|
محتار تدخل طب ولا أسنان ولا صيدلة ؟ الجواب عندنا
بسم الله الرحمن الرحيم :av4056bb7jp3: مبدئيا مبروك لاى واحد جاب مجموع عالى يدخله كلية قمة بس احب اقولك ان دى بداية المشوار مش نهايته ابدا ! فى ناس كتير زيك جابوا مجاميع عاليه جدا ودخلوا كليات قمة وللاسف بيسقطوا كل سنة وبيشيلوا مواد وفى ناس بتجيب مقبول وناس جيد جدا وناس امتياز مع انهم كلهم كانوا جايبين نفس رنج المجموع فى ثانوية عامه وكانوا من اوائل الطلبة !! ودا هيودينا لحتة مهمة جدا اولا ان الثانوية مش نهاية المطاف زى ما كانوا بيقولولك فى البيت لكن هيا نقطة الصفر فى بدايه مشوار حياتك المهنية اللى تعبك فيها ومجهودك الذاتى هو الطريق الوحيد لنجاحك اى نعن هتشوف كوسة واولاد دكاترة وظلم بس فى الاخر محدش هينجح فى مهنته غير بمجهوده وثانيا متحاولش ابدا تدخل كلية قمة انت مش حاببها لانك لو مش حاببها هتعانى كتير اوى فيها وممكن تفشل تمام فى دراستك . ________________________________ بصوا بقى يا شباب انا اما كنت فى سنكم كانت نظرتى للكليات زي نظرتكم دلوقتى نظرة قاصرة جدا بحكم صغر السن وبحكم عدم الاحتكاك بالنظام الجامعى وكدا .. يعنى انا اما بفتكر نظرتى وتخيلاتى عن المجمع الطبى عموما وانا فى ثانوى بضحك على نفسى اوى .. يعنى كان بالنسبالى طالب فى طب دى حاجة كبيرة اوى والبالطو الابيض حاجة يعنى بتخيلها فى احلامى وكذلك لقب دكتور .. لكن اما دخلت كلية لقيت الحاجات دى عادية جدا وطالب المجمع الطبى زيه زى اى طالب فى الكون والكليات سواء كانت قمة او مش قمة مش فارقة كتير عن بعضها واللى يفرق هوا مجهودكم الشخصى واحلامكم بس فقط لا غير :022yb4: عشان كدا عاوزين نبنى رغبتنا فى التنسيق على اساس الحاجات اللى اقولها مش على اساس التخيلات والتفكير اللى ممكن تكتشفوا بعد كدا انه تفكير وتقدير قاصر للامور ._______________________________ بصوا بقى انت كطالب جايب مجموع عالى وشايف نفسك محتار بين تلت كليات لازم تعرف مزايا وعيوب اى كلية وعلى اساسها هتبدء تحدد كلية الطب طبعا تفاصيل المواد لا تهمكم اوى لكن يعنى فى الملخص انت بتدرس مواد اساسية فى الطب زى الهستولوجى والفسيولوجى والبيو والتشريح ثم الباثولوجى والميكرو والفارما ... بعدين بتبدء تدخل فى دراسة راوندات جراحه ورمد وانف واذن وحنجرة ونسا وتوليد وباطنة ... تخصصات يعنى والراوندات دى بتبقى عمى يعنى بتروح الاقسام دى فى المستشفى وبيبقى العيانين هناك وبيتشرحلك تشخيص الامراض المتعلقة بكل قسم .اولا كلية الطب عبارة عن ست سنين دراسة ثم سنة امتياز وهى عبارة عن سنة عمل بالمستشفيات الجامعية يعنى المجموع سبع سنين . المميزات : _ دراستك لجسم الانسان دراسة ممتعه . _مهنة راقية. _ مستقبلها المادى كويس جدا وكلما اجتهدت كلما زاد مستواك المهنى والعائد المادى. العيوب : _ الدراسة على حجم ما هى ممتعه لكن صعبة وتحتاج مجهود خصوصا فى اخر سنتين. _ طول اعوام الدراسة وكمان عشان تكون دكتور محترم لازم بعد اما تخلص الامتياز تعمل ماجستير فى تخصص من التخصصات ودا عاوز طبعا واحد عنده استعداد انه يكون عنده حب للمهنة والدراسة عشان يقدر يستحمل السنين دى كلها . كلية طب الأسنان الدراسة فى كلية طب الاسنان خمس سنين بالاضافة الى سنة امتياز يعنى المجموع ست سنين . بالاختلاف عن طب الدراسة فى اسنان بتبقى اسماء السنين " اعدادى .اولى.ثانية.ثالثه.رابعه" ودا فى جامعه اسكندرية واعدادى بتبقى فى كلية علوم وبيتدرس فيها كيميا وفيزيا وحيوان ونبات ولغه كتمهيد لكن النظام دا اتلغى فى معظم جامعات مصر والنظام المعمول به هوا خمس سنين عادى من اولى لخامسة يعنى مفيش حاجة اسمها اعدادى . الدراسة بعد السنة الاعدادى فى اول سنتين يعنى اولى وتانية بتبقى عباره عن مواد من كلية طب "اللى هيا المواد الاساسية اللى قلناها فوق تبع طب " بس طبعا بتبقى مناهجها اقل فى الكمية ومش بيبقى فى تركيز جامد على العملى بتاعها زى طب . بالاضافة الى مواد تخص تخصص طب الاسنان ثم اخر سنتين ودول بيبقى فيهم دراسة لتخصصات طب الاسنان بالاضافة الى شغل عملى فى العيادات بتاعت الكلية . المميزات : _ دراسة ممتعه ايضا واسهل بالمقارنه مع طب _ مهنة راقية _ ايضا مستقبلها المادى كويس جدا جدا _ قلة عدد سنين الدراسة بالمقارنة مع طب _لا تحتاج ماجستير لممارسة المهنة بشكل احترافى يعنى ممكن يكفيك البكالريوس فقط . _ الشغل العملى الفعلى فى العيادات بيبدء اثناء الدراسة . العيوب : _ المصاريف اثناء الدراسة مكلفة جدا " الطلبة بيصرفوا على الشغل العملى ثم بيصرفوا مصاريف العلاج بتاع العيانين فى اخر سنتين من جيوبهم " ودى حاجة مكلفة للطلبة . _ هناك تخصص صعب جدا العمل فيه الا بعمل ماجستير وهوا تخصص تقويم الاسنان كما ان تخصص زراعه الاسنان يحتاج الى كورس يتكلف من خمسة الى عشرة الاف فى المتوسط قبل بدء العمل فيه. _ تكلفة تجهيز العياده مكلفة " دى فى حال انك اخترت فى بدايه حياتك انك تفتح عيادة ليك لوحدك مباشرة " كلية الصيدلة كلية الصيدلة عبارة عن خمس سنين دراسية وفى اسكندرية واعتقد فى كل جامعات مصر ايضا عبارة عن سنة اعدادى فى علوم واربع سنين اخرى فى صيدلة . الدراسة فى كلية الصيدلة مختلفة عن طب واسنان شوية لانها بتعتمد بشكل كبير جدا على الكيمياء والنبات يعنى نقدر نقول معظم موادها العصب الاساسى بتاعها هوا الكيميا والطلبة بتدرس فيها الكيمياء العضوية بشكل اساسى والتركيب العضوى الكيميائى للمواد وبتدرس كمان النباتات الطبية كلها والتفاعلات الدوائية . المميزات : _ مهنة راقية لكن للامانة اقدر اقول فى مصر انها مهنة راقية الى حد ضعيف نظرا لان الصيادلة مش واخدين حقوقهم بشكل كبير . _ العائد المادى كويس جدا بس بيحتاج لعدد ساعات من العمل اكثر من طب واسنان نظرا لان معظم الصيادلة دلوقتى مصدر رزقهم من العمل بالساعه فى الصيدليات او العمل كمندوب لشركات الادوية او العمل فى مصانع الادوية والتنوع فى الشغل بتاعها دا كويس بس بيحتاج لمجهود . _ الدراسة ليست بالصعبة وليست بالسهلة يعنى نقدر نقول الدراسة معقولة . _ قلة عدد سنين الدراسة . العيوب : _ الكلية زى ما قلنا بتعتمد على الكيميا بشكل اساسى ودا ممكن يكون عيب خطير جدا لو انك دخلتها وانت مش بتحب الكيميا لكن لو العكس هتبقى الدراسة ممتعه جدا . _ العمل فى الصيدلية قد يعتبره البعض تقليلا من قيمة المهنة كما ان العمل كمندوب لاحد شركات الادوية بيخلى الصيدلى يروح للدكاترة ويلف عليهم وممكن بعض الدكاترة تحرجة او تجرحه او تطنشة وممكن يقع فى خطأ شرعى بالاتفاق مع الطبيب على كتابة بعض الادوية بعينها وبالتالى الكثير بيعتبر العمل كمندوب لا يليق بمهنة الصيدلة . _ زى ما قلنا مهنة الصيدلة مش واخده حقها فى مصر ودى برضه احدى العيوب . _______________________________________- فى النهاية بقى نصيحتى وخبرتى كطالب فى السنة النهائية بكلية طب الاسنان جامعه الاسكندرية :078111rg3: وطبعا بعد ما تستوعبوا الكلام اللى فوق دا واللى ممكن يكون فيه بعض الاخطاء من نظر زمايلى فى صيدلة وطب . أولا : الكليات التلاتة الفروق ما بينهم بسيطة متخليش حد يقنعك بحاجة غير كدا . ثانيا : المستقبل المادى متقارب جدا واللى هيفرق بين طالب وطالب فى الكليات التلاتة او طالب وطالب فى نفس الكلية حاجة واحده بس وهى الاجتهاد الشخصى يعنى اللى هييجى يضحك عليك