|
إرجعيلى
ده بقى شعر بالعامية بس من غير تريقة تحسوا فيه انى داخلة خناقة يلا مش مشكلة اهم حاجة ان الانسان يخرج من الخناقة منتصر وانا طبعا كعادتى منتصرة هاهاهاها (ضحكة شريرة)
اسيبكوا مع الشعر بقى إرجع مكان ما جيت ملكش فى قلبى بيت لسه فاكرنى زى زمان هديك شوق وحنان لأ ده فعلا كان زمان ودلوقتى إسمه جنان يا حبيبى إنسى وفوق ده زمان دا عدى فوق نسيت أنا إنى فى يوم حبيتك ونسيت إنى فى يوم جيت وهويتك قلبى خلاص مبقاش ليك ولا يوم هيرجع ليك قلبى خلاص نسى الجراح ونفسه بقى يرتاح لا معاك شفت أفراح ولا يوم بت مرتاح كأنى معاك كنت بهوى الجراح بس خلاص قلبى عقل وارتاح ونسيك خلاص عشان انت معرفتش معنى الإخلاص ولايوم جيت واديت حب وأمان وحنان أنا اللى كنت بدى ولا يوم خدت حقى والنهاردة أنا خدت حقى يوم ما شفتك مكسور راجع بتبكى وبتقول إرجعيلى . . . إرجعيلى |
اقتباس:
جميل جدا يا فندم .. بس لو حضرتك حسيتي الكلام هتقدري تخرجي الكلام في صورة اجمل انا مش بقول ان الكلام ................ بس الاحساس بالجرح والظلم وبيدي للكلام انطباع احسن وبجد ياريت حضرتك تجربي ... تختاري كلام عامي .. ويدي نفس المعني .. هتلاقي كتير بس حاولي وركزي .... وإن شاء الله .. هتلاقي اللى حضرتك عايزاه او محتاجاه اقتباس:
واحساس حضرتك رائع بس زي ما قولت لحضرتك .... في كلام عامي بردو ... وبيدي نفس الاحساس عموما حقيقي الكلام جميل ... ومشاكس واحساسه عالي جدا تسلم ايديكي عليه |
اقتباس:
وبجد والله هحاول انى اجرب تانى لعل وعسى الواحد يتحسن مستواه اصل انا اتعودت اكتب بالفصحى وقلت اغير وان شاء الله هحاول انى اكتب بالعامية كتير عشان اتعود عليه وانوّع وكده يعنى |
كلمات جميلة
لكن اعذرينى الآن مش هاقدر أرد لأنى بجد عاوز أنام |
الشاعرة الكبيرة
كلماتك جميله فعلا تحمل وراءها خناقة بس الاهم وصلتى لإيه؟ هاترجعيله؟ |
ههههههههههههههههههههه
جامده اوى الخنافه قصدة القصيده دى انتى بعد ما تخلصى الكلام اللى هتقولبه له بالبوانى فى وشه |
اقتباس:
ميرسى جدااااااااا والله وفعلا اه انا اتخانقت بس فى خيالى كل الحكاية ان خطرت فى بالى انى اكتب شعر بالعامية يعنى فيه نوع من السخرية والتريقة وزى ما تقول خناقة بين اتنين كانوا بيحبوا بعض وهو سابها وبعد كده رجعلها وهى بقى بتعرفه هو كان ايه وهو معاها ومن غيرها بقى عامل ازاى وبس هو اه فى كلام كنت فعلا حساه ومطلعاه من قلبى فى وسط الكلام بس الموقف نفسه انا مش فيه لانى اساسا كبرت لموضوع الحب ده خالص وشلته من دماغى خالص ولو انا فى الموقف ده استحالة انى ارجعله |
اقتباس:
وبعدين ايه بالبوانى انت تعرف عنى كده دانا رقيقة واميرة وطيبة مش كده ولا ايه :angry2: ولا انت فاكر حاجة تانية |
شوفى يا دكتورة هدير
هى محاولة كويسة لكن أنا شايفك أقوى و أقوى فى الفصحى و العامى صعب شوية بس انتى عملتى شغل كويس اوى ممكن لو حابة تكملى فى العامى تبصى على كلام أحمد شوقى لأنه بجد رائع و فيه قصايد عامى للاستاذ أستاذنا كلنا أستاذ نجم قصايد عامى روعة و قمة الروعة ممكن تقريها برده إلى الامام يا فنانة |
ايوة اسمعى كلام شاعرنا الكبير بندق
|
اقتباس:
|
اقتباس:
|
بجد موضوعك كثير جميل وعجبنى
والنصائح المقدمه فيه كثير جميله وانا عارفه انك هتحاولى تعملى بيها بجد مواضيعك وحشتنى جدا ونفسى اشوفلك حاجات تانيه كثيييييير وبعدين بطلى تخوفى الناس.....هههههههههههههههههههههههه فى رعاية الله يا قمر |
اقتباس:
وعلى فكرة انتى اللى ردودك وحشتنى وخفة دمك وحشتنى وحشتينى بجد وبعدين دانا غلبانة انا مبخوفش حد خالص دانا حتى براءة الاطفال فى عينى هههههه:006et4: |
جميله تسلم الايادى
|
| جميع الأوقات بتوقيت GMT +2. الساعة الآن 01:37 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.