حق الطالب في الذهاب الي دورة المياه
 

السلام عليكم



بنشوف المؤتمرات الكبيرة و الندوات عن اصلاح التعليم و تطوير التعليم و استخدام التقنيات الحديثة و التكنولوجيا


بس الحقيقة في حق للطالب محروم منه و هو حقه في الذهاب الي دورة المياه


ده قانون غير مكتوب بس هو قانون معروف ضمنا كدة للطلاب



الطالب عشان قاعد محبوس في الفصل رغما عنه فهو بيسلك سلوك السجين ، فهو ممكن يكدب و يطلب من المدرس الذهاب الي دورة المياه عشان بس يخرج يشم شوية هوا نقي برة الفصل و عشان يحرك رجليه اللي تعبوا من كتر القعدة



و طبعا المدرس عشان عارف ان لو سكت علي الحجة دي حيلاقي الطلبة كلهم برة الفصل و هو قاعد لوحده


فطبعا المدرس بيرفض خروج حد الي دورة المياه الا للظروف القصوي



طيب و يا تري نقدر نحل المشكلة دي ازاي ، مفيش حد حيقدر يقدر حاجة الطالب دي و هل هو كاذب ام صادق


لكن اظن اذا اعطينا للطالب حقه في حضور او عدم حضور الحصص


قانون نسة الحضور مخالف للشرع و لحقوق الانسان



سيكف عن سلوك السجناء و الكذب و لن يكون هناك مبرر لأن يبحث الطالب عن حجة للخروج

انا شايف ان نظام التعليم وتقسيم المواد على الايام فاشل اصلااااااااااااااااا

ما هي قضاء الحاجة دي مفروض ملهاش زمن محدد


المشكلة مش في القانون ، القانون لسة موصلش لمرحلة انه يمنع الطالب من قضاء الحاجة


المشكلة في سلوك السجين اللي بقي عند الطلاب انه يكدب و يلاقي اي حجة عشان يخرج من الفصل


فبيضطر المدرس ان ينظر شظرا لكل من تسول له نفسه ان يطلب الخروج للحمام و ينظر اليه نظرات فاحصة عشان يعرف هو صادق ولا كاذب


فبيضطر الطالب المسكين انه لا يطلب هذا الطلب الا للضرورة القصوي



اما في وقت الفسحة الحمامات زحمة جدا ، كام الف طالب مفروض يدخلوا الحمام في نفس الوقت



عشان كدة بقول ان مفيش قانون حيحل المشكلة دي


غير ان يبقي الطالب غير مكره علي حضور الحصة ، ساعتها مفيش مبرر ابدا للكدب عشان يخرج

اما الوزارة بتمنع الطلاب بس باسلوب اخر ، هو عدم نظافة الحمامات


الحكومة بتتعبر ان التعيين كموظف قطاع عام دي منحة للحاصلين علي التعليم الجامعي و ده عشان حسن سيرهم و سلوكهم و انهم بينفذوا اوامر الحكومة طول عمرهم


لكن مش بتفكر تعين عمال نظافة و مشرفات يراعوا الاطفال


الحمامات مش نضيفة عشان عدد عمال النظافة قليل جدا بالنسبة لعدد الطلاب

ربنا يبعت للطلاب حد ينجيهم من العذاب ده و يصلح التعليم علي يديه

طيب دي حاجة كويسة انهم مش بيروحوا مدرسة و بيعتمدوا علي الدروس الخصوصية


بس اتمني ان يكون القانون نفسه بيسمح بكدة ، ساعتها ممكن الطالب يدخل مدرسة حكومية احسن ، و يوفر فلوس المدارس الخاصة ، و ميحضرش و يعتمد علي الدروس