|
جامعة أكتوبر للعلوم الحديثة و الآداب msa
بسم الله الرحمن الرحيم أولا :- لقد قمت بعمل هذا الموضوع لما رأيته من تهميش واضح من قبل أعضاء المنتدى لهذه الجامعة المحترمة دراسيا و علميا , فجامعة اكتوبر للعلوم الحديثة و الآداب من أفضل الجامعات الخاصة في مصر و أقدمها فأنشئت عام 1996 أي من أكثر من 15 عام , و هي تحت أشراف و إدارة الدكتورة نوال الدجوي .ـــــــــــــــــــــــــــــــــــــ ثانيا :- جامعة MSA جامعة معترف بها من قبل المجلس الأعلى للجامعات المصرية و من وزارة التعليم العالي , و تم اعتمادها و التصديق عليها من قبل الجامعات البريطانية , بتوفير شهادتين بكالوريوس معتدمين احداهما مصرية و الأخرى معتمدة من بريطانيا , و التي تتيج لك فرصة استكمال دراستك في بريطانيا او في اي دولة أوروبيه , و هما شهادتين من جامعة جرينتش او ميدلسكيس البريطانية , حيث تم أنشاء مجلس أكاديمي من هاتين الجامعتين حتى تتحققا من جودة العملية التعليمية و تحقيق معايير الجودة و الكفاءة بما يلائم الجامعات البريطانية و قد كان . ثالثا :-تتبع الجامعة سياسة التبادل التعليمي بينها و بين الجامعات البريطانية من حيث تبادل للطلاب او تبادل لأساتذة الجامعات , مما يتيح لها فرصة التمييز الدراسي و المنهجي و التعليمي , و كذالك فرصة الطلاب في تلقي خبرات و مستجدات جديدة في تعليمهم . رابعا :- أولى الجامعات التي أستحدثت قسم التكنولوجيا الحيوية و هو من الأقسام النادرة في مصر , و كذالك توفير معامل و مستشفى خاص لطلاب القسم الطبي من صيدلة و طب أسنان أي توفير التدريب العملي و الكلينيكلي الخاص بها , كما توفر مركز بالبحوث الرائدة في المجال العملي الخاص بكليات القطاع الطبي و كلية التكنولوجيا الحيوية و معتمدة من قبل وزارة الصحة التي تعتبرها الأولى بين الجامعات الخاصة في مصر . خامسا :- الكليات التي تم التصديق عليها من قبل جامعة ميدلسكيس هي: كلية العلوم الإدارية كلية الإعلام كلية علوم الحاسب الآلي الكليات التي تم التصديق عليها من قبل جامعة غرينيتش هي: كلية الهندسة كلية الصيدلة كلية التكنولوجيا الحيوية سادسا :-مستقبل العمل و الفرص في ايجاد فرص عمل فوفقا للجهاز المركزي للتعبئة العامة والإحصاء، جامعة MSA تعد الأولى بين الجامعات من حيث أعلى معدل العمالة بنسبة 95٪. حيث توفر الجامعة مجالا واسعا للتفاعل بين الطلاب و وزارة الشؤون الإجتماعية وشركات ضخمة وذلك لاطلاعهم على السوق ، وتهيئتهم لفرص العمل في المستقبل . أخيرا :- من زار الجامعة و تجول فيها سيري أجمل الجامعات المصرية معماريا و هندسيا , حيث أنشئت الجامعة على مساحة 50 فدان و يحيط بها مساحة كبيرة من المساحات الخضراء , التصميم الداخلي للجامعة يجعل منها ايقونة فريدة في النظام و التصميم . أود أيضا في ختام كلامي أن انبه على أن ليس معنى كلامي ان باقي الجامعات الخاصة ليست متميزة او لا تقدم تعليم جيد , لا لكني اردت أن أوضح نظام جامعة محترمة جدا علميا و ثقافيا و اجتماعيا , و هناك ايضا بعض الجامعات المحترمة الأخرى , لكن ما زلت أرى أن جامعة MSA من أفضل الجامعات الخاصة في مصر بل و أفضل من الكثير من الجامعات الحكومية . و هذا هو رابط الجامعة لمن يريد أن يتعرف عليها جيدا :- http://www.msa.edu.eg |
اقتباس:
عارف ليه؟؟؟ 1_كفاية اني هيا بتدي شهادتين معترف هم عالميا 2_زي ما قلت من ارقى المباني 3_جامعة 6 اكتوبر اللي كانت افضل جامعه خاصة في مصر مبقاش ليها هيبه زي الاول وفي ناس سافرت الخليج مشتغلتش بالشهاده بس الاهم ....انا عندي ليك شوية اسئلة .... 1_هل نسبة كبيرة بتشيل مواد للصيف ولو حد شال ماده مثلا بيدفع فلوس زي 6 اكتوبر 2_بعد التخرج ....هل الجامعة بتساعدك على ايجاد وظيفة ولا اه 3_عدد الايام الدراسية في الاسبوع بالنسبة لكلية الصيدلة وطب الاسنان 4_اه رايك في كلية طب اسنان ...مع العلم اني هيا مش واخده الاعتماد البريطاني ...هل ده معناه اني هيا مش ولا بد 5_وحاجه تانية لو سمحت المعروف اني كلية طب الاسنان 6 سنين والسنه الاخيره امتياز ...هل السنه الاخيره دي هندفع فيها مصاريف برضك 6_انا اسف على الاسئله الكتير بس فعلا انا مهتم بالجامعه دي.....تنسيق كلية الصيدلة وطب الاسنان واخد من كام السنه دي.....وهل ينفع ادخلها لو تنسيقي مش جايبها لو في مكان فاضي في الكلية 7_اسف اسف اسف.....الدراسة من الاخر صعبه وشكرا ليك بجد على الموضوع الرائع:078111rg3::078111rg3: |
