فنون جميلى والكورس والقدرات .. ساعدونى
 

ياجماعة بليز الله يخليكو حد يرد على اسئلتى دى حاسة ان حلمى هيضيع
انا دبى وجايبة 87% فى 2 وحلمى بجد ادخل فنون جميلة المشكلة دلوقتى انى لسة مبدأتش اى كورس
.. وبالنسبة لمواعيد القدرات بالحروف الابجدية انا مش فااهمه حاجة منة ابدا
يعنى دى مواعيد سحب الاستمارة ولا الامتحانات ؟؟؟
وحد كان قالى ان لو رحت اسحب استمارة دلوقتى هيتحدد معاد الامتحان ليا فلازم اروح وانا واخدة الكورس ...
انا بجد مش فاهمه اى حاجة ومش عارفة اعمل ايه حاسة انى تايهه وخايفة الكلية تصيع عليا :(
لو حد فاهم حاجة يفهمنى ويقولى اعمل اية بالظبط واوروح فين انا من قليوب فى القليوبية
ولو حد يعرف كورس لسة هيبدأ يقولى الله يخليكم
... وبالنسبة لفنون تطبيقية علشان صحابى قولولى يعملوا ايه بالتفصيل علشان هم بردوا مش عارفين حاجة ...

انا من القاهره و مقدرش افيديك بمكان اي كورس في قليوب لكن في القاهره في ناس بتدي في مراكز دروس وكده . بالنسبه لمواعيد الحروف الابجديه دي عشان سحب الاستماره من جامعه القاهره و بعد مابتسحبي الاستماره بتروحي علي كليه فنون جميله و تقدمي في الامتحان و مش شرط تروحي في نفس معاد الي هو مديهولك ده يعني انتي مثلا اسمك بيبتدي بحرف ال ي و رحتي ن ورحتي تسحبي استماره في يوم بتاع ا ب ت ث مش هايقولك لا و هايقدملك في الامتحان و بعد ماتقدمي هايحددلك معاد الامتحان و ممكن تطلبي تاجيل الامتحان عشان تاخدي فرصه عشان كده لازم تاخدي كورسات . بالنسبه لفنون تطبيقيه هايعملوا نفس الحكايه بتاعت سحب الاستماره بس هايروحوا لكليه فنون تطبيقيه و يقدموا في الامتحان و خلي بالك ان فنون تطبيقيه لشعبه علمي فقط

يعني انا ممكن اسحب الاستمارة في اي يوم
وامتحن في اليوم المحدد لي حسب الترتيب الابجدي ؟؟
طب والمفروض اكون موجودة الساعه كام
وهو لازم اخد كورس ولا ممكن اعد الاختبار من غير ما اخد كورس

المواعيد اتاجلت
انتى ومستواكى

حسب اليوم المحدد للاسم الاول من الطالب تخفيفا من الازدحام سحب الاستمارات وأداء الامتحان في نفس اليوم أو اليوم الذي يلية والاختبارات تبدا في الكلية بداية من التاسعه صباحا حتي الثانية ظهرا ويتحدد وقت معين لاداء الاختبار بصورة جماعية




Mr.MedhatSalah - علي الياهو -

انا متشكرة جدا جدا ... ما انا عارفة ان صعب الاقى كورسات كويسة فى قليوب فهاخدها فى القاهرة ان شاء الله
.. انا المفروض ان شاء الله هروح اسحب الاستمارة دى يوم السبت ... المفروض اول ما اسحبها اروح بيها على كلية فنون الجميلة فى الزمالك وولا استنى لما اخد كورسات ؟؟
... وبالنسبة لفنون تطبيقية هم صحابى اة علمى
... وانا بجد متشكرة جدا .. ومعلش عالاسئلة الكتير :)

وانا اسفة سؤال كمان .... بالنسبة للفلوس اللى المفروض هدفعها يوم السبت وانا بسحب الاستمارة .. وكمان اخد معايا اية ؟؟؟

ادخلى موضوعى فيه كل حاجه ان شاء الله

مش حعرف اكتبها تانى كلها هنا

http://www.thanwya.com/vb/showthread.php?t=530954

متشكرة اوي بجد تسلموا تعبتكم معايا :)