ويقلك ادخل اسنان كمثال وهتلاقى الفلوس نازلة عليك بعد ما تتخرج كدااااااااب ونفس الكلام بالنسبة لصيدلة وطب " اللى هيفرقك هوا اجتهادك وحبك للمهنة بتاعتك واصرارك على النجاح غير كدا لا " ثالثا : بالنسبة للبنات انا رؤيتى ان انسب كلية ليهم كلية صيدلة بالكتير اوووووووى اسنان مع انى منصحش بيها بردوا لكن طب للبنت بتضيع عمرها وبتبذل مجهود وفى الاخر بتتجوز وبتشتغل فى المستشفى تقضية واجب ودا مش معناه ان طبعا مفيش بنات هتدخل طب :p لكن انا بوجه كلامى للبنت اللى مش فارقة معااها اى كلية من التلاتة لكن لو البنت حابة طب اوحابة تخصص معين ومتمسكه بيها خلاص . بالنسبة للولاد انا شايف افضل خيارين هما طب واسنان ودى ميمنعش انه يدخل صيدلة بردوا عشان محدش من اصحابنا فى صيدلة يزعلوا بس دا تصنيفى على حد اللى شفته . لو الولد عاوز يبقى دكتور وعنده عياده ومش فارقه معاه التخصص ومش من هواه الدح لسنين طويله :cool: يعمل اللى انا عملته ويدخل طب اسنان هيخلص اوام اوام وهيشتغل علاطول من غير ماجستير لو حب. لو الولد محتاج تخصص معين فى طب هوا حابه ومستعد يذاكر ست سنين ويعمل ماجستير عشان يبقى دكتور فى تخصص معين يبقى يدخل طب . لو حابب صيدلة بردوا مفيش مشكله يدخلها . _________________________________ كدا انتهى الموضوع واتمنى اكون افدتكم واعتذر عن اى تقصير واى حد محتاج استفسار انا فى الخدمة وشكراااااااااااااااااااااااااااااااااااااااا |
توبيك جميييل جداا وافدني كتيير وانا ان شاء الله طب :)
|
اقتباس:
|
أولا شكرا علي الموضوع المفيد
انا بقا محتاره جدا جدا جدا مش عارفه اختار بين صيدله و طب اسنان .. من زمان و انا كنت عايزه ادخل صيدله و مكنتش في دماغي اسنان ابدا لكن من بعد النتيجه تفكيري اتجه لاسنان المشكله بالنسبالي هي مجالات عمل الصيدله .. مندوبه في شركه دي مرفوضه بالنسبالي و الشغل في صيدليه اي حد دلوقتي بقا بيشتغل في الصيدليات احسن حاجه بالنسبالي هي الشغل في مصانع الادويه بس بيقولو انها مش متوفره .. ده غير ان الصيادله دلوقتي بقو كتيييير جدا و بينافسهم في الشغل خريجي علوم و بيطري انما اسنان اعدادهم مش كتيير عشان كده بقيت مياله لاسنان بس موقفاني حكايه انها متنفعش للبنت دي و ان صيدله احسن للبنات و للعلم انا عايزه اشتغل بعد التخرج ان شاء الله مش افضل في البيت أعمل ايـــــه ؟! بجد محتاره جدا |
اقتباس:
أنا قرأت نفس هذا التعبير لأكثر من طالب في طب الأسنان وبصراحة أنا أعتبر ذلك نوع من التعالي والكبرياء المرفوض .. فما هو الرقي الذي تتمتع به مهنة طبيب الأسنان ولماذا لا تكون مهنة الطبيب البشري أو الطبيب البيطري أو طبيب العلاح الطبيعي أو أي مهنة أخرى مهنة راقية؟ في رأيي الشخصي أن الرقي هو رقي الأخلاق والسلوك لمن يمتهن أي مهنة وليس رقي المهنة في حد ذاتها .. وأرجو أن تتقبلوا هذا الرأي بصدر رحب |
اقتباس:
انتى بتفكرينى بايام التنسيق وانا فى ثانوى كنت برضه كاتب صيدلة ومكنتش فى دماغى اسنان خالص ومرة واحده من كلمتين من حد قريبنا لقيت نفسى بكتب اسنان رغبة اولى صيدلة انا شايف انها احسن للبنات عشان الغالبية العظمى من البنات بتتعين فى الحكومة وبتكتفى بكدا لكن ما دام انتى عندك نية فعلا انك تشتغلى وتمارسى مهنة بجد ويبقى ليكى اسم يبقى افضلك طب اسنان بس لازم يبقى عندك العزم على كدا وفى الاخر شوفى ايه مياله ليه واستفتى قلبك واكتبيه وتوكلى على الله وانا مع حضرتك فى الموضوع لو احتجتى اى مساعده فى وقت لاحق فى التنسيق |
اقتباس:
