجرد بس انه يبقى متابع عارف هوا خد ايه وعارف معلومات بصفه عامة عن اللى بياخدوا مش مهم حافظ كل تفصيله وجه قبل الامتحان بفترة وذاكر بضمير هيجيب امتياز مستريح |
اقتباس:
|
اقتباس:
انا يا دكتور رايح تالتة برضوا وبتدرب من السنة اللى فاتت من اول ما كنت رايح تانية كمان ومش شرط اشتغل كفاية وقوف بس ودا ليه اهمية كبيرة اولا لو حضرتك رحتى بس كدا وقعدتى من غير ما تشوفى هوا بيعمل ايه دا لوحده ليه فايدة لان دا بيدى حضرتك خبرة فى سلوك المرضى لان فى حاجات معينة بيقولها المريض بتقدرى منها تعرفى هوا عنده ايه او هوا عاوز ايه ودا بييجى بالخبرة فى عيادة ثانيا بتعرفى الدكتور ازاى بيتعامل على المرضى وازاى بيجاوب على الاسئلة اللى بيسئلوها لان المرضى دايما ليهم اسئلة شائعه كدا ولازم يكون ليها اجابة لان اكتر حاجة تخلى المريض ميخدش ثقة من الدكتور انه يحس انه مش فاهم ثالثا الشغل نفسه اللى بيعمله وطبعا حضرتك مش هتشوفى هوا بيفتح الكافيتى ازاى وكلام من دا لكن هتعرفى هوا بيتعامل مع الحالات ازاى يعنى solution for case لان كل حالة بتيجى ليها حل معين او حلول معينة ولازم الدكتور يعرض الحلول المتاحه للمريض انا مستغرب بقى ازااى دكتور مش راضى انا عن نفسى الدكتور اللى بقف معاه هوا اللى بيقلى تعالى اقف معايا ومرحب جدا بالموضوع ...ممكن تروحى مستشفى حكومى ومعتقدتش حد هيمانع ولو حضرتك من اسكندرية ممكن تروحى معهد البحوث فى سموحه ودا مأوى لطلبة اسنان اصلا انا اعرف دكتور شغال هناك وبيقلى ان ناس كتير بييجى يتعلموا هناك ويتفرجوا على الشغل دا حتى كان واخد منى اسنان عشان يعلم عليها الطلبة يعنى مرحب جدا باى طالب |
اقتباس:
انا متشكره جدا جزاك الله كل خير بجد |
اقتباس:
|
انا الحمدلله قدمت اسنان رغبة اولى :) مع ان الكل كان اعد يقنعنى بطب بس اسنان كانت حلمى من زمان مش عارفة ليه :) كنت عوزة اسأل حضرتك لو تعرف حاجة عن اسنان اسماعيلة يعنى كويسة ولا ايه؟؟ وكمان التدريب يعنى الواحد عادى بعد مايخلص اولى يروح يتدرب ولا بدرى اوى كده
|
اقتباس:
كويس ان حضرتك كتبتى اسنان مع ان رأيي ان صيدلة للبنات افضل بس برضوا اسنان كويسة للبنات لكن طب الصراحة للبنات وحشة جدا وبعد ما بيدخلوها بيندموا انا اصلا كنت اقل نص درجة من طب اسنان اسكندرية وجالى طب اسنان الاسماعيلية بس حولت تحويل اغتراب بعدها علاطول لكنى رحت طب اسنان الاسماعيلية مرتين فى الاجازة اقدم قبل ما احول والصراحه من اللى شفتوا هيا كلية هادية جدا ومعاملها وعيادتها لسه جديدة وفيها اجهزة ومودلز حديثة ونضيفه زى اللى فى الجامعات الخاصة الصراحة عجبتنى اوى بس كان لازم احول عشان المسافة وبالنسبة للمستوى الدراسى سمعت انها كويسة جدا وفى طريقها للاعتماد ودلوقتى سمعت انها اول كلية طب اسنان اعتمدت فى مصر بس مش عارف الخبر صحيح ولا لا مفيش طبعا تدريب بعد اولى ... حضرتك بتشتغلى على مودلز صناعية فى تانية وبعد ما تخلصى تانية هتشتغلى فى تالتة ورابعه على patients |
اقتباس:
انا الصراحة مش بحب اقول معلومة مش متأكد منها ...لكن بنسبة 99 فى المية الدراسة هتكون فى اسنان نفسها مش فى علوم |
اقتباس:
|
اقتباس:
المفروض التدريب بعد تانية يبقى كويس اوى لكن لو عندك حماس وطاقة تروحى بعد اولى هتستفادى برضه |
الف شكر :)
|
لو سمحت
اقتباس:
انا طالبه جديده لسه مخلصه ثانويه عامه بمجموع 100.2 % و من دمنهور بالبحيره و ان شاء الله كتبت اسنان الاسكندريه اول رغبه و كان عندى بعض الاستفسارات و اتمنى حد يفيدنى للضروره : 1. نتيجه التنسيق غالبا حتطلع بكره ( الاحد ) هل اروح تانى يوم للكليه عشان ادم ورقى ؟ ولا اعد بعدها فتره ؟ ولا ايه النظام ؟ 2. السفر افضلى ؟ ولا المدينه الجامعيه افضل ؟ ارجو الرد سريعا للضروره |
اقتباس:
اول ما النتيجة تطلع على الموقع هتطبعى استمارة الترشيح اللى على الموقع وهتصبرى لغاية اما يعلنوا عن ميعاد التقديم والكشف الطبى يعنى فى حدود اسبوع على اقل تقدير .... ان شاء الله هبقى على تواصل معاكم وهابلغكم بكل جديد وميعاد التقديم |
لو سمحت كان عندى سؤال
انا جايبة406 وكنت كاتبة صيدلة قبل اسنان وجتلى صيدلة ممكن احول اسنان تانى ولا مش ينفع عشان اسنان اعلى من صيدلة؟؟ ولا اتصل بمكتب التنسيق واسالهم؟ انا سالت ناس وقالولى ينفع طالما مجموعك جايبها بس بيتهيالى مش ينفع عشان الكليات بتكون حددت الاعداد بتاعتها على حسب الناس اللى اتقدمت لها وكمان انا الصيدلة اللى جاتلى ف محافظتى انما الاسنان كده كده هتبقى خارج المحافظة وكمان التحويل بيبقى لتقليل الاغتراب انا بيتهيالى ان التحويل مينفعش ياريت حضرتك تاكد لى المعلومة وشكراااااااا |
اقتباس:
لا اللى هيحصل ان كمان يومين هتفتح المرحلة التانية وهتخلص وهتطلع النتيجة بعد بقى اما تطلع نتيجة المرحلة الثانية تتابعى موقع التنسيق هتلاقيهم فتحوا حاجة اسمها (تحويل الاغتراب) ودا المفروض قسمين ... القسم الاول اسمه تحويل متناظر ودا مثلا لو حضرتك جايبه 400 وجالك صيدلة المنيا وانتى من القاهرة وصيدلة القاهرة بتاخد من 401 وعاوزة تحولى ليها برغم ان مجموعك مش جايبها بس انتى عاوزة متروحيش بعيد.. والتحويل دا غالبا بيتقبل النوع التانى اسمه تحويل غير متناظر ودا هوا اللى يهمك ودا مثلا لو انتى جايبة 400 وجالك صيدلة المنيا وانتى عاوزة تحولى مثلا اسنان القاهرة عشان قريبة منك ومجموعك جايبها وطبعا بما انك اصلا صيدلة فى بلدك واسنان برا هيبقى الموضوع قبوله صعب شوية لكن ممكن يتقبل عادى جدا المفروض بقى لو متقبلش التحويل دا تطلعى على الكلية اللى عاوز تحولى ليها ولو هما وافقوا على التحويل تاخدى منهم موافقة انهم قابلين انك تحولى ليهم وتطلعى على الكلية اللتى دخلتيها تعملى طلب تحويل وتروحى تودى ملفك اسنان (ملحوظة بقى المفروض الخطوة دى بتتعمل لو التحويل على النت منفعش لكن ممكن تجربى تعملى الموضوع دا قبل ما تحويل الاغتراب يفتح يمكن يقبلوا) |
اقتباس:
