محتار بين حاسبات و معلومات خاصه و تجاره حكومي
 

السلام عليم اخوتي الكرام دا اول موضوع ليا هنا و كلي ثقه اني هلاقي الاجابه الي بدور عليها هنا..... المهم مش عايز اطول عليكم و هدخل فى الموضوع على طول
انا حاليا طالب في كلية تجاره جامعة المنصوره خلصت سنه اوله بس بصراحه انا بكره الكليه دي كره العمي يعني زي ما بيقوله..... فا في صديق ليا عرض عليا اني احول حاسبات و معلومات خاصه في العاشر من رمضان او الشروق و انا بصراحه عندي ميول للكليه دي و بحبها بالفطره بس عمري ما فكرت فيها لان مجموع ما جبهاش حكومي بس دلوقتي الوضع اختلف لاني ممكن ادخلها خاص
.
.
.
.
المشكله
ان في ناس قالولي انت هتسب كليه حكومي و تروح خاص و بتوع الخاص دول مش بيلاقوا شغل و كل الكلام الي كلنا عارفينه دا
و انا خايف احول و اضيع مستقبلي مع اني عارف اني ماليش مستقبل في تجاره لاني مش مهتم بيها و بروح يا دوب علي الامتحانات و بس
.
.
.
انا دلوقتي عايز اعرف رأي حضراتكم ايه في كلية حاسبات و معلومات و هل هي ليها مستقبل كويس و مضمون حتي لو كنت متخرج من خاص و ارجو الكل يشاركني برأيه لاني حاسس اني بضيع فى تجاره بس اعمل ايه النصيب بقي و عايز احول بس قلت اسأل اهل المجال الاول قبل ما اعمل اي حاجه

اولاً انا مش قريت الكلام بتاعك بس قريت العنوان و عشان تقارن للآسف مفيش مقارنه طبعاً حاسبات و معلومات خاص .... هتعمل ايه بالتجاره الحكومى هتدخل زى ما هتخرج ... ابيض يا ورد .... و لما تدخل حاسبات هتلقى مجالات كتير مفتوحه قدامك و الدنيا هتوضح قدامك اكتر

مفيش اختيار اساسا انت لو تفوقت ممكن تشتغل تفوقت ممكن تشتغل فرى لانسر يعنى على النت بدون الذهاب لوظيفة فمتفكرش نهائى وتوكل على الله لحاسبات