|
يا وزير التربية والتعليم.. أجب عما يلى
يا وزير التربية والتعليم.. أجب عما يلى
٣٠/ ٣/ ٢٠٠٩السيد الوزير: اسمح لى أن أتوجه بالتساؤلات الآتية إليكم: ■ هل أمناء المعامل فى جمهورية مصر العربية فئة من بنى إسرائيل، لا ينطبق عليهم ما ينطبق على العاملين داخل أسوار المدرسة المصرية! ■ هل أمناء المعامل لا يجهزون الأدوات والمواد اللازمة للمدرسة والطالب معاً، أم أن المدرس هو الذى يقوم بتجهيز المعمل للطلاب، ويحضر لهم الأدوات والمواد اللازمة للقيام بالتجارب العلمية المعملية اللازمة؟! أم أن المعامل لا يوجد بها أدوات ومواد لازمة للتجارب كما قال الصحفى أحمد رجب «فيه ناس عندها معامل فضاء وناس عندها فضاء فى المعامل»، فرأت حكمة الوزارة أن أمين المعمل لا يستحق أى حافز إثابة، لأنه لا يقوم بأى وظيفة، وأنه عالة على وزارة التربية والتعليم وراتبه هذا صدقة من الوزارة؟ أم أن الوزارة رأت أن من الحكمة عدم إعطاء أمين المعمل أى حافز حتى لا يحافظ على الأدوات ولا يجهز المعمل للطلاب ويقدم فى نهاية السنة نسبة الكسر ونسبة الفاقد؟ أم أن سياسة الدولة فى تخصيص نسبة ضئيلة من الميزانية للبحث العلمى انعكست بالسلب على أمناء المعامل؟ أليس أمناء المعامل مشرفى نشاط مثل مشرفى حجرة الحاسب الآلى، ومشرفى الوسائل والذين يحصلون على حافز إثابة ٥٠٪ من الأجر الأساسى؟ ■ هناك علامة استفهام كبيرة؟ وسؤال يحتاج إلى إجابة!! إن مشرف النشاط الصناعى أو الزراعى هو موظف حاصل على دبلوم صنايع أو دبلوم زراعة ويقوم بالإشراف على حجرة الكمبيوتر، أو حجرة التطوير، أو حجرة الحاسب الآلى أياً كان المسمى، ويحصل على حافز قيمته ٤٠ جنيهاً «أربعون جنيهاً» بالإضافة إلى ٥٠٪ من الأجر الأساسى تضاف إلى راتبه.. ومشرف النشاط الصناعى الذى يقوم بالإشراف على الوسائل يحصل على ما نسبته ٥٠٪ حافز إثابة من الأجر الأساسى تضاف إلى راتبه؟ ومشرف المكتبة يحصل على ٥٠٪ حافزاً، غير أمين المكتبة الذى يحصل على الكادر.. لماذا إذن بالقياس على ذلك لا يحصل أمين المعمل على ما نسبته ٥٠٪ حافز إثابة من الأجر الأساسى أسوة بزملائه من الموظفين الحاصلين على الدبلوم الفنى؟ إنه سؤال كبير يحتاج إلى إجابة بسيطة إحقاقاً للعدل، وتفعيلاً لمبدأ المساواة والمواطنة؟ عبدالمعطى الشوربجى |
الكلام منقول من جريدة المصري اليوم في عدد 30/3/2009
|
متوقعين رد؟
لا حياة لمن ينادي أنت في مصر بلد المعجزات |
اكيد مفيش حد هيرد الوزير اكيد مش فاضي للكلام ده كان الله في عونه
|
ياريت نسمع جديد في الامر ويكون خير
|
تعليم فاشل وزير فاشل كل حاجة بيظة وبتقول حبوا مصر حرام عليكم
|
ياوزير اجب على هذا السؤال
مشرف او مدرس او وكيل معه جدول وحصص ويقوم بالتدريس اليس من حقه كادر المعلم ؟ هذا حال مشرفى المكتبات يدرسون ومحرومون من الكادر اين العدل ياوزير 0000000 يادولة 00000000000 |
يا ريت نجد اجابة من سيادة الوزير
ان كان لديه نوايا طيبة لاصلاح شىء فى العملية التعليمية . من حقنا نسأل ومن حقنا أيضا ان يجيب . |
والله ياأخوان أنا زميلي أخصائي شئون طلبة بيصرق كادر وشئون طلبة من وظائف الخدمات وأنا أخصائي خدمات أعدادي ولم أصرف حتي حافز أثابة لانه كان مدرس بس غير المسمي وبقى أخصائي شئون طلبة بالأدرة التعليمية ياريت حد يجاوب عليا
|
اقتباس:
انا عن نفسى اعرف امين معمل كان بيقابلنى وانا لسه رايحه المدرسه مروح بيتهم يادوب يروح يمضى وكتر خيره على كده حجره التحضير بتاعته اللى كان يدخلها يحس انها مهجوره لانه نفسه مابيدخلهاش وكان عاطى لمدرس العلوم مفتاحها علشان ياخد اللى هو عايزه ومدرس العلوم هو اللى كان بيعمل شغله لدرجه انه راح للمدرسه اللى جمبنا علشان يستعير هو الادوات ياترى دا امين معمل يستحق حتى مرتبه وبصراحه فيه نماذج كتير للاسف زى دا دا طبعا مش معناه ان مفيش امناء معامل محترمه وشغاله بالعكس ان شفت نماذج بتراعى ضميرها فى شغلها فعلا لكن للاسف الاغلب زى النموذج اللى حكيت عنه وطبعا اغلب الناس عارفه على الطبيعه اللى بيحصل فى المدارس حتى وان اتفرجوا وسكتوا بمعنى تانى اللى اقصده ان السيئه بتعم والحسنه بتخص |
اقتباس:
لكن هناك امناء معامل يمكثون طوال اليوم داخل المدرسة لا يخرجون وعلي كل حال حضرتك نورتي قسمنا الجديد ونتمني منكي المزيد من المشاركات |
وحياتكم الوزير بتعنا فى غيبوبه تامه عن الحق وبينفذ وبس
|
وحيات ربنا المدرس بيدخل المدرسة وبيقول للطلبه ايه اللى بيجبكم المدرسة خلاص معتشى غياب والوزير بيقول الكل هيدخل الامتحان وناجح 100 % يعنى مفيش فصل للطلبة ونتقابل فى حجرة الدرس اللى انا ماجرها بعد التاسعة صباحا علشان تستفيدوا ونستفيد ويامعالى مدير المدرسة عندى مشوار عن اذنك طبعا اذنك معاك طالما الايد فى الجيب طبعا انت فاهم
وبياخد الكادر 100 % والادارى عمال يعمل فى استمارات مرتب وكادر وقيام بالعمل واوراق غياب وسجلات معرفشى ايه وربنا على كل ظالم 000وحسبنا الله ونعم الوكيل0 |
على فكرة ممكن المدرسة تمشى من غير امناء معامل خاصة المدارس الصغيرةلكن لايمكن ان مدرسة فيها فصل واحد
تمشى من غير مدرسين وانظروا للدول المتقدمة لايوجد فبها امناء معامل لكن هيا ارزاق وخلاص ولو مش مصدقنى خد اجازةشهر وسيب المفاتيح للعامل يطلع الحاجات للمدرس او المدرس يطلعها لنفسه ذى زمان وهتمشى العملية التعليمية واسأل اليابان عندها كم امين معمل ؟ مفيش حد يفهمنى خطأ هناك فرق بين الدوافع الانسانية والاساليب الحديثة لتطوير التعليم وياريت محدش يفهم خطأ |
كله بيخبط في كله
احنا مش عاوزين نخبط في بعض وخلاص ده يقول امين المعمل ملوش لازمه وده يقول المدرس مالوش لازمه الكل ايد واحه والكل له لازمه وفيه شعار بيقول ( ايدك في ادنا نعلم ونطور اولادنا ) بمعني احنا كلنا لنا لازمه واهم شي الاداره المدرسيه وظبط الحضور والانصراف مع مراعاة الحالات الانسانيه لكل شخص في العمل احنا اصبحنا في عام 2010 وكل عام وانتم طيبين ودي مدارس تعليميه بس يا خساره الحال تدهور بينا واصبحت الحكومه النهارده بتعمل تفرقه بين الفئات وبعضها ده يا خد كادر وده ما يخدش كادر وده اصبح عنده دمير وده ما عندوش دمير والعمليه التعليميه باظت والمدرس شغال في الدروس اكتر من الاول علشان طبعا انفلونزا الخنازير بصراحه والله انا بقه عندي احباط من البلد دي انا اداري مرتبي لايتعدي 400 جنيه عاوز حد يفهمني اعيش بيهم اذاي عندي اربعه اولاد وكلهم في المدارس وعاوزين كلهم يا خدو دروس اعمل ايه ومصاريف وهم يامه اعمل ايه اعمل ايه لابد من وقفه ضد الوزير الظالم ايا ان كان مين فيهم وزير الماليه والا التربية والتعليم ومصاريف |
| جميع الأوقات بتوقيت GMT +2. الساعة الآن 08:09 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.