بس اخر حاجة مش فهمتها ازاى انا هسحب ملفى من صيدلة وانا لسه مقدمتش اصلا انا عاوزة احول من البداية من قبل مااقدم ملفى ف صيدلة والتحويل الورقى ده مش بيبقى مع الالكترونى ؟ولا بيفتح من دلوقتى؟ وبيتم ازاااى؟ كمان انا اسمع ان التحويل لكلية غير مناظرة بيكون منطقة التوزيع الجغرافى ( أ )بس وانا صيدلة الزقازيق احول لاسنان اسماعيلية اقرب ولا المنصورة؟ وفيه شرط كمان انه يكون مستوفى الحد الادنى انا جايبة الحد الادنى بالظبط هينفع كده صح؟ كمان فى مشكلة بالنسبة للمدينة الجامعية_بفرض ان التحويل هيمشى ان شاء الله_ مش هينفع اروح اسحب استمارة لانى لسه محولتش ممكن يقبلونى حتى لو بعدها بشهر اخلى بابا يروح يسالهم هناك بقى ولا اعمل ايه؟ يعنى من الاخر كده الاجراء الاول اللى المفروض يتم دلوقتى انى اسال ف الكلية ولا انى اعمل التحويل الورقى؟ انا اسفة يا دوك ع الاسئلة الكتير :(:( يارب حضرتك تفيدنى وربنا يجزيك خير |
من فضلكم عاوزة اسأل اانا جايبة 406 وكنت كاتبة صيدلة رغبة تانية وجتلى صيدلة المنصورة 403.5
وعاوزة احول لاسنان المنصورة 406 هل ينفع وهل التحويل الالكترونى ممكن يتقبل بنسبة كبيرة فى هذه الحالة ولا لا |
اقتباس:
ربنا يسهل ونعرف نحول باذن الله |
اقتباس:
ينفع تحولى اسنان يا دكتر ان شاء الله حصلت قدامى ناس حولت من صيدله فى محافظه لاسنان فى محافظه تانى |
اقتباس:
الحمد لله حضرتك طمنتينى شوية |
اقتباس:
التحويل الورقى دا بيتم فى حالة فشل التحويل الالكترونى وانا عموما اتأكدت ان مفيش تحويل ورقى خالص قبل اما يخلص التحويل الالكترونى .... التحويل الالكترونى الغير متناظر له شرطان الشرط الاول ان تستوفى الحد الادنى لمجموع الدرجات للكلية المراد التحويل لها والشرط التانى ان يكون لتقليل الاغتراب يعنى مثلا تيجى من صيدلة اسوان للمنصورة حضرتك بقى الاجراء الاول انك تعملى التحويل الغير متناظر وحضرتك سألتى احول منصورة ولا اسماعيلية فانا بطلب من حضرتك بس تقوليلى انتى من انهوا ادارة فى انهوا محافظة وانا هاجبلك كليات طب الاسنان اللى هتبقى متاحه ليكى فى التحويل لان مش كل الجاماعت بتبقى متاحه وهاقلك كمان نسبة قبولها باذن الله حسب التوزيع الجغرافى تانى اجراء وهنفترض باذن الله التحويل اتقبل ... يبقى هتطلعى على المدينة وتسألى عن المدينة .... انا فى سنتى كنت محول من اسنان الاسماعيلية لاسنان الاسكندرية تحويل متناظر ومرضوش يقعدونى مدينة عشان محول واضطريت ادفع 1000 جنيه عشان اقعد (بس دا كان قبل الثورة بقى )بس عموما الحاجات دى بتختلف من جامعه لجامعه حسب ظروف المدينة وبتختلف من الولاد للبنات تالت اجراء لو التحويل متقبلش هيبقى فيه تحويل ورقى ... مشكلة التحويل الورقى تكمن ان كل جامعه بتمشى على مزاجها يعنى مثلا فى سنتى كنت اما جاتلى اسنان الاسماعيلية قدمت فيها بس اما عملت تحويل من النت وجالى اسكندرية رحت اسماعيلية تانى اجيب ورقى ومستنى دورى فلقيت طالبة ووالدتها قاعدين مع الست اللى ماسكة شئون الطلبة عاوزين يحولوا من صيدلة لاسنان ومجموعها جايب اسنان بس للاسف الست مكنتش رادية وقلتلهم احنا مش بنقبل تحويلات على عكس كدا الموضوع فى اسكندرية بسيط جدا انت بتروحى تثبتى بوصل او عقد انك قاعده فى اسكندرية ودا بيبقى فى ادارة الجامعه وبتدفعى 150 جنيه وهما بيعملولك تحويل بس لازم يكون فى محل اقامة فى اسكندرية فكل جامعه ليها نظامها وكل جامعه بتغير نظامها من سنة لسنه ومعلش هو الموضوع معقد وليه شروط بس زى ما قلت لحضرتك امشى خطوة خطوة واول خطوة التحويل الالكترونى ومستنى رد حضرتك وهقلك انتى هيبقى متاح ليكى ايه |
ايه الفرق بين طب فم واسنان القاهرة وطب اسنان عين شمس ؟؟؟؟؟؟