الظاهر ان حضرتك فتحت على طب اسنان علاطول ... انا كاتب نفس التعبير " مهنة راقيه " فى التلات كليات طب واسنان وصيدلة ومهنة راقيه تعنى اولا الرقى والسمو فى الهدف فمهنة الطب بشكل عام تهدف الى مداواة جروح الناس وعلاجهم وتخفيف الامهم ودا شىء راقى. ثم تعنى الرقى فى المضمون .. فالثلاث مهن يتمتعوا بميثاق من الشرف المهنى والاخلاق فى التعامل بين المريض وبين الطبيب دا مش تعالى ولا تكبر ولا حاجة واكيد اى حد بيخترق الاهداف السامية لمهنة الطب والاخلاقيات بيبقى انسان مش محترم ولا يستحق ممارسة المهنة |
اقتباس:
|
على فكرة اكتر حاجه شدتنى لاسناان ان كل اللى فيها بيشكروا ف الكليه وبحس انهم فخورين بنفسهم بردو بعكس بتوع الطب معظمهم ندماااان وحاسس انه ضيع عمره وحياته ف المهنه لدرجه ان معظم الدكااترة البشريين نفسهم مش بينصحوا بيها واعرف دكاترة كتيير دخلو عيالهم اسنان والله ......... وبتوع صيدله بيقللو من نفسهم كل اما اكلم حد صيدلانى اكتشف ان الميزة الوحيده انك اسمك دكتوور بس قاعد ف البيت (ماهو ياتقعد بكرامتك يااما تنزل تبيع دوا وتدى حقن !!) ودى بحد ذاتها صدمه بالنسبااالى انى بعد كل المجهود والدروس الخصوصيه ف الثانويه العامه وبعد كده المجهود ف الكليه والمذاكرة والتعب نهايتى ابقي ست بيييييت؟؟؟؟؟؟؟؟؟؟؟؟ ماشوفش الشااااارع غير كل حين ومييييين؟؟؟؟؟؟؟ دنا ممكن يجرالى حاجه لو قعدت ف البيت والله ههههههههههههههه
|
هو بالنسبة لاسنان انا اعرف ان الدفعة بيبقى عددها صغير واكيد بتتعلموا كويس هل ده صح ؟ كمان كنت عاوزة اسال على التقديرات وكده هل فيه كوسة وحاجات من ديه يعنى اسئلة شفوى انا بخاف جدا منها انا من النوع اللى بياخد وقت فالاجابة مش بحب حد يصدمنى بالسؤال بحب اخد وقت فالتفكير وخايفة اوى من الموضوع ده و كنت عاوزة اسال على تعيين المعيدين عندكم بيبقى ازاى يعنى بياخدوا كام واحد من الدفعة وهل ديه حاجة سهلة ؟
كمان كل ما افكر انى ممكن اخلع لحد سنانه او اى حاجة من ديه احس انى حكون مقروفة شوية حاسة ان الموضوع صعب اكيد مع الوقت هتعود صح ؟ كمان بالنسبة لقسم جراحة اللى عندكم وكسور الوجه وكده انتم بتعملوا عمليات بخصوص الموضوع ده و بتتدربوا ازاى على العمليات ؟ وشكرا جدا على الموضوع بجد انا استفدت كتير :) |
يوه بقى شكلي مش هاخد قرار
انا محتااااااااااااااااااار اسنان وللا طب لا اعمل شوية فروق كمن ياللي فاتح الموضوع بعد اذنك عشان اقرر :p |
اقتباس:
هوا العدد المفروض يكون قليل بس مكتب التنسيق بقاله كام سنة بيجبلنا اعداد زيادة اوى استجابة لرغبات الناس ودا بيأثر على جودة التعليم بشكل كبير لكن اقدر اقول ان التعليم كويس لحد كبير باذن الله. بالنسبة للكوسة مقدرش اكدب على حضرتك موجودة بشكل واضح جدا ودا مش فى اسنان بس دا فى التلات كليات عموما وهوا دا عيب التعليم الجامعى فى مصر . بالنسبة للخلع والدم والكلام دا انا كنت فى الاول متخيل انه موضوع مقرف او انى مش هقدر استحمل لكن اما اشتغلنا لقينا كلنا الموضوع حلو جدا بل بالعكس هتبقى مستمتعه وانتى شغاله جداااااا لان مهة طب الاسنان فيها جزء فنى وتجميلى وجراحى. بالنسبة لقسم جراحة وتجميل الوجه والفكين دا قسم كبير وليه نظام معين يعنى القسم تبع طب اسنان لكن اللى بيشتغل فيه طلبة من طب او طب اسنان بشرط انهم يعملوا ماجستير ودكتوراه |
اقتباس:
انا رديت على حضرتك فى قسم طب الاسنان وقلتلك الافضل صيدلة لكن ما دام عندك رغبة فى الشغل وبتحلى الشغل وكدا يبقى هتستريحى فى اسنان اكتر والكلية الصراحه مع ان فيها بعض المشاكل زى التكلفة المادية وسنة اعدادى اللى ملهاش لازمة فى اسكندرية لكن احنا بنحب الكلية عشان اولا دراستها ممتعه وجميله ثانيا عشان بنشتغل بدرى واحنا فى الكلية وبتعود على تحمل مسئولية المريض كمان بنساعد فى تخفيف الام الناس كمان الكلية خمس سنين بنطلع بعدها مؤهلين للعمل فى معظم تخصصات طب الاسنان |
