هو فى طب فى امتحانات تيرم واجازة ولا كلو على بعضه اخر السنه ؟

في ترم و اجازة و كل حاجة بس امتحان نص السنة بيبقى صغير اختياري بس و بناخد اجازة اسبوعين عادي

بعد كدة نرجع للترم التاني بس في اخر السنة بنمتحن ع الترمين

جزاكم الله خيرا على الذوق الرفيع في الرد دي حاجة احنا متعودين عليها من حضرتك:wub::wub::wub::wub::wub::wub::wub::wub::wub: :wub:

ربنا يوفق الدكتورة و يكرمها بالامتياز كل سنة يا رب و كل طالب مجتهد في الكلية اللهم امين

طيب انا كنت عربى مش لغات وخايفه من موضوع ان الدراسه مره واحد هتكون انجليزى و فاعمل ايه

ما كلنا كنا عربي

و الغالبية العظمى من الاوائل و المعيدين كانوا عربي بلاش قلق من الموضوع دة

بس بالله عليك بلاش يبقى الموضوع دة ذريعة لعدم المذاكرة اول باول او ان حضرتك تستني لما تاخدي ع اللغة غلط اللي حضرتك تاخديه تذاكريه مهما تعبتي حتى لو قعدتي في الصفحة قد ايه

بس بلاش حضرتك تفوتي حاجة ولا في اول السنة ولا في اخر السنة

الناجح دايما ما بيقفش عند العقبات اللغة مش واخد عليها زيي زي زمايلي ارجع البيت اتوكل على الله افضل اذاكرها و كلما بذلت مجهود و فتحت دماغي مشكلة اللغة هتتحل بسرعة اكتر ان شاء الله

شكرا جزيلا على رد حضرتك

طيب معلش سوال تانى حضرتك ممكن تكلمنى عن المشرحه وهل من اول يومين هنشوف جثث

بصراحة انا مش عارف لان في المنصورة مش عندنا جثث جارات بس

بس الجثث مش مشكلة خالص يعني

مش عارف الجامعات اللي فيها جثث بتبدا توريها للطلبة امتى بس عموما السكاشن مابتبداش في الكليات كلها الا بعد اسبوعين اقصد كليات الطب طبعا

هههههههههههههههههههههههههههههههههههه لا متخافيش عندنا في عين شمس في جثث وكل حاجه بس مش من اول يوم الاناتومي او التشريح هو اول سيكشن بيبدؤا ياخدوه وبتدخلوا المشرحه وكل حاجه والجثث زي الفل انا كنت معتقده ان هلاقي اغماءات بقي وكده لقيت العيال بيتصوروا مع الجثث
الطب متعه بس محتاج طوله بال ربنا يوفقكم

شكرا على الرد ربنا يطمنكو انا الحمد لله جالى قاهره

عن طب عين شمس ساتحدث
السنه عندنا علي بعضها بمعني نظام الامتحانات كالاتي
عقب شهر ونص من الدراسه تبدا الكويزات امتحان ب10 درجات لماده او 5 درجات لاخري يعني بتلقطوا رزقكوا من الدرجات علي المنوال ده يعني غالبا من بعد الشهر ونص كل اسبوع هتلاقي كويز ده الترم الاول في وقت الناس ما هتمتحن امتحانات الترم الاول وتخلص :022yb4:حضرتك يا طالب طب عين شمس هيبقي عندك امتحان mid year هيبقي اختيارات بس مش 10 و5 درجات هيكون 30 درجه للمادتين الكبار و 15 درجه للمادتين الصغيرتين
خلصت الترم الاول بس طبعا اللي امتحنت عليه ام سي كيو ده مكمل معاك ليسه يعني هتاخد اسبوعين اجازه :022yb4: اه من النزول للكليه ولكن المنهج ده مكمل معاك هتمتحن عليه تاني ام سي كيو //ااختيارات // وessay نظري كده الترم الاول خلص ومجموع الدرجات اللي امتحنت عليها 100 درجه بس من اصل 800
الترم التاني عليه 700 درجه نظام الكويزات شغال 10 درجات و 5 عادي +الابحاث اللي هتتطلب منك بحث لكل ماده ب5 درجات بحث جماعي وبتقوله قدام الدكتور والطلبه علي الداتا شو
وبتمتحن بقي امتحان ميد ترم + امتحان اخر سنه + عملي + شفوي
بص انت الترم التاني غالبا هتقعد تمتحن فيه :022yb4: فمش تزهق خليك فرحان من امتحان لامتحان اسد كده
اي استفسار عن طب عين شمس انا في الخدمه
د/ الاء الفرقه الاولي طب عين شمس خلاص داخله الفرقه التانيه :022yb4: بس النتيجه مظهرتش دعواتكم بقي

طب القاهره يختلف عن طب عين شمس في امتحان ال essay بتكون من الترم الاول بس برده كويزات كتير ومتخافوش عموما طلبه السنه اللي قبلكم احنا يعني :022yb4: مش بنسيبكم خالص بنجمعلكم تسجيلات وحاجات ونصايح زي ما اتعمل معانا :022yb4:
مبروك الطب
الضحيه الجديده تخش برجلها اليمين:022yb4:

شكرااااااااااااااااااااااااااااااااااا

انا جايب 403.5 من الشرقيه وجالى طب بنها

امتى التحويلات هتشتغل

وهل ينفع احول للقاهره او عين شمس
مع العلم اننا عندنا بيت فالعاشر وهى تبع التوزيع الجغرافى لعين شمس

وهل النقل دا هيكون الكترونى ولا تحويل من كليه لكليه

وازاى وامتى اقدم فالكليه اللى جاتلى فالترشيحات

[QUOTE=lolododo2010;5410343]طب القاهره يختلف عن طب عين شمس في امتحان ال essay بتكون من الترم الاول بس برده كويزات كتير ومتخافوش عموما طلبه السنه اللي قبلكم احنا يعني :022yb4: مش بنسيبكم خالص بنجمعلكم تسجيلات وحاجات ونصايح زي ما اتعمل معانا :022yb4:
مبروك الطب
الضحيه الجديده تخش برجلها اليمين:022yb4:[/
ميرسى على ردك وان شاء الله تفرحى بالنتيجه وبلاش والنبى جو الضحايا ةالاعتقالات