|
ما نصائح التفوق في اللغة الانجليزية في المرحلة الاولي للثانوية العامة ؟
يرات يا جماعة حد يفيدينا في الانجليزي عشان انا حاسس ان مستواي متوسط ف الانجليزي وعاوز يتحسن وبنقص فيه درجات ياما من اول ما دخلت اولي ثانوي .. فيرات حد يقولنا ع مساعدة
وكل سنة وانتوا طيبين ^_________6 |
لكى تدرس لغة أجنبية الدراسة الصحيحة يجب عليك أولاً أن تستوعب استيعاباً
كاملاً لمكوناتها. ومكونات اللغة هى: الكلمات Vocabulary التركيبات اللغوية Structure الوظائف اللغوية Language functions مهارة القراءة: Reading Skill مهارة الكتابة Writing Skill أولاً: الكلمات Vocabulary إن الكلمات هى المكونات التى تبنى بها ما تريد أن تعبر عنه ودراسة الكلمات لها أربع نواحى هامه يجب أن تراعيها: معنى الكلمة كيفية استخدامها نطق الكلمة حروف هجاء الكلمة فعليك أن تعرف معنى الكلمة وأن تستخدمها الاستخدام الصحيح بما يجب أن تنطقها النطق الصحيح وأخيراً أن تستوعب حروف الهجاء الكلمة وذلك بتصور شكل الكلمة فى ذهنك وليس حفظ حروفها. لذا عليك أن تتدرب على النطق الصحيح للكلمة بالاستماع إليها مرات عديدة ثم قراءتها واستخدامها فى جمل وكتابتها ، وكلما كثر تكرار هذه التدريبات كلما رسخت فى ذهنك وأخيراً حل تمرينات كافية عليها. ثانيا: التركيبات اللغوية Structure التركيبات اللغوية هى القواعد التى تساعدك على تركيب الجملة الصحيحة من الكلمات التى درستها ولكى تدرس التركيبات اللغوية بكفاءة يجب عليك أن تقوم بدراسة: شكل التركيب اللغوى المطلوب Form والتمرن على تكوينها بطريقة صحيحة دون الاهتمام كثيرا بالمعنى فى أول الأمر. المعنى المستهدف من التركيب اللغوى واستخدام أمثلة توضح هذا المعنى يلى هذا حل تمارين على هذا التركيب وخاصة التمارين التالية Multi choice Do as shown Rewrite the sentences ثالثا: الوظائف اللغوية Language Function تهتم الوظائف اللغوية بما يستخدم فى الحديث أى بلغة الكلام فيكون لكل مناسبة طريقة معينة للتعبير عنها لا تلتزم تماما بلغة الكتابة أو القراءة وكذلك الرد عليها وننصح بعمل مفكرة خاصة طبقا للأنواع المختلفة للمناسبات والردود الصحيحة لها ويتم ممارستها عمليا. رابعاً: مهارة القراءة: Reading Skill إن مهارة القراءة ركن أساسى فى دراسة اللغة فلابد أن تتدرب على أن تقرأ وتفهم ما تقرأه ويفضل القراءة الصامتة Silent Reading ولاحظ أن كل اختبار يحوى Reading comprehension قطعة فهم تختبر قدرتك على الفهم الصحيح لما تقرأ وننصح بالتمرن على حل قطعة فهم تعتمد إجابتك على الفهم العام للقطعة وليس على معرفتك لكل كلمة موجودة بها. خامسا: مهارة الكتابة Writing Skill إن مهارة الكتابة تعتمد على التعبير الصحيح لغوياً ولا يتأتى هذا إلا إذا كنت مستوعبا لقواعد اللغة وتركيباتها وكذلك الكلمات التى تبنى بها إنشائك ومن الأخطاء الشائعة بين الدارسين ترجمة الفكرة المراد التعبير عنها من اللغة العربية إلى اللغة المستهدفة – ولذا ننصح بأن تكتب مباشرة اللغة المستهدفة دون تدخل من لغتك العربية وأن تلتزم بكتابة جمل بسيطة بعيده عن التعقيد وفى نفس الوقت سليمة لغوياً. وسائل التفوق فى اللغة المستهدفة إن أهم نصيحة للتفوق فى اللغة المستهدفة هو استخدامها بقدر ما تستطيع فى كل فرصة متاحة لك دون خوف من حدوث أخطاء ومن أهم الوسائل لاستخدام اللغة: الإنصات لها عن طريق الراديو والشرائط أو CD. الإنصات والرؤية بواسطة التليفزيون أو الأفلام باللغة الإنجليزية. القراءة الحرة لها فى المجال الذى يستهويك مثل القصص. الاهتمام بالإعلانات الأجنبية ومحاولة فهمها. استخدام اللغة على قدر ما تستطيع فى غير حجرة الدراسة. منقول |