اقتباس:
هتدخل طب فى الحالات دى ::: لو شايف نفسك ميال بقوة لاحدى التخصصات فى طب وعندك النية انك تستحمل مذاكرة مواد صعبة لمدة ست سنين وبعدها تحضر ماجستير "يعنى من الاخر فى تخصص فى طب بتحبة جدا وشايف نفسك فيه وهتضحى وهتبذل مجهود جامد عشان توصله" لكن لو نفسك تبقى دكتور عندك عياده ومش فارقة معاك تخصص معين يبقى اسنان افضلك وقصر لك فى المدة الزمنية والمجهود |
طيب لو محتار بين طب بشري وطب اسنان ؟
يعني طب بشري : مشكلتها 7 سنين وعاوز بعدهم 5 ماجستير وجيش يكون سنك 30 مثلا .. لكن فى المقابل مهنة قيمتها عالية وبتعمل حاجة عظيمة ، وتخصصات كتير اوي ومجالات واسعة، وكمان بعد فترة البهدلة دي لو سافرت بتاخد مرتب اعلى من الاسنان والصيدلة ولو فتحت عيادة وربنا كرمك بتبقى حاجة جامدة :d طب اسنان : مشكلتها تخصص واحد محدود وحتفضل طول واقف علي رجلك والام ظهر ومهنة مرهقة لكن مميزاتها اسرع واخف كدراسة ومش محتاجة سنين كتير وماديا حلوة انا بصراحة ميال لطب بشري أكتر بس قلقان من طول المدة وخايف لا اندم بعد كدة لأن محدش جرب اى كلية انا عاوز اسألك * هو وظيفة طب الاسنان مملة ؟ يعني حاسس انها يا حشو وخلع و تركيبات وانتهينا على كدة وحتعيش طول عمرك تعمل نفس الشغل وخلاص ، مش حاسس ان فيه مجال انك تكبر ،فأيه النظام؟ * انا بشوف اطباء اسنان مكتوب على عيادتهم ماجستير كذا ، طيب مدام فى طب بشري و فى طب اسنان حتعمل دراسات عليا يبقى اختار الكلية اللى فيها مجالات اكتر منا كدة كدة حذاكر!! ولا فرقت فأيه ولا ايه رأيك؟ * انا اسف فى السؤال ده واتمني ما تفهمنيش غلط بس عشان اكون سألت فى كل اللى نفسى فيه انا بحس انك فى تخصصات طب بشري بتعمل حاجة أكبر قيمة من طب اسنان (يعني تعالج واحد مكسور مش بيتحرك وتخليه يتحرك طبيعي ولا تعمل حشو عصب لضرس واحد؟) فهل ده احساس صح ولا ايه وارجوك بدون تحيز؟ الفكرة انى ميال لطب بشري اكتر بس خايف لا ازهق او اتعب من المدة واقول يارتني دخلت اسنان وخايف ادخل اسنان لا اقول انا كدة ضيعت تخصصات كتير وكان ممكن ابقي حاجة احسن وكدة كدة فى الكليتين حتتعب وتجتهد عشان توصل لحاجة حلوة فشغلك معلش انصحني زي أخوك :d |
اقتباس:
و ممكن انت تكون شايف عيوب هى عند غيرك مميزات انا اشترك معاك فى كلامك طب اسنان مملة فى شغلها نفس الشغل بتعمله كل يوم و حتى لو حبيت تعمل دراسات عليا هيبقى زراعة اسنان و تقويم اسنان مخرجتش برة الاسنان و اكرر ان فية عيوب لناس تعتبر عند الناس الاخرى مميزات |
اقتباس:
تمام بص مبدئيا انا مش هدافع عن كلية معينة عشان انا فيها .. انا كاتب الموضوع وكاتب مميزات وعيوب كل كلية من وجهه نظرى وانا قلت ان الكليات التلاتة متقاربة والفروق بينهم بسيطة والفروق البسيطة دى هى اللى بتسبب حيرة لكتير من الناس فى اختيار الكلية اللى عاوزها . بص فى شوية معلومات عاوز اصلحهالك . اولا ماجستير فى كلية طب مش هياخد خمس سنين ولا حاجة يعنى بياخد حدود 3 سنين ثانيا انت لو معملتش ماجستير فى طب هتبقى ممارس عام يعنى دكتور اى كلام يشتغل فى اى عيادة فى منطقة فقيرة لكن عشان تبقى دكتور محترم على الاقل لازم تعمل ماجستير فى تخصص معين عشان تشتغل فيه والناس تثق فيك اما فى اسنان الماجستير مش مطلوب عشان تبقى دكتور محترم يعنى انت دارس كويس معظم التخصصات عشان تشتغل فيها علاطول دا باستثناء ماجستير التقويم اللى انا شايفه ضرورى عشان تبقى دكتور تقويم كويس ثالثا عشان تشتغل برا مش هتعرف تشتغل غير فى دول الخليج وهناك تخصص طب الاسنان الاكثر ربحا ماديا والاكثر طلبا لان هناك دكاترة الاسنان قليلين ومعندهمش كفاءة ويا سلام لو معاك ماجستير تقويم هتعدى هناك اما بقية دول العالم الكبرى زى امريكا والمانيا واستراليا وغيرها مش هتعرف تشتغل هناك سواء كنت خريج طب او خريج اسنان غير اما تعمل معادله والمعادلة دى بتستغرق على الاقل تلات سنين رابعا تخصصات الطب كلها بتهدف الى علاج الانسان وتخفيف الامه هتلاقى تفاوت بين التخصصات يعنى من اول دكتور التجميل اللى بيحسن من العيوب الخلقية ودكتور الكسور اللى بيصلح الكسور عشان يتحرك وفى اللى بيصلح الابصار عشان يشوف كويس وفى اللى بيعالج الاسنان عشان يقدر ياكل ويبقى منظرة كويس لغاية اللى بيعمل عمليات فى القلب عشان يحيي باذن الله انسان على شفا الموت ... انت ممكن تشوف تفاوت كبير بين التخصصات بس فى الاخر الانسان مش هيقدر يعيش بغياب اى تخصص منهم والا مكانش هيعملوا كلية او قسم للتخصص دا. خامسا اللى عاوز هيبقى حاجة جامده هيبقى سواء فى اسنان او طب واللى عاوز يبقى دكتور تعبان بيعمل حاجات تقليدية هيبقى سواء كان اسنان وطب .. يعنى ممكن تدخل طب وتتخرج وتفتح عياده وتشتغل عادى واحد يجيلك عنده مغص تديله علاج واحد ابه تعبان تديله علاج على الماشى يعنى دكتور على ما تفرج وممكن تبقى دكتور كبير وتعمل ماجستير ودكتوراه وتبقى الناس عارفاك وممكن تبقى جراح مشهور وهكذا كذلك اسنان ممكن تطلع دكتور تقليدى يحشى حشوات عادية يخلع او تركيبات عادية وممكن تاخد كورس زراعه اسنان ويبقى عندك كلينيك محترمة ومشهورة لزراعه الاسنان فقط وممكن تعمل ماجستير ودكتوراه وتبقى جراح تجميل وجه وفكين وهكذا الفكرة المهمة بقى اللى عاوز اوصلهالك انك فى طب كدا كدا هتشتغل فى تخصص واحد بس يعد اما تتخرج اما اسنان هتشتغل فى تخصص واحد برده بس بتحدده من اول دراستك يعنى فى النهاية الاتنين تخصص واحد فى الاخر هتشتغله مع اختلاف التوقيت وعلى ذلك المبدأ اللى انا مؤمن بيه واللى انا على اساسه دخلت اسنان قلت ما دام انا كطالب مش فارقة معايا اشتغل دكتور جلدية من باطنة من عيون من اسنان طب منا ادخل اسنان وخلاص ابسطلى ولو انا مجتهد هطلع دكتور كبير سواء فى طب او اسنان اما بقى لو انا كنت مثلا معجب تخصص معين وليكن تخصص الباطنة ومش شايف نفسى الا فيه يبقى انا ادخل طب علاطول واتوكل على الله واسعى انى اقدر اتخصص فى التخصص دا ... بس دى كل الفكرة وانا معاك لو محتاج استفسارات تانى :022yb4: |
بداية كده احب اشكر حضرتك ع الموضوع تانى حاجة بشكر حضرتك على المساعدة السنة اللى فاتت اسنان لغاية دلوقتى هيا الافضل بالنسبالى ويارب تفضل حلوة كده على طول تالت حاجة هوا استفسار انا سمعت ان امتياز اسنان مش بيبقى سنة كاملة زى بشرى بيبقى ست شهور الكلام ده مظبوط؟ سؤال كمان معلش هوا لو فرضا ان ايدى هتبقى تقيلة ف الشغل ده هيشكلى عائق ولا بالتعود الموضوع هيبقى سهل؟ وشكراا لحضرتك يادكتور |
طيب هو حضرتك قلت انك فى طب بتشتغل فى تخصص واحد بس فى الأخر وده صحيح
بس فيه حاجة .. انت فى طب بتدرس كل التخصصات وبتشتغل كل التخصصات سواء اثناء سنة الدراسة او سنة الامتياز ، يعني بتبقى دارس وشايف التخصص قبل ما تتخصص فيه بقية عمرك .. عكس طب اسنان بختارها وانا ولا درستها ولا شفتها ولا مارستها من اول ثانوية عامة ، افرض معجبتنيش؟؟يبقى خلاص فضلت معايا طول عمري عكس طب لو معجبنيش تخصص حيعجبني التانى من باطنات لجراحات لخلافه والسؤال التاني طيب ماهو انا مجربتش ولا درست اى تخصص من تخصصات الطب البشري او طب الاسنان ،اقدر احدد على اساس ايه؟ الواحد لسة محتار برضه شوية معلش لو طولت عليك |