هو ده فيه فرق بالاسم ؟؟؟؟ولا مافيش فرق |
اقتباس:
انا سالت كتيير واتاخرت شوية ف القرار ف كتبت صيدلة بس الناس اللى سالتها قالولى هتتعبى اكتر ف صيدلة واسنان شغلها اسهل ومذاكرتها اقل بس كلام حضرتك ده خوفنى اكتر وانا اصلا لسه مترددة ف موضوع التحويل المهم انا محافظة الشرقية ادارة بلبيس ربنا يسهل |
اقتباس:
لا انا مش قصدى يا دكتور انه استخسار مجموع لان لو هوا استخسار كنتى كتبتى اسنان من الاول ... لكن فى ناس كتير مش بتسأل وبتتسرع وتكتب صيدلة بعدين ناس ينصحوها باسنان وانا كنت منهم بس انا غيرت قبل التنسيق ما يقفل لكن للاسف فى ناس بتغير رأيها زيي حضرتك وناس كتير بعد اما التنسيق يظهر وفى كمان ناس فى اسكندرية مثلا بتاخد اعدادى صيدلة وتغير رأيها وتحول لاولى اسنان اسكندرية علاطول ودا مسموح بيه فى اسكندرية لان اعدادى صيدلة واسنان زى بعض المفروض ان ادارة حضرتك منطقة أ ليها هيا الزقازيق بس طبعا عشان مفيش اسنان الزقازيق يبقى تلقائى هيبى المتاح فى تحويل الاغتراب هوا المنصورة والاسماعيلية ... المشكلة بس ان حضرتك بتحولى عكس ما هوا مطلوب لانك بتحولى من( أ) ل ( ب( والمفروض من( ج( ل( أ ) او من (ج )ل( ب) ولكن حضرتك متقلقيش فى ناس اعرفها كانت كدا وقبلت وان شاء الله هتتقبل وان متقبلتش هيبقى فى تحويل ورقى وان شاء الله ينفع عموما اول ما التحويل يبدأ ان شاء الله مع حضراتكم هنا اى استفسار فيه او مساعده ان شاء الله هكون موجود لان فى ناس كتير بتعمل التحويل غلط |
شكرا يا دكتور
ربنا يجزيك خير على المساعدة وان شاء الله خير |
انا جالى طب اسنان عين شمس فهى افضل والا صيدله خاصه الصيدله الكلينيكيه؟
|
اقتباس:
مبروك يا دكتور ... كل واحد ليه رأى اللى يقول صيدلة افضل واللى يقول اسنان افضل واللى يقول طب افضل عن تجربة مش عشان انا فى اسنان .. طب اسنان افضل للولاد ويستحب صيدلة للبنات لكن لو جت اسنان مش مشكلة كويسة بردوا للبنات حوار صيدلة اكلينيكية دا تقريبا كانت الدفعه اللى دالخه معايا كانت اول دفعه تاخدها وكان ب 10 الاف جنيه فى السنة وناس كتير دخلته وطلع فى الاخر ملوش اى لازمة وبيشتغل زيه زى بتاع صيدلة وملهاش مجال عمل فى مصر |
انا كنت داخل اسنان خاص وبعد قرار النقابة مش هبقى مقيد فى النقابة هو انا ممكن افتح عيادة من غير ما اكون مقيد فى النقابة يا ريت الرد بسرعة علشان احدد مصيرى
|
لو سمحت انا عاوز اعرف هي اسكندريه فيها سنه اعدادي
|
هلا
انا ان شاءالله بدخل جامعة 6 اكتوبر وحابه استفسر عن الجامعه وكيف دراسة طب اسنان حلوه او لا ؟؟ |
انا ممكن اعرف ايه الكرسات اللى لازم اخذها قبل مدخل الكليه علشان اكون دخله على نور وجاهزه كمان علشان انا نفسى اجيب امتياز كل سنه واكون معيده فى الجامعه يا ريت حد يقولى قبل مدخل الكليه علشان اخدها قبل مدخل
|
اقتباس:
الموضوع دا لم يتأكد ولسه فيه كلام كتير وعشان تقطع الشك باليقين ... اكتر حد ممكن تاخد منه معلومة وتستريح وتطمئن ليها هيا انك تتواصل مع النقابة سواء باتصال او بزيارة وهتجد اجابة وافية لانهم اصحاب الشأن |
اقتباس:
اولا عشان تتعيدى معيدة لازم تكونى من الاوائل لان الامتياز لوحده مش كفاية (انا بجيب امتياز بقالى تلات سنين) ومع ذلك استحاله ابقى معيد تانى حاجة عشن تطلعى من الاوائل لازم تجتهدى جدا اكتر من زمايلك وتركزى فى الكلية وتحضرى المحاضرات وكل دا مع الاصرار على هدفك دا ان شاء الله هتتعينى فى الكلية باختصار عشان تجهزى الكلية عاوزك تجهزى نفسيا بس انك اول حاجة تحطى هدف قدامك تانى حاجة تخلى بالك انك اول ما هتدخلى مش هتفهمى اى حاجة وهتحسى انك فى الضياع وانك انت الوحيده اللى كدا ولكن الحقيقة ان كل الدفعه كدا لكن الموضوع دا بيتعدل بعد اول ترم وبتبدأى تتعودى واحده واحده |
جزاك الله كل خير يا دكتور
أنا جالى أسنان المنيا وأنا من المنصورة وقلقانة قوى على موضوع التحويل وربنا يستر برضة فيه ناس فى عائلتى بتقول لى صيدلة إكلينكية وخايفين علشان موضوع الخلع والدم وبعض أمراض اللثة والأسنان إنى ما أستحملهاشى أختى الكبيرة فى طب بشري سنة رابعة وبتقول لى بكرة تتعودى وما تقلقيش بصراحة كان حلم عمري طب بشرى بس مجموعى أقل بدرجة والحمد لله رب هو اللى إختار لينا وأكيد إختيار ربنا خير فى جميع الأحوال عايزة أسأل فيه إعدادى فى طب اسنان المنصورة وإيه المواد اللى بناخدها وبناخد عملى إيه بالضبط وإيه الأدوات اللى بنحتاجها وبنشتريها ربنا يوفقك يادكتور ويكرمك وإن شاء الله تتعين فى الجامعة وكله بآمر الله وشكراااااااااااااااااااااااااااااااااااااااااااااا ا |
لو سمحت يادكتور ...
انا عوزة اعرف نظام المذاكرة فى الجامعة ولو عاوز تتفوق فيها وتجيب مراكز -انا عارفة ان ده صعب شويه-بس الصعب بإذن الله يهون المهم يعنى المطلوب مذاكرة منين وامتى هل طول السنة ولا ف الاخر انا مش عوزة ادخل الكلية عشان انجح واعدى بس انا عوزة ابذل مجهود ان شاء الله فلو ممكن حضرتك تقولى او تفيدنى بخبراتك |
السلام عليكم
انا داخلة لسا اعدادي اسنان وعايزة اعرف ازاي اذاكرها وكمان عايزة اعرف منهج اعدادي فيها ؟
وعايزة اعرف ازاي اتغلب علي كلام الدكاترة الانجلش واعرف افهمه كويس وشكرا |
السلام عليكم
ارجو الرد علي استفساري |
انا جالى طب بنها وحولت اسنان طنطا .......عملت الصح انا ولا الغلط؟
|
اقتباس:
موضوع اعدادى دا لسه موجود فى المنصورة اما بقى حكاية صيدلة اكلينيكية دى فهيا انا بعتبرها نصبه كبيرة بتدفعى فلوس وفى الاخر بتتخرجى زيك زى اى حد متخرج من صيدلة لان ملهاش مجال عمل هنا اصلا ممنوع وضع روابط فيس بوك |
اقتباس:
الكلية دى مختلفة تماما عن الثانوى ممكن حد يذاكر كتيييير وينجح ويجيب جيد وحد تانى مش بيذاكر الا قبل الامتحانات بفترة صغيرة ويجيب امتياز وجيد جدا يعنى الموضوع مش خاضع لعدد ساعات المذاكرة او بالمجهود الموضوع بيتوقف على حاجات كتيرة اولا ودى بعتبرها الاساس ويممكن تستغربى من ان اهم حاجة عشان تجيبى تقدير انك فعلا عندك ارادة تجيبى تقدير لان فى ناس تقولك انا ذاكرت اخر السنة واللى عاوزة انجح وخلاص وناس تانية تذاكر اخر السنة بس حاطه فى دماغها تجيب مثلا جيد جدا وتجيب فعلا لانها مركزه على هدفها تانى حاجة المحاضرات ... مش مهم تفهمى فى المحاضرة اهم حاجة تعرفى الدكتور دا بيركز على ايه لانه طول كلامه بيتكلم عن الحاجات المهمة واى حاجة يقول عليها مش مهمة يبقى فعلا وفورا