اقتباس:
انا نصيحتى بقا واهم حاجة فى مادة ااالانجلش هى حفظ كلمات جديدة يعنى كلمات لtranslationدى اهم حاجة وبعدين كتابة براجرافات كتييييييييييير يعنى مثلا كل يومين كدا قبل ماتنام تكتب واحد تمرين بس وتخلى اى مدرس يصححه عشان تعرف غلطاتك ومش تكررها فى البراجراف ال بعده والباقى باقى شوز وسيتويشن وقطع وحاجلت سهلة كلها تتقرأ فى يومين وربنا معاك:av4056bb7jp3: |
كلمات وامتحانات
|
انا شايف ان اهم واحسن حاجة انك تحل كتب خارجية كتييييييير انا فى تانية حليت يجي اكتر من 12 كتاب خارجى فدي احسن وافيد حاجة ليك
|
اقتباس:
يعني المفروض طالب ثانويه عامه بحل 12 كتاب في ماده واحده طيب هتجبهم منين ؟؟؟ أساسا مفيش 12 كتاب انجليزي كويسين في المكاتب انا عن نفسي حليت كتاب واحد ( ألف حمد وشكر ) وجبت 100,4% كدا رضا أبوس ايدي وش وظهر . |
اقتباس:
وبالنسبة للكتب فى المكتبات فانا كنت على اتصال باتنين عندهم مكتبات وموصيهم اى كتاب ينزل السوق يبعتهولى ع البيت على طول انا بقولك انا حليت 12 فى تانية بس جيت فى تالتة محلتش غير 4 عشان الفيزياء والاحياء والحمد لله جبت 24.5 فى الانجلش والف مبروك علي المجموع الجميل:078111rg3::078111rg3::078111rg3::078111rg3: ورربنا يوفقك :av4056bb7jp3::av4056bb7jp3::av4056bb7jp3: |
اقتباس:
لا إله إلا الله |
اقتباس:
|
اقتباس:
انا بس أقصد ان إسلام عامل الموضوع عشان يعرف حاجات عملية من خبراتكوا يستفيد بيها ويطبقها انما كل الحاجات دى معتقدش ان طالب ثانوية عامة يعرف يعملها :rolleyes: |
اقتباس:
|
اقتباس:
بالله عليك ما تزعل :( |
اقتباس:
|
اقتباس:
ومتقولش على نفسك فاشل تانى |
اقتباس:
|
أنا كرهـــــــــــــــــت الانجليزى!!!!!!
أنا باخد عند مدرسين اتنين مش عارفة ليه الصراحة بس غالبا واحد كلمات والتانــــــــى جرامر وهسيب السنة دى ان شاء الله مدرس الجرامر واروح عند مدرس تانـــــــى!! بس هو الانجليزى اهم حاجة حفظ عدد كبير من الكلمات ......وفهم القاعدة صح يعنـــــى تقعد مركز مع شرح المدرس وخلاص.......... الكلام اللى كنمت بسمعه هنا بجاوبه فى الدرس التانى والعكس صحيح وماشية والله والمدرس بقى االبت دى بينها شاطرة دى دحاحة وان اساسا مبمسكش الكتاب الا فى الدرس.. أحســـــــن حاجة ان الواحد يدخل الامتحانات على شرح المدرس يعنـــــى حاول اهم حاجة يكون عندك اكبر عدد من الكلمات...........وكمان جرامر صح |
اهم حاجه حفظ كلمات وحل كتييييييييييييير جدا ( تحل كل الاسئلة باختلاف أنواعها )
|
انا ممكن افيدك على اد ماهقدر انا خلصت تانية ثانوى والحمد لله انا مستوايا فى الانجلش كويس وطبعا كلنا سمعنا عن امتحان تانية ثانوى فى ناس كتييير كانت بتقول عليه صعب انا كنت اتوقع انه ييجى اصعب من كده بكتير بس انا شوفت ان فيه كام نقطة بس للناس اللى فاهمة والحمد لله ربنا وفقنى وجبت فيه 25
