|
مصر و الجزائر و إسطوانة التعصب المستمرة
السلام عليكم ورحمة الله وبركاته طبعاً الموضوع باين من عنوانه العرب بشكل عام بقوا فى قمة التفاهه و الهيافة و خصوصاً الشباب فى وسط مشاكل فلسطين و الأقصى و إنفلونزا الخنازير و الناس اللى مش لاقية تاكل و لا لاقية بيت يلمهم و إحنا همنا فى الكورة و يا ريت جت على الكورة و بس إحنا بقينا بنفكر إزاى نضايق الفريق التانى و مجاش فى بالنا إن الفريقين عرب مسلمين إزاى توصل الكراهية بينا و التعصب لدرجة السب بالدين و حرق الأعلام !!! يمكن لغاية دلوقتى العداوة بدأت من الأخوة الجزائريين بس أنا متوقعة إن الماتش هيبقى مدبحة بين الفريقين و الجمهورين و طبعاً فى ناس كتير مصريين حالياً مستحلفين لو شافوا واحد جزائرى حتى لو ملهوش فى الكورة هيدبحوه :p يا جماعة اللى عايزة أقوله إن لو هما غلطوا فينا فلازم نبين إن مصر شعبها محترم و إذا هما ماحترموش إسمنا ولا راعوا العروبة ولا الدين اللى جامع بينا و بينهم فلازم إحنا نحترم ده مش هقول علشان نبان إننا أحسن منهم بس .. لكن علشان ربنا كمان .. شىء مؤسف جداً إننا نخرس ديننا و نفسد علاقة بلدين ببعض علشان خاطر ماتش كورة دا اسمه التخلف بعينه :slap1qk6: مش هنقول غير ربنا يهدى الجميع .. و يا ريت الناس اللى هتروح الإستاد تشجع يا ريت بلاش سيكولوجية الكتاكيت اللى بتحصل فى المواقف دى .. يا ريت نشجع بإحترام و بأدب علشان إحنا محترمين و مؤدبين و لفرض إن الإساءة لمصر إستمرت فلازم نتبع المقولة اللى بتقول دع العصافير تصوصو و القافلة تسير :romarioxp6: هما يمكن بأفعالهم دى بيشغلونا عن الماتش علشان نهتم بالشتايم بدل تشجيع منتخبنا أكيد كل همهم هو إستفزازنا فبلاش نديهم الفرصة دى و نرد عليهم بطريقة محترمة و هى إننا نرمى كل ده ورانا و نشجع بإحترام و يا ريت اللى حصل ده يخلينا نشجع فريقنا بقوة أكبر بدل ما نفكر فى إختراع أغانى و ألحان كلها شتايم و تهزيق للإخوة الجزائريين أرجو فعلاً إننا نراجع حسابتنا فى الموضوع ده و نبين للكل إننا شعب محترم و ماننزلش بالمستوى اللى هما نزلوا بيه و سواء إحنا كسبنا أو هما كسبوا فا ده شىء مايزعلش إحنا فى النهاية عرب مسلمين و لو الكورة هى اللى هتضيع و هتفسد علاقتنا ببعض يبقى نقول على الدنيا يا رحمن يا رحيم أتمنى إن الموضوع ده يغير شىء من الإنتقام اللى ممكن يحصل يوم الماتش |
المشكلة ان الموضوع فى مصر كان ماشى بشكل طبيعى
لكن الشعب الجزائرى ضرب مثال ولا اروع من الهايفة والتفاهة اقل ما يقال عنها انها قلة ادب وكانت اخر التفاهات اللى قام بيها الجزائريين حرق العلم المصرى وكانه علم اسرائيل فى حين ان شوبير فى الجزائر بيحاول يلطف الاجزاء كان الرد الجزائرى عليه هو حرق العلم المصرى امنية من كل مصرى عنده كرامة يقطع رجل اى جزائرى يشوفه فى الاستاد مش عايزين نروح كاس العالم ولا بتاع بس ندفنهم فى مصر شعب معندوش اصل صحيح وناكر للجميل ولولانا كان زمانهم لسه عبيد للفرانسيين حاجة تقرف |
اقتباس:
نفس رد أخويا عليا .. هنوريهم قلة أدب المصريين بس هو ده اللى هما عايزينه .. إستفزازنا طب ليه بقى إحنا مانعملش بأصلنا و نحترمهم للآخر و يكون ردنا عليهم إننا نشجع بإحترام و نكسب الماتش بكرامة هتتحسب لينا قدام العالم كله .. كرامتنا مش هترجع لما نضرب و نشتم و نقل ادبنا عليهم لكن لو رجعت بفوز و تشجيع محترم مننا الكل هيحترمنا و هيبان قدام الكل مين الكويس و مين الوحش |
كلامك صح وجميل لازم نبين لهم اننا محترمين
بس اعتقد ان الموضوع ده مكانه الركن الرياضي مش العام |
اقتباس:
المشكلة مابقتش رياضية دى بقت أخلاقية علشان كده نزلت الموضوع فى العام علشان نتناقش و أشوف ردود أفعال الناس |
بس الموضوع ريياض ويتعلق باخلاق الرياضة
واعتقد ان انتي بتنادي دايما بوضع الموضوعات في مكانها الصحيح وياما مواضيع اخلاقية كانت في العام واتشالت واتنقلت لاقسام تانية |
اقتباس:
لو كان حد غيرى عمل الموضوع هنا فى العام ماكنتش هنقله بس مش بحب حد يفتكر إنى علشان مشرفة القسم إحط مواضيعى و أنقل مواضيع غيرى كل هدفى إن الناس تقرا الموضوع مش مهم موجود فى العام ولا فى الرياضى تم نقل الموضوع القسم الرياضى علشان اريح الكل و أريح دماغى :d ويا ريت نركز فى مضمون الموضوع |
اقتباس:
يعني دا مش رأيي لوحدي يغور كاس العالم بس المليون شهيد هايزيدوا الفريق + الاحتياطي + سعدان و هناخد الجمهور أسري :d |
يعنى المفروض انهم يضربوا و يشتموا و احنا نقول نبقى ذوق و نرحب بيهم !!
بعدين سؤال يا اسيل : مين اللى قال اصلاً ان احنا شعب محترم ديه الشتايم ديه عند ناس كتير هزار ( و طبعاً ديه حاجة غلط ) و اكيد بتشوفى فى كتير من النقاشات بين الناس بيكون فيه كلام مش محترم و كان الكلام ده عادى !!!! :o يعنى عايزة نكذب على الناس و نقولهم ان احنا محترمين ده حتة اسمه كدب :angry2: انا من الاساس ضد الشتايم و قلة الادب بس فى الماتش سيبى الشباب يتصرفوا :049gc0: عشان ده اللى بيعملوا معانا لما بنروح عندهم الجزائر و لا ميكونش دول هما كمان قطر اللى اعدوا يشتموا فينا ساعة الحرب على غزة و هما عندهم قاعدة امريكية !:romarioxp6: انا شكلى خرجت عن الموضوع :( يلا سلام |
اقتباس:
سيبك من الناس اللى بيتكلموا بالشتايم مش كل الناس كده دول فئة منها طالما انتى واثقة إنك محترمة يبقى لازم توصلى لغيرك إنك محترمة و ده مش هيحصل إلا لما تتصرفى تصرف محترم و بما إن المشكلة بين بلدين يبقى لما تكونى محترمة هيتقال مصر بلد أهلها محترمين و دى تفرق كتير أوى |
اعتقد إنه الموضوع فعلاً مكانه في الرياضي أفضل مع احترامي للجميع - من الطرفين - بس الهايف حيفضل هايف مهما قولناله ومهما عدناله حيفضل مخه في الهيافة برده واللى عايز يموت واحد عشان كورة برده هايف يمكن هما غلطوا فينا على ارضهم بس معتقدش الرد بمثله حيكون الحل المناسب للرد عليهم متنسوش إنه مصر معروفة بالضيافة والكرم وأنا ومن منبري هذا :d أرفض تشويه هذه الصورة لو بايدي انا كنت لغيت المطش ده نهائي لأنه كده فقد طمعه وروحه الرياضية والتنافسية في رأيي ده بقى اكتر من حرب لانه مش بيشارك فيها الجيش بس ده بيشارك فيها الشعب كله !!! |
اقتباس:
و على فكرة انا ضد قلة الادب فى اى حاجة و لما بشوف حد بيتكلم بقلة ادب و لا بيشتم و انا معرفوش حتة مش بيبقى عاجبنى الموقف بس فى الماتشات الجماهير بتشتم و تضرب و تشجع و ده فى كل مكان فى العالم مش مصر بس فموضوع الشتايم ده حاجة ترجع لتقدرهم يمكن يحترموا نفسهم و يشجعوا بس :028ja7:( مع انى معتقدش كدة ) و فى الاخر كل ده بيرجع لظروف الماتش |
اقتباس:
نظرية برضة اه كنت عايزة اسالك هما مش فى ماتش هنا فى القاهرة خرموا عين دكتور مصرى مع العلم ان احنا معملنش لحد فيهم اعاقة تلغى الماتش ايه يا باشمهندس انت عايز كل المشجعين يتقلبوا ضدك و لا يفتكروك الدخيل المدسوس بين الجماهير المصرية :bosyht9: |
من الاخر هما الجزائريين مش بيحبون و احنا مش بنحب اللى بيكرهونا ! فبنرد اللى هما بيعملوه فينا
|
اقتباس:
خلي الماتش زي ما هو وخلي الحريقة زي ما هي وعشان واحد ضربوه وفقعوله عينة يبقى نبهدل الشعب كله على فعلة شخص وإن شالله حتى الفريقين يولعو في بعض بالنار انا كده كده مش رايح ومش خسران حاجة وخلي اسرائيل تتفرج علينا وتتمسخر على اللى كانو عاملين نفسهم حبايب ايام الثورة وايام حرب اكتوبر اقتباس:
(ادفع بالتى هى احسن فاذا الذى بينك وبينه عداوة كأنه ولى حميم ) ده بغض النظر عن الآيات اللى بتدعو لمقابلة السيئة بالحسنة اعتقد كده مبقتش نظرية ! |
| جميع الأوقات بتوقيت GMT +2. الساعة الآن 11:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.