ما هى احسن كلية ادبية من حيث الشغل ؟؟؟
 

اكيد الموضوع ده يهمكوا عشان فى الاول والاخر سواء متخرج من كلية قمة او اى كلية تانية الشغل بعد التخرج .

فياريت كل واحد يقول اقتراحه .

انا شايفة السن

انا شايفه ان الشغل ده من عند ربنا ..ياما فى ناس فى اقتصاد وعلوم سياسيه موش بيلاقوا شغل ..وياما فى ناس فى سياحه وفنادق بيشتغلوا طول السنه

لو الشباب عايزين بجد يشتغلوا هيدوروا ويلاقوا

شكرا للردود

اقتصاد وعلوم سياسية englishتخصص اقتصاد لان دة زى تجارة انجلش مع الفارق الكبير طبعا بس دة لية الاولية على تجارة انجلش فى العمل وممككن الخارجية بردو كملحق تجارى او اى جهة اقتصادية ففى مجالات عمل كتير

انا اوافق مصطفى فى الرد


وانا اشجع اقتصاد وعلوم سياسيه

ايه يا جماعة .. انا شايف انكو مش حاطين .. تجارة ..

غريبة يعني .. بس ماعلينا ..

انا لو هاختار من اللي فوق دول .. هاختار اقتصاد وعلوم سياسية قسم اقتصاد ..

طبعا انا قلت الاختيار دا عشان انا في تجارة .. غير كدا .. ان القسم دا مميز جدا ..

وشغله شبه مضمون في البورصة ..

خاصة ان دفعة سياسة واقتصاد السنة اللي فاتت واخده 800 واحد بس ..

يعني مش حاجة !! بالنسبة لكليات تانية ..

انا شايف تقريبا ان كل واحد كاتب كليته

انا شايفة السن
اكيد
من غير لغة متشتغلش
اللفة الاساااااااس

معاكىىىىى و كمان فلوسها حلوة و بتشغل حلو اوىىىىىى

بس اضافة اعلام رائعة هى وسياسة و اقتصاد واداب كمان فيها اقسام تحفة


فى المجمل الكيلة بتاعت اى حد فينا حلوة بس لو اجتهدت عشان لو اجتهدت حتلاقى شغل انشاء الله

سياسة واقتصاد اصلا ملهاش شغل واسال مجرب انا عندى ولاد خالتى خرجين سياسة واقتصاد وبلا فخر قاعدين فى البيت قسم انجليزى مع ان ابن خالتى جايب تقدير جيد جدا بس عمرى منصحها انا شايفة ان الاول سياحة وفنادق بعد كده السن بعد كده اعلام بعد كده سياسة واقتصاد وبعد كده اثار ده لو اخر حاجة

وسورى اللى بيقول ملحق تجارى ده ده اساسا لو عندك واسطة كبيرة يعنى حد من قرايبكم سفير غير كده مفيش وشوف بقى عندنا فى بلدنا سفرة مالية البلد

واقتصاد وعلوم سياسية مش زى تجارة انجليزى خالص لو زيها مكنتش دخلت اصلا تجارة انجليزى لان الشغل فى تجارة انجليزى مش محتاج قريبك يكون سفير وغير كده انا ليا صاحبتى داخلة تجارة انجليزى جايبة 97 ادبي عشان لاغية فكرة سياسة واقتصاد اصلا ملقهاش مستقبل خلاص هتطلع ايه يعنى

انا برضة شايف سياحة وفنادق ده ليهم مجالات كتييييير اوى فى الشغل وكمان بياخدوا لغات

السن طبعا و بعدها تجاره

كلية تربية احسن كلية من راي لانها هي اللي بطلع الاجيال

معلش يعنى ازاى اعلى كلية فى ادبى ملهاش شغل يعنى مش فاهم واللة على فكرة ممكن تكون سياسة شغلها محدود انما اقتصاد شغلة متفرع جدا ممكن فى البنوك الخارجية(واسطة)وسورى يعنى محدش يزعل مفيش اساسا وجهة مقارنة بين اقتصاد انجلش وتجارة انجلش ودى حاجة معروفة يعنى انا واللة مش فاهم تجارة احسن من اقتصاد ازاى يعنى جديدة دى بس ممكن تكونى متحيزلها علشان انتى فيها واكيد كل واحد بيحب كليتة انما مش لدرجة ان اعلى كلية فى ادبى (التوب)تبقى ملهاش مستقبل
بالتوفيق

لا ثانية انا اصلا مخنوقة من الكلية ومجموعى اعلى منها بكتير بس اللى مخلانى مستحملاها ان شغلها كتير وعادى اعلى كلية فى ادبي ماثار من كليات القمة وانت شايف يعنى بيشتغلوا وسورى انت كمان فى سياسة واقتصاد وباين انك منحاز ليها لانك لو سالت اى واحد عن سياسة واقتصاد شوف هيقولك ايه وشكرا