فى 3 حاجات مهمة لازم تخلى بالك منها وانا كنت مركزة عليهم اولا الكلمات الخارجية اى كلمات هتقع فى ايدك وتحغظها هتفيدك مش بس فى الترجمة لا دى فى حاجة انا كان معايا حوالى 10 ورقات زى القاموس بالترتيب الابجدى حفظت على اد مقدرت ده غير اللى المستر كان بيديهولنا من كلمات للترجمة ثانيا دى حاجة انا كنت بعملها انى كان معايا ملخصات كتير ومذكرات كتير بس فى نفس الوقت بذاكر من واحد بس كنت بعمل ايه؟ كنت مثلا اخذ اليونت وبعد كده اذاكرها من المذكرة واطلع على الملخصات اللى معايا اطلاع سريع وبعد كده اكتب الحاجات اللى حستها مهمة فى ملخص واحد وهو سنيور فى اى مكان فى الصفحة بتاعة اليونت وبكده انا فى الاخر مبذاكرش غير من سنيور يا ريت تكون فاهمنى دى حاجة فادتنى جدا جدا وماكنتش بتاخد وقت يعنى اليونت بمذاكرته ساعة اوبالكتير ساعتين ثالثا الحل الكتييييير من اى ملخص موثوق فيه زى سيربرايز او سنيور او ذابيست او مذكرة المستر ادى وقت كبيير للحل معلش يمكن طولت عليك بس حبيت افيدكم وربنا يوفقنا كلنا ولو فى اى جزئية عايزنى اوضحها اكتر اوكى وربنا يوفق الجميع |
اقتباس:
وأنت طيب الانجليزي عبارة عن حفظ كلمات هتفيدك في سؤال ال translation و سؤال ال paragraphe وكمان سؤال القطعة ودا سؤالين ف الامتحان وركز بده ع كلمات المنهج يعني مش تذاكر اللي بره وتطنش بتاع المنهج وبالنسبه للبراجراف اكتب براجرافات علي طوول ع تتعود ع كتابتها |
انا الحمد لله داخله 3 ثانوي وجبت في الانجليزي 25 وبجد نصيحه استخدك كذا كتاب في الحل بس خلي مذاكرتك دايما من مصدر واحد او كتابيين بس المهم انك تحل كتييييير جدا وتدرب كويس طول السنه علي الاسئله وبجد ابدأ مذاكرة الانجليزي من اول السنه بنظام يعني بعد كل وحده تذاكرها وبعد كل 3 وحدات تذاكر 3 تاااااااني مع بعض وتحل translation كتير ومن كذا كتاب افيد لك من حفظ كلمات لان لما تحل هتقابلك كلمات كتير مش هتعرفها هتسأل فيها مدرسك فبجد بتبقي مفيده جدا وبجد بلاااااااااااااش يتراكم عليك حاجة لان الانجليزي بخنق لما مش بيتذاكر بانتظام وحاول كل اسبوع يوم الخميس مثلا حتي لو انت قدام t.v تكتب برجراف او كدا دا بينمي عندك مهاره الكتابه وياريت تحلplace and speakers من اول السنه وان شاء الله مش هتلاقي اي مشكله.
انا كنت بستخدم كتبsenior_the best_surprise_yasser`s notes بس افضلهم senior وبالتوفيق ان شاء الله |
بص بصراحة انا معنديش حاجة اسمها جرامر
انا بحلها بالحب كدة وبالشبهه وبتيجي ديما معايا صح واصلا مكنتش بذاكر الانجليزي ولا الفرنساوي السنادي وجبت في الانجليزي 24 ونص والفرنساوي 49 السر انك تذاكر الكلمات بتاعت اليونتس اول باول وتذاكر القصة بضمير وتحفظ كل الاسئلة والكوتشنس وتحل كتير في اي كتاب خارجي وانصحك بكتاب surprise |
اقتباس:
حلوة اوى اوى الفكرة دى جزاكى الله خير ان شاء الله لو افتكرتها ف الدراسة هعملها |
الكلمات ثم الكلمات :( مهمة جدا
و متنسيش الجرامر مهم بردوا هتحتاجية فى البرجراف كمان علية تقريبا 8 درجات بس هو سهل و تشغيل مخ :) |
الانجليزى سهل بس محتاج وقت مذاكرة كبير ومدرس كفؤ
|
| جميع الأوقات بتوقيت GMT +2. الساعة الآن 11:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.