انا الانتر فيو بتاعى يوم الثلاثاء ومش عارفه اعمل اى؟؟؟
 

الاسئله حسب الدكتور اللي هيسألك يعني مفيش حاجه معينه وانا امتحنت يوم الاربعاء اللي فات والامتحان كان كويس اوي اوي بس هيسألك تعرفي نفسك بالانجلش وكام سؤال عن المعلومات العامه بس مش اكتر وان شاء الله خير وابقي طمنيني

يا سلام عليكي يا مريم بقيتي استاذه اهه
ربنا معاكوا

لا فهمونى برضو انا كده مش عرفت هتسأل ف اى
حد يقولى اى اللى اتسأل ف عشان اجمع معلومات
بليز
الانتر فيو بكره

موني غالباً هتتسألي عن عواصم بعض البلاد والعملات
وعن شوية اماكن سياحية
ومعلومات عامة زي وزراء ورؤساء وحاجات من دي ( احياناً محافظين لو الدكتور رخم شوية )
وفي سؤال ممكن يسألهولك وهو لو معاكي فوج هتوديه فين
ولو قالك في كايرو يبقى بتقوليلوا الاماكن اللي في كايرو بس وده بيكون سؤال بيعرف منه انتي عارفة الاماكن ولا لا
---
وطبعا تقديم نفسك بالانجلش :)

؟؟
 

طيب بالنسبه لموضوع العملات والعواصم ده بالعربى ولا الانجليزى ... وممكن حد يكتبلى اعرف نفسى ازاى عشان انا بجد مش عارفه حاجه خالص لو سمحتم بسرعه انا امتحانى بكره

العواصم والعملات غالباً بتبقى بالعربي :)

وده التعريف بالنفس

my name is Mahmoud, i am 19 years old
i'm from egypt, i live in Cairo the capital
my hobbies are a lot , i am crazy about drawing and surfing in net and i like english songs and making new friends
i have 1 brother and 1 sister
I am a quiet person
I love life
I do not disagree on a lot of people
This is me no less, no more
my logo in life
be or not to be

ميرسى
 

ميرسى على الرد تريكا انا روحت خلاص امبارح وامتحنت والحمد الله الامتحان كان تافه جدا متسالتش اى حاجه غير عرفى نفسك ووالدك بيشتغل ايه ووالدتك وعدد اخواتك وليه عاوزه تخشى قسم دراسات سياحيه يعنى كل الانت كتبته قلته شكرااا جدااا ... ادعيلى بقى ادخل انا دبلوم فندقى نظام 5 سنوات وجايبه 88%

بس سؤال اخير معلش هو انا اعرف نتيجه القدرات منين؟؟ وبعد اد ايه ؟؟

ان شاء الله هتدخولي يا ميرا ما تقلقيش :)
والنتيجة بتنزل في الكلية بعد يومين او 3 كده :)
يعني تابعي معاهم على التليفون في الكلية وخيييييييييييييييير يا قمر :)

ولو في اي حاجة تاني انا معاكي اسألي براحتك :)

ميرسى تريكا ربنا يخليك ويسمع من بوقك ربنا
اول ما اعرف النتيجه هبقى اقولك ميرسى جداااا :d

اشطة ومستني البيبسي بقى p:

نجحتتتتت
 

نجحت الحمد الله ميرسى تريكا على مساعدتك اوووووى
ها الكانز وصلت ولا :d

مبروووووووووووووووووووووووووووك يا ميراااااااا
بس الكانز مش وصلت وانا عطشان اوي بقى d: