|
توقعاتكم للثانوية العامة بعد القرار
يا جماعة أفيدونى
دلوقتى أنا حاليا فى أولى ثانوى طبعا إنتم عارفين دفعتنا أكتر دفعة عاملينها فار تجارب كل سنة يغيروا لنا المناهج و مرة أنفلونزا الخنازير و مرة أحمد زكى بدر و آدى آخر حاجة جايين علينا إحنا و عايزين يغيروا النظام طب دلوقتى فى ناس بتقول إننا هناخد نفس مناهج 2 و 3 القدام عادى و هنتقسم قبل 2 علمى و أدبى عادى بس الفرق بس إن 2 هتبقى سنة عادية و من غير مجموع يعنى زى أولى كده و تالتة هناخد فيها نفس إللى بياخدوا لحاد دلوقتى يعنى الـ5 مواد بتوع أدبى\علمى و فى ناس بتقول لأ ده تانية منهج جديد خالص و حاجات جديدة خالص و تالتة هيتكربس فيها كل المواد إللى كانوا بياخدوها فى تانية و تالتة مع بعض!!! أنا عايزة أعرف هيعملوا فينا إيه ؟؟ و لو أنا هدخل أدبى، هل فى تالتة هاخد math 1 إللى المفروض كنت آخده فى تانية ؟؟ حسبى الله و نعم الوكيل فى إللى بجرة قلم بيضيعوا مستقبلنا |
اقتباس:
الثانوية العامة عام واحد أحلى نظام ومريح جدا للطالب والمعلم وولى الأمر وللوزارة وللدولة لاتقلق فهذا من حسن حظك ياريتهم يلغو نظام امتحانات الترم كمان ونرجع زى زمان امتحان واحد شامل فى نهاية العام بدل وجع الدماغ اللى بيتعمل كل ترم ده |
اه نظام السنة الواحدة احلى
اختى دخلت طب منه واخوى واختى التانية دخلوا صيدلة منه وانا شكلى هدخل معهد كمبيوتر ههههههههه احنا فران التجارب بتاعهتم خدنا 6 وغيروا المناهج فى الاعدادى ونزلوا علينا التقويم الشامل وهيرجعوا لنا النظام القديم المهم الوقتى انا هدخل ادبى وعايزة اعرف هاخد ايه فى تانية الترم الاول والترم الثانى وهاخد ايه فى تالتة بيقولوا هناخد نصف الكتب فى تانية ونصفها فى تالتة مش فاهمة حاجة |
ربنا يسهل واللى فيه الخير يقدمه ربنا
|
السلام عليكم ورحمه الله
انا عاوزكم تطمنوا يستحيل القرار ده يتم تطبيقه على طلبه اولى ثانوى لانه لسه محتاج دراسه كتير وتغيير فى المناهج وده مش هيتم فى ظل الظروف اللى مصر دخله عليها لانه هيتم تغيير الوزاره بالكامل واكيد اراء الوزراء ستختلف واحنا معاهم لما نشوف ههههههههه ارائهم هتودينا على فين |
والله عندكم حق احنا فئران تجارب اى حاجة يجربوها علينا غيروا المناهج فى الاعدادى وطبقوا التقوم الشامل وعملوا ملف انجاز ودة اوحش حاجة ساوى المتفوق بالمتوسط والضعيف عملوا دة كل وقلنا مش مهم رجعوا المنهج القديم وشالوا التقويم الشامل السنة دى من اولى ثانوى قلنا بردة مش مهم اللى يعملوه انا كنت معارضة الاول ان احنا نبقى سنة واحدة بس هم قالوا المناهج زى مهيه مع شوية تعديلات بسيطة(ياخوفى من التعديلات دى)يعنى هيقسموا المنهج على سنتين وارخم حاجة ان احنا هندرس فرنساوى فى تالتة كمان واحسن واجمل حاجة ان احنا هندرس فيزياء السنة الجاية بردة ولوعملوها علمى وادبى بس يبقى بتوع العلمى هيدرسوا رياضة 2 وانا بصراحة كنت ناوية اخش علمى علوم ( مش الصراحة اوى دة قهر من الجماعة اللى عندنا فى البيت )اصلى بحب الرياضيات والحمد لله ربنا حققلى امنيتى عشان محدش يزعل هههههه:p;):d |
يا جماعة حرام والله النظام الجديد ده لو اطبق هيضيعنا ومش هننفع تاني اقرؤو المقال ده
http://www.akhbaraltaalim.com/%D8%AA...B9%D8%A7%D9%85 |
| جميع الأوقات بتوقيت GMT +2. الساعة الآن 05:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.