دكتور معلش انا الحمد لله خلاص قررت وكتب اسنان بس خايفة من موضوع البيشنت هو سهل انى اجيب بيشنت يعنى ولا ديه حاجة صعبة وكمان انا امتى بحتاج اجيب بيشنت سنة رابعة بس يعنى ولا رابعة وتالتة وهل طو السنة هفضل اجيب بيشنت ولا مرتين تلاتة كده وببس ؟ كمان عاوزة اسالك يعنى ازاى اسنان مكلفة يعنى مكلفة فسنين معينة ولا كل السنين ؟
انا اسفة بجد لو طولت على حضرتك شكرا جدا |
اقتباس:
اولا مبروك لحضرتك ولو انها جت متأخرة :blush: لو حضرتك فى اسنان اسكندرية يعنى فى اعدادى فدى ارخم سنة فى اسنان وان شاء الله اللى جاى احلى بكتيير بالنسبة للامتياز فهو سنة كاملة بتتقضى تلات شهور فى مستشفى الكلية بعد كدا الباقى بيبقى فى اى مستشفى حكومى بالنسبة لتقل الايد فى الشغل فكلنا كنا فى الاول مش حلوين فى الشغل وقعدنا ترم كامل فى التدريب على المودل فى سنة تانية نبوظ فى سنان ونرميها ونجيب سنان ونبوظها تانى لغاية اما بقينا الحمد لله ايدينا كويسة ومؤهلين اننا ندخل العيادات انا مع حضرتك فى اى مساعده وخصوصا لو اسنان الاسكندرية |
اقتباس:
اه تمام منا قلت لحضرتك الفرق انك فى اسنان بتحدد فى الاول تخصصك بس فى طب الاخر ودا اختلاف جذرى انتا ممكن تمشى فى طب بشرى وتوصل للاخر ويعجبك مثلا تخصص عيون ورمد وتلاقى نفسك مش عارف تحضر فيه عشان تقديرك وغصب عنك تحضر جلدية مثلا مع انك مش حاببها وممكن تدخل طب اصلا وتلاقى نفسك مخنوق من دراستها كلها على بعضها وممكن تدخل اسنان كذلك وتتخنق من الدراسة فيها ... يعنى كل حاجة واردة فى الكليات ويامة ناس بتسقط فى طب وطب اسنان وصيدلة عشان دخلت ولقت ان الكلية مش ماشية معاها خااااالص ... انا مش بخوفك الحالات دى قليلة بس كل حاجة واردة انا ايام التنسيق كنت عاوز اخفف فى الدراسة فكنت كاتب صيدلة رغبة اولى بعدين قلت لا انا طول عمرى نفسى اطلع دكتور وعندى عيادة فقمت مغير الرغبة زكاتب طب رغبه اولى "كل دا اسنان مش فى دماغى تماما " بعدين رحت لدكتور بشرى جلدية كنت بكشف قبل قفل التنسيق بيومين فقالى انا كان نفسى اكتب اسنان بس دخلت طب وقالى اكتب اسنان عشان هتتعب اوى عبال اما تبقى دكتور بشرى وكذلك قريبتى فى طب قالتلى اكتب اسنان ففورا غيرت رغبتى وكتبت اسنان رغبة اولى . انا حكتلك الحكاية دى عشان اوضحلك انى لفيت لفيت وفى الاخر كتبت الحاجة اللى متناسبة مع طموحى وتفكيرى يعنى انا عاوز ابقى دكتور كويس وفى نفس الوقت كنت عاوز دراسة مش تقيلة ووقت قصير عشان ابدأ حياتى المهنية بدرى واحقق طموحى وكدا كدا مش فارقه معايا اسنان من عيون من اى حاجة وعلى اساس كدا اخترت طب اسنان . انتا بقى نفس الفكرة الاختيار صعب ومش هيحدده زى ما قلتلك غير طموحك هل انت زييى فى فكرى اللى قلته فوق مثلا فتكتب اسنان او انت شايف طموحك فى تخصص معين او على الاقل شايف نفسك مش ميال لتخصص طب الاسنان او ان مثلا والدك طبيب بشرى وعاوز تكمل شغله او لاى اعتبار اخر فتكتب طب ونصيحتى ليك كأخ كبير .. ودى لحالتك انت .. انا شايفك محتار وما دام محتار يبقى مش فارقة معاك وطالما مش فارقة ادخل طب اسنان لانك لو دخلت طب وتعبت من طول الدراسة وصعوبتها والبهدلة هتقعد تأنب فى نفسك وتقول منا كنت دخلت اسنان وخلاص وانا اللى جبته نفسى وممكن تتعب ولو انى بميل الى ان محدش يدخل اسنان عشان نعرف نشتغل ومحدش يقطع علينا :d:022yb4: |
اقتباس:
