متردد بين اسنان و الهندسة
 

السلام عليكم و رحمة الله و بركاته
طبعا انا عارف ان العنوان ممكن ميكونش مناسب
بس انا عايز رايكم في كل من اسنان و هندسة
من ناحية
1- سهولة الحصول علي وظيفة و و مدي الطلب عليها؟(في الخارج)
2- سهولة الدراسة و طريقتها؟
3- مستوي المرتبات؟
4- مستقبلها الوظيفي؟
انا ميال لهندسة (كانت كلية احلامي و ما كنتش شايف اي كلية غيرها) ولكن بعد ما سمعت اراء الناس لقيت ان الاسنان مستقبلها مضمون اكثر من هندسة و مرتباتها احسن وفكرت اني اختار اسنان لكن حاسس اني صعب اني اتخلي عن هندسة وفي نفس الوقت خايف ان حبي للناحية المادية ممكن يعميني و يدخلني تخصص لا اعرف عنه الكثير ممكن يؤدي الي ندمي:(
مما تسبب في ارتباكي و عدم راحتي
و هل اختار علي حسب حبي لتخصص معين؟
ام اختار علي حسب الناحية المادية؟

مع العلم اني في الاسكندرية هل ينفع احول لهندسة القاهرة حيث ان بها تخصصات جميلة بعد ماخذ اعدادي هندسة من اسكندرية

ادخل الكلية اللى حاببها

محدش يعرف كمان 5 سنين ايه اللى هيحصل و ايه اللى ليه شغل و ايه لأ

دا حتى لو هتتخرج السنة دى الله اعلم مستقبلك هيكون عامل ازاى سواء هنا أو هنا

أى كلية فيها اللى بيشتغلوا بمرتبات خيالية و فيها اللى بيشتغلوا بمرتيات معقولة و فيها اللى قاعدين فى البيت مش لاقيين شغل
و الكلام دا فى نفس الدفعة , تخيل بقى لما تتكلم على بعد سنييييين

خليك فى الكلية اللى عايزها و حاول تتفوق و تتميز فيها

اختار اللى انت هتقدر تدرس فية
لانك لو داخل هندسة وانت حاببها حتى ولو فيها صعوبة هتبقى على قلبك زى العسل
لكن لو دخلت كلية انت مش حاببها ممكن تمل منها بسرعة وتحس انك محبط فيها
انا من راى ادخل الكلية اللى انت مايل ليها اكتر ومن حيث الشغل الاتنين شغالين ماشاء الله
عمرك سمعت عن دكتور او مهندس عاطل معتقدش لانها سواء طب او اسنان او هندسة كلها كليات قمة
وغير كدة الارزاق بيد الله انت اعمل اللى عليك وسيب الباقى على ربنا .
وربنا يوفقق