فيه بنت محترمة تدخل المنتدي بعد الساعة 12 بالليل؟
 

السلام عليكم ورحمة الله وبركاته

صحـــــــــــيح قولولي؟؟

فيه بنت محترمة تدخل المنتدي بعد الساعة 12 بليل ؟؟؟

لالا أوعو تنصدموا ده رأي نــــــــــاس كتير بصراحه يا جماعة انا كتبت الموضوع ده لاني شفت انه موضوع يستحق النقااش بجد لــــيه القسوة دي ؟ ليه الحكم المطلق علي ان اي بنت تدخل في وقت متأخر تبقي بنت مش محترمة ومش كويسة ؟؟؟؟؟

الجملة دي مقتبسة من رأي احد الشباب واللي أكيد بيتفق معاه كتير الموضوع وما فيه ان فيه بنت محتـــــــــــــــــــــرمة عضوة في منتدي محتـــــــــــــــــــرم دخلت في وقت متأخر المنتدي فأحد الاعضاء بعتهلها رسالة خاصة وده نص الحوار

الولد/ السلام عليكم ورحمة الله وبركاته ممكن نتعرف يا جميــــــل ؟؟

البنت / كبرت ومردتشي علي رسالته

الولد / ليه بس تقيل علينا يا قمر طيب حتي عبرنا

والـــــــــــــــــــــــــــــــــــــــــــــــ ـــــــــــخ ...... من الرسايل اللي ملهاش لزمة .... والمتواصلة

البنت / اتخنقت وملت من الرسايل بعتت رسالة للأخ وقالتله

وعليكم السلام ورحمة الله وبركاته أنا متأسفة جدا بس انا مش بنت للتعارف وده منتدي محترم مش بتاع تعارف وغيره ويا ريت لو حضرتك هتبعت رسايل يكون موضوع مهم وخاااااااااااااااااااااص بالمنتدي غير كده بلاش تبعت

رد الولـــــــــــــــــــــــــــــــــــد عليها بكل سخافة /

ههههههههههههههههههههه انتو كده يا بنات الواحدة فيكو تحب تبان خضرا الشريفة المحترمة لكن بعد كده هع هع هع قوليلي والنبي

بقا فيه بنت محترمة تدخل ع النت بعد نص الليل ؟؟

ده حقيقي بجد دي نظرة الشاب للبنت اللي تدخل في وقت متأخر ع النت مش عارفة بصراحة ساعات بقول يمكن يكون معاه حق من اللي بنسمعه اليومين دول وبنشوفه !! وألوم البنت وأقول اللي يخليها تحط نفسها في موضوع شبهات بس أرجع واقول ليــــــــــه التعميم؟؟ ليه مش تبقي كل حالة بحالتها؟؟ ليه السيئة تعم ؟؟ليه بنصدق اي حاجة فيها ادانة لاي حد بكل سهووووووولة ؟؟؟ ليه بنستمتع لما نسمع مصايب وفضايح غيرناااااا ليه بجد قولولي ؟؟

ايوه طبعا هو كل الي بيقلق بليل يبقى مش محترم وبعدين يعني هي كانت طلعت لوحدها بره في وقت متأخر بس انا بصراحة مش بحبذ الرسائل الخاصة

لا و النبى !... يعنى اللى تخش بليل متأخر تبقى كفرت و تبقى مش محترمة .. ليه هى داخلة المنتدى مش لابسة كويس !! حاجة تضحك و الله .. و لا المنتدى ده فى اول الشارع ولا ايه ..

بصي يا مها
دة بيختلف حسب اخلاق البنت نفسها و تربيتها و علاقتها بربنا
لكن انا شايفة ان مفيهاش حاجة لما تقعد بعد الساعة 12 بالليل على النت ما اهي قاعدة في بيتها و ما بتعملش حاجة غلط
موضوع يستحق المناقشة فعلا

انا معاك بس بكل اسف ده مش رأي ناس كتير مش بس شباب لا وبنات كمان

شكرا ع مرورك

لا والله !!!

ازاي يعني ايه يعني لما البنت تقعد ع النت بعد الساعة 12 دي حاجة غريبة والله

يعني عايزها تعمل ايه يعني

وبعدين اما واحد يبعت لوحداة رسالة باليل كده ايه هي الرسايل بتتعبت بالليل بس يعني مخصصة في الوقت ده ؟؟

ومحسسني ان انها قاعدة في الشارع صحيح مهي قاعدة في بيتها ومش بتعمل حاجة غلط يعني

معاك في كلامك بس هتقولي ايه بقاااااا لعقليات مش كويسة فاكرة ان كل الناس زيها

لا حول ولا قوة الا بالله هو عارف هي بتعمل ايه ؟؟؟؟؟؟؟؟ من رأي ان دي حجة خايبة
علي كدا لو علي كلاموه مش هندخل علي النت لان في مواقع زي التنسيق مثلا لازم بالليل عشان ما يكونش زاحمة دا علي سبيل المثال
مشكورة علي الطرح

بعض الشخصيات اللي اتناقشت معاها في الموضوع ده قالي بليل بتبقي فرصة الغلط أكبر بما ان تقريبا الرقابة بتبقي معدومة قلتله ده يرجع لأخلاق البنت بقااااا قالي رد غريب أوووووي كل شخصية وليه داخلة ايه بجد رأيكو فيه كده هل ده حقيقي ؟؟ ولا كلام شباب

مفيهاش حاجة لانها مش بتعمل حاجة غلط

ههههههه لا تعليق

ايه فرق من اربعه العصر و اربعه الفجر

البنت الى تغلط فيه عصر هى الى حتغلط فى الفجر

انما الى محافظه على نفسها مش حتفرق معها اى وقت

ههههه موضوع يضحك اصلا و يوضح مدى العقليه اعظيمه للشباب