يا جماعة ورقة اجابة ضاعت فى امتحان الاعدادية ..الموضوع هام رجاء الاجابة
 

حدث اليوم ان ضاعت ورقة اجابة فى امتحان الشهادة الاعدادية وعند المساءلة اقر اعضاء اللجنة بتسليم الاوراق كاملة العدد لمراقب الدور واقر رئيس اللجنة والمساعد الثقافى بتسليم الاوراق كاملة العدد دون نقصان الى الكنترول العام.....ولكن الكنترول العام قال ان هناك ورقة اجابة ناقصة فمن المسئول عن ضياع هذه الورقة ؟؟؟

تقريبا هناك خطا ما . والعبرة بالمستندات . فالملاحظ بيسلم الورق لمراقب الدور وبيمضيه وهو بيسلم لرئيس اللجنة او مساعده وبيمضيه . فلو الكل وقع ووصل المظروف ناقص ورقة تبقى مسئولية رئيس اللجنة او المسئول عن اغلاق المظروف قبل ارساله لكنترول الشهادة لان الكنترول بيستلم الظرف مغلق ومشمع ويتم تشكيل لجنة لفض المظاريف . ولو ضاعت منهم ورقة هايقلبوا الكنترول راسا على عقب لحد ما يلاقوها او لو ملقوهاش هايعرفوا يتصرفوا فى سرية تامة . اذن والله اعلم ستقع المسئولية على رئيس اللجنة . وربما تكون سقطت منه عند وضع الورق فى المظروف ولو فتش قليلا فى المكتب او الحجرة لوجدها . وربنا يستر . لان الجزاء على ضياع الورقة الواحدة خراب بيوت

ربنا يبارك فيك استاذ حسام .....سؤال بسيط بس ممكن أعرف من حضرتك ايه هو الجزاء الموقع على ضياع ورقة الاجابة ؟؟؟

هو لما الوزقة تضيع منك أهم حاجه ما حدش يعرف
وأنت ماشاء الله لم تكتف ونشرت على النت

لسبب بسيط ان قطاع المعاهد علم بالامر وتم استبعاد رئيس اللجنة والمساعدين فالموضوع ميعتبرش سر ...لكن السؤال هو : ما الجزاء المتوقع على رئيس اللجنة والمساعدين ؟

مش مهم الجزاء
عشرة أيام
أو 15 يوم
المهم هي الفلوس اللي هتتخصم منهم .... كتير وربنا يستر
الأهم هو المنع من أعمال الامتحانات لمدة
الحرمان من الترقيات لمدة وبعدها التأثير
الناس دي هتتبهدل للأسف إلا إذا نجاهم الله
التحقيق إما يكون في المشيخة أو في المنطقة
لو التحقيق هيكون في المنطقة .... هم وحظهم
المهم ضرورة التظلم

والله يا أستاذنا لو على الجزاءات اللى حضرتك ذكرتها فالأمر هين ...لأننى سمعت بأن الأمر ممكن يتحول للنيابة الادارية وساعتها الأمر حيبقى أخطر ...فمتعرفش حضرتك ممكن الموضوع فعلا يتحول للنيابة الادارية ولا لأ ؟؟

العقوبات شهر جزاء على الاقل ، حرمان من اعمال الامتحانات لمدة خمس سنوات على الاقل ، نزول التقرير السنوى وبالتالى الحرمان من الكادر لمدة لا تقل عن سنتين . ويجوز لجهات التحقيق تحويل الواقعة للنيابة الادارية . والطالب الذى ضاعت ورقته من حقه يرفع قضية ويطالب بتعويضات . هى سودة سودة وربنا يستر عليهم وعلينا

كل شيء ممكن يتلم أو يتسوى
مفيش ورقة بتضيع في مكان مغلق وهو الكنترول
لابد يكون فيه مكيدة كبيرة أو إهمال جسييم
وللأسف المسئولية تضامنية
غلطة واحد بيشيلها الكل
الطالب هياخد حقه
يحاولوا يلملموا الأمر
وحكاية النيابة أظنه مستبعد لأن مفيش مخالفة مالية
ومعظم الأمر ليس فيه سوء نية ولكنه إهمال في العمل وخلاص
النيابة متخوفش لأن فيها ناس محترمة وممكن تقدر الأمور بقدرها ولا تبالغ في الاتهام

لو سمحتم انا كنت منتدب للجنة 3 اعدادي وغبت يومين لظروف مرضية ومعاي ورق من المستشفي بس خاص مش عام لو حد يعرف الجزاء هيبقي اد ايه خاصة ان مدير المنطقة حضر في يوم منهم وكتب مذكرة بالواقعة

الأجازة من التامين أو معتمدة منه فقط

أعتقد ممكن يتحسب عارضة عادى

الحمد لله الحمد لله لقوا ورقة الاجابة

الحمد لله انهم لقوا الورقة ولكن هذا لن يعفى من المسئولية ولكن يخفف الجزاءات . وانا قلت فى الاول لو دوروا كويس هايلاقوها