بوابة الثانوية العامة المصرية - مشكلة أرجو منكم مساعدتي في حلها بالنصيحة

السلام عليكم ورحمة الله وبركاته
بصوا ياجماعة
أنا إشتغلت بالأجر من سنة 2006 ولما جه العقد اتشال اسمي من الاسماء بسبب اني ملتحي بس مش بطريق شرعي بل بحذف النسبة المؤية من الملف الخاصة بمجموع نتيجة المؤهل بتاعي فحذف اسمي تلقائياً عند عمل مقارنة مع غيري بسبب نقص الملف
قعدت حوالي سنة كاملة بدون عمل بسبب ذلك
وفي الاخر عرفت من رئيس قسم التطوير عندنا انها مش موجودة بالملف مع اني كنت على رأس العمل ولم يطلبها مني وقال لي مش انت سيبت الشغل وقلت الشغل في الحكومة حرام والمرتب حرام
وقال مدير المدرسة قالي كده
وأنا مبرأهمش الاتنين من ذلك
عملت تظلم وربنا كرمني واتعقدت في 2010 بعد زمايلي بفترة كبيرة
ومن هذا التاريخ الى الان يقوم قسم التطوير بإهانتي بكل الوسائل
رئيس القسم مكنش عايزني بسبب اني ملتحي لذلك أظن ولا أتاكد من ذلك إنه بيوصي عليه في كل مدرسة ناس تعملي مشاكل بدون سبب
وهو نفسه شتمني أكتر من مرة قالي انت بلط وبتعمل عمايل نسوان وقالي انت مش شغال وهنقل في آخر المدارس ودائماً بيزعقلي
وفوق ده بيسلط عليه الموجهين بتوع التطوير يكون المعمل اللي جنبي مش شغال ويسبوه ويركزوا عليه ويطلعوا فيه القطط الفاطسة
وآخر توجيه قبل امتحان الكادر شهر ابريل بتاع صيانة الدش قالي المعمل وسخ وكان نظيف والله وقال ايه كوب الشاي ده قلت له انتم في التطوير عندكم 2 طربيزة شاي فقالي احنا ناس نظيفة يعني انا وسخ
والمتابعة والتقارير كلها سلبيبات
وانا وأشهد الله على ذلك بجتهد على ان احلل راتبي وبعمل كل اللي بقدر عليه
في شهر 11 السنة الماضية جتلي تعليمات اشغل معمل الشبكات اللي انا مسئول عنه كمعمل وسائط 2
عملت كل حاجة لكن المعمل به 20 كرسي والفصل حوالي 68 طالب فالطلاب بيتزمروا والمدرسين بيزعلوا وبيرضوش يدخولوا
يعني 4 أو أقل في اليوم اللي بيرضوا
وبحاول ادرب الطلاب في الفصل على الكمبيوتر وبعدين انزلهم على العملي لكن اعترضوا على ذلك وقالوا انت مش مدرس كمبيوتر
وياجماعة كل ده خالني زهقت وقدمت طلب تغيير مسمى وظيفي لمدرس حاسب آلي
ولكن مديرة القسم ببنها رفضت فقدمت تظلم فبدوره سلطتهم عليه زيادة على ما هم عليه
انهارده الاثنين 15 /10 /2012 جهم وبهدلوني
ياريت تعرفوني اعمل ايه
وجزاكم الله خيراً مقدماً