لا البيشنت بيتجابوا فى تالتة ورابعه فى حالات الحشو بتحتاجى بيشنت كل اسبوع وفى علاجات العصب ممكن فى حدود بيشنت كل تلات اسابيع وفى التراكيب فى حدود حالة كل شهر وفى الاطقم ممكن حالتين فى الترم او اكتر حسب الظروف وفى الاطفال مش عارف عشان دى هدرسها السنادى اللى هيا اخر سنة بس عموما موضوع البيشنت دا متقلقيش منه خالص وهما اصلا بييجو الكلية وبيسجلوا اساميهم ولو رحتى قبل السكشن بنص ساعه او ساعه هتلاقى بيشنت هوا الموضوع اللى كان صعب فعلا بيشنت الاطقم لان كنا بنحتاج واحد معندوش سنان خالص ومكناش لاقيين بس سبحان الله اما عدينا الترم الاول بقى البيشنت كتير ومش ملاحق عليهم وبمشىاى حد يجيلى .. ودا سببه اننا بقينا خبره :022yb4: يعنى لو لقيت واحد ماشى فى الكلية بعرف القط بسهولة انه معندوش سنان اقوم رايح قايله عاوز طقم يقلى اه نقوم طالعين على العيادة علاطول :022yb4: بالنسبة للتكلفة فدى بتبقى فى تانية وتالتة ورابعه .. هيا التكلفة دى بتفرق اوى لو حد يعنى مستواه المعيشى قليل لكن لو مستوى المعيشى متوسط بتعدى يعنى مثلا فى تانية اسنان بتشتروا فى اول السنة هاندبيس بيبقى سعره لو ماركة من 1000 ل 2000 ولو صينى من اول100 جنيه وكمان بتشتروا شوية ادوات ب 600 جنيه وطول السنة بقى فى مصاريف فى السكاشن بس مصاريف عادية اما المصاريف كلها بتبقى فى تالتة ورابعه وطبعا عيادات وبتجيبوا كل الادوات والحشوات وبتدفعوا حق التركيبات والاطقم للفنى من فلوسكم لانكم بتعملوا الحاجات دى للبيشنت ببلاش هوا الموضوع احنا بنبه عليه عشان لو فى حد مستواه المعيشى قليل جدا يبقى عارف هوا داخل على ايه وميتفجأش لكن لو فى المستوى العادى زى كل الناس الموضوع بيعدى :022yb4: |
اها شكرا جدا لحضرتك انا كنت قلقانة اوى من موضوع البيشنت ده وكمان كل ما اكلم حد يقولى الكلية مصاريفها كتير بس مش بيوضح انا كده فهمت :) شكرا جدا بجد وانا فرحت جدا ان حضرتك فاسنان اسكندرية دا انا هستغل حضرتك اكبر استغلال ^_^ بس يا رب حضرتك متزهقش منى عشان انا بحب اسال كتير :)
|
مشكله البيشنت دى يبدو انها مش في علوم بس :]
ربنا معاكو |
اقتباس:
طب كويس اى حاجة من صغيرة لكبيرة انا تحت امر حضرتك فى اى وقت :d:d وانا مبزهقش والله من الاسئلة دنا بحب الاسئلة جدا :rolleyes: وبقالى تلات سنين بدخل على المنتدى بجاوب على الاسئلة ايام التنسيق وبعدها احساسا منى بالمسئولية اللى المفروض كلنا كطلبة جامعه نعملها تجاه طلبة الثانوية الغلبانيين اللى انا كنت واحد منهم وبيبقوا محتارين يدخلوا ايه ويتصرفوا ازاى .:) |
اقتباس:
انا مش ف اسكندرية ..معندناش اعدادى الحمد لله ^_^ يعنى امتياز سنة كاملة :( ربنا يسهل بقى طيب لو فيها رخامة بقى ممكن حضرتك تقولى ايه المواد اللى هدرسها بعد اولى وتقولى نبذة بسيطة عن كل مادة بتتكلم عن ايه ومدى صعوبتها وكده يعنى لو الموضوع هيبقى متعب لحضرتك بأمانة يبقى بلاش :) وربنا يجزيك خير يادكتور |
اقتباس:
لا انا تحت امر حضرتك طبعا ... انا باذن الله هعملكم موضوع عن كل مواد اسنان وتفاصيلها فى القسم الخاص بطب اسنان |
موضوع أكثر من رائع يا دكتور وأجاب على العديد من تساؤلاتي وجزاك الله خير
|
اقتباس:
تعبينك معانا :bosyht9::bosyht9: |
أنا محتار بين طب أسنان و طب بشرى الاثنين حلوين بالنسبة لى بس أنا فكرت فى طب بشرى وعاوز أتخصص فى قسم جراحة القلب وهى تحتاج لتدريب كثيير والطب معظم الدراسة فية نظرى و خايف أن أفشل فية وأرجو المساعدة
|
ابدااااااااع للغاية ... بجد جزاك الله خيرا ...
صيدلة ان شاء الله :) |
اقتباس:
انا ف نفس المأزق و نسبتي جايبه الاتنني اسنان و صيدله ومحتاارةه بينهم جدا كتير نصحووني ابعد عن اسنان بما انها مرهقه للبنات ومكلفه وكده لكن انا مابطيقش الكيميا ولو دخلت صيدله ف هيكون منظره مش اكتر سجلت مخصووص ف المنتدى عشان أرد عليكي نفسي تشوفي كلامي وتقوليلي عملتي ايه |
بارررررررررررررررررررررك الله فيك
|
| جميع الأوقات بتوقيت GMT +2. الساعة الآن 11:36 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.