ياجماعة عاملين ايه فى المذاكرة؟؟؟

بالتوفيق ليكو و عقبال ما نشوفكو فى تالته

لا انا حسبتها فى دماغى و لقيت انى علشان مزهقشى من المذاكرة اخلى يوم الجمعة اجازة كله ترفيه من غير اى حاجة خالص ولا مدرسة ولا دروس ولا مذاكرة
و باقى الايام بقى كل يوم درس قبل المدرسة
و اما اجى من المدرسة ابقى ازاكر و احل عليه
مش هلحق انساه يعنى هههههههه :d
و اصلا كدة كدة مواعيد الدروس بتيجى بظروفها على حسب المدرس و المكان الاقرب منى
ما هحاول اخليه كل يوم درس احسن
انا كمان جبت الكتب الخارجية
جبت سيربرايز و الاضواء و الامتحان فى الاحياء و الفيزياء
الباقى الراجل قالى لسة منزلشى
يااااااااااريت انا نفسى حد يخش يغرقنا نصايح و ارشادات و توجيهات
و حاجات من دى :d

انا لسة مابتديتشى دروس
و هبتدى مع المدرسة ان شاء الله
ياااااااارب :d

لسه ما بدأتش فى الجد

انتى لو خليتى الجمعة اجازة هيبقى عليكى حمل تقيل جدا فى باقى ايام الاسبوع و بعدين ساعات الواحد بيكون عيان لا قدر الله فى يوم و مش بيقدر يذاكر فكده هيكون ضاع منك كذا يوم

يعنى انت شايف كدة ؟ :d
انا مش عارفة و الله بس لو كل يوم ذاكرت كدة ممكن احس بملل
و انى مفيش راحة ولا نت ولا تلفزيون :(:(:(
و لو مخدتيش اجازة يوم واحد فى الاسبوع من دلوقتى
مش هعرف اخد فى 3 :(:(

صحيح ازى اكتب تحت اسمى طالبه حلمى حلوم ؟ :p:p:p:d:lol:

اولا حكاية حلمى حلوم دى اسمها علمى علوم:p
ثانيا انتى اكتبى علمى و السنة الجاية تبقى تعدليها لعلمى علوم:cool:
ادخلى على الرابط ده
http://www.thanwya.com/vb/showthread.php?t=290059
و اكتبى لو سمحتم عايزة اغير صفتى الى طالبة بالصف الثانى الثانوى علمى
و هتلاقيها فى خلال يوم بالكتير اتغيرت:rolleyes:

حكاية ان الواحد يذاكر كل يوم دى صعبة جدا و نادر لما يعدى شهر ع الواحد من غير ما يضيع يوم او اتنين على الاقل بس هنعمل ايه ممكن ايى واحد فينا يحصله اى ظرف لا قدر الله و ميعرفش يذاكر
فى اليوم ده:(
فالاحسن ان الواحد طالما فيه طاقة و يقدر يذاكر ما يضيعش الفرصة حتى لو الوقت كان متاخر
لأن هيجى يوم و هتلاقى نفسك تعبت اما لو الواحد خد اجازات كده الترم هيضيع
بالنسبة لموضوع النت و التلفيزيون موجودين طول السنة مش شرط نضيع بيهم وقتنا كتير ف الدراسة عشان مندمش بعد كده:cool:

ماشى
شكرااااااا :d

ماشى على حسب الظروف بقى
انت استلمت كتب المدرسة ولا لسة ؟؟؟؟؟؟
انا روحت امبارح لقيت لسة :(:(:(

احنا مدرسة زبالة اصلا معندناش لبس
بس كتب المدرسة قالوى تعالى قبل الدراسة بيومين و لو ملاقتهاش يبقى لما الدراسة تبدأ:blush:
و ععموما الواحد ما بيعملش حاجة بالكتب دى المهم الكتب الخارجية

مش اوحش من مدرستى
احنا قالولنا هو هو اللبس بتاع اولى
و على فكرة عادى الولاد بيلبسه اى حاجة
احنا عندنا مابشوفشى حد بلبس مدرسة
هو بنطلون جينس واى قميص و خلاص
انما احنا لازم لبس المدرسة
بس كتب المدرسة مهمة برضه انا سمعت انى لازم نذاكر منها و نحل اسئلتها
رغم انى بحب الكتب الخارجية جدااااا و بحس انها منظمة و جميلة

ما احنا عندنا اكتر من نص المدرسة بدون زى بس انا بحب اجى بلبس المدرسة و حتى السنادى هاجى بلبس سنة اولى ان شاء الله
اصل الكتب الخارجية بتجيب اسئلة كتاب الوزارة +دليل التقويم فكده الواحد ممكن يستغنى عن كتاب الوزارة
اما الشرح فكل المواد سىء بالذات فى مواد اللغات