|
أعمل ايه؟؟؟؟؟
السلام عليكم ورحمه الله وبركاته انا مش عارفه ابتدى ولا عارفه انا بكتب الموضوع ده ليه بس بجد مخنوقه ومش عارفه اعمل ايه انا بكل بساطه انطوائيه والبالتالى معنديش اصحاب كتير او بالاصح معنديش اصحاب اصلا حدخل فى الموضوع شكلكوا زهقتوا:028ja7: وانا فى تالته ثانوى كان ليا واحده تقريبا يعنى صحابتى كونا دروس مع بعض ومدرسه يعنى كان فى ناس تانيه اعرفها بس هى اكتر واحده وهى اصلا معايا من اعدادى ام هند كونا متفقين ان احنا ال2 ان شاء الله اداب مع بعض ونكتبها اول رغبه المهم انا عملت كده بس هى كتبت تربيه اول رغبه مش حكدب واقول ان انا مش زعلانه فى الاول بس دلوقتى ربنا يوفقها الموضوع بقا انا هى دلوقتى بتقولى احول معها تربيه عارفه حتقولو ايه معنديش شخصيه :( بس والله ما كده انا زى ما قولات فى الاول انطوائيه واصلا انا خايفه من الكليه من غير حاجه وخصوصا لم روحت اقدام الورق وكده اول مره احس بالوحده بجد كل الناس مع بعضهما وانا كده:unsure: مش عارفه اعمل ايه اصلا غير كده انا مش عايزه تربيه وداخله اداب علم نفس عن اقتناع ونفسى بجد اقبل فالقسم بس فى نفس الوقت بفكر انى احول مش عارفه اكيد اتخنقتوا معلش :) |
ببساطة شديدة جدا هحكيلك اللى حصل معايا قبل ما اقدم فى اداب قسم اجتماع,اصحابى كلهم بمعنى الكلمه قدموا تجاره القاهره وكلهم اتقبلوا فيها وطبعا فيهم قالى سيبك من اداب دى مش مستواك وكده و مستقبلها كمان مش كويس للولاد وغير كده اهلى كلهم عمالين برضو يقولولى نفس الكلام و مكدبش عليكى جه عليا وقت كنت هقدم تجاره بس انا راجعت نفسى ولقيت انى هدرس حاجه غصب عنى ومش بحبها فا فضلت احارب لمدة شهر ضد كل الناس دى والحمد لله قدمت ومستنى النتيجه واعز اعز اعز اصحابى فى تجاره بس مينفعش اروح معاهم لمجرد اننا نبقى مع بعض وانتى اكيد هتلاقى بنات كويسه تتصاحبى عليهم او على الاقل يبقى بينك وبينهم كلام بما انك انطوائيه زى ما انتى بتقولى فكرى بجد فى كلامى وطبعا القرار الاول والاخير يرجعلك لان ده فى الاخر (مستقبلك)
|
انا رديت والرد منزلش:( وانت عارف ردى يا قمر:angry2: عموما عالميل هقولك |
بصى مادام انتى بتحبى المادة اللى انتى داخلها خلاص
لكن كده هتدرسى حاجة مش حابها وما تنجحيش فيه |
بص ياروحي الفراق فعلا صعب بس انتي مش هتفضلي مع صاحبتك دي طول العمر أما بالنسبة للصداقة صدقيني الجامعة دي عالم تاني خالص وناس تانية وهتعرفي ناس وتصاحبي مش لازم تكوني مقيدة بواحدة صاحبتك وبدل انتي مقتنعة بالكلية بتاعتك اوعي تسبيها وخليكي في الكلية وخليكي برده ع علاقة كويسة بصاحبتك عن طريق الموبايلات :dوكدا ولما تدخلي الجامعة انتي اللي في ايدك تغيري سلوك وطبيعتك مش حد تاني بالتوفيق:blush: |
اقتباس:
شكرا لحضرتك . |
اقتباس:
|
اقتباس:
بس عنديك حق برضو:( شكرا ليكى بجد |
اقتباس:
وانا كونت مقتناعه بكده بس يمكن الايام ال قدامت فيها الورق وشوفت الناس وكده هى ال اثرت معايا شكرا ليكى يا تسابيح بجد وشكرا ليكم يا جماعه بجد تعبتكم معايا |
اقتباس:
يعني ايه الكلمه دي بقي :angry2: بتقعدوا تقولوها وانا مش فاهماها خالص غير كده يا بنتي عادي انيت هتتعرفي علي دي ودي ودي كتير يعني هتتعرفي عليهم وهتتعودي عليهم غير كده اسلوب الجامعه مختلف شويه عن المدارس يعني هقولك انا مثلا كان ليا صحبتي في ثانوي وكنا بنحب بعض جدا وفجأه بدون مقدمات انا دخلت كليه ويه كليه وبقت هي مبتكلمنيش وانا بكلمها وبرن وهي ولا بتعبرني خلاص هي شافت كده مع السلامه كنت اعرف واحده في الثانوي برضه وتقريبا قريبتي من بعيد شويه المهم دخلنا مع بعض تجاره انجليزي نفس المحافظه فبقينا قريبين من بعض بدأت هي تتغير شويه في الاجازه جننتني يا بنيت والله فبابا واخوايت قالولي خلاص طنشي زي ما هي بتطنش بس لغايه دلوقتي مافيش واحده ثابته كلهم هيتغيروا يعني المعظم يعني الصراحه هتلاقيهم بيتغيروا وهتلاقي تقريبا كل سنه ليكي واحده مختلفه عن التانيه بس انا بقيت اعتبرهم زمايل دراسه مش اكتر انا كنت انطوائيه جدا لعلمك وكنت حاجه زفت بس اخواتي وبابا فضلوا ورايا ومسابونيش في حالي فعلا ويقولولي اتغيري رانزلي اخرجي معانا اتكلمي شاركينا كده بقي لغايه ما اتغيرت بنسبه 30%:d بس اهو تغيير اهو الحمد لله فانتي حاولي تاقلمي نفسك شويه مع النا سحاولي متقربيش من الناس قوي يعني هقولك اليل استفدته يعني خلي علاقتك معاهم عاديه مترتبطيش بيهم قوي غير كده انتي مقتنعه بالكليه ليه تغيريها عشان مين ده مستقبل يا لارا يعني لازم تبقي مقتنعه بكليتك وبالدراسه اليل هتدريسيها هكمل بعدين |
اقتباس:
لأ فكيكه يا ياسمين ام هند يعني المهم بس بلغه مثقفه شويه ولا انتي فهمه حاجه :d |
السلام عليكم بصي هو الموضوع مش محتاج تفكير إنت تعملي كل اللي إنت عايزاه وتيجي عند مصلحتك وتقفي ولو هي صحبتك فعلاً فإنتوا مش هتسيبوا بعض أينعم اللقاء هيقل والإتصال هيقل بس هي الدنيا كده بتلف وتدور تبقي ف عالم وتلاقي نفسك ف عالم تاني خالص ومادام إنت ما شاء الله داخله أداب علم نفس عن إقتناع يبقى هدفك الاول والأخير إنك تتفوقي ف دراستك وبس وبعدين إبقي بصي لباقي النواحي اللي ف حياتك ده كده عموماً أما بقى إذا إتكلمنا على موضوع إن إنتوا الأتنين تبقوا مع بعض ف المفروض إن هي اللي تحول مش إنت مادام قولتي ف الأول إن إنتوا الأتنين متفقين تكتبوا أداب الأول بس هي عملت كده عشان لقت إن مصلحتها ف تربيه مش ف أداب بس كل واحد ليه وجهة نظره وف الأول وف الأخر اللي فيه الخير بيقدمه ربنا ولو إنت قلقانه عشان موضوع الأصحاب وإنك إنطوائيه وكده ف ده مش فيه قلق منه خالص لإن الجامعه دي عالم تاني خالص هتقابلي ناس كتير وإن شاء الله يكونوا كويسين مش بتوع مصلحتهم برده معلش بقى إحنا رغايين شويه كبيره وفقك الله إلى ما فيه الخير دائماً وأبدا وإن شاء الله تدخلي الجامعه وتتفوقي فيها وتخرجي منها بأحسن الأصدقاء إن شاء الله ***** إخواتك ف الله التـــوأم المـــزعج |
اقتباس:
شكرا يا يميميم رفعتى من معنويتى شويه كده:friendsxs3: |
اقتباس:
وربنا يوفقكم انتوا كمان تعبتكم معايا:) |
اقتباس:
|
| جميع الأوقات بتوقيت GMT +2. الساعة الآن 02:40 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.