السلام عليكم ورمة الله وبركاته
موضوع شامل عن
Modern Academy in Maadi (MAM), الأكاديمية الحديثة في المعادي, Egypt. Welcome to Modern Academy in Maadi (MAM) with Career Opportunities, Vacancies and News, version: 2009-08-16,271462691Modern Academy in Maadi (MAM)


http://modern-academy-maadi.com/Desi...eader-up-2.jpg
اولا:
شروط القبول بالاكاديمية
ده شروط الناس اللى لسة داخلة اول سنة جامعة :
http://img8.imageshack.us/img8/7201/87003200.jpg


ده شروط الناس اللى عايزة تحول من جامعة اخرى :
http://img36.imageshack.us/img36/4207/24769121.jpg

ثانيا:
اخر معاد للاكاديمية
مودرن نزلت مرحلة ثالثة يعنى لسة مقفلتش
رابعا:
طريقة التقديم

كل اللى عليك انك تروح مودرن المعادى ... (عند صقر قريش لو مش عارف المكان)
و تقولوهم انك عايز تعمل application و تملاها بقى و كده ...
و تكون واخد معاك شهادة ثانوية عامة و و يستحسن تاخد الفايل بتاع ثانوية عامة كله ببعضه كده عشان يعملولك فايل باسمك فى الاكاديمية
خد صور كتير خد حوالى 24 مثلاً !!!_لو عايزتدخل نظام ال U D C الجامعة اللى هي تبع امريكا باين ولو مش عايز خد 12 بس _ خد فايل الصور اللى طلعتهم كلهم معاك !!
و يكون معاك فلوس عشان ال application ب 100 جنيه
اما بالنسبة للفلوس دى بقى
مودرن هندسة ب 9015ج من غير كتب وبالكتب يعملو 10.5
اول ترم بتدفع 4.5 والترم التانى الباقى (من غير كتب)

خامسا:
متطلبات الكليه بالنسبه لاحتياجات طلاب اعدادى

اولا الادوات المطلوبه للدراسه ؟

عند الذهاب لشراء الكتب من الاكاديميه الخاصه بسنه اولى اعدادى سوف تجد انه يتاح لك شراء الادوات مع الكتب فيمكنك شراء الادوات كامله مع الكتب وسوف يكون بها كل ما تحتاجه من ادوات دراسيه طول العام

من ادوات خاصه بالرسم الهندسى وادوات خاصه بالدراسه

ثانيا سوف تحتاج ان تقوم بشراء عدد 2 بالطوا واحد ازرق والتانى ابيض الازرق هيكون للورش والابيض هيكون للمعامل زى معمل الكيميا والفيزيا ودول تقدر تشتريهم من داخل الاكاديميه البالطواا الازرق تشتريه من الورش من تحت

اما البالطوا الابيض تشتريه من المعامل

ثالثا هتحتاج انك تشترى خوذه واقيه لحضور معامل الورش ودى تقدر تشتريها فى الورش تحت وانت بتشترى البالطوا الازرق

ده بالنسبه للدوات
_______________________________________
اما بالنسبه للكتب فالكتب بتنزل وانت بتروج تشتريها سواء فى اول يوم دراسه او لو انت عايز ممكن تشتريها قبل بدايه الدراسه (( حاجه ترجعلك)) بس كدا دا بالنسبه للكتب
_______________________________________
اما بالنسبه للمواصلات

فدى بتختلف اختلاف كلى على حسب منطقه سكنك
يعنى مثلا فيه منى باص رقمه 75 ده بيعدى على المناطق التاليه وبيوصلك لحد باب الجامعه

بيعدى على ((كوبرى القبه- العتبه -السيده زينب- القلعه- المقطم-العباسيه)) وفيه

اتوبيس تانى اسمه 952 وبرضوا بيوصلك لحد باب الجامعه

وده بيعدى على المناطق دى (( المنيل- محطه مترو زهراء دار السلام)) وفيه برضوا

منى باص 67
وده بيعدى على رمسيس

وغيرها فيه مواصلات كتير انت بس فى اول يوم هتعرفها على طول لو سئلت على حسب منطقتك

وغير كدا فيه اشتراكات باصات الكليه ودى بتاخدك من منطقتك لحد باب الكليه ورسومها حوالى 600 جنيه فى التيرم
_________________________________________________

نصايح عن تجارب شخصيه تاخد بالك منها فى اول يوم دراسه

حاول انك مش تكون محرج ومكسوف اول يوم دراسه او منطوى وواخد جنب وحاول انك تكون على طبيعتك فى اليوم دا بالذات ومتخليش نفسك تبقى خايفه من عدم التأقلم

حاول انك تتعامل ببساطه مع زمايلك وانك تحاول تكتسب صداقات جديده

عشان تكون الدراسه كويسه وتكونوا اصدقاء مع بعض بتشجعوا بعض على المذاكره وتقضوا وقتكوا مع بعض

وحاول بقى اهم حاجه انك تركز فى المحاضرات او على الاقل يا سيدى تحضرها وتكتب ورا الدكتور لان دى بيكون عليها اعمال سنه

بتكون هى غالبا العامل المساعد التانى للنجاح بعد اختبار الفينل

بس كدا http://www.thanwya.com/vb/images/smi...8599857250.gifhttp://www.thanwya.com/vb/images/smi...8599857250.gif
ده كل اللى ممكن اقولهلكوا وان شاء الله كل الطلبه بالتوفيق