بوابة الثانوية العامة المصرية - مين هنا اداب جغرافيا

بوابة الثانوية العامة المصرية (https://www.thanwya.com/vb/index.php)

- كلية الأداب (https://www.thanwya.com/vb/forumdisplay.php?f=163)

- - مين هنا اداب جغرافيا (https://www.thanwya.com/vb/showthread.php?t=466260)

مين هنا اداب جغرافيا

مين : اداب جغرافيا جامعة القاهرة

انا كاتبة اداب جغرافيا رغبة اولى
فى اداب اسكندرية
بس للأسف النتيجة مظهرتش لسة والتقديم منعرفش امتى
ولا حتى الدراسة بدأت
البهاوات فى الكلية عاملين اضراب شامل

زينا برضو كان فى اضراب ومكنش فى حد بيخش اصلا الجامعة عشان الموظفين قفلوا الباب الرئيسى وكل ابواب الجامعة

وانا كمان يا نور كاتب جغرافيا رغبة اولى
فى جامعة اسكندرية

هو ممكن دلوقتي التحويل لاداب جغرفيا ولا التحويل اتقفل خلاص ؟؟
جامعه القاهره مش اسكندريه

اقتباس:

المشاركة الأصلية كتبت بواسطة mariam allam (المشاركة 4861771)

هو ممكن دلوقتي التحويل لاداب جغرفيا ولا التحويل اتقفل خلاص ؟؟
جامعه القاهره مش اسكندريه

التحويل مفتوح لقسم الجغرافيا ... هتروحى لمكتب الشئون من المبنى من جوة وتقولى عاوزة مدام عزة .... عشان هى للاسف الكل فى الكل هناك ومسيطرة .....وبعد كدة هتعملى طلب ورقى وهتحولى على طول ... بس مدام عزة دة رخمة شوية ..فلو قالتلك انتى طالبة مهملة قولى اه عشان تخلصى معاها ... اصل انا يوم ما روحت عشان اعرف انا فى قسم اية . كانت بتقلى انتا طالب مهمل ..وعيد الطابور تانى ..اعيد الطابور تانى ..تقلى انتا طالب مهمل عيد تانى ...لما اتخنقت منها ... ومش عارف اية الاهمال فى كدة ... واحد عايز يعرف هو فى قسم اية ...

اه منا للاسف اتعاملت معاها :(
بس اصل انا جالي يوناني والصراحه خايفه منه جدا وحابه احول جغرفيا بس قلقانه منه بردو
طب انت عرفت حاجه عن القسم يعني نظام الدراسه صعب ولا سهل وكله حفظ ولا في عملي و يوم السبت دا ان شاء الله لما اروح هيكون ف تحويل ولا قفل خلاص ؟ ولو حولت هياخد وقت وهستنا نتيجه بقى وكدا ولا على طول لاني مش عايزه اضيع محاضرات

اقتباس:

المشاركة الأصلية كتبت بواسطة mariam allam (المشاركة 4862882)

بصى يا مريم ... انا اتكلمت مع ناس فى سنة رابعة .. وطمنونى جدا من الجغرافيا وقسم سهل وجميل وفية علمى ونظرى .. وبننزل تدريب فى سنة اولى لاى شركة نختارها .. وندرب على المساحة ... والى طمنى اكتر واكتر ..انى مستقبلها روعة ... ومطلوب جدا المجال دة ..لان المساحة بتدخل فى كل حاجة .. فممكن نشتغل فى مساحات البترول و مساحات المبانى .. وحجات اكتر واكتر .... وانا بنصحك بجد لو انتى محتارة انك تدخلى القسم دة ... ولو عايزة تعرفى اى حاجة انا موجود هنا (مشرف القسم )

طب لو نزلت يوم السبت هينفع احول ولا ايه معلش ؟؟؟
وهو بمقابله شخصيه ؟ وليه شروط ولا لأ ؟

اقتباس:

المشاركة الأصلية كتبت بواسطة mariam allam (المشاركة 4863050)

طب لو نزلت يوم السبت هينفع احول ولا ايه معلش ؟؟؟
وهو بمقابله شخصيه ؟ وليه شروط ولا لأ ؟

هو حاليا التحويل اتقفل .... بس اعتقد تقدرى تحولى عشان قسم جغرافيا لسة مكتفاش من الاعداد ... وهو من غير اى شروط ومن غير اى مقابلة .... اهم حاجة تروحى لمدام عزة بكل احترام ووقار وانهيار وحزن ..هههههههه .... عشان ترضى تكلف خاطرها وتحولك ... اصل دة انسانة مش طبيعية ابدا :stickjo4::stickjo4:

ماشي :d :d
شكرا انا هروح بكره ان شاء الله ويارب الاقي ينفع احول :)

اقتباس:

المشاركة الأصلية كتبت بواسطة mariam allam (المشاركة 4863129)

ماشي :d :d
شكرا انا هروح بكره ان شاء الله ويارب الاقي ينفع احول :)

على فكرة اول محاضرة يوم الاحد ... فحولى تخلصى الموضوع بكرة ..عشان هنبدا الدراسة الفعلية .. والمحاضارت من اول يوم الاحد الجاى

اقتباس:

المشاركة الأصلية كتبت بواسطة mariam allam (المشاركة 4863129)

ماشي :d :d
شكرا انا هروح بكره ان شاء الله ويارب الاقي ينفع احول :)

ماشي ان شاء الله
هو التحويل يعني ممكن ياخد اكتر من يوم ؟