تخليها مش مهمة وتركزى على باقى الحاجات لان فى ناس تقول انا هذاكر كله وتجهد نفسها وفى الاخر متعرفش تحل ولا دا ولا دا اما الناس الذكية بتركز اوى على الحاجات اللى بيقولها الدكتور وبتلاقى الامتحان كله منها فى شوية حاجات لازم تعرفيها ان الدكتور مش شرط يجيب اسئلة على جميع الاجزاء زى ثانوى .. دا ممكن يجيب فى فصل واحد تلات تربع الامتحان عشان كدا بقولك المحاضرة ثم المحاضرة هيا اللى بتبين طبيعه اسئلة الدكتور وطبعا ودى حاجة ممكن تكون متعرفيهاش ان نظام الامتحان فى الكليات العلمية دلوقتى مفيهوش كتابة يعنى انتى بيجيلك ورقة بتحلى فيها بيبقى معظمها اختيارى وصح وغلط وممكن يحط شوية اكمل وفى الاخر بيحط شوية اسئلة كدا اسمها short essay ودى بتبقى سؤال وبيتحل بس (بالمختصر المفييييييييييد) يعنى مش بكتر الكلا |
اقتباس:
انا اسف جدا على التأخر فى الرد كانت ظروف العشر الاواخر وكدا بالنسبة للمنهج بيبقى خمس مواد فيزياء .. كيمياء ... حيوان ... نبات ... لغة ولو حضرتك فى اسنان الاسكندرية هتبقى التقسيمة كالتالى 1) physical chemistry.......22.5 mark 2) organic....................22.5 mark 3) in organic..................15 mark ****toltal 60 mark theoratical + 40 mark practical ........... _PHYSICS: 1)statistics 2)optics heat(3 4)electricity modern physics(5 properties of matter(6 كل فرع ب 10 درجات ****toltal 60 mark theoratical + 40 mark practical ................... _GENERAL ZOOLOGY : 1)physiology...........20 mark 2) histology............10 mark 3) anatomy ..........5 mark 4) embryology.......5 mark 5) genetics...........10 mark 6)cytology ...........10 mark ****toltal 60 mark theoratical + 40 mark practical ..................... _BOTANY 1)systimatic .........10 mark 2)genetics ..........5 mark 3)dental genetics ....5 mark 4)physiology ..........5 mark 5) herbal ................5 marks ****toltal 30 mark theoratical +20 mark practical ........................... _ LANGUAGE انا قلت شوية معلومات ونصايح عن المذاكرة فى الرد السابق ان شاء الله تستفيدى منها بالنسبة لكلام الانجلش كل الناااااااااااااااااااااس فى الاول بتعانى منه جدا جدا جدا لدرجى انى كنت متخيل انى هدخل الامتحان مش هافهم الكلام الانجليزى اصلا ولا هاعرف احط كلمة لكن الاحساس دا بيتلاشى تدريجيا وبعد كام شهر بتلاقى الانجليزى دا حاجة اسهل مما تتخيلى لدرجة انى اقولك انى حاليا لو خيرونى بين الدراسة بالعربى والانجليزى هختار انجليزى اهم حاجة بس ان هيجيلك فى الاول احساس انك انتى الوحيده اللى مش فاهمة حاجة وان كل اللى حواليكى فاهمين والاحساس دا هيستمر فترة ...صدقينى كدبى احساسك لان الحقيقة ان كله مش هيبقى فاهم اى حاجة حتى بتوع اللغات |
اقتباس:
كل كلية وليها مميزاتها وعيوبها بس حاليا انا شايف اسنان افضل بكتيييييييييير وبكره ان حولت باذن الله واما تدخل هتعرف دا كويس جدا جدا |
| جميع الأوقات بتوقيت GMT +2. الساعة الآن 05:35 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.