اقتباس:
|
اقل واحد في الدفعه 94!!!!!!!!........ده حكومية مش خاصه خالص
بس انا اعرف واحد كان جايب81% وقدم قبل ما التنسيق ينزل ودفع جزء من المصاريف ....ولما التنسيق ظهر امتحن الانجلش ونجح فيه وقبل في الكلية .....وحتى لو كان منجحش كان هيقبل لاني هما خدوا مصاريف واللي كان كان |
اقتباس:
|
اولا حضرتك عامل الموضوع هنا فى القسم ده ليه ؟
ثانيا حضرتك برده عارف ان فى اخر الترم بيتكنسل 3/4 المواد واالطلاب بيقولوا للدكاتره هات الامتحان على مزاجنا؟؟؟؟؟واكتر من كده بكتير وده على مستوى الجامعات الخاصه عامه مش دى بس الكلام ده من دكتور صيدلى هناك فى قلب الجامعه مشكووووووووووووووووووووووووووووووووووووووووووووووو وووور |
اقتباس:
ثانيا :- انا عامل الموضوع ده هنا عشان انا اقصد بيه كلية صيدلة و اعرف الناس انها بتقدم شهادتين معترف بيهم من مصر و بريطانيا ثالثا :- أنا أشك في اللي حضرتك بتقوله لان لو كده يبقاا كل الطلبة تجيب التقدريات اللي تقول عليها , و لو كده بردو الجامعة مش هتكسب لانها بتحاول تعمل سمعة كويسة و تضم ناس كتير و الامتحانات تكون كويسة عشان تضمن تفاوت التقدريات , و الجامعات البريطانية متقدرش تتعامل مع جامعة زي ما حضرتك بتقول كده ممشياها كوسة . |
مععلش هى دى جامعة 6 اكتوبر؟؟؟؟؟ ومصاريفها كام؟؟؟؟؟؟
|
اقتباس:
|
احب اققول ان جامعة 6 اكتوبر شهادتها اقوى بكتير من اكتوبر الحديثة وبيشتغلوا فى الخليج وبيطلبوا للاسم فيار يت مش كل واحد دخل جامعة يعيب فى التانية لمجرد انة عايز يحس ان جامعتة احسن جامعة بص الاتنين حلوين ورائعين انا بكلم كسمعة وشهادة بس لكن بلاش كدة والخلاف فى الراى لا يفسد للود قضية تحياتى
دكتورة نورهان علاج طبيعى جامعة 6 اكتوبر |
اقتباس:
ثانيا :- أنا لم أذكر جامعة 6 أكتوبر بأي سوء , بل لم أذكر أي جامعة خاصة أخرى ,, ثالثا :- أنا بتكلم عن تجربة أنا عشتها لما أخترت جامعة خاصة أدخلها ,, و رصد مميزاتجامعة msa و لم أذكر عيوب الجامعات الأخرى ,, فهذا حق أصيل لي و حق كل شخص أن يقرأ ما كتبته و يهتم به أو يتجاهله ,, رابعا :- من ناحية فرص العمل فأن جامعة msa طبقا لتقارير مركز التعبئة و الأحصاء تأتي في مقدمة الجامعات للتوظيف , أي أولى جامعة بنسبة لنسبة التوظيف ( المصدر موقع الجامعة زو جردية الجمهورة العدد الصادر اليوم و موقع المركز ) ,, خامسا :- جامعة msa جامعة معتمدة من مركز الجامعات البريطانية و تقدم شهادات معتمة من جامعتي جرينيتش و ميدليكسيس و هذا اكبر دليل علة جودة العملية التعليمة و رقيها . سادسا :- انا لم أدخل مناظرة مع حضرتك او أشأ ان اقلل من قيمة جامعة 6 أكتوبر التي لها مكانتها ,, لكنه توضيح هام و وضروري ,, و كما قولتي الأختلاف في الرأي لا يفسد للود قضية ,, |
اكيد بس علفكرة جامعة 6 اكتوبر معتمدة بردوا من جامعات فى امريكا وبريطانيا وكندا وعلفكرة انا مقلتش حاجة على ال msa بردوا فى الاخر المهم يعنى ان نهتم بدراستنا علشان نثبت للناس انا دخلت بفلوسى بس بقيت احسن من الى دخل ببلاش وربنا يكرم ويوفق الجميع ان شاء الله
|
اقتباس:
ربنا يوفق الجميع بأذن الله ,, و لكل مجتهد نصيب ,, و محدش عارف الخير فين ,, بس أهم حاجة زي ما حضرتك قولت لازم نجتهد و نهتم بدراستنا عشان مستقبلنا و تظرة الناس ,, و متشكر تاني مرة على مرروك الكريم ,,,,,, |
العفو يا دكتور هو حصل لبس فى الاول بس والله الجامعتين احلى من بعض بلتوفيق ليك عايزين دكتور صيدلى شاطر بقى
|
اقتباس:
متشكر جدا يا دكتور و أنا متأسف لو حصل أي لبس في الموضوع ,, أن شاء الله مصر تطلع علماء صيادلة مش مجرد صيادلةء بس ,, ربنا يوفق الجميع بأذن الله ,, و أكيد بردو عايزين دكتور علاج طبيعي متمكن و متميز بإذن الله ,,,,,, |
| جميع الأوقات بتوقيت GMT +2. الساعة الآن 11:50 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.