بوابة الثانوية العامة المصرية - ما الفرق بين مواد العلمى العلوم والعلمى رياضة

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - ما الفرق بين مواد العلمى العلوم والعلمى رياضة (https://www.thanwya.com/vb/showthread.php?t=342583)

!! Dark Man !!

18-07-2011 05:37 PM

ما الفرق بين مواد العلمى العلوم والعلمى رياضة

يا جماعة هو ايه بالضبط مواد العلمى االعلوم ومواد العلمى رياضة عشان متخلبط جدا

العلمى علوم العربى والرياضة والانجليزى والاحياء والكيمياء والفلسفة والفيزياء مثلا

العلمى رياضة العربى والرياضة والانجليزى والاحصاء والاقتصاد والكلام ده

فاتمنى ان حد يقول عليهم ويبقى ليه جزيل الشكر

karimadel7

18-07-2011 05:50 PM

الاتنين بياخدوا نفس المواد لكن رياضة يخدوا رياضة 2 و علوم يخدوا احياء

انما بياخدوا كلهم عربي و انجليزي و كيمياء و لغة تانية و مادة ادبية و فيزياء و رياضة 1

snsnn

23-08-2011 10:10 PM

ممكن اعرف ايه هى مواد علمى رياضه كلها لو سمحتو

tweetaya

24-08-2011 05:38 AM

اقتباس:

المشاركة الأصلية كتبت بواسطة snsnn (المشاركة 3884997)

ممكن اعرف ايه هى مواد علمى رياضه كلها لو سمحتو

فى تانية بتاخد عربى وانجليش واللغة الاجنبية التانية(الالمانى او فرنساوى على حسب مانت مختار فى اولى)
وكيمياء ورياضة 1

فى تالتة بتاخد عربى وانجليش وفيزيا ومادة ادبية(علم نفس او اقتصاد او فلسفة)ورياضة 2

ايه سيد

24-08-2011 10:39 AM

ايه ده ..انا مبحبش المواد الادبيه

snsnn

24-08-2011 12:24 PM

شكرآ tweetaya بس هى ايه رياضه 1 ورياضه 2

منه الله(منمن)

25-08-2011 06:23 AM

بص انا هفهمك بما انك عاوز عن الرياضه بس
طبعا انت عارف ان فيه مواد مشتركه سواء للعلمى او الادبى زى العربى والانجليزى والماده التانيع )المانى -فرنساوى -ايطالى ودول ف 2 بس
نيجى بقى للرياضه رياضه واحد ورياضه 2 دى موسميات بس
يعنى رياضه واحد كل ال ف 2 بياخدوها بس علمى وادبى بياخدوها
ورياضه 2 ال بيتخصص علمى رياضه بس هى بقى متفرعها بس معرفهمش لانى لسه ماختهاش
وبتاخد فيزيا وده للعلوم والرياضه

هقولك الفرق بين العلمى والادبى ف تانيه انه بدل الكميا تاريخ غير كده زينا زيهم ولما بنخش تالته تقدر تقول ان كل واحد بيتخصص بقى ف تخصصه بس كده اى استفسار قولى

tweetaya

26-08-2011 03:47 AM

اقتباس:

المشاركة الأصلية كتبت بواسطة snsnn (المشاركة 3887449)

شكرآ tweetaya بس هى ايه رياضه 1 ورياضه 2

رياضة واحد سواء علمى او ادبى بياخدها (فى سنة تانية طبعا)وهى عبارة عن جبر وتفاضل وحساب مثلثات

ورياضة اتنين دى بتاخدها فى حالة انك داخل علمى رياضة (بتاخدها فى سنة تالتة يعنى)
ودى عبارة عن 3 فروع كل فرع جواه فرعين بمعنى:
اول فرع:ديناميكا واستاتيكا
تانى فرع:جبر وهندسة فراغية
تالت فرع:تفاضل وتكامل

اما الفرق بين علمى علوم ورياضة
فى علمى رياضة بتدرس اللى قلته فوق (رياضة اتنين)
لكن علمى علوم بتدرس بدلها احياء

عمر omar

06-11-2013 11:48 AM

اقتباس:

المشاركة الأصلية كتبت بواسطة karimadel7 (المشاركة 3700573)

صحيح انتي صح

yaso98

17-04-2016 02:01 PM

يعني مواد علمي علوم ..
احياء وكيمياء وفيزياء وجولوجيا وعربي ولغه تانيه وانجليزي واحصاء بس ؟؟

93mahmoud

20-04-2016 12:05 AM

اقتباس:

المشاركة الأصلية كتبت بواسطة yaso98 (المشاركة 6414591)

يعني مواد علمي علوم ..
احياء وكيمياء وفيزياء وجولوجيا وعربي ولغه تانيه وانجليزي واحصاء بس ؟؟

تمام بس الاحصاء مع الاقتصاد مش بيضافوا على المجموع زي الدين والتربية الوطنية

UAE17

13-08-2016 08:18 AM

ايه الفرق بين مواد علمي علوم و مواد علمي رياضة
مع العلم ان انا في الإمارات و قدامي اختيارين اني اختار فيزيا او جيولوجيا تنصحوني اختار ايه مع اني في الحفظ الحمدلله كويس و الفهم بواجه فيه صعوبات و عقبات بالله عليكم انصحوني وقولولي لو سبت الفيزيا ايه اللي هايحصلي و لو سبت جيولوجيا ايه اللي هايحصلي و و ايه الكليات المتاحة لو سبت فيزيا و ايه الكليات المتاحة لو سبت جيولوجيا و هل كلية الألسون فرنساوي لازم اكون واخد فرنساوي قبل كدا مع العلم اني مادرستش فرنساوي خالص و لا حتى كلمة واحدة ،،،،،،،،،،،،،،،،،،، انصحوني بالله عليكم:(:078111rg3::078111rg3::av4056bb7jp3:

جميع الأوقات بتوقيت GMT +2. الساعة الآن 12:05 AM.