سورى والحكاية مش بكلية قمة او لا تبقى لما اثار تبقى قبل السن هتقول لا يعنى اثار احسن من السن سورى حضرتك حاسبها غلطططططططططططططط خالص وشكرا انا معايا ناس جايبة 98 ومردوش يدخلوا سياسة واقتصاد وناس مع اختى التؤم فى السن قالوا هنعمل ايه بسياسة واقتصاد لا باين اوى انك المنحاز لكليتك انت بتقول انى منحازة عشان انت بتفكر فى كده حاجة موجودة فيك اصلا

وهى اعلى كلية فى ادبي عشان طالبين فيها عدد قليل يعنى اللى بيخشوها 250 واحد تقريبا لكن تجارة انجليزى الف يعنى متقارنش اصلا لو تجارة انجليزى زى سياسة واقتصاد مكنتش دخلتها اصلا

ولو بتقارن بين تجارة انجليزى وسياسة واقتصاد من حيث الشغل جاوبنى على سؤال انت لو خريج سياسة واقتصاد ينفع تشتغل فى بنك او فى علاقات عامة او فى شركة بتقول تبقى فى السلك الدبلوماسي ده عاوز واسطة طبعا غير كده ولا حاجة وانا مش معترفة انهم يحطوها كلية قمة وحتى بنستغرب على كده

بصوا يا جماعة طبيعى أى حد حيقول الكلية اللى فيها لأنه هو اللى أختارها و الشغل ده حاجة بتاعة ربنا مش بخريج إيه
هو طبعا الكلية الصح بتديك الدفعة فى المستقبل الكويس بس الرك على الإجتهاد

بس للى بيقول مفيش وجه مقارنة بين تجارة إنجلش و سياسة و إقتصاد أحب أقوله إن مجموعى اتاحلى أنى أختار براحتى بين سياسة و إعلام و تجارة إنجلش
و الحمد لله دخلت تجارة إنجلش لأن الكل و منهم دكاترة جامعة و شغالين فى مجال الجامعات قالولى إن تجارة إنجلش أحسن كتير من قسم إقتصاد إنجلش فى سياسة و إقتصاد لأننا بناخد نفس المناهج و إضافات تانية بتيح لينا نشتغل شغل هما من بيشتغلوه
و بعدين مش معنى أنها بتاخد أعلى مجموع يبقى هى أحلى كلية لأ ده معاناها أنها بتاخد عدد قليل ز لو تجارة إنجلش خدت عددها حتبقى أعلى منها

ده حتى تجارة عربى لو خدت عدد كلية إعلام و لا سياسة و إقتصاد كانت جابت مجموع طب
فالموضوع مش موضوع مجموع ابدا
و النهاية كل واحد ختار الكلية اللى حبها و ربنا يوفقنا كلنا

باتوفيق جميعا كل واحد مقتنع بكليتة ومحدش حيعرف يقنعة بغيرها مادام كل واحد مستريح فى كليتة خلاص
بالتوفيق

انا شايف اللي معاه لغة يقدر يشتغل بسرعة

انا فى تجاره و لكنى شايف ان تجاره فى مجال الشغل احسن لان فى اى مؤسسه فى العالم بيحتاجوا محاسبين
انما ممكن تلاقى اماكن مفيهاش مهندسينو ممكن تلاقى اماكن ما فيهاش خريجى السن او سياسه و اقتصاد او سياحه انما هتلاقى فى اى مكان فى العالم محاسبين و كمان ممكن تشتغل فى البورصه لما تتخرج من تجاره و ساعتها هتاخد مرتبات خياليه

اكيد سياحه وفنادق

من رأى المتواضع ان الاقتصاد والعلوم السياسيه اكتر كليه ادبيه فيها شغل
بعدها على طووووووووووووووووووووووووول
كليه السياحه والفنادق

الحمد للة اخيرا لاقيت حد فاهمنى

والله انا اعتقد الالسن ولكن في الادبي كله بيتساوى في الآخر من وجهة نظري
الا الفهلوي اللي يلعب بالبيضة والحجر

ما زالت الاراء مختلفة
انا شايف ان كلية السياحة والفنادق هى احسن كلية ادبية من حيث الشغل وده من الاخر هتقولولى الالسن احسن هاقولكوا فى السن بياخدوا لغتين وبس يعنى متاح لهم مجال الترجمة والتدريس فقط
اما سياجة وفنادق بياخدوا لغتين برضو غير بقى مواد التخصص بتاعة كل قسم يعنى متاح لهم مجالات كتييييييرة اوى فى الشغل وكمان مرتبات الخريجين جامد اوى ده موظف حجز تذاكر الطيران بياخد من 1000 لـ 2500 جنية فى مصر اما فى السعودية بياخد من 2500 لـ 3500 ريال سعودى وعلى فكرة الوظيفة دى متوفرة فى سوق العمل غير بقى الوظائف التانية .

انا مثلا من رايي كليه التجاره ليها وظائف كتيره وفي اي مكان تقدر تشتغل علي طول وبرضه خصوصا لو تجاره انجليش تخصص الانجليزي بتلاقي شغل فوري في اي مكان بتلاقي شغل

أعتقد انها الالسن بس بشرط ان خريجها يكون متمكن من اللغة اللى درسها فى الجامعة

انا اعتقد انها السن لان ليا قربتى السن واول مخلصت لقت شغل بسهوله لكن اعلام عشان تشتغل لازم واسطه غم ان حلمى ادخل اعلام واكون صحفيه بس ناس كتير قالولى لازم واسطة مش عافة انا عايزة اعرف رايكم وعايزة اعرف ادخل علمى ولا ادبى مع العلم انى كويسه فى المواد العلمية والادبية وبحب الاتنين

طالب كلية تربية رياضة
 

:angry2: الى عمال يقولى تجارة والى اقتصاد وعلوم سياسية على فكرة مفيش احسن دلوقتى من المدرسين (كلية:av4056bb7jp3:التربية) يعنى وتبقى احسن واحسن لو كانت مواد جامدة زى الرياضة مثلا والعربى والانجليزى دى المجالات الى ممكن الواحد
يلاقى شغل مع احترامى لكل الكليات التانية

انا من رأيى سياحة وفنادق
وخصوصا ان السياحة دلوقتى فى مصر بقت خير لينا كلنا

تربية نوعية بجميع اقسامها
تربية ..آداب ( اقسام لغات او اعلام و صحافة )
احتمال تجارة
فقط

سياحة و فنادق ايضا ممتازة و مطلوبة
علوم بكل اقسامها و خاصة لو تاخد دبلومة بعدها اكثر تخصصا
حاسب آلى من جميع كلياته ( علوم - حاسبات و معلومات - هندسة - معاهد خاصة )
ملحوظة : فى تعيينات الازهر الجديدة - يقبلوا بكالوريوس المعاهد الخاصة ( بشرط قسم حاسب آلى )
ابعد عن : الحقوق - التجارة نوعا ما - خدمة اجتماعية - : ليس لهم عمل و لا مطلوبين

انا شايف ان احسن كلية للمستقبلهى حقوق لان شغلها مضمون دة غير ان الاول من سنتين تقريبا ادبى دخل حقوق ومرتبطش بمجموعه

يا جماعة انا احترت انا فى ثالثة ثانوى وكان نفسى فى تجارة انجلش لان من وجهة نظرى انها جامدة اوى فى الشغل
لكن تناقض الاراء دا خلانى اتشتت مع العلم ان بابا محامى وعايزنى ادخل حقوق وكمان مع العلم ان مجموعى يحصل السن لو بقى زى ماهو مجموع تانية
عايز اعرف رايكم

ارجو الرد سريعا وعايز اراء منطقية ومقنعة وتكون منظمة علشان ما تشتتش

تجارة انجلش جامدة فعلا ولو دخلتها هتلاقى وظيفة علطول وعلى فكرة وزير التعليم العالى شخصيا بينصح بيها

والسن برضو حلوة بس شغلها مش متوفر قد كده لان مجالها اللغات فقط بس انت الصراحة بتطلع منها فاهم لغة جامد اووووى بس مفيش مجال تانى غير كده وهو ده عيبها

وسياحة وفنادق حلوة برضو وتعتبر اسهل كلية فى الكليات الادبية كلها بس ده لو دخلت قسم سياحة لكن لو دخلت قسم ارشاد سياحى هتتنفخ فيها لانهم بياخدوا تاريخ بالانجليزى وحاجة غم الصراحة وشغلها حلو برضو ومتوفر بس تجارة انجلش احسن برضو مع انى فى كلية سياحة وفنادق

حيرتونى
 

تجارة انجلش كلية القمة فى الادبى من الاخر يعنى وده حسب اللى بشوفه مفيش حد اتخرج منها وأعد فى البيت بيشتغلوا فى كل حاجة (بنوك , شركات السمسرة او البورصة , وشركات الاستيراد والتصدير , ........) .

وبعدين حكاية الكليات دى حاجة ترجعلك فى الاخر ومحدش ينسى ان الكلية اللى هايخشها ممكن تكون صعبة او سهلة يعنى متبصوش للكلية من حيث التوظيف وبس .