انتبهو ايها المعلمون للخديعه
 

السيناريو المتفق عليه في الوزاره وهو

اطلاق اشاعه ان المعلم لا يستحق الحد الادني لانه ياخذ الكادر
وتكون النتيجه كالاتي _وهي انتظار رد فعل المعلمين_
_الاسراع من المدرسين بالدعوه الي الغاء الكادر وهو المطلوب والمنتظر
_او ان يكون المعلمون رجاله حقيقين وينتفضوا وفي هذه الحاله سيخرج مسئول من الوزاره بنفي الخبر كالعاده
_او ان المعلمين _وهذا ماسيحدث_ لن يحركوا ساكنا ولن ياخذو كدر ولا حد ادني للاجور

والاهم اننا قانونا نجمع بين الكادر واي زياده تطبق علي العاملين بالدوله
وهذا الخبر الذي اشيع هو خرق لهذا القانون

وتسرى عليهم العلاوة السنوية المقررة،وكل زيادة في الأجور تمنح للعاملين بالجهاز الإداري بالدولة

انتفضوا ايها المعلمون حتي لا يتجرا احد علي الاستهزاء بنا

انتفضوا ايها المعلمون حتي لا يتجرا احد علي النيل من كرامتنا

انتفضوا ايها المعلمون حتي يعلم الجميع اننا موجودون

انتفضوا ايها المعلمون والا اسكتوا الي الابد وارقدوا في القبور

كلام صح 100%

ياجماعة الوزير بتاعنا نايم فى العسل بيقول ان اقل معلم بالكادر بياخد اكتر من الحدالادنى
انا معلم لغة عربية ياسيادة الوزير
خبرة 7 سنوات
اتقاضى بالكادر 500 جنية

علي فكرة انا مدرسة رياضيات بالعقد بس بجد بعض المدرسين طماعين جدا بالامس كثرت المطالب من المعلمين بالغاء الكادر وتطبيق الحد الادني و اليوم عندما تسربت الاخبار بانة سيتم الغاء الكادر و تطبيق الحد الادني كثرت المطالب بالاثنين معا
نحن في الاول و الآخر ننادي بعدالة اجتماعية بين جميع فئات المجتمع
يعني مثلا لما طبقو الكادر علينا نجد الاداري هو اللي بيحررلنا الكادر و هو اللي بيصرفة وهو اساسا مالوش فية و اللة انا كنت غير مسرورة بهذا و انا بقبض الكادر
كنا في الاول مرتب المتعاقدين ذوي المؤهل العالي متساوي و عندما اتي الكادر المشئوم اصبحنا نأخذ اكثر من اخصائي التغذية المتعاقدين ب50 %
و عشان تعرفو ان قانون الكادر فاشل تم صرف لهم في الاول 25 % ثم بعد ذلك 50% فكان المجموع 75 % اي انهم اصبحم يتقاضو مرتب اعلي مننا
و المفروض ان يتم الغاء الكادر للمدرسين و الحوافز للاداريين و تطبيق الحد الادني حتي يكون هناك عدالة اجتماعية و منعا للحقد بين الموظفين داخل المؤسسة

لن نسكت على حقوقنا

نطالب بالمساوه بمعلمى الخليج
نطالب بالمساوه بمعلمى الخليج
نطالب بالمساوه بمعلمى الخليج
نطالب بالمساوه بمعلمى الخليج

ان اسوء اجور يتقاضاها موظف في العالم كله هو المعلم المصري الامر الذي حط من شانه في كل الدول

انظروا الي احوال المعلمين المصريين في الدول العربيه ذل واهانه
يبدوا ان هذا مخططا لتدمير هذه الفئه والحط من شانها

اما طمع بعض المعلمين فهو نتيجه تراكميه لما فعلته الدوله بالمعلم من اهدار لكافه حقوقه وتهميشه

كلنا نامل ان نحيا حياه كريمه لافرق بين احد متعاقد ام غيره اداري ام غيره

ان المعلم والطبيب كلاهما لا يعطيان اذا لم يكرما

دعوه لاقالة الطيبالذى لم ولن يحرك ساكنا

تاملات
عارفين المصيبة الاكبر اللى مش واخدين بالنا ليها
ان الحكومة دي بالرغم من ان اللى فيها يعتبروا كويسين الى حد ما الا انها فاقده المصداقية نهائيا ومفيش عند اى مواطن ثقة فيها
المفروض تنتبه لكده ويخلوا بالهم مش علشان خاطر انها مؤقته هتتجمل علينا لا همه بيشتغلوا مقابل اجر لازم يتقنوا عملهم يا اما يسيبوه لغيرهم .
ثبت ان الحقوق في مصر متتاخدش الا بالدراع فيه وقفات فيه احتجاجات فيه تلويح باضرابات يبقى هتاخد حقك مفيش يبقى روح نام
اموت واعرف شيخ الازهر فين من الاحداث دي كان نفسي الحكومة دي تكون مسيحيين علشان يتدخل
السبات اللى فيه الازهر طول ومسخ وبقى زفت ليه بس انا عندي احساس ان شيخ الازهر محضر لينا مفاجات مش معقول غير كده.
كل يوم نسمع بتثبيتات في التربية والتعليم والازهر ولا حس ولا خبر هو فيه ايه يا دكتور طيب ريحنا ربنا يخليك
رضينا رغم مناخيرنا ان الازهر يكون ديل للتربية والتعليم طيب هو ديل مش اصيل ليه اهمه ثبتوا وحطوا حد ادنى احنا بتوع الازهر لاتثبيت ولا ميني مم
لطفك يارب يا مثبت العقل والدين

صرح الدكتور سمير رضوان، وزير المالية، بأنه لا صحة على الإطلاق لما نشر حول عدم استفادة المدرسين من الحد الأدنى للأجور، المدرج بمشروع الموازنة العامة للدولة باعتبارهم من أصحاب الكوادر الخاصة.

أكد الوزير في بيان صدر منذ قليل، أن الحد الأدنى للأجور المدرج بالموازنة سيتم تطبيقه على المدرسين وجميع العاملين بالدولة، الذين يقل إجمالي ما يتقاضونه عن 700 جنيه سواء كانوا كادرات خاصة أو كادرا عاما، مشددا على حرص وزارة المالية على استفادة جميع العاملين بالدولة من الحد الأدنى للأجور المدرج فى الموازنة بعد إقراره.

أعلن الدكتور أحمد جمـال الدين موسـى وزير التربية والتعليـم أن المعلمين سيدخلون ضمن مشروع الدولة لإعادة هيكلة الأجور ، ووضع حد أدنى له.
و أكد الدكتور أحمد جمـال الدين موسـى أنه أجرى ظهر اليوم اتصالا هاتفيا بالدكتور سمير رضوان وزير المالية ، والذى أكد له أن المعلمين سيكونون أحد الفئات التى ينطبق عليها الحد الأدنى للأجور


http://http://services.moe.gov.eg/

نفى الدكتور سمير رضوان وزير المالية صحة ما نشر بشأن عدم استفادة المدرسين من الحد الأدنى للأجور المدرج بمشروع الموازنة العامة للدولة باعتبارهم من أصحاب الكوادر الخاصة.وأكد الوزير أن الحد الأدنى للأجور المدرج بالموازنة سيتم تطبيقه على المدرسين وجميع العاملين بالدولة الذين يقل إجمالي ما يتقاضونه عن 700 جنيه سواء كانوا كادرات خاصة أو كادر عام مشددا على حرص وزارة المالية على استفادة جميع العاملين بالدولة من الحد الأدنى للأجور المدرج بالموازنة بعد إقراره.

http://http://www.egynews.net/wps/portal/news?params=127064

وعلي بوابه الاهرام
http://http://gate.ahram.org.eg/