كنت فاكر
 

كنت فاكر إنى هفرح لما تيجي وتقوليلي
إن قلبك إتفتح لفلان وبقاله مطرح
كنت فاكر إنه عادى يدق قلبى اللى كان فاضى
بس شئ خوفنى هو إن صورتك فيه بتوضح
خفت اكتر لما فجأة لقيتنى حزين حاسس بربكة
وخوف لجرح قديم نسيته من جديد ألاقيه بيفتح

وأتارينى كنت بكدب لما كنت زمان بكتب
فى كل جواب قبل نهايته أختى العزيزة اخوكى احمد

ليه ياقلبى جاى تقولي وبعد إيه مابقاش فاضلى
أى فرصة أقوله فيها إنى عايش عمرى بيه
خد نصيبه فى حد غيرنا سؤاء رفضنا أو قبلنا
حاجة واحدة أقدر أقولها إنى بالخير بدعي ليه

وأتارينى لسه هكدب لما تانى برضو أكتب
فى الجواب المرة ديه إختى العزيزة اخوكي احمد

تمت
وعايز نصيحة صغيرة بس منكم
(فى كل جواب قبل نهايته أختى العزيزة اخوكى احمد ) دى احسن ولا دى (فى الجواب قبل نهايته أختى العزيزة اخوكى احمد ) وطبعا مع ذكر سبب الاختيار وارجو ان استفيد منكم *

بجد موضوع كثير جميل
وبما انه من ابداعك الشخصى فمكانه قسم ابداعات الاعضاء وليس القسم الادبى
اتمنى ان اجد لك المزيد من المواضيع المميزه

شكرا لكى ياهند على تقييم الموضوع وانتظر منى المزيد ان شاء الله وارجو ايضا تقييم كومندا على الموضوع

شكرا بجد ليكى http://www.thanwya.com/vb/life/statusicon/forum_new.gif

صورك جميلة و تعبيراتك رقيقة و احساسك عال و ممكن القصيدة تتغنى لأن بها موسيقى
مألوفة لكن هناك بعض هنات فى الوزن.. تحياتى

مشاء الله احساسك بجد عالى انا حسيت بكلام جدا وهو فعلا واقعى وبيحصل ويارب يوفقنا جميعا للخير ومتوصلش الدرجة بين الاحباب الى انهم يقولوا لبعض انهم اخوات .لانى هقولك حاجة سر وبينى وبينك مفيش حاجة اسمها الاحباب يبقو اصحاب ديه حيلة احنا بنعملها عشان نهون على نفسنا الفراق والبعد وديه دليل ان الاتنين لسه بيحبو بعض او على الاقل واحد فيهم لسه بيحب التانى.معلش انا طولت عليك بس الموضوع بجد جميل جدا وتسلم ايدك وشكرا على الابداع ده وانا راى تقولها اختىالعزيزة من اخوكى المحب احمد مع حبى وتقديرى تقبل مرورى وشكرا