يوم فى حياتى ....
 

طبعااا موافقين
فكرة جميلة ي بشمهندس
في الانتظار

فكرة جميلة وفظيعة ياخالد
ابدأ بقا يلاااااااااااااااااااا

ممكن اقترح اقتراح
ايه رئيكو انى الباشمندس يكلمنا عن يوم ظهور النتيجه ويوم معرف انه داخل هندسه

طيب م أنا ححط ده يوم من ضمن الأيام إللى حنزلها هنا معاكم ف التوبيك

اوكى يا باش مهندس منتظرين حضرتك

اليوم الأول
ف يوم كانت المدرسه عامله رحله لفانتازيا لاند
المهم طلعت لأنى كان معايا صحابى إللى بحبهم وركبنا الباص وطبعا طول الطريق "روحنا وجينا بالسلامه ، سواقنا أجدع سواق ، ........... " المهم روحنا المكان وطبعا كنا ناويين نقطع نفسنا لعب وتنطيط ، الكلام ده كان ف 2 إعدادى ، وطبعا معانا مشرفين زى قلتهم هما ف وادى وإحنا ف وادى المهم إتجمعنا كلنا وقولنا حنركب الألعاب كلها وبدأنا بالقطر ولعبه الفناجين والحاجات اللطيفه دى ، وهبا دخلنا ع المركب يا سااااااااتر عليها لعبه، بدأت تشتغل وإحنا عمالين نغنى ومبسوطين أوى بقى ، بدأت تسرع ، كلنا بطلنا غنى ، وبدأ كل واحد يمسك ف إللى جنبه ، وهبا الناس تسوط ، وناس من جنبى ترجع ، وناس تقول "نزلنا الله يخربيتك " وأنا طبعا معاهم وكنا خايفين جدا ، السرعه زادت بدأت أسمع ناس بتتشاهد ، وأنا طبعا معاهم ، المهم شويه شويه اللعبه بطأت ونزلنا بعدها من المركب بعد م بقت بحر من كتر إللى عملناه وصاحب اللعبه خد إللى فيه النصيب من الضرب والدعا ، رحنا ع لعبه مش فاكر إسمها الصراحه المهم بيحط علينا كده زى حاجز وبتلف ف الهوا ، المهم ركبناها وبدأت تطلع وطبعا كلنا بنقول هيه هيه وفجأه لقينا شقلبظات ف اللعبه ، أتارى دى من أصول اللعبه ولقينا نفسنا الراس تحت والرجل فوق ، وفجأه اللعبه وقفت وإحنا فى الهوا ، ي ساتر ع ده شعور مميت ، أتارى برده ده من أصول اللعبه ، وفجأه لقينا نفسنا بننزل بسرعه من الهوا ، أيوووووووه شعور غريب جدا ، المهم نزلنا وقمنا بالواجب مع صاحب اللعبه برده
بس كان يوم جميل جدا جدا ولن أنساه عشان كان معايا ناس بحبهم وقضينا وقت ممتع جدا جدا
وإلى اللقاء ف يوم قادم ، إنتظرونا ....