[attachmentid=2656][attachmentid=2651][attachmentid=2652][attachmentid=2653][attachmentid=2654][attachmentid=2655][attachmentid=2657][attachmentid=2658]السلام عليكم ورحمة الله
انا كتبت اسم الموضوع كدة علشان كلنا عندنا امهات عزاز علينا او قرايبنا لذلك الشباب قبل البنات ممكن ينبهوا السيدات اللي يهموهم الي خطورة الموضوع
الموضوع هو سرطان الثدي
انتشر في الفترة الاخيرة وبقي من اكثر الامراض المؤدية الي الوفاة
اولا : اسبابة
1-واحدة لم تتزوج او تزوجت ولم تنجب او انجبت ولم ترضع
2- اللي بيجيلهم الدورة في سن بدري قوي
3-اللي سبق ليهم وجالهم سرطان الرحم او في ثدي اخر
4- الفصيلة الزنجية
5- عوامل جينية ووراثية
ودي العوامل الخطيرة واللتي ترجح السبب risk factors
ثانيا :كيفية اكتشافة
علي كل سيدة كل شهر علي الاقل ان تعمل كشف دوري بنفسها علي الثدي اثناء الاستحمام مثلا
واذا حست باي (كلكيعة) ايوة باكد كلكيعة لازم تروح للطبيب فورا
الكلكيعة دي فين بالضبط في الثدي او تحت الابط (الغدد المفاوية)
او فية اختلافات في الحلمة او سائل غير طبيعي ينزل من الحلمة
ثالثا: علاجة
بقي سهل جدا يا جماعة واحب اطمنكم انة نسبة الحالات اللتي علي قيد الحياة بعد العلاج الحمد لله ارتفعت
فية علاج جراحي او كيماوي
لذلك ارجو الاهتمام لانة كلما اكتشفناة بدري كلما كان علاجة اسهل
وشفاكم الله وعافاكم
صحيح نسيت اقولكم السن اي سيدة فوق50 ياريت تهتم برحمها وثديها في اي تغيرات تلجا للطبيب
اللي يحب منكم اوريلة صور لسرطان الثدي ياريت يقولي علشان ابعتهالة في رسالة خاصة لو حب
علشان ماحدش يفهم غلط اويلومني

جزاك الله خيرا علي المعلومات دي...

وموضوع مهم فعلا...

شكرا يا فلاورز علي تعقيبك
ماقولتليش فية فرق بين العلاج الطبيعي والطب البديل؟
زي الابر الصينية وطب شرق اسيا؟

عايزة تستفسري عن اية بالضبط اسالي وانا اجاوب اية اللي مش واضح
الاختبار يا سيدتي انها باديها تحس ثديها بين يديها لو حست بكلكيعة غربية مكانتش موجودة يبقي تتوجة للطبيب
واظن اي حد فينا لو طلعتلة كولكيعة ماتستغربيش هي ترجمتها كدة بالعربي اكيد هايحس بيها
بس فية ناس بتطنش لحد مالسرطان ينتشر في جزء اكبر انتشار النار في الهشيم
ومانعرفش نعالجة

موضوع السرطان ده انتشر فى الفترة الاخيرة جدا* انا شيفه انه مفيش حياء فى اننا نعرف الحاجات ده * شكرا يا دك ** اياك تزعل **بنهزر معاك

انا بشكرك يا نرجس
ومش بزعل من الهزار لو من اصحاب واخوات لذاذ زيكم
وفعلا مافيش حياء في الطب او المعرفة
ولو حد مكسوف يسال حاجة علي المنتدي
اسمحولي دة ايميلي
drmido777@yahoo.com
ومحدش يفهمني غلط في اني كتبت الايميل والله يهمني مصلحكم اللي عايز يبعت رسايل عالخاص هارحب بية بردة
وشكرا

فعلا مافيش حياء في الطب والعلم عموما او الدين....

لان ده علم..

لازم يتعرف......

دة مش مجرد علم يا فلاورز
دي حياتنا وحياة امهاتنا او اي سيدة تهمنا
ودة للسيدات اللي مش بيحبوا الرضاعة الطبيعية
يا جماعة ماحدش يخاف علي جسمة لحسن يطخن او يقول انه حاجة مش للبني ادم انها ترضع
الرضاعة تحمي من سرطان الثدي

بس فيه نساء ارضعوا اطفالهم رضاعه طبيعيه وجالهم المرض...

انا سمعت الموضوع ده...

لاحظي يا دكتورة انه مش السبب الوحيد
لكنة سبب من الاسباب بس سبب قوي شوية

يا جماعة انا عندي صور خاصة مكملة للموضوع بس للاسف مااقدرش انزلها
لاني ماعرفش كلكم عايزين تشوفوها ولا لاة
اللي عايز مايتحرجش سواء صبيان او بنات يبعتلي علي الخاص او عالايميل

ممكن يا دوك تبعتلى الصور ده على الخاص وشكرا *يا دوك

يا جماعة انا ارفقت الصور بالموضوع
ياريت تفيدكم وباكد لا حرج في العلم

يا جماعة فية كمان صور للاختبارات اللي السيدة لازم تعملها

الصور فعلا مهمه وبتكمل الموضوع

وياريت تكمل باقي صور الاختبارات...

شكرا على الموضوع د. احمد