مساعده فى الحسابات و المعلومات
 

لو سمح المشرف المحترم بصراحه انا متابع المواضيع و شايف انك قمه فى الاشراف ... وممتاز فى الاجابات على الاعضاء و موضوعى محتاج فى حل سريع
حضرتك انا ثانويه عامه حصلى ظروف فى سنه 3 نزلت مجموعى 65% علمى رياضه ونفسى ادخل حاجه تبع الكمبيوتر و البرمجه و الحاجات دى
اتأخرت فى التقديم السنه دى و جامعه سينا الخاصه قلولى ممكن تقدم فى الترم التانى و تاخد الترم الاول فى الصيف عادى ....
يا ترى الحل ده كويس و ياريت الحل الاكيد منك محتاج جامعه خاصه تقبلنى حسابات و معلومات ياريت اشوف رد مفيد و جميل منك زى ما بشوف ردود جميله كدا منك فى المواضيع التانيه

ليه المشاهدات اكتر من الردود ياريت كل واحد يقول اللي شايفه صح

ربنا يخليك على الكلمتين الحلوين دول دا بس من زوقك وانتو تستاهلوا كل خير والله :)

كل سنة وانت طيب وعقبال السنة الجاية تكون فى سنة 2 ان شاء الله ^_^


ممكن تستنى للسنة الجاية بس برده مش ليك غير الجامعات الخاصة لأن مجموعك مش هيجيب معاهد علوم حاسب "حاسبات ومعلومات" وفى الحالة دي هتكون خسرت سنة من عمرك ,, انا لو مكانك اقدم فى سينا بسرعة بس الاهم تكون معتمدة وبتقبل من علمي رياضة بس وفى الصيف اموت نفسي واعدي من المواد وعلى فكرة المواد مش صعبة اوي يعني انت لو ذاكرات وشديت شوية هتعدي فيهم وخلي علاقاتك حلوة مع الدكاترة والمعيدين واضحك معاهم بس مش تأفور عشان مش يرخموا عليك المهم مش تتنشن معاهم عشان مش ينقصوك فى الدرجات وتنجح وتعدي ان شاء الله :)


دلوقتي قدم وكمل فى الجامعة ومعلش استحمل وفى الصيف هتنجح ما تقلقش المهم علاقاتك مع المعيدين والدكاترة عشان تلاقي اللى يشرحلك واللى تسأله واللى يديك درجات وينجحك :) ربنا يوفقك وعيد سعيد ^_^

قدامك حل تاني انك تقدم فى معهد نظم معلومات ادارية بس دا مشكلته انه مش حاسبات ومعلومات بس برده داخل فى المجال يعني الشهادة غير بس المجال متشابه وممكن تشتغل فى مجال حاسبات ومعلومات من خلاله

اولاً الف شكر يا هندسه على الرد الجميل ده بس انا بقول كدا لآن انا بشوفك بتفيد ناس كتير و ربنا يوفقك فى فعل الخير ...

انا بقا مش بتكلم على حكومى بتكلم على خاص.... و عملت الموضوع عشان لو حضرتك تعرف اى مكان خاص كويس تقلى عليه اروح اقدم فيه و حكايت الترم التانى دى مضمونه حلو ولا لاء .... و على فكرى يا هندسه انا اتشليت بصراحه انا اعرف ناس صحابى فى هندسه جايبين 66% و 61 % و دخلوا هندسه ازاى معرفش فنا بسأل عشان كدا دخلوا خاص بالمجموع ده معرفش ازاى ..... و الف شكر كمان مره على اهتمامك .... و ياريت لو تعرف اى جامعه كويسه فى القاهره بدل سينا عشان بعيده عليا يبقى تمام ... هيا سينا قابله المجموع عادى بس انا قصدى لما اخد فيها سنه او ترم احول القاهره اقرب ليا ...
اسف على تعبك معايا يا هندسه

دول دخلوا بواسطة او دفعوا الفيزيتا :D

دا لينك فيه مجاميع كل الكليات والمعاهد تقدر تشوف مجموعك هيقبل فين بس المشكلة انك مش هتقبل علوم حاسب لأن المجموع ضعيف

http://www.tansik.egypt.gov.eg/appli...LimitE2013.htm

يا هندسه انا مستعد ادفع الفيزيتا انا كمان بس فين ههههههه

ههههههههههه اسأل صحابك بقا

لالا انا بسأل الهندسه بتعنا

زي ما قولتلك ادفع الفيزيتا او واسطة :) روح شئون الطلبة فى المكان اللى عاوز تروحله واغمزهم كدا وشوف النظام ايه :)

هندسه و بقول الفيزيتا ههههههههههه

ههههههههه الله معاك :)

و معك يا هندسه بس ايه حوار الفيزيتا معاك ههههه عملتها ولا لسه

لا الحمد لله طول عمري قانوني ودوغري :d

كمان دوغرى ده انت عديت على كدا