بوابة الثانوية العامة المصرية - ازاى تبقى شخص فاشل فى 10 خطوات ؟؟

ازاى تبقى شخص فاشل فى 10 خطوات ؟؟

https://modo3.com/thumbs/fit630x300/...8%AA%D9%8A.jpg

1- استنى الحاجة تيجي لحد عندك او تحصلك معجزه ( زمن المعجزات خلص ) مفيش حاجة هتيجي طول مانت مش بتسعى ليه

2- افضل دايما لوم الزمن و الظروف عشان معرفتش تحقق طموحاتك ( ما انت مش هتحققها وانت فى مكانك )

3- ابعد عن القرأه و متفكرش تقرا اى حاجه مفيده

4- خليك شايف نفسك كامل واحسن حد فى الدنيا و مش محتاج تتعلم حاجه (انا اصلا برنس).

5- متحطش لنفسك هدف .. كل واشرب ونام واقعد على الفيس ومتعملش اى حاجه مفيدة

6- فكر فى الناس الناجحه على انهم كانوا ناس خارقين و ان كل ظروفهم كانت مساعداهم على النجاح .

7- خليك مستنى ان هيجى شخص يغيرلك حياتك ( ده فى الافلام بس )

8- دايما أجل الحاجات اللى المفروض تعملها و ضيع وقتك

9- افضل مستنى ان الدنيا حواليك ميبقاش فيها مشاكل عشان تبدأ تحقق حلمك ( ده فى الجنة ان شا الله )

10- متذاكرش المادة غير قبل الامتحان على طول .. مع انك كنت فاضى و مش لاقى حاجه تعملها

ولو عندك مشروع متسلموش غير قبل الوقت ب كام ساعة بس ( Egyptian style )

متضايقش لو لقيت نفسك بتعمل حاجة من دول .. لسه عندك وقت .. اى حاجة من دول بتعملها اعمل عكسها و ان شاء الله